သြဂုတ် ၁၉၊ ၂၀၂၂
M-Media
-နိုင်ငံအတွင်းက အဓိကရေချိုမြစ် တိုက်ဘေးရီးယက်စ်မှာ ရေခန်းမှုပြဿနာကို ဖြေရှင်းဖို့အတွက် အစ္စရေးဟာ မြေထဲပင်လယ်ထဲကရေတွေကို စုပ်ပြီး ဖြည့်တင်းဖို့ စီစဥ်နေပါတယ်။
ဂယ်လီလီပင်လယ်လို့လည်းခေါ်တဲ့ တိုက်ဘေးရီးယက်စ်မြစ်ဟာ အစ္စရေးမြောက်ပိုင်းမှာ ရှိပြီး စိုက်ပျိုးရေးအတွက်သာမက၊ ဗိသုကာပိုင်းဆိုင်ရာ၊ ကမ္ဘာလှည့်ခရီးသွားလုပ်ငန်းဆိုင်ရာမှာပါ အဓိကကျတဲ့မြစ် ဖြစ်ပါတယ်။
ဘာသာရေးအရလည်း အရေးပါပြီး ယေရှုခရစ်တော်ရဲ့ တန်ခိုးအများပြားဟာ ဒီမြစ်မှာ ပြသခဲ့တာလို့ ခရစ်ယာန်ဘာသာ၀င်တွေက ယုံကြည်ကြပါတယ်။
ကမ္ဘာကြီးပူနွေးလာမှုရဲ့ နောက်ဆက်တွဲကြောင့် အရှေ့အလယ်ပိုင်းက ရေအရင်းအမြစ်တွေ လျော့ပါးလာပြီး တိုက်ဘေးရီးယက်စ်မြစ်ရေဟာလည်း သမိုင်းတစ်လျှောက် အနိမ့်ဆုံးကို ရောက်ရှိနေပါတယ်။
ဒီပြဿနာကို ဖြေရှင်းဖို့အတွက် အစ္စရေးဟာ မြေထဲပင်လယ်ထဲက ရေတွေကို စုပ်ယူကာ ဆားထုတ် ရေချိုအဖြစ်ပြောင်းပြီး တိုက်ဘေးရီးယက်စ်မြစ်ထဲကို စီး၀င်တဲ့ ဆဲလ်မွန်ချောင်းထဲ ထည့်ပေးမှာပါ။
အစ္စရေးဟာ ပင်လယ်ရေကို ရေချိုအဖြစ်ပြောင်းတဲ့ နည်းပညာနဲ့ ပတ်သက်ရင် ကမ္ဘာ့ထိပ်တန်းဖြစ်ပါတယ်။ အစ္စရေးတစ်၀ှမ်း အသုံးပြုနေတဲ့ သောက်သုံးရေ အားလုံးနီးပါးကို ဒီနည်းပညာနဲ့ သန့်စင် ဖြန့်ဖြူးပေးထားတာ ဖြစ်ပါတယ်။
အခုစီမံကိန်းဟာ ကန်ဒေါ်လာ ၂၆၄ သန်း ကုန်ကျပြီး ရေစုပ်စက်က လာမယ့်လ အနည်းငယ်အတွင်း စတင်လည်ပတ်နိုင်မှာ ဖြစ်ပါတယ်။ ရေစုပ်စက်ကို အမြဲတမ်း လည်ပတ်မှာမဟုတ်ဘဲ ရေလိုအပ်မှာသာ လည်ပတ်မယ်လို့ ဆိုပါတယ်။
ဒီစီမံကိန်းကြောင့် စိုက်ပျိုးရေးမှာလုပ်ငန်းမှာ ပိုမိုအကျိုးခံစားရမှာဖြစ်ပြီး အိမ်နီးချင်းဂျော်ဒန်နိုင်ငံနဲ့လည်း ဆက်ဆံရေး ပိုကောင်းလာမယ်လို့ အစ္စရေးတာ၀န်ရှိသူတွေက ပြောပါတယ်။
ဂျော်ဒန်ဟာ အစ္စရေးဆီက ရေ၀ယ်သုံးနေရတာ ဖြစ်ပါတယ်။
Ref: CNN
