စက်တင်ဘာ ၁၇၊ ၂၀၁၆
M-Media
– အစ္စရေးတွင် နျူကလီးယားလက်နက်ပေါင်း ၂၀၀ ရှိနေပြီး အားလုံးကို အီရန်နိုင်ငံသို့ ချိန်ထားသည်ဟု အမေရိကန်နိုင်ငံခြားရေးဝန်ကြီးဟောင်း ကောလင်း ပါဝဲလ်၏ အီးမေးလ်ပေါက်ကြားမှုမှ ပေါ်ထွက်လာခဲ့သည်။
ပါဝဲလ်မှာ အဆိုပါ အီးမေးလ်ကို ပြီးခဲ့သည့်နှစ်က ဒီမိုကရက်တစ်ပါတီအတွက် အလှုငွေ ပုံမှန်ထောက်ပံ့နေသည့် ၎င်း၏ မိတ်ဆွေ ဂျက်ဖရီ လိဒ်စ်ထံသို့ ပေးပို့ခဲ့ခြင်းဖြစ်ပြီး ဟက်ကာအုပ်စုဖြစ်သော DCLeaks က ရရှိခဲ့ကာ နိုင်ငံခြားရေး ကိစ္စများကို ပုံမှန်လွှင့်တင်နေသော Lobelog ဘလော့တွင် ဖော်ပြခဲ့သည်။
အစ္စရေးမှာ ၎င်း၏ နျူကိစ္စနှင့်ပတ်သက်၍ သံသယပေါ်လစီကို ကျင့်သုံးပြီး မည်သည့်အမျိုးအစား၊ အရေအတွက် မည်မျှရှိသည်ဆိုသည်ကို မည်သည့်အခါကမျှ ထုတ်ဖော်မပြောခဲ့ချေ။ သို့သော်လည်း အမေရိကန်၏ ထောက်ပံ့မှုအပြည့်အ၀ဖြင့် အစ္စရေးတွင် နျူလက်နက်ရှိသည်ဆိုသည့်ကိစ္စမှာ လူတိုင်းသိသော လျှို့ဝှက်ချက်ဖြစ်နေသည်။
အစ္စရေးအရေး စောင့်ကြည့်သူများကမူ နျူလက်နက် ၄၀၀ ခန့်ရှိမည်ဟု ခန့်မှန်းထားသည်။ အစ္စရေးဝန်ကြီးချုပ် နေတန်ယာဟု အမေရိကန်ကွန်ဂရက်တွင် ပြောကြားခဲ့သော မိန့်ခွန်းနှင့်ပတ်သက်၍ ရေးသားသည့် ပါဝဲလ်၏ ထိုစာတွင် အစ္စရေး၏ နျူလက်နက်အကြောင်း ဖော်ပြထားသည်။
အီရန်အနေဖြင့် နျူလုပ်ငန်းစဉ်ကို ကန့်သတ်ရန်နှင့် အပြန်အလှန်အားဖြင့် နိုင်ငံတကာ၏ ပိတ်ဆို့မှုများကို ဖယ်ရှားရေး အစီအစဉ်ကို နေတန်ယာဟုက ကွန်ဂရက်တွင် သတိပေးပြောကြားခဲ့ခြင်းဖြစ်သည်။ သို့သော်လည်း ထိုသဘောတူညီချက်ကို ပြီးခဲ့သည့် နွေရာသီတွင် အပြီးသတ်နိုင်ခဲ့သည်။
“ညှိနှိုင်းသူတွေက သူတို့လိုချင်တာမျိုး မရတတ်ဘူးဗျ။ ဘာပဲဖြစ်ဖြစ် အီရန်တွေကတော့ နောက်ဆုံးမှာ (နျူကလီးယားလက်နက်) ဖန်တီးနိုင်ရင်တောင်မှ အဲဒီတစ်လုံးလောက်ကို သုံးလို့ရမှာမဟုတ်ဘူး။ အစ္စရေးမှာ နျူလက်နက် ၂၀၀ ရှိနေပြီး အားလုံး တီဟီရန်ကိုချိန်ထားတယ်ဆိုတာ အီရန်က ကောင်းကောင်းသိတယ်ဗျ။ ကျွန်တော်တို့မှာလည်း ထောင်နဲ့ချီ ရှိပါတယ်။ “တစ်လုံးတည်းနဲ့ ဘာလုပ်ရမှာလဲ။ သနေရမှာလား” လို့ အမာဒီနီဂျဒ် (အီရန်သမ္မတဟောင်း) ပြောသလိုပါပဲ။ မြောက်ကို ရီးယားနဲ့ အီရန်အကြောင်းကို ကျွန်တော် လူသိရှင်ကြား ပြောဖူးပါတယ်။ သူတို့ဂရုစိုက်နေတဲ့ အာဏာရှင်စနစ် တာရှည်ရေးကို ကျွန်တော်တို့ ဖြိုမှာပါ။ နျူလက်နက်ကို ဘယ်နေရာမှာ ဘယ်လိုပုံစံမျိုးမှ သူတို့ စမ်းလို့ရလိမ့်မလဲ” ဟု ပါဝဲလ်က အီးမေးလ်တွင် ရးသားခဲ့သည်။
အမေရိကန်နှင့် အီရန်တို့၏ သဘောတူညီချက်အရ အီရန်မှာ လောင်စာဗုံးများတွင် အသုံးပြုနိုင်သည့် မပြည့်ဝယူရေနီယံအရေအတွက်ကို ၉၈ ရာခိုင်နှုန်းအထိ လျှာ့ချရမည်ဖြစ်ပြီး ပြည့်ဝယူရေနီယံကိုလည်း နောက်ထပ် ၂၅ နှစ်အတွင်း သုတေသနနှင့် ဖွံ့ဖြိုးရေးလုပ်ငန်းများအတွက်သာ သုံးစွဲရန် ကန့်သတ်ရမည်ဖြစ်သည်။
ပါဝဲလ်မှာ ထိုသဘောတူညီချက်ကို သဘောတူညီကြောင်း လူသိရှင်ကြား ပြောကြားခဲ့သော်လည်း အဆိုပါအီးမေးလ်တွင်မူ အီရန်အနေဖြင့် နျူလက်နက် ထုတ်လုပ်လိုပါက ပိတ်ဆို့မှုများကလည်း မတားဆီးနိုင်ဟု ၀န်ခံခဲ့သည်။
“စွမ်းအင်အတွက် ယူရေနီယံသန့်စင်ဖို့ သူတို့မှာ အခွင့်အရေး အပြည့်အ၀ရှိတယ်လို့ အီရန်တွေပြောတာ မှန်တယ်ဗျ။ ရုရှားက Busher မှာ နျူဓာတ်ပေါင်းဖိုဆောက်ဖို့ ကူညီခဲ့တယ်။ သူတို့ ဒီလိုဆောင်ရွက်မှုကို ဖျက်ပျက်ဖို့ ပိတ်ဆို့မှုတွေက မလုံလောက်ခဲ့ဘူး။ ဘီဘီ (နေတန်ယာဟု) က ကျွန်တော်တို့ ထောက်လှမ်းရေးတွေ လေသံပစ်သလိုပဲ ‘အီရန် နျူလက်နက်ထုတ်နိုင်ဖို့ ၁ နှစ်ပဲလိုတော့တယ်’ လို့ ပြောတယ်။ သူက နှစ်တိုင်း အဲလိုပဲ ပြောနေတာ။ တကယ်တော့ အဲဒီလောက် မလွယ်ဘူးဗျ”
ထိုအီးမေးလ်တွင် ဒေါ်နယ်ထရမ့်ကို ‘တိုင်းပြည်အား အရှက်ရစေသူ၊ နိုင်ငံတကာက ၀ိုင်းပယ်ခံရသူ’ အဖြစ် ပါဝဲလ်က သမုတ်ခဲ့ပြီး ဟီလာရီကလင်တန်ကိုမူ ‘လောဘကြီးသူ၊ သဟဇာတမဖြစ်သူ’ အဖြစ် ပြောကြားခဲ့သည်။
Ref: Independent
