M-Media
ဂါဇာတွင် ပိုလီယိုကာကွယ်ဆေးစီမံကိန်း ပြန်စ
—————–
အစ္စရေးရဲ့ အကြမ်းဖက်သတ်ဖြတ်မှုကို ၁၁ လကြာ ခံနေရတဲ့ ဂါဇာကမ်းမြှောင်မှာ စက်တင်ဘာ ၁ ရက်နေ့က စတင်ပြီး ပိုလီယိုကာကွယ်ဆေးထိုးနှံမှုတွေ လုပ်ဆောင်နေပါတယ်။ တိုက်ခိုက်မှုကြောင့် ကျန်းမာရေးစနစ် ချို့ယွင်းပြီး ပိုလီယိုရောဂါ ပြန်လည်ဖြစ်ပွားလာတာကြောင့် ကုလသမဂ္ဂ၊ အာရပ်နိုင်ငံတွေနဲ့ အကူအညီပေးရေးအဖွဲ့တွေ ပူးပေါင်းပြီး ကာကွယ်ဆေးစီမံကိန်းကို ပြန်လည်လုပ်ဆောင်လာတာ ဖြစ်ပါတယ်။
အထောက်အထားမဲ့များအတွက် ၂ လတာ ကင်းလွတ်ခွင့်ပေးထားတဲ့ ယူအေအီး
————-
အထောက်အထားမဲ့ နိုင်ငံခြားသားတွေကို အထောက်အထားပြန်လုပ်ဖို့၊ ဒါမှမဟုတ် တိုင်းပြည်က ထွက်ခွာချင်ရင် ထွက်ခွာဖို့ အာရပ်စော်ဘွားများပြည်ထောင်စု (ယူအေအီးက) ကင်းလွတ်ခွင့် ၂ လတာ သတ်မှတ်ပေးလိုက်ပါတယ်။ စက်တင်တာ ၁ ရက်ကနေ အောက်တိုဘာလကုန်အထိ ကြာမြင့်မှာဖြစ်ပြီး ရက်ပေါင်း ၆၀ အတွင်း ယူအေအီး လူ၀င်မှုကြီးကြပ်ရေးဌာနနဲ့ သက်ဆိုင်ရာသံရုံးတွေကို ဆက်သွယ်ကာ အထောက်အထားတွေ ပြုလုပ်နိုင်မှာ ဖြစ်ပါတယ်။ ယူအေအီးမှာ အိန္ဒိယ၊ ပါကစ္စတန်နဲ့ ဖိလစ်ပိုင်နိုင်ငံက နိုင်ငံခြားသားတွေ အများဆုံး ရှိနေပါတယ်။
စွမ်းအင်လုပ်ငန်းအတွက် အမေရိကန်ကို အီရတ် စွဲဆောင်မည်
————
ရေနံ၀န်ကြီးရဲ့ မကြာခင်သွားမယ့် အမေရိကန်ခရီးစဥ်မှာ ဓာတ်ငွေ့လုပ်ကွက် အနည်းဆုံး ၁၀ ခုလောက်ကို ကန်ရင်းနှီးမြှုပ်နှံသူတွေကိုပေးဖို့ အီရတ်က စီစဥ်ထားပါတယ်။ အီရတ်ဟာ အခုနှစ်အကုန်မှာ စွမ်းအင်ကဏ္ဍ ရင်းနှီးမြှုပ်နှံမှု ပိုမိုများပြားလာအောင်လုပ်ဖို့ စီစဥ်နေပြီး ပြီးခဲ့တဲ့ လိုင်စင်ဖွင့်လှစ်မှုတွေမှာ တရုတ်ကုမ္ပဏီတွေက အများဆုံး ရရှိခဲ့ပါတယ်။ ဓာတ်ငွေ့မှာ အီရန်ကိုမှီခိုနေရတဲ့ အီရတ်ဟာ ဓာတ်ငွေ့ထုတ်လုပ်ရေးလုပ်ငန်းကို ပိုမို တိုးတက်အောင် စီစဥ်နေပါတယ်။
Ref: Arab News, Khaleej Times
