ဇူလိုင် ၃၀၊ ၂၀၁၆
M-Media
– ကမ္ဘာကြီးတွင် အကြမ်းဖက်မှုနှင့် စစ်ပွဲများ ဖြစ်ပွားနေသော်လည်း ၎င်းတို့မှာ ဘာသာတရားများအကြား ဖြစ်ပွားနေသည့် စစ်ပွဲများမဟုတ်ဘဲ လောဘ၊ ဒေါသ၊ မောဟများကြောင့် ဖြစ်ပွားနေသည့် စစ်ပွဲများဖြစ်ကြောင်း ဘာသာတရားများမှာ စစ်ပွဲကို မလိုချင်ကြောင်း ပုပ်ရဟန်းမင်းကြီး ဖရန်စစ်က ပြောကြားလိုက်သည်။
၅ ရက်ကြာခရီးစဉ်အဖြစ် ပိုလန်နိုင်ငံသို့ မထွက်ခွာခင် ဗုဒ္ဓဟူးနေ့က ပြောကြားလိုက်ခြင်းဖြစ်ပြီး ယခုတစ်ပတ်အတွင်း ပြင်သစ်နိုင်ငံ နော်မန်ဒီဒေသရှိ ခရစ်ယာန်ဘုရားကျောင်းတစ်ခုတွင် ဖြစ်ပွားခဲ့ပြီး အသက် ၈၀ ကျော် ခရစ်ယာန်ဘုန်းတော်ကြီးတစ်ပါး သေဆုံးခဲ့သည့် အကြမ်းဖက်တိုက်ခိုက်မှုအတွက် ၀န်းနည်းမိသည်ဟု ဖရန်စစ်က ဆိုသည်။
“ဒီတိုက်ခိုက်မှုဟာ စစ်ပွဲတစ်ခုပါ။ ဒါမျိုးပြောဖို့ ကျွန်တော်တို့ ကြောက်နေစရာ မလိုပါဘူး” ဟု ပုပ်ရဟန်းမင်းကြီးက ရောမမှ မထွက်ခွာခင် သတင်းထောက်များအား ပြောကြားခဲ့သည်။
ထို့ပြင် ၎င်းဆိုလိုသည့် စစ်ပွဲ၏အဓိပ္ပါယ်ကို နားလည်မှုမလွဲရန်လည်း ထပ်မံရှင်းပြခဲ့သည်။
“ဒီစကားလုံးကို ကျွန်တော် ရှင်းပြချင်ပါတယ်။ ကျွန်တော် ‘စစ်ပွဲ’ ဆိုတဲ့စကားလုံးကိုသုံးတဲ့အခါ တကယ့်စစ်ပွဲအကြောင်းကိုရည်ညွှန်းတာပါ။ အကျိုးစီးပွားအတွက်၊ ငွေအတွက်၊ အရင်းအမြစ်တွေအတွက်၊ လူတွေအပေါ်မှာ စိုးမိုးနိုင်ဖို့အတွက် တိုက်နေကြတဲ့ စစ်ပွဲတွေပေါ့ဗျာ။ ဒါတွေဟာ ဘာသာတွေအကြား ဖြစ်ပွားတဲ့ စစ်ပွဲတွေ မဟုတ်ပါဘူး။ ဘာသာတရားတွေကလည်း စစ်ပွဲတွေကို မလိုချင်ပါဘူး။ လူတွေကသာ စစ်ပွဲတွေကို လိုချင်ကြတာပါ”
ထို့ပြင် စစ်ပွဲ၊ ငတ်မွတ်ခေါင်းပါးမှု၊ ဘာသာရေးဖိနှိပ်ချုပ်ချယ်မှုတို့ကြောင့် အိုးအိမ်စွန့်ခွာထွက်ပြေးလာရသည့် ဒုက္ခသည်များကို ကြိုဆိုရန်၊ ထိုကိစ္စအတွက် သတ္တိရှိကြရန် မေတ္တတရား ထားရှိကြရန်လည်း ပုပ်ရဟန်းမင်းကြီး တိုက်တွန်းခဲ့သည်။
ကွန်ဆာဗေးတစ်အစိုးရဖြစ်သော ပိုလန်အစိုးရမှာ ဒုက္ခသည်များကို ၀င်ခွင့်ပိတ်ပင်ထားပြီး ပိုလန်သမ္မတ၊ သံတမန်များ၊ အခြားသော တာဝန်ရှိသူများနှင့် တွေ့ဆုံသည့်အခါတွင်လည်း ပုပ်ရဟန်းမင်းကြီးက ဥရောပက လိုအပ်နေသည့် အရာတစ်ခုမှာ ဒုက္ခသည်များအား ကြိုဆိုလိုသည့်၊ ၎င်းတို့နှင့်အတူ ရပ်တည်ပေးလိုသည့် စိတ်ဓာတ်ဖြစ်သည်ဟု ပြောကြားခဲ့သည်။
Ref: Yahoo
