Blog

ဇူလိုင် ၂၂၊ ၂၀၁၆
M-Media

– ပြည်တွင်းငါးဖမ်းလုပ်ငန်းတွင် ကျွန်ပြုခံရသည့် လုပ်သားများက ကျန်ရှိသည့် ကျွန်ပြုခံရသူများကို ကယ်တင်ရေး ဆောင်ရွက်ပေးရန် အစိုးရအား တောင်းဆိုခဲ့သည်ဟု သိရသည်။

တနင်္သာရီတိုင်းဒေသကြီး ရဲဖြူကျေးရွာရှိ ငါးဖမ်းလုပ်ငန်းတွင် ကျွန်ပြုခံရပြီးနောက် လွတ်မြောက်လာခဲ့သည့် ကျွန်ပြုခံလုပ်သား ၁၁ ဦးက ယမန်နေ့တွင် Summit Parkview ဟိုတယ်၌ ပြုလုပ်သည့် သတင်းစာရှင်းလင်းပွဲတွင် ထိုကဲ့သို့ တိုက်တွန်းခဲ့ခြင်းဖြစ်သည်။

“ကျွန်တော်တို့ဟာ ငါးကို ကျွမ်းကျွမ်းကျင်ကျင် မဖမ်းနိုင်တာကြောင့် စက်လှေပဲ့ကိုင်တွေက အမြဲလိုလို ရိုက်နှက်တယ်၊ ဆဲဆို ကြိမ်းမောင်းပါတယ်။ တစ်ခါတစ်ရံမှာ ကျွန်တော်တို့ကို ဓားတွေ၊ လေးဂွတွေနဲ့ တိုက်ခိုက်ပါတယ်။ ပွဲစားက ကျွန်တော့်ကို ရောင်းစားသွားတယ်ဆိုတာ တစ်လလောက် အလုပ်လုပ်ပြီးတော့မှ သိခဲ့ရတာပါ” ဟု ပဲခူးတိုင်းဒေသကြီး မိုးညိုမြို့နယ် ကွန်းညိုကျေးရွာမှာ အသက် ၂၈ နှစ်အရွယ် ကိုမောင်ဆန်းက ပြောကြားခဲ့သည်။

ကိုမောင်ဆန်းနှင့် တစ်ရွာတည်းနေ သူငယ်ချင်းဖြစ်သူတို့မှာ ၎င်းတို့၏လယ်များ ရေလွမ်းမိုးမှုကြောင့် ပျက်စီးပြီးနောက် ဧပြီလအတွင်းက ရဲဖြူမြို့နယ်သို့ အလုပ်ရှာရန် သွားရောက်ခဲ့ခြင်းဖြစ်သည်။ ထို့နောက် ၎င်းတို့ သူငယ်ချင်း၏သားက ဒေါ်ရွှေလုံးပိုင်ဆိုင်သည့် ငါးဖမ်းစက်လှေတွင် အလုပ်သွင်းပေးခဲ့ခြင်းဖြစ်သည်။

၎င်းတို့မှာ တားမြစ်ဧရိယာများတွင် ငါးဖမ်းသည့်အခါ အာဏာပိုင်များကို စောင့်ကြည့်ရသည့်နေ့မှလွဲ၍ တစ်နေ့လျှင် ၁၉ နာရီအထိ အလုပ်လုပ်ရကာ ထိုကဲ့သို့ ကင်းစောင့်ရသည့်နေ့များတွင် ၂၁ နာရီ အလုပ်လုပ်ရကြောင်း ၎င်းနှင့်အတူ ပါသွားသော အ၀တ်အစားများကို စက်လှေပဲ့ကိုင်များက ပင်လယ်ထဲသုို့ လွှင့်ပစ်ခဲ့သောကြောင့် အ၀တ်အစားတစ်စုံသာ ရှိတော့ကြောင်း ကိုမောင်ဆန်းက ထပ်လောင်း ပြောကြားခဲ့သည်။

“မော်လမြိုင်ကို အလုပ်ရှာဖို့အတွက် ကျွန်တော်ရောက်သွားပါတယ်။ ဒါပေမယ့် ကျွန်တော့်ကို ဆိုင်ကယ်တက္ကဆီက အဲဒီစက်လှေကို လိုက်ပို့ခဲ့တယ်။ စက်လှေပေါ်မှာ အရိုက်ခံရပါတယ်။ ပွဲစားတွေကတော့ တစ်ယောက်ကို ၅ သိန်းနှုန်းတဲ့ ဒေါ်ရွှေလုံးဆီက ပိုက်ဆံယူသွားမယ်” ဟု ဧရာဝတီတိုင်းဒေသကြီး ဟင်္သာတမြို့နယ်မှ အသက် ၃၇ နှစ်အရွယ် ကိုမင်းမင်းက ပြောကြားခဲ့သည်။

လွတ်မြောက်လာသူ ၁၁ ဦးက ၎င်းတို့မှာ စက်လှေအပေါ်တွင် ၃ လတာ လခမရဘဲ အလုပ်လုပ်ခဲ့ရပြီး မြန်မာနိုင်ငံလုံးဆိုင်ရာ အလုပ်သမားများသမဂ္ဂအဖွဲ့ချုပ် CTUM နှင့် လူကုန်ကူးမှုတိုက်ဖျက်ရေး ရဲတပ်ဖွဲ့က လာရောက်မကယ်တင်မီ တစ်ဦးမှာ ပင်လယ်ထဲသို့ ခုန်ချသွားသွားခဲ့သည်ဟု ပြောကြားခဲ့သည်။

ဧရာဝတီတိုင်းဒေသကြီးမှ ကျွန်ပြုခံရသူ ဦးအာကာကမူ မိမိတို့စကားပြောဆိုဖူးသည့် ငါးဖမ်းလုပ်သားများ၏ ၉၀ ရာခိုင်နှုန်းခန့်မှာ ထိုကဲ့သို့ ကျွန်ပြုခံရသူများဖြစ်ပြီး၊ ၎င်းတို့ကိုယ်ကို သတ်သေမှုများကိုလည်း တွေ့ရကြောင်း၊ ကျွန်ပြုခံရမှုမှ လွတ်မြောက်ရန်အတွက် ပင်လယ်ထဲသို့ ခုန်ချချင်စိတ်များ ဖြစ်ပေါ်ခဲ့ကြောင်း ပြောကြားခဲ့သည်။

လူကုန်ကူးမှုတိုက်ဖျက်ရေး ရဲတပ်ဖွဲ့ကမူ တက်မကိုင်၏ ဇနီးနှင့် လက်ထောက်များ၊ ပွဲစား ၄ ဦးတို့ကို ဖမ်းဆီးခဲ့ပြီး ဇူလိုင်လ ၁၈ ရက်နေ့တွင် စွဲချက်တင်မည်ဖြစ်ကြောင်း သတင်းရှင်းလင်းပွဲတွင် ထုတ်ပြန်သော ကြေငြာချက်တွင် ဖော်ပြထားသည်။

Ref: mmtimes