ဇူလိုင် ၁၅၊ ၂၀၁၆
M-Media
– ကမ္ဘာကျော် ကွန်ပျူတာဆော့ဖ်ဝဲ ကုမ္ပဏီတစ်ခုဖြစ်သည့် မိုက်ခရိုဆော့ဖ်၏ အမေရိကန်ပြင်ပ အခြားနိုင်ငံများရှိ ဆာဗာများသို့ ၀င်ရောက်အသုံးပြုခွင့်ရရန် အမေရိကန်အစိုးရအနေဖြင့် ဖိအားပေး တောင်းဆိုခွင့်မရှိဟု အမေရိကန်တရားရုံးက အမိန့်ချမှတ်လိုက်သည်။
အမေရိကန် တရားရေးဝန်ကြီးဌာနမှာ မူးယစ်ဆေးဝါးကိစ္စနှင့်ပတ်သက်၍ စုံစမ်းစစ်ဆေးမှု တစ်စိတ်တစ်ပိုင်းအဖြစ် အိုင်ယာလန်ရှိ မိုက်ခရိုဆော့ဖ်ဆာဗာကို ၀င်ရောက်စစ်ဆေးခွင့်ရရန် တောင်းဆိုရာမှ အမှုဖြစ်ခဲ့ပြီး ထိုဆုံးဖြတ်ချက် ထွက်ပေါ်လာခြင်းဖြစ်သည်။
၂၀၁၄ ခုနှစ်က ထိုအမှုနှင့်ပတ်သက်၍ မက်ဟန်တန်ရှိ တရားရုံးတစ်ခုက တရားရေးဝန်ကြီးဌာနကို အနိုင်ပေးခဲ့သော်လည်း အယူခံဝင်ခဲ့ပြီးနောက် အယူခံခုံရုံးက ယခုကဲ့သို့ မိုက်ခရိုဆော့ဖ်ကို အနိုင်ပေးခဲ့ခြင်းဖြစ်သည်။
cloud စနစ်သုံး ကွန်ပျူတာဝန်ဆောင်မှုများအား ကာကွယ်နိုင်ရေး ရှေ့ပြေးဖြစ်သည့် ထိုဆုံးဖြတ်ချက်နှင့်ပတ်သက်၍ စိတ်ပျက်မိသည်ဟု အမေရိကန်တရားရေးဝန်ကြီးဌာနက ပြောကြားခဲ့သည်။ အစိုးရဘက်မှ ထိုဆုံးဖြတ်မှုအတွက် အယူခံဝင်လိုပါက ပြဿနာမှာ တရားရုံးချုပ်အထိ ရောက်ရှိမည်ဖြစ်သည်။
မိုက်ခရိုဆော့ဖ်ကမူ ဆုံးဖြတ်ချက်ကို ကြိုဆိုခဲ့သည်။
“အမေရိကန်အစိုးရအနေနဲ့ အခြားတိုင်းပြည်တွေမှာ သူ့သဘောနဲ့သူ ရှာဖွေဝရမ်းတွေ သုံးလို့မရတော့ဘူးဆိုတာ၊ တိုင်းတပါးသားတွေနဲ့ သက်ဆိုင်တဲ့ အီးမေးလ်တွေကို ရယူလို့မရတော့ဘူးဆိုတာ ဒါက ရှင်းရှင်းလင်း ဖြစ်သွားစေပါတယ်။ ပြီးတော့ အချက်အလက်တွေကို cloud မှာ သိမ်းဆည်းထားတဲ့ နည်းပညာမျိုးဟာ တကယ့်ကို လုံခြုံစိတ်ချရတယ်ဆိုတာကိုလည်း ဒီဆုံးဖြတ်ချက်က ပြောပြလိုက်တာပါပဲ” ဟု မိုက်ခရိုဆော့ဖ်၏ ဥက္ကဌဖြစ်ပြီး ဥပဒေရေးရာ တာဝန်ရှိသူလည်းဖြစ်သူ ဘရဒ် စမစ်က ပြောကြားခဲ့သည်။
ထို့ပြင် ထိုအမှုတွင် မိမိတို့အား ကူညီခဲ့သော Amazon၊ Apple နှင့် Cisco တို့ကဲ့သို့ ကုမ္ပဏီများကိုလည်း ကျေးဇူးတင်သည်ဟု ထပ်လောင်းပြောကြားခဲ့သည်။
Ref: BBC
