ဇူလိုင် ၉၊ ၂၀၁၆
M-Media
– ယူကရိန်းဆီကနေ ခရိုင်းမီးယားကျွန်းဆွယ်ကို သိမ်းပိုက်လိုက်တဲ့ လုပ်ရပ်အပေါ် ရုရှားကို တင်းတင်းကြပ်ကြပ်ကိုင်တွယ်ဖို့ နေတိုးမဟာမိတ်တပ် ခေါင်းဆောင်တွေကို အမေရိကန်သမ္မတ ဘာရက်အိုဘားမား တိုက်တွန်းလိုက်ပါတယ်။
သောကြာနေ့က ပိုလန်နိုင်ငံ ၀ါဆောမြို့မှာ ကျင်းပတဲ့ နေတိုးထိပ်သီးညီလာခံမှာ အိုဘားမားက အခုလို ပြောဆိုခဲ့တာဖြစ်ပြီး ယင်းအစည်းအဝေးဟာ အိုဘားမားရဲ့ ဇန်န၀ါရီလ သမ္မတသက်တမ်းမကုန်မီ နောက်ဆုံးတက်ရောက်ရတဲ့ နေတိုးအဖွဲ့ ညီလာခံပဲဖြစ်ပါတယ်။
၂၀၁၄ ခုနှစ် နှစ်ဆန်းပိုင်း ခရိုင်းမီးယားကျွန်းဆွယ်ကို ရုရှားက သိမ်းပိုက်လိုက်ပြီးကတည်းက ရုရှားနဲ့ အနောက်နိုင်ငံတွေရဲ့ ဆက်ဆံရေးဟာ ဆိုးရွားလာခဲ့တာပါ။ ယူကရိန်းကတော့ နိုင်ငံအရှေ့ခြမ်းမှာ ကိုယ်ပိုင်အုပ်ချုပ်ခွင့်ရရေး တိုက်ခိုက်နေကြတဲ့ ရုရှားလိုလားသူ အုပ်စုကို ချေမှုန်းနေရပါတယ်။
“နေတိုးအဖွဲ့ဝင်တိုင်းကို ကာကွယ်ပေးရေးဆိုတဲ့ နေတိုးအဖွဲ့ရဲ့ သဘောတူညီချက် အပိုဒ် ၅ မှာပါဝင်တဲ့ ကျွန်တော်တို့ရဲ့ တာဝန်နဲ့ပတ်သက်ပြီး ဒီညီလာခံမှာ ကျွန်တော်တို့ရဲ့ ဆုံးဖြတ်ချက် ပြတ်သားမှုကို ပြန်လည်ဖော်ပြရပါမယ်။ ကျွန်တော်တို့ဟာ အလယ်နဲ့ အရှေ့ဥရောပက မဟာမိတ်တွေကို ကာကွယ်ရေး၊ ကာကွယ်ရေးအင်အား ခိုင်မာစေရေးတို့ကို ထပ်တိုး လုပ်ဆောင်သွားရမှာဖြစ်ပြီး ဆိုက်ဘာတိုက်ခိုက်မှုတွေအပါအ၀င် ခြိမ်းခြောက်မှုအသစ်တွေအပေါ် ကျွန်တော်တို့ရဲ့ ခုခံမှုကိုလည်း မြှင့်တင် ဆောင်ရွက်သွားရပါမယ်” လို့ အိုဘားမားက ပြောကြားခဲ့ပါတယ်။
နောက်ပြီး ဗြိတိန်အနေနဲ့ ဥရောပကနေ ခွဲထွက်သွားတာက နေတိုးအဖွဲ့ကို အားနည်းသွားစေမှာမဟုတ်ဘူးလို့လည်း သူက ထပ်လောင်း ပြောကြားခဲ့ပါတယ်။
ရုရှားကတော့ အမေရိကန်ဦးဆာင်တဲ့ နေတိုးမဟာမိတ်တပ်အနေနဲ့ ရုရှားကို ခြိမ်းခြောက်မှုတစ်ရပ်အဖြစ် ပြောဆိုနေတာဟာ အဓိပ္ပါယ်မဲ့လွန်းတယ်လို့ ဆိုပါတယ်။
“မော်စကိုအနေနဲ့ နေတိုးအဖွဲ့နဲ့ စကားပြောဆိုဖို့ လမ်းဖွင့်ပေးထားပါတယ်။ အတူပူးပေါင်းဆောင်ရွက်ဖို့လည်း အသင့်ရှိနေပါတယ်” လို့ ကရင်မလင် ပြောရေးဆိုခွင့်ရှိသူ ဒီမီထရီ ပက်စ်ကော့ဗ်က သောကြာနေ့ သတင်းစာရှင်းလင်းပွဲမှာ ပြောကြားခဲ့ပါတယ်။
Ref; Presstv
