ဇူလိုင် ၄၊ ၂၀၁၆
M-Media
– မကြာသေးမီက ဖြစ်ပွားခဲ့သည့် ဗလီဝတ်ကျောင်းတော်များ တိုက်ခိုက်ခံရမှု နှစ်ခုက မြင့်တက်လာသော မွတ်စလင်ဆန့်ကျင်ရေး သဘောထားနှင့် မီးထိုးပေးနေသည့် အမုန်းတရားများကို ကိုင်တွယ်ရေး မြန်မာအစိုးရ၏ ကတိက၀တ်ကို မေးခွန်းထုတ်စရာ ဖြစ်လာစေသည်ဟု လူ့အခွင့်အရေးဆိုင်ရာ အာဆီယံလွှတ်တော်အမတ်များအဖွဲ့ APHR က ယနေ့တွင် ပြောကြားလိုက်သည်။
ထို့ပြင် ထိုအဖြစ်အပျက်များအတွက် ပြည့်ဝသည့် စုံစမ်းစစ်ဆေးမှုများ ပြုလုပ်ရန်နှင့် နောက်ကွယ်မှ ကြိုးကိုင်သူများကို အရေးယူရန်လည်း အဆိုပါအဖွဲ့က မြန်မာအစိုးရကို တိုက်တွန်းခဲ့သည်။
“မွတ်စလင်ဆန့်ကျင်ရေး အကြမ်းဖက်တိုက်ခိုက်မှု၊ အာမနာပ ပြောဆိုမှုတွေကို သည်းခံမှာမဟုတ်ဘူးဆိုတာ အစိုးရက ရှင်ရှင်းလင်းလင်း ဆောင်ရွက်ဖို့လိုပါတယ်။ ဒီတိုက်ခိုက်မှုတွေကို အပြည့်အ၀ စုံစမ်စစ်ဆေးဖို့နဲ့ ပါဝင်သူတွေကို အရေးယူဖို့ အာဏာပိုင်တွေမှာ တာဝန်ရှိပါတယ်။ ဒါမျိုး မဟုတ်ဘူးဆိုရင်တော့ ဒါဟာ ထိခိုက်ခံစားလွယ်တဲ့ လူနည်းစု လူ့အဖွဲ့အစည်းအပေါ် ကာကွယ်မပေးနိုင်တာလို့ အဓိပ္ပါယ်သက်ရောက်နေပါတယ်” ဟု APHR ၏ ဥက္ကဌဖြစ်ပြီး မလေးရှားလွှတ်တော်အမတ်တစ်ဦးဖြစ်သူ ချားလ်စ် ဆန်တီယာဂိုက ပြောကြားခဲ့သည်။
ဇူလိုင်လ ၁ ရက်နေ့က ကချင်ပြည်နယ် ဖားကန့်မြို့ရှိ မွတ်စလင်ဝတ်ပြုဆောင်တစ်ခုကို တုတ်၊ ဓားလက်နက် ကိုင်ဆောင်ထားသည့် ရာနှင့်ချီသော လူအုပ်ကြီးက ဖျက်ဆီးမီးရှို့ခဲ့ပြီ ဒေသခံမွတ်စလင်များမှာလည်း အကြမ်းဖက်တိုက်ခိုက်မှုထပ်ဖြစ်မည်စိုး၍ အိုးအိမ်စွန့်ခွာ ထွက်ပြေးခဲ့ရသည်။ ထိုတိုက်ခိုက်မှုမှာ ပဲခူးတိုင်းဒေသကြီး ဝေါမြို့ရှိ ရွာတစ်ရွာတွင် ဗလီဝတ်ကျောင်းတော်တစ်လုံး ဖျက်ဆီးခံရပြီးနောက် တစ်ပတ်အတွင်း ဒုတိယမြောက် အကြမ်းဖက်တိုက်ခိုက်မှုလည်း ဖြစ်သည်။
ထိုအဖြစ်အပျက် နှစ်ခုစလုံးအတွက် အစိုးရမှာ မည်သည့် ဖမ်းဆီးအရေးယူမှုမှ မပြုလုပ်သေးပေ။
“ပဲခူးက အကြမ်းဖက်မှုကို ကျူးလွန်သူတွေအပေါ် သင့်လျော်တဲ့ အရေးယူဆောင်ရွက်မှုမျိုး မလုပ်တာဟာ အစိုးရတစ်ရပ်မှာ ရှိနေတဲ့ တရားဥပဒေစိုးမိုးမှု ကတိက၀တ်ကို ပျက်ဆီးစေတာမျိုးဖြစ်ပြီး မြန်မာနိုင်ငံရဲ့ ရှေ့ဆက်ရမယ့် အသွင်ကူးပြောင်းရေးကို ခြိမ်းခြောက်လာနိုင်တဲ့ အပြစ်ရှိသူတွေလွတ်မြောက်နေမှု သံသရာကို ရှည်စေပါတယ်” ဟု ဆန်တီယာဂိုက ပြောကြားခဲ့သည်။
ထို့ပြင် ထိုတိုက်ခိုက်မှုများကို စုံစမ်းစစ်ဆေးမှု မပြုခြင်းက၊ အစိုးရအနေဖြင့် အကြမ်းဖက်မှုကို ထောက်ခံအားပးသကဲ့သို့ ဖြစ်နေပြီး နောက်ထပ် အကြမ်းဖက်မှုများအတွက် မီးထိုးပေးသကဲ့သို့ ဖြစ်နိုင်သည်ဟုလည်း APHR ၏ ဒုတိယဥက္ကဌဖြစ်ပြီး အင်ဒိုနီးရှား အောက်လွှတ်တော်အမတ်ဖြစ်သူ အီဗာ ကူဆူမာ ဆွန်ဒါရီက ပြောကြားခဲ့သည်။
မကြာသေးမီက နိုင်ငံအတွင်း ဖြစ်ပွားခဲ့သည့် အဆိုပါတိုက်ခိုက်မှုများအပေါ် အစိုးရက လုံလောက်သည့် တုန့်ပြန်မှုမျိုး မရှိခြင်းက နိုင်ငံတကာအသိုင်းအ၀ိုင်းအား လှုပ်နှိုးမှုတစ်ခု ဖြစ်သင့်သည်ဟု APHR အဖွဲ့က ထပ်လောင်းပြောကြားခဲ့သည်။
“နိုင်ငံတော်အကြံပေးပုဂ္ဂိုလ် ဒေါ်အောင်ဆန်းစုကြည်ဦးဆောင်တဲ့ အစိုးရဟာ ရခိုင်ပြည်နယ်က အခြေအနေကို ကိုင်တွယ်ဖို့၊ ရိုဟင်ဂျာနဲ့ အခြားမွတ်စလင်လူ့အဖွဲ့အစည်းအပေါ် ခွဲခြားဆက်ဆံမှုကို ဖြေရှင်းဖို့ကိစ္စမှာ သူတို့ကို ယုံကြည်ဖို့ နိုင်ငံတကာ အသိုင်းအ၀ိုင်းကို ပြောထားတာ ပါးစပ်တောင် မပိတ်သေးပါဘူး။ အခုဖြစ်သွားတဲ့ကိစ္စတွေက သူတို့ဟာ အဲဒီလောက် ယုံကြည်မှုနဲ့ မထိုက်တန်ဘူးဆိုတာကို သက်သေပြလိုက်တာပဲ ဖြစ်ပါတယ်” ဟု ချားလ်စ် ဆန်တီယာဂိုက ထည့်သွင်းပြောဆိုခဲ့သည်။
မြန်မာအစိုးရအနေဖြင့် အမုန်းစကားဖြန့်ဖြူးမှုများ၊ လှုံ့ဆော်မှုများနှင့် အကြမ်းဖက်မှုကို တိုက်ဖျက်ရေး ခိုင်မာသော ဆောင်ရွက်မှုများ ပြလုပ်ရန် ထိုအဖွဲ့က တိုက်တွန်းခဲ့ပြီး အမျိုးသားရေးအစွန်းရောက်များက မီးထိုးပေးနေသည့် မွတ်စလင်ဆန့်ကျင်ရေး သဘောထားများက နောက်ပိုင်းတွင် အကြမ်းဖက်တိုက်ခိုက်မှုများကို ပုံမှန်မြင်လာရနိုင်သော အခြေအနေ ဖြစ်လာနိုင်သည်ဟု သတိပေးခဲ့သည်။
Ref: ASEANMP.org
