Rမတ် ၂၄၊ ၂၀၁၆
M-Media
– နာမည်ကြီး ဗီဒီယိုဂိမ်းကုမ္ပဏီတစ်ခုဖြစ်သော EA မှ ပြီးခဲ့သည့်သီတင်းပတ်က ဖြန့်ချီသည့် ဘက်စုံကိုယ်ခံပညာသုံး အားကစားပြိုင်ပွဲဂိမ်း Ultimate Fighting Championship (UFC) 2 ဂိမ်းတွင် နာမည်ကြီး ရုရှား မွတ်စလင်အားကစားသမားတစ်ဦး၏ အောင်ပွဲခံမှုပုံစံအား ဘာသာရေးအရ မှားယွင်းဖော်ပြခဲ့ခြင်းအတွက် EA က ပြန်လည်တောင်းပန်လိုက်သည်ဟု သိရသည်။
အဆိုပါ ကစားသမားမှာ UFC လိုက်ဝိတ်တန်းတွင် ရှုံးပွဲမရှိသေးသည့် စိန်ခေါ်သူ ခါဘစ် နူရ်မာဂိုမီဒေါ့ဗ်ဖြစ်ပြီး လိုက်ဝိတ်တန်းချန်ပီယံ ရာဖေးလ် ဒေါ့စ် အန်ဂျို့စ်အား အနိုင်ရရှိသည့် ဗီဒီယိုဂိမ်း၏ ဇာတ်ဝင်ခန်းတွင် ခရစ်ယာန်ဘာသာ ထုံးစံအတိုင်း ဆုတောင်းအောင်ပွဲခံမှုကို ထည့်သွင်းခဲ့ခြင်းဖြစ်သည်။
အသက် ၂၇ နှစ်အရွယ် ရှိပြီဖြစ်ပြီး ဘာသာရေးကိုင်းရှိုင်းသူဖြစ်သည့် နူရ်မာဂိုမီဒေ့ါဗ်ကမူ မိမိ၏ ဘာသာရေးယုံကြည်ချက်အား ထိုကဲ့သို့ လွဲမှားစွာဖော်ပြမှုအတွက် စိတ်ကသိကအောက် ဖြစ်ရသည်ဟု Twitter စာမျက်နှာတွင် ရေးသားဖော်ပြခဲ့သည်။
“ကျွန်တော်ဟာ မွတ်စလင်တစ်ယောက်ပါ။ ခရစ်ယာန်တစ်ယောက် မဟုတ်ပါဘူး။ EA အနေနဲ့ ကျွန်တော်ရဲ့ အောင်ပွဲခံမှုပုံစံကို ကျေဇူးပြုပြီး ပြန်လည်ပြင်ဆင်ပေးပါ။ ကျွန်တော့်မှာ မွတ်စလင် ပရ်ိတ်သတ်တွေ အများကြီးရှိပါတယ်။ အဲဒီအတွက် လေးစားရပါမယ်” ဟု ရေးသားခဲ့ခြင်းဖြစ်သည်။
ထို့ကြောင့် EA ကလည်း ချက်ခြင်းပင် မှားယွင်းကြောင်း ၀န်ခံခဲ့ပြီး နူရ်မာဂိုမီဒေ့ါဗ်အား ပြန်လည် တောင်းခဲ့သည်။
“ဒီကိစ္စအတွက် ဂိမ်းဖန်တီးတဲ့အဖွဲ့ကို ကျွန်တော်တို့ အကြောင်းကြားပြီးပါပြီ။ နောက်ထပ် Update ထွက်တဲ့အခါ အောင်ပွဲခံမှုပုံစံကို ပြောင်းလဲပေးပါ့မယ်။ အဲဒီကိစ္စက ခင်ဗျားအတွက် အနှောက်အယှက်ဖြစ်သွားတယ်ဆိုရင်တော့ တောင်းပန်ပါတယ်” ဟု EA က Instagram မှ တစ်ဆင့် ပေးပို့သော တောင်းပန်စာတွင် ဖော်ပြထားသည်။
ဘက်စုံကိုယ်ခံပညာသုံး အားကစားပြိုင်ပွဲ MMA တွင် ၂၂ ပွဲဆက်တိုက် ရှုံးပွဲမရှိစံချိန် တင်ထားနိုင်သည့် နူရ်မာဂိုမီဒေ့ါဗ်မှာ ထိုမက်ဆေ့ခ်ျကို screen shot ရိုက်၍ ပြန်လည် လွှင့်တင်ခဲ့သည်။
“ကျွန်တော် ခရစ်ယာန်သာသနာအပေါ် ဆန့်ကျင်တာမဟုတ်ပါဘူး။ လူတိုင်းက ကိုယ်ပိုင် ဘ၀တည်ဆောက်မှုလမ်းစဉ်တွေ ရှိကြပါတယ်။ ကျွန်တော့်ရဲ့လမ်းစဉ်က အစ္စလာမ်ပါ။ ဂိမ်းထုတ်လုပ်သူတွေက အမှားလုပ်တယ်။ လူတိုင်းက မှားတတ်ကြပါတယ်။ ကျွန်တော်က မကျေနိုင်မချမ်းနိုင်ဖြစ်တာ မဟုတ်ပါဘူး။ သူတို့တောင်းပန်တယ်။ ပြင်ပေးမယ်လို့လည်း ကတိပေးတယ်။ နောက်တစ်ကြိမ်ကြရင် သူတို့ ဒါမျိုး မမှားဘဲ လူတိုင်းရဲ့ ဘာသာတရားကို သတိထားကြပါလိမ့်မယ်”
Ref: IINA
