မတ် ၂၁၊ ၂၀၁၆
M-Media
– ဒီတစ်ပတ်ပရီးမီးယားလိဂ်မှာ ထိပ်ဆုံးက ၃ သင်းစလုံး အနိုင်ရခဲ့ပြီး လက်စတာက ဇယားကို ဆက်လက် ဦးဆောင်ထားနိုင်ဆဲ ဖြစ်ပါတယ်။
ခရစ္စတယ်ပဲလေ့စ်ကို အဝေးကွင်းမှာ သွားကစားရတဲ့ လက်စတာတို့ ရီယာ့ဒ် မဟ်ရက်ဇ်ရဲ့ တစ်လုံးတည်းသောဂိုးနဲ့ အနိုင်ရရှိခဲ့တာဖြစ်ပါတယ်။ အိမ်ရှင်တို့ရဲ့ တုံ့ပြန်မှုဟာ မဆိုးခဲ့ပေမယ့် လက်စတာရဲ့ ဟန်ချက်ညီမှုကြောင့် ၃ မှတ် အရယူနိုင်ခဲ့တာပါ။ ရာနီယေးရီကတော့ နောက်ထက် ၂ ပွဲလောက်ကစားပြီးတဲ့အချိန်မှာ အသင်းရဲ့အခြေအနေကို ပြောနိုင်ပြီလို့ ပွဲအပြီးမှာ မှတ်ချက်ပေးခဲ့ပါတယ်။
အဲဗာတန်ရဲ့ အိမ်ကွင်းမှာ တွေ့ဆုံခဲ့တဲ့ နောက်ဆုံး ၃ ပွဲစလုံး မနိုင်ခဲ့တဲ့ အာဆင်နယ်ကတော့ ဒီတစ်ပတ်မှာ ၀ဲလ်ဘတ်နဲ့ လူငယ်ကစားသမား အဲလက်စ် ၀ိုဘီတို့ရဲ့ ပထမပိုင်းသွင်းဂိုးတွေနဲ့ ၃ မှတ်ယူနိုင်ကာ လက်စတာနဲ့ စပါးတို့ကို ဆက်လက် ဖိအားပေးနိုင်ခဲ့ပါတယ်။ ၀ိုဘီဟာ အာဆင်နယ်အတွက် ပထမဆုံး ကစားပေးခဲ့တာဖြစ်ပြီး ခြေစွမ်းကောင်းပြသကာ ပထမဆုံးဂိုး သွင်းယူပေးနိုင်ခဲ့တာလည်း ဖြစ်ပါတယ်။ အိမ်ရှင်အဲဗာတန်တို့ ဒုတိယပိုင်းမှာ သိသိသာသာ ဘောလုံးပိုင်ဆိုင်မှုအသာရခဲ့ပေမယ့် အာဆင်နယ်နောက်တန်းနဲ့ ဂိုးသမားကို ကျော်ဖြတ်နိုင်ခြင်း မရှိခဲ့ပါဘူး။
လက်စတာရဲ့နောက် တနင်္ဂနွေနေ့မှ ကစားခဲ့ရတဲ့ စပါးကလည်း အိမ်ကွင်းမှာ အမှားအယွင်းမရှိဘဲ ဟယ်ရီကိန်းရဲ့ ပထမပိုင်းသွင်းဂိုး ၂ ဂိုး၊ ခရစ်ရှန် အဲရစ်ဆန်ရဲ့ ဒုတိယပိုင်း သွင်းဂိုး ၁ ဂိုးတို့ရဲ့ ဘုန်းမောက်ကို ၃ ဂိုးပြတ် အနိုင်ရခဲ့ပါတယ်။ ဟယ်ရီကိန်းဟာ ဒီသွင်းဂိုး ၂ ဂိုးကြောင့် ပရီးမီးယားလိဂ် ဂိုးအများဆုံးသွင်းတဲ့စာရင်းမှာ ၂၁ ဂိုးနဲ့ ဦးဆောင်နိုင်ခဲ့ပါတယ်။
မန်ချက်စတာဒါဘီမှာတော့ မန်စီးတီးက ကစားပုံ ပိုကောင်းပေမယ့် မန်ယူရဲ့ ခံစစ်ကျစ်လစ်မှုကြောင့် အိမ်ကွင်းမှာ အရှုံးပေးခဲ့ရပါတယ်။ မန်ယူအတွက်ဂိုးတော့ အသက် ၁၈ နှစ်အရွယ် လူငယ်ကစားသမား မားကတ်စ် ရက်ရ်ှဖော့ဒ်က သွင်းယူပေးခဲ့ပြီး ပရီးမီးယားလိဂ်သမိုင်းမှာ အငယ်ဆုံး ဂိုးသွင်းရှင် ဖြစ်ခဲ့ပါတယ်။ မန်ယူရဲ့ ဒီအနိုင်ဟာ ၂၀၁၂ ခုနှစ် ဒီဇင်ဘာလနောက်ပိုင်း မန်စီးတီးကွင်းမှာ ပထမဆုံး အနိုင်ရခဲ့တာလည်း ဖြစ်ပါတယ်။
လီဗာပူးလ်က ဒီတစ်ပတ်မှာ ကံဆိုးမိုးမှောင်ကျခဲ့ပါတယ်။ ကော်တင်ဟိုနဲ့ စတားရစ်ဂ်ျတို့ရဲ့ ၁၇ မိနစ်၊ ၂၂ မိနစ် ဂိုးတွေနဲ့ မိနစ် ၆၀ ကျော်တဲ့အထိ ၂ ဂိုးပြတ် ဦးဆောင်နိုင်ခဲ့ပေမယ့် ဆောက်သက်တမ်ကို ၆၄၊ ၈၃ နဲ့ ၈၅ မိနစ်မှာ ၃ ဂိုးပြန်ပေးလိုက်ရတာကြောင့် အဝေးကွင်းမှာ ၃ မှတ် ဆုံးရှုံးခဲ့ရပါတယ်။
ချယ်ဆီးက
လည်း ၂ ကြိမ်တိုင်တိုင် နောက်ကလိုက်ကစားခဲ့ရပြီး ၈၉ မိနစ် ပင်နယ်တီကြောင့်သာ ၀က်စ်ဟမ်းနဲ့ အိမ်ကွင်းမှာ ၂ ဂိုးစီ သရေကျခဲ့တာဖြစ်ပါတယ်။ ဘင်နီတက်ဇ်ကတော့ နယူးကာဆယ်နဲ့ နိုင်ပွဲမရသေးဘဲ ဒီတစ်ပတ်မှာလည်း ဘ၀တူ ဆန်းဒါးလန်းကို နောက်ကျသွင်းဂိုးနဲ့ သရေကျခဲ့ပါတယ်။
ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။
အဲဗာတန် ၀-၂ အာဆင်နယ်
ချယ်ဆီး ၂-၂ ၀က်စ်ဟမ်း
ခရစ္စတယ်ပဲလေ့စ် ၀-၁ လက်စတာ
ဝက်ဖို့ဒ် ၁-၂ စတုတ်
ဝက်စ်ဘရွန်း ၀-၁ နော်ဝစ်ခ်ျ
ဆွမ်ဆီး ၁-၀ အက်စတွန်ဗီလာ
နယူးကာဆယ် ၁-၁ ဆန်းဒါးလန်း
ဆောက်သက်တမ် ၃-၂ လီဗာပူးလ်
မန်စဆီး ၀-၁ မန်ယူ
စပါး ၃-၀ ဘုန်းမောက်
