– ဒီနေ့ခေတ်လူတွေရဲ့ အဆင့်မြင့်ပညာသင်ကြားမှု အခြေအနေဟာ သမိုင်းမှာ ဘယ်တုန်းကမှ မရှိခဲ့ဘူးတဲ့ အခြေအနေမျိုး ဖြစ်ပါတယ်။ ဒီလို အသိပညာတွေကို ကျားကုတ်ကျားခဲ ရှာဖွေရမယ်ဆိုတဲ့အသိဟာ အလယ်ခေတ်မွတ်စလင်တွေရဲ့ နှလုံးသွေးကြောထဲမှာ စီးဝင်ပြန့်နှံ့ခဲ့ဖူးပြီး မွတ်စလင်တွေအနေနဲ့ ပညာပြည့်ဝ နှလုံးလှဖို့၊ စူးစမ်းရှာဖွေဖို့၊ တစ်ဆင့်ပြန်လည်မျှဝေဖို့ ကုရ်အာန်ကျမ်းတော်မြတ် တစ်အုပ်လုံးမှာ အားပေးတိုက်တွန်းထားခြင်းရဲ့ အကျိုးဆက်လည်း ဖြစ်ပါတယ်။ ဒီသွန်သင်ချက်က ဗလီဝတ်ကျောင်းတော်တွေ၊ စာသင်ကျောင်းတွေ၊ ဆေးရုံတွေ၊ သုတေသနစင်တာတွေနဲ့ ပညာရှင်တွေရဲ့နေအိမ်တွေ စတဲ့နေရာတွေမှာ အဆင့်မြင့်ပညာရပ်တွေ သင်ကြားပို့ချမှုစနစ်ကို ဖြစ်တည်စေခဲ့ကာ အလယ်ခေတ် မွတ်စလင်ကမ္ဘာကို ထွန်းပြောင်စေခဲ့သလို၊ အဲဒီ အသိပညာတွေ၊ သင်ကြားမှုစနစ်တွေကိုလည်း နောက်ဆုံးမှာ ဥရောပဆီ အမွေပေးနိုင်ခဲ့ပါတယ်။
မွတ်စလင်ကမ္ဘာက စာသင်ကျောင်းနဲ့ တက္ကသိုလ်ပေါ်ပေါက်လာမှုမှာ တူညီမှုတစ်ချို့ ရှိခဲ့ပြီး ဒါကတော့ ဒီ သင်ကြားမှုစနစ် နှစ်ခုစလုံးဟာ ဗလီဝတ်ကျောင်းတော်တွေမှာ အစပြုခဲ့တာ ဖြစ်ပါတယ်။ ဒါပေမယ့် တက္ကသိုလ်ကိုတော့ အာရဘီလို “ဂျာမီအာဟ်” (Jami’ah) လို့ခေါ်ပြီး ဗလီဝတ်ကျောင်းတော်အတွက် သုံးနှုန်းတဲ့ ဂျာမီ (Jami’) ဆိုတဲ့စကားလုံးရဲ့ ဣတ္ထိလိင်သဘောသဘာဝကို ဖော်ညွှန်းတာဖြစ်ပါတယ်။ ဒါ့ကြောင့် အာရဘီမှာ ဘာသာရေးဆိုင်ရာနေရာနဲ့ အဆင့်မြင့်ပညာ သင်ကြားရေးဌာနတွေဟာ ဆက်နွယ် ပတ်သက်နေပါတယ်။ ဒါပေမယ့် အခြားသောဘာသာတရားတွေနဲ့ ယဉ်ကျေးမှုတွေမှာတော့ ဒီလို ထပ်တူကျမှုမျိုးကို မတွေ့ရပါဘူး။ အစ္စလာမ်သာသနာက အချို့သော ဗလီဝတ်ကျောင်းတော်တွေဟာ ရှေးအကျဆုံး တက္ကသိုလ်တွေ ဖြစ်ခဲ့ပါတယ်။
ဗလီအခြေပြု တက္ကသိုလ်များ
ဗလီဝတ်ကျောင်းတော်အခြေပြုတဲ့ တက္ကသိုလ်တွေထဲက ကျော်ကြားတဲ့ တက္ကသိုလ်တွေထဲမှာ အီဂျစ်နိုင်ငံက အလ်-အဇ်ဟာရ် (Al-Azhar) တက္ကသိုလ်လည်း တစ်ခုအပါအ၀င်ဖြစ်ပြီး နှစ်ပေါင်း ၁၀၃၀ ကျော်ကြာပြီဖြစ်ပေမယ့် ယနေ့တိုင် အသိပညာတွေကို ဖြန့်ဖြူးပေးနေဆဲ ဖြစ်ပါတယ်။ အီဂျစ်က အဆင့်မြင့်ပညာ သင်ကြားမှုမှာ အချက်အခြာနေရာတစ်ခု ဖြစ်တာကြောင့် အလ်-အဇ်ဟာရ်တက္ကသိုလ်ကြီးဟာ ထိပ်တန်း အသိပညာရှင်၊ အတတ်ပညာရှင်တွေ စုဝေးရာနေရာတစ်ခု ဖြစ်ခဲ့ပါတယ်။ တည်ထောင်ခဲ့တဲ့ သက်တမ်း ကြာမြင့်မှုကြောင့် နာမည်ကြီးသလို၊ နောက်ထပ် နာမည်ကြီးရတဲ့ အကြောင်းအရင်းကတော့ လက်တွေ့အသုံးချ အလင်းပညာရပ်ရဲ့ ဖခင်ဖြစ်ပြီး ဒီတက္ကသိုလ်မှာ အချိန်အတော်ကြာ နေထိုင်ခဲ့တဲ့ အစ်ဗနေ့ အလ်-ဟေသမ် (Ibn al-Haytham)၊ ၁၄ ရာစုက ထိပ်တန်း လူမှုဗေဒပညာရှင် အစ်ဗနေ့ အလ်-ခါလ်ဒန် (Ibn al-Khaldun) တို့လို စွယ်စုံရ ပညာရှင်ကြီးတွေ ပေါ်ထွက်ခဲ့တာကြောင့်လည်း ဖြစ်ပါတယ်။ အလ်-ခါလ်ဒန်ဟာ အလ်-အဇ်ဟာရ်မှာ ဆရာတစ်ယောက်အဖြစ် သင်ကြားပို့ချပေးခဲ့သူတစ်ယောက်ပါ။
နောက်ထပ်ထင်ရှားတဲ့ ဗလီဝတ်ကျောင်းတော်အခြေပြု တက္ကသိုလ်တစ်ခုကတော့ မော်ရိုကိုနိုင်ငံ ဖက်ဇ်မြို့က အလ်-ကွာရာဝီယင် (Al-Qarawiyin) ပဲဖြစ်ပါတယ်။ ဒီတက္ကသိုလ်ကို အစ်ဒရီဆစ်ဒ်မင်းဆက် (Idrisids) အုပ်ချုပ်တဲ့အချိန်အတွင်း ဖာတီမာ အလ်-ဖီဟ်ရီ (Fatima al-Fihri) လို့ခေါ်တဲ့ အမျိုးသမီးငယ်တစ်ဦးဟာ သက္ကရာဇ် ၈၅၉ ခုနှစ်မှာ ဗလီဝတ်ကျောင်းတော်အဖြစ် စတင် တည်ဆောက်ခဲ့တာ ဖြစ်ပါတယ်။ ဖာတီမာဟာ အလွန် စိတ်နှလုံးသားဖြူစင်ပြီး ဘာသာရေးကိုင်းရှိုင်းသူ တစ်ယောက်လည်း ဖြစ်ပါတယ်။ ပညာလည်းတတ်ပြီး အောင်မြင်တဲ့ စီးပွားရေးသမားဖခင် ကွယ်လွန်သေဆုံးခဲ့တဲ့အခါ အမွေအမြောက်အများရခဲ့တဲ့ ဖာတီမာဟာ သူ့ရဲ့ ငွေကြေးပိုင်ဆိုင်မှုအားလုံးကို ဖက်ဇ်က ပြည်သူတွေအတွက် သင့်လျော်တဲ့ ဗလီဝတ်ကျောင်းတော်အခြေပြု တက္ကသိုလ်တွေ တည်ဆောက်ဖို့မှာ အသုံးပြုဖို့ စိတ်ပိုင်းဖြတ်ခဲ့ပါတော့တယ်။ အဆောက်အဦး ဆောက်လုပ်ရာမှာ သူမဟာ ကန့်သတ်ချက်တစ်ခု ထားရှိပြီး ဒါကတော့ အဲဒီအဆောက်အဦးအတွက် ပါဝင်ပစ္စည်းတွေဟာ ဒေသတစ်ခုတည်းကပဲ ဖြစ်ရမယ်ဆိုတာပါပဲ။ စီမံကိန်းစတင်ချိန်ကစလို့ ပြီးဆုံးချိန်အထိ သူမဟာ နေ့စဉ် ဥပုသ်သီလကို မပြတ်တမ်း ဆောက်တည်ခဲ့ပါတယ်။
ကြီးကျယ်ခမ်းနားတဲ့ ဗလီဝတ်ကျောင်းတော်အချို့လိုပဲ အလ်-ကွာရာဝီယင် ဗလီဝတ်ကျောင်းတော်ဟာလည်း တည်ဆောက်ပြီး သိပ်မကြာခင်မှာ ဓမ္မရေးရာသင်ကြားမှုနဲ့ နိုင်ငံရေး ဆွေးနွေးမှုတို့အတွက် အဓိကနေရာတစ်ခု ဖြစ်လာပါတယ်။ တစ်ဖြည်းဖြည်းနဲ့ သသဘာဝသိပ္ပံလို ၀ိဇ္ဇာ၊ သိပ္ပံဘာသာရပ်အားလုံးကို သင်ကြားပို့ချပေးတဲ့ ကျောင်းတော်ကြီးဖြစ်လာခဲ့ပြီး သမိုင်းတစ်လျှောက် အစောဆုံးတက္ကသိုလ်တွေထဲက တစ်ခုအဖြစ် မှတ်တမ်းဝင်ခဲ့ပါတော့တယ်။ အလ်-ကွာာရာဝီယင် ဗလီဝတ်ကျောင်းတော်အခြေပြု တက္ကသိုလ်မှာ နက္ခတဗေဒ ကိရိယာတွေ၊ ဆက်ခြေလျှောတိုင်းကိရိယာ၊ သဲနာရီ အပါအ၀င် အချိန်ကို တိုင်းတာမှတ်သားနိုင်တဲ့ အခြားသော ပစ္စည်းကိရိယာတွေ ပါဝင်တဲ့ ‘အချိန်ပြ အခန်းများ’ အစရှိတဲ့ အဆင်မြင့်ပညာ လေ့လာမှုဆိုင်ရာ ပစ္စည်းပစ္စယာ အစုံအလင်ကိုလည်း ထားရှိပေးခဲ့ပါတယ်။ ကုရ်အာန်ကျမ်းတော်မြတ်၊ ဘာသာရေး၊ ဥပဒေ၊ အပြောအဟော၊ စကားပြေ၊ ကဗျာလင်္ကာ ရေးသားစပ်ဆိုမှု၊ အတွက်အချက်၊ သင်္ချာ၊ ပထ၀ီနဲ့ ဆေးပညာရပ်တွေကိုလည်း ဒီတက္ကသိုလ်ကြီးမှာ သင်ကြားပို့ချပေးသလို သဒ္ဒါ၊ မွတ်စလင်သမိုင်း၊ ဓာတုဗေဒပညာရပ် စတာတွေဟာလည်း တက္ကသိုလ်ရဲ့ ပြဌာန်းဘာသာရပ်တွေထဲမှာ ပါဝင်ခဲ့ပါတယ်။ ဘာသာရပ်စုံလင်မှု၊ သင်ကြားနည်းစနစ် ကောင်းမွန်မှုတွေကြောင့် အလ်-ကွာရာဝီယင်တက္ကသိုလ်ဟာ အဲဒီခေတ်အခါက အာဖရိက နေရာအနှံ့မှာရှိတဲ့ ပညာရှင်တွေ၊ ကျောင်းသားတွေကို ဆွဲဆောင်နိုင်တဲ့ တက္ကသိုလ်ကြီးတစ်ခု ဖြစ်ခဲ့ပါတယ်။
ဗလီဝတ်ကျောင်းတော်အခြေပြု ဒီတက္ကသိုလ်တွေရဲ့ ကျော်ကြားမှုဟာ ဒေသတွင်းမှာသာမကဘဲ ပတ်ဝန်းကျင်က အခြားနိုင်ငံတွေအထိပါ ပြန့်နှံ့ခဲ့ပြီး အဲဒီဒေသ တစ်နံတစ်လျားက ကျောင်းသားတွေအတွက် အားကိုးအားထားပြုစရာ အသိပညာစင်တာတွေ ဖြစ်ခဲ့ပါတယ်။ အဘ္ဘာစစ်မင်းဆက်အုပ်စိုးစဉ် အီရတ်နိုင်ငံ ဘဂ္ဂဒတ်မြို့က တက္ကသိုလ်တွေ နာမည်ကြီးတဲ့အချိန်မှာ ဆီးရီးယား၊ ပါရှားနဲ့ အိန္ဒိယလို နိုင်ငံတွေက ကျောင်းသားတွေဟာ တကူးတကလာရောက်ပြီး ဆေးပညာ၊ ဆေးဝါးပညာ၊ အင်ဂျင်နီယာပညာ၊ နက္ခတဗေဒနဲ့ အခြားသောပညာရပ်တွေကို သင်ယူလေ့လာခဲ့ကြပါတယ်။ ကိုင်ရိုမြို့က အလ်-အဇ်ဟာရ် တက္ကသိုလ်မှာ လာရောက်ပညာသင်ကြားသူတွေထဲ အီဂျစ်နိုင်ငံတစ်ဝှမ်းက ပြည်သူတွေနဲ့အတူ နိုင်ငံခြားသားအရေအတွက် အမြောက်အများ ပါဝင်ခဲ့ပါတယ်။
တူနီးရှားနိုင်ငံက ဇေတူနာ (Zaytuna) ဗလီဝတ်ကျောင်းတော်မှာ သဒ္ဒါ၊ ယုတ္တိဗေဒ၊ အချက်အလက် စုဆောင်းမှု ဘာသာရပ်၊ သုတေသနာဆိုင်ရာ စည်းကမ်းနည်းလမ်းများ၊ စကြာဝဠာဗေဒ၊ သင်္ချာ၊ ပထ၀ီ၊ တွင်းထွက်ဗေဒနဲ့ အသက်မွေးဝမ်းကြောင်းဆိုင်ရာပညာရပ် စတာတွေကို သင်ကြားပို့ချပေးခဲ့တဲ့ လက်ရေးမူတွေကို ယနေ့တိုင် တွေ့နိုင်ပါသေးတယ်။ တူနီးရှားနိုင်ငံ ကွေရာဝမ်မြို့ (Qayrawan) က အာတီကာစာကြည့်တိုက် (Atiqa) မှာ သက္ကရာဇ် ၄၂၀ မတိုင်ခင် စိန့် ဂျယ်ရိုမီ (Jerome) ရေးသားတဲ့ Ancient Nations (ရှေးခေတ်နိုင်ငံများ) စာအုပ်ရဲ့ အာရဘီဘာသာပြန်ကို တွေ့မြင်နိုင်ပါတယ်။
အဲဒီ ဗလီဝတ်ကျောင်းတော်အခြေပြု တက္ကသိုလ်တွေမှာ သင်ကြားပေးတဲ့ ဘာသာရပ်တွေဟာ ခက်ခဲနက်နဲပြီး အထူးသဖြင့် လမ်းသစ်ဖောက်ရတဲ့ ဆေးပညာရပ်မှာ တော်တော်လေး အားထုတ်ခဲ့ရပါတယ်။ ဒီတက္ကသိုလ်တွေရဲ့ ဆေးပညာဌာနတွေဟာ အချိန်ကြာပြီး နက်နဲတဲ့ စူးစမ်းရှာဖွေမှုတွေကိုလည်း လုပ်ဆောင်ခဲ့ရပါတယ်။
ဥပေဒပညာမှာဆိုရင်လည်း ကျောင်းသားတွေဟာ ဘွဲ့ကြိုသင်တန်းပေးမှုကို တက်ရောက်ရပြီး အဲဒီသင်တန်း အောင်မြင်မှသာ သူတို့ရဲ့ဆရာဖြစ်သူက တပည့်အဖြစ် ရွေးချယ်တာဖြစ်ပါတယ်။ အဲဒီအချိန်ကျမှ ကျောင်းသားတွေဟာ တက္ကသိုလ်ဘွဲ့အတွက် ဆက်လက်လေ့လာရပြီး အချိန်ကာလတစ်ခု ကြာမြင့်ပါတယ်။ ဥပဒေပညာမှာ ပေါက်မြောက်တဲ့ဆရာတစ်ဆူ ဖြစ်ဖို့အတွက် နှစ် ၂၀ လောက်အထိ တက်ကြရပြီး ဥပဒေပညာရှင်တစ်ယောက်အဖြစ် ဆောင်ရွက်ချင်တယ်ဆိုရင်တော့ အသိအမှတ်ပြုလက်မှတ်နဲ့ အာဏာပိုင်တွေဆီက လိုင်စင်ကို လိုအပ်ပါတယ်။
ဘွဲ့ပေးမှုကိုလည်း မွတ်စလင်များက စတင်ခဲ့
အဲဒီအသိအမှတ်ပြုလက်မှတ်ကို အီဂျာဇက် (Ijazas) လို့ခေါ်ပြီး၊ ရိုးရိုးဘွဲ့ကို ခေါ်ဆိုတဲ့ ‘ဘာကာလာရက်စ်’ (baccalareus) ရဲ့ မူလအစလည်း ဖြစ်ပါတယ်။ အဲဒီ ဘာကာလာရက်စ် စကားလုံးဟာ ပုပ် ဂရီဂိုရီ ၉ (Pope Gregory IX) ၁၂၃၁ မှာ တည်ထောင်ခဲ့တဲ့ ပဲရစ်တက္ကသိုလ် (University of Paris) ရဲ့ ဘွဲ့ချီးမြှင့်မှုစနစ်မှာ စတင်အသုံးပြုခဲ့ပါတယ်။ ဒါဟာ မွတ်စလင်တွေအသုံးပြုတဲ့ အာရဘီစကားလုံး ဘီ-ဟာ့က် အလ်-ရီဝါယဟ် (Bi-haqq al-riwayah) ကို အနောက်တိုင်းမှု ပြုလိုက်တာလည်း ဖြစ်နိုင်ပါတယ်။ ဘီ-လ်ဟာ့က် အလ်-ရီဝါယဟ်ရဲ့ အဓိပ္ပါယ်ကတော့ ‘အခြားတစ်ယောက်ကို သင်ကြားပေးနိုင်ခွင့်’ ဖြစ်ပြီး ဒီစကားလုံးကို အီဂျာဇက် အသိမှတ်ပြုလက်မှတ်တွေမှာ ရာစုနှစ်ခြောက်ခုလောက် ထည့်သွင်းအသုံးပြုခဲ့ပါတယ်။ ကျောင်းသားတစ်ယောက်ဟာ တက္ကသိုလ်သင်ကြားမှု ပြီးဆုံးပြီဆိုရင် ဒီ အီဂျာဇက် အသိအမှတ်ပြုလက်မှတ်ကို ရရှိပြီး သူဟာ အခြားတစ်ယောက်ကို သင်ကြားပေးနိုင်ပြီလို့ ဆိုလိုခြင်းဖြစ်ပါတယ်။
ဒီနေ့ခေတ် နိုင်ငံတကာကကျောင်းတွေမှာတော့ Baccalaureate ဆိုတာ အခြေခံပညာ နောက်ဆုံးအဆင့်ကို အောင်မြင်ပြီးမြောက်ပြီး တက္ကသိုလ်တက်ဖို့အတွက် အဆင့်မီတယ်လို့ ဆိုလိုတာဖြစ်ပါတယ်။
မွတ်စလင်တွေဟာ အဆင့်မြင့်ပညာ သင်ကြားမှုစနစ်တွေကိုလည်း သတ်သတ်မှတ်မှတ် ပြဌာန်ပေးခဲ့ပါတယ်။ ၀င်ခွင့်စာမေးပွဲတွေ၊ နောက်ဆုံးစာမေးပွဲတွေ၊ ဘွဲ့လက်မှတ်ချီးမြှင့်မှု၊ ဌာနတစ်ခုကနေ နောက်တစ်ခုကို သွားရောက်သင်ယူမှု၊ နိုင်ငံတကာကျောင်းသားများ လက်ခံသင်ကြားမှု၊ ပညာတော်သင်ဆု ပေးအပ်ချီးမြှင့်မှု စတာတွေကိုလည်း မွတ်စလင်တွေကပဲ စတင်ခဲ့တာ ဖြစ်ပါတယ်။ တကယ်တော့ အလယ်ခေတ် မွတ်စလင်ကမ္ဘာက တက္ကသိုလ်တွေရဲ့ သင်ကြားမှုနည်းလမ်းတွေ၊ ပုံစံတွေဟာ ဒီနေ့ခေတ်တက္ကသိုလ်တွေနဲ့ တော်တော်လေး သွားတူနေပါတယ်။ သူတို့မှာ ကောလိပ်ပညာရေးစနစ်လည်း ရှိခဲ့ပြီး ဘာသာရပ်ဆိုင်ရာ ကျွမ်းကျင်မှုကိုလိုက်ကာ ပညာတော်သင်ဆုပေးတာ၊ ချီးမြှောက်တာမျိုးတွေလည်း ရှိခဲ့ပါတယ်။
ဥရောပကို ရောက်ပြီ
မွတ်စလင်တွေရဲ့ ပညာရေးစနစ်ဟာ ၁၂ ရာစုလောက်မှာ အလယ်ခေတ်ဥရောပကို ရိုက်ခတ်ခဲ့ပါတယ်။ နှစ်ပေါင်း ၄၀၀ အရင်လောက်က အာရဘီဘာသာစကားနဲ့ ရေးသားထားတဲ့ ပညာရပ်ဆိုင်ရာ စာအုပ်တွေကို လက်တင်ဘာသာစကားနဲ့ ဘာသာပြန်ဆိုမှုကို အုံနဲ့ကျင်းနဲ့ ပြုလုပ်ခဲ့ကြပြီး၊ မွတ်စလင်တွေရဲ့ လက်တွေ့စမ်းသပ်မှုကနေ ရရှိခဲ့တဲ့ အယူအဆတွေကိုလည်း ဥရောပက ထိတွေ့ခွင့်ရခဲ့ပါတယ်။ အကိုးအကားအထောက်အထား ခိုင်ခိုင်မာမာရှိတဲ့ ပညာရပ်တွေကို ရရှိခြင်းက တတိယအဆင့်လောက်သာရှိတဲ့ ဥရောပပညာရေးကို လှုပ်နှိုးလိုက်သလိုဖြစ်ခဲ့ပြီး၊ ဥရောပမှာ ခေတ်စားခဲ့တဲ့ ဘာသာရေးနဲ့သိပ္ပံပညာအကြား ထိပ်တိုက်တွေ့နိုင်တယ်ဆိုတဲ့ အယူအဆကိုလည်း ယိုင်နဲ့စေခဲ့ပါတယ်။ ၁၁၄၀ ပြည့်နှစ်တွေမှာ ချာထရက်စ်မြို့ (ယခုပြင်သစ်တွင်ရှိသည်) က ဒဿနပညာရှင် သီယာရီ (Thierry) ဟာ ချာထရက်စ် ကက်သလစ်ဘုရားကျောင်း (Chartres Cathedral) မှာ သိပ္ပံနည်းကျ လေ့လာဆန်းစစ်မှုက သမ္မာကျမ်းစာပါ ကမ္ဘာကြီးဖန်ဆင်းမှုနဲ့ လိုက်လျောညီထွေရှိတယ်လို့ သင်ကြားပို့ချပေးခဲ့ပြီး ရီနေဆန်း (Renaissance) လို့ခေါ်တဲ့ ဉာဏ်သစ်လောင်းတော်လှန်ရေးကြီးကို လမ်းခင်းပေးခဲ့ပါတယ်။
ဥရောပက ပထမဆုံးတက္ကသိုလ်ဟာ အီတလီနိုင်ငံက ဆာလာနိုမြို့ (Salerno) မှာ ပေါ်ထွက်လာခဲ့ပြီး ၁၁ ရာစုမှာ ကွန်စတန်တိုင်း သည် အာဖရိကန် (Constantine The African) လို့ခေါ်တဲ့ ဆရာဝန်တစ်ယောက် ရောက်ရှိလာပြီးတဲ့နောက်ပိုင်းမှာ နာမည်ကျော်လာခဲ့ပါတယ်။ ပြင်သစ်နိုင်ငံ မွန့်ပဲလီယာ (Montpellier) မြို့က တက္ကသိုလ်ကတော့ ဆာလာနိုတက္ကသိုလ်ရဲ့ နောက်ဆက်တွဲဖြစ်ပြီး မွတ်စလင်တွေ ရှာဖွေဖော်ထုတ်ခဲ့တဲ့ ဆေးပညာရပ်တွေ၊ နက္ခတဗေဒပညာရပ်တွေကို အထူးပြုလေ့လာရာ စင်တာကြီးတစ်ခု ဖြစ်ခဲ့ပါတယ်။ မွန့်ပဲလီယာမြို့ဟာ အဲဒီခတ်အခါက မွတ်စလင်နဲ့ ဂျူးလူမျိုးအရေအတွက် အတော်များများ ရှိတဲ့နေရာဖြစ်ပြီး၊ မွတ်စလင်တွေအုပ်စိုးတဲ့ စပိန်နဲ့လည်း နီးစပ်မှု ရှိခဲ့ပါတယ်။
၁၂ ရာစု အစပိုင်းကစလို့ အနောက်တိုင်းရဲ့ ပညာရေးဆိုင်ရာ အချက်အခြာနေရာဟာ ပဲရစ်မြို့ဖြစ်ခဲ့ပြီး “က၀ိပညာရှင်များ၏မြို့တော်” လို့ အမည်တွင်ခဲ့ပါတယ်။ သိပ္ပံနဲ့ဝိဇ္ဇာနယ်ပယ်မှာ အာရပ်တွေရဲ့ တွေ့ရှိချက်တွေ၊ အားထုတ်ကြိုးပမ်းမှုတွေဟာလည်း လှည့်လည်သွားလာနေတဲ့ ပညာရှင်တွေနဲ့အတူ အနောက်တိုင်းကို ရောက်ရှိလာခဲ့ကြပါတယ်။ တကယ်တော့ အောက်စဖို့ဒ်တက္ကသိုလ် (Oxford) လို အစောဆုံး အင်္ဂလိပ်တက္ကသိုလ်တွေဟာ ပညာပြည့်ဝတဲ့ ဒီလို ခရီးသွားပညာရှင်တွေ၊ ခရူးဆိတ်စစ်ပွဲကနေ ပြန်လာတဲ့ စစ်သားတွေကနေတစ်ဆင့် အစပြု ဖြစ်တည်လာတာဖြစ်ပြီး၊ ကော်ဒိုဘာ (Cordoba) လို မွတ်စလင်တက္ကသိုလ်တွေကို သွားရောက်လည်ပတ်မှုကနေတစ်ဆင့် ဘာသာရေးတစ်ဖက်ပိတ် သဘောတရားထက် ကျိုးကြောင်းဆင်ခြင်မှုအပေါ် အခြေခံတဲ့ ပညာရပ်ဆိုင်ရာစာအုပ်တွေကို ဘာသာပြန်ဆို ယူဆောင်လာကြတာဖြစ်တယ်လို့ ဒီနေ့ခေတ်သမိုင်းပညာရှင်တွေက ၀န်ခံပြောဆိုထားကြပါတယ်။
ပါမောက္ခ ထိုင်ခုံ
ပါမောက္ခဆိုတဲ့ရာထူးအတွက် သီးသန့်ထိုင်ခုံတစ်ခုထားပေးတာ၊ အစည်းအဝေးမှာ ဥက္ကဌတစ်ယောက် ခန့်အပ်တင်မြှောက်တာတွေကိုလည်း မွတ်စလင်တွေကပဲ အစပြုခဲ့တာ ဖြစ်ပါတယ်။
လွန်ခဲ့တဲ့နှစ်ပေါင်း တစ်ထောင်ကျော်အရင်က မွတ်စလင်တွေရဲ့ စာသင်ကျောင်းတွေနဲ့ တက္ကသိုလ်တွေမှာ ကျောင်းသားတွေက ပါမောက္ခရဲ့ပတ်ပတ်လည်မှာ ၀ိုင်းထိုင်ပြီး ပညာဆည်းပူးလေ့လာလေ့ရှိကြကာ ဒါကို ဟာလာကက် အလ်-အီလ်မ် (Halaqat al-‘ilm) ဒါမှမဟုတ် ဟာလာကာ (halaqa) လို့ ခေါ်တွင်ခဲ့ပါတယ်။ အဲဒီလိုဆည်းပူးကြတဲ့အခါ ကျောင်းသားတွေ မြင်နိုင်အောင်၊ သင်ကြားပို့ချပေးတဲ့အသံကို ကျောင်းသားတွေ ကြားနိုင်အောင်လို့ ပါမောက္ခဟာ ခုံမြင့်မြင့်လေးပေါ်မှာ ထိုင်လေ့ရှိရာကနေ ပါမောက္ခထိုင်ခုံ ပေါ်ပေါက်လာခဲ့တာပဲ ဖြစ်ပါတယ်။ ပါမောက္ခကိုတော့ တိုင်းပြည်ကိုအုပ်စိုးတဲ့ ခလီဖာသမ္မတ ဒါမှမဟုတ် ပညာရှင်များကော်မတီကနေ ရွေးချယ်ပြီး အဓိကဗလီဝတ်ကျောင်းတော်တစ်လုံးမှာ ခန့်ထားလေ့ရှိကာ အဲဒီပါမောက္ခဟာ အသက်ထက်ဆုံးတိုင် ပညာသင်ကြားရေးလုပ်ငန်းကို လုပ်ဆောင်ကြပါတယ်။ ဒါ့ကြောင့် အလယ်ခေတ်မွတ်စလင်ကမ္ဘာမှာ သက်တမ်းရင့် ပါမောက္ခတွေ ပုံမှန်လိုလိုရှိပြီး အဘူ အလီ အလ်-ခါတာနီ (Abu Ali al-Kattani) လို့ခေါ်တဲ့ ပါမောက္ခကြီးဟာဆိုရင် အသက် ၈၀ ကျော် ကွယ်လွန်တဲ့အချိန်အထိ ကျောင်းသားတွေကို ပညာသင်ကြားပို့ချပေးခဲ့ကာ ပါမောက္ခရာထူးကို နှစ်ပေါင်း ၅၀ လောက် ရရှိခဲ့ပါတယ်။
ဆန်ကိုရီတက္ကသိုလ် (University of Sankore)
ကမ္ဘာ့တောင်ဘက်အခြမ်းကို မွတ်စလင်တွေအုပ်စိုးခဲ့တဲ့အချိန် ပြောစမှတ်ပြုလောက်စရာ တက္ကသိုလ်တစ်ခုကတော့ မာလီနိုင်ငံ တင်ဘွက်တူမြို့ (Timbuktu) က ဆန်ကိုရီတက္ကသိုလ် ဖြစ်ပါတယ်။ အဲဒီတက္ကသိုလ်ဟာ မာလီနိုင်ငံတွင်သာမကဘဲ အိမ်နီးချင်း ဂါနာ (Ghana) နဲ့ ဆွန်ဟေး (Songhay) တို့က လာရောက်ပညာသင်ကြားရတဲ့အထိ အသိပညာပိုင်းဆိုင်ရာမှာ အချက်အခြာနေရာ ဖြစ်ခဲ့ပါတယ်။
ဒီတက္ကသိုလ်ဟာ တင်ဘွက်တူ တရားသူကြီးချုပ်ဖြစ်တဲ့ အလ်-ကွာဒီ အကွစ်ဘ် အစ်ဗနေ့ မဟ်မူးဒ် အစ်ဗနေ့ အူမာရ် (Al-Qadi Aqib ibn Mahmud ibn Umar) က သက္ကရာဇ် ၉၈၉ မှာ တည်ဆောက်ခဲ့တဲ့ ဆန်ကိုရီ ဗလီဝတ်ကျောင်းတော်ကနေတစ်ဆင့် ဖြစ်တည်လာတာ ဖြစ်ပါတယ်။ အစ်ဗနေ့ အူမာရ်ဟာ ပညာရေးမှာ နှံ့စပ်တဲ့ ပုဂ္ဂိုလ်တစ်ယောက်လည်း ဖြစ်ပါတယ်။ ဆန်ကိုရီဗလီဝတ်ကျောင်းတော်ရဲ့ အတွင်းပိုင်းအပြင်ဆင်ဟာ မက္ကာမြို့က ကအ်ဗာဟ် (Ka’bah) ၀တ်ကျောင်းတော်ရဲ့ အနေအထားအတိုင်း အတိအကျ ဆောက်လုပ်ထားတာပါ။ မန်ဒီကာမျိုးနွယ် (Mandika) က ကြွယ်ဝတဲ့အမျိုးသမီးတစ်ဦးဟာ နောက်ပိုင်းမှာ ဆန်ကိုရီတက္ကသိုလ်ကို ငွေကြေးထောက်ပံ့ပေးခဲ့ပြီး၊ တက္ကသိုလ်ကလည်း ဒေသအတွင်းမှာ ပညာရေးဆိုင်ရာ အရေးပါတဲ့နေရာတစ်ခု ဖြစ်လာခဲ့ပါတယ်။ တက္ကသိုလ်ကြီးဟာ အောင်မြင်ခဲ့ပြီး ၁၂ ရာစုမှာအရောက်မှာတော့ လူပေါင်း ၁ သိန်းလောက်ရှိတဲ့ တင်ဘွက်တူမြို့က ဆန်ကိုရီ တက္ကသိုလ်မှာ ကျောင်းသားပေါင်း ၂၅၀၀၀ အထိ ရှိခဲ့ပါတယ်။
ဆန်ကိုရီတက္ကသိုလ်မှာ လွတ်လပ်တဲ့ကောလိပ်ပေါင်း အမြောက်အများရှိခဲ့ပြီး အဲဒီကောလိပ် တစ်ခုချင်းစီကို ပါမောက္ခတစ်ဦးချင်းစီက ကြီးကြပ်အုပ်ချုပ်ခဲ့ပါတယ်။ သင်ကြားပေးတဲ့ ဘာသာရပ်တွေထဲမှာလည်း ကုရ်အာန်ကျမ်းတော်မြတ်၊ အစ္စလာမ့်ရေးရာ၊ ဥပဒေပညာ၊ စာပေ၊ ဆေးပညာ၊ ခွဲစိတ်ပညာ၊ နက္ခတဗေဒ၊ သင်္ချာ၊ ရူပဗေဒ၊ ဓာတုဗေဒ၊ ဒဿနိကဗေဒ၊ ဘာသာစကား၊ ပထ၀ီ၊ သမိုင်းနဲ့ အနုပညာဘာသာရပ် စတာတွေ ပါဝင်ခဲ့ပါတယ်။
ဒီပညာရပ်တွေတင်မကဘဲ ကုန်သွယ်မှုပညာ၊ စီးပွားရေးပညာနဲ့ လောကနီတိတွေလို ပညာရပ်မျိုးတွေကိုလည်း သင်ကြားပို့ချပေးပါသေးတယ်။ ကုန်သွယ်မှုပညာမှာတော့ လက်သမားအတတ်၊ လယ်ယာလုပ်ငန်းအတတ်၊ ငါဖမ်းနည်း၊ ဆောက်လုပ်ရေး၊ ဖိနပ်ထုတ်လုပ်ရေး၊ အပ်ချုပ်အတတ်ပညာနဲ့ ရေကြောင်းသွားလာရေး အတတ်ပညာ စသဖြင့် ဘာသာရပ်အမျိုးမျိုး ခွဲခြားထားပါတယ်။
ဆန်ကိုရီတက္ကသိုလ်က အမြင့်ဆုံးဘွဲ့ဟာ ဒီနေ့ခေတ် ဒေါက်တာဘွဲ့ (Ph.D) နဲ့ တူညီပြီး ဒီဘွဲ့ရဖို့အတွက် ၁၀ နှစ်လောက် ပညာဆည်းပူးရပါတယ်။ ဒီဘွဲ့ကို ရရှိသွားပြီဆိုရင်တော့ အဲဒီအချိန်က ကမ္ဘာ့အဆင့် ပညာရှင်တစ်ယောက်အဖြစ် မှတ်တမ်းဝင်ပြီး သူတို့ရဲ့ ရေးသားမှုတွေနဲ့ သူတို့ရဲ့ ပညာပြည့်ဝမှုတွေကိုလည်း အသိအမှတ်ပြုခံရပါတော့တယ်။ ဆန်ကိုရီက ဒေါက်တာဘွဲ့အတွက် ရေးသားရတဲ့ စာတမ်းကို ရီစာလဟ် (Risaleh) လို့ခေါ်ပြီး၊ ဒေါက်တာဘွဲ့ရသူကို အာယာသွလ္လာဟ် (Ayatullah) လို့ ခေါ်တွင်ပါတယ်။ ဒီဘွဲ့ပေးအပ်မှုဟာ ကွမ် (အီရန်) နဲ့ နဂျက်ဖ် (အီရတ်) တို့မှာ ယခုအချိန်အထိ ဆက်လက်ရှိနေပါတယ်။
(ကိုးကား- National Geographic ၏ 1001 Inventions – The Enduring Legacy of Muslim Civilization)
(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။)
အပိုင်း(၁)- ကော်ဖီ – ဖတ်ရန်
အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်
အပိုင်း(၃)- နာရီတို့၏ အစ – ဖတ်ရန်
အပိုင်း(၄) – ခေတ်ပေါ်စစ်တုရင်ကစားနည်း – ဖတ်ရန်
အပိုင်း(၅) – ဂီတ၏ အရင်းမူလ – ဖတ်ရန်
အပိုင်း (၈) – အလင်းပညာရပ်နှင့် ကင်မရာ – ဖတ်ရန်
အပိုင်း (၉) – ဖက်ရှင်နှင့် စတိုင် – ဖတ်ရန်
အပိုင်း (၁၀) – ကော်ဇောထုတ်လုပ်မှု – ဖတ်ရန်
အပိုင်း (၁၁) – စာသင်ကျောင်းများ ဘယ်ကစ – ဖတ်ရန်
