ဧပြီ ၁၄၊ ၂၀၂၂
M-Media
-တစ်ကျော့ပြန် စစ်အာဏာရှင်လက်အောက်မှာ မြန်မာနိုင်ငံဟာ စာရေးဆရာ၊ ဂျာနယ်လစ်နဲ့ တတ်သိပညာရှင်တွေကို ဖမ်းဆီးအကျဥ်းချမှုမှာ တရုတ်နဲ့ ဆော်ဒီအာရေဗျပြီးရင် တတိယအများဆုံး နိုင်ငံအဖြစ် မှတ်တမ်း၀င်လာပါတယ်။
၂၀၂၁ ခုနှစ်အတွင်း နိုင်ငံပေါင်း ၃၆ နိုင်ငံမှာ ဂျာနယ်လစ်နဲ့ တတ်သိပညာရှင် အနည်းဆုံး ၂၇၇ ဦး ဖမ်းဆီးအကျဥ်းချခံခဲ့ရတာပါ။
အာဏာသိမ်းမှုဖြစ်ခဲ့တဲ့ မြန်မာနိုင်ငံမှာ ဂျာနယ်လစ်တွေ၊ တတ်သိပညာရှင်တွေ ဖမ်းဆီးခံရမှု အများအပြား ဖြစ်ပေါ်ခဲ့ကာ စာရေးဆရာ အနည်းဆုံး ၂၆ ဦး ထောင်ချခံခဲ့ရပါတယ်။
စာရေးဆရာတွေ၊ ဂျာနယ်လစ်တွေနဲ့ တတ်သိပညာရှင်တွေကို ဖမ်းဆီးအကျဥ်းချကာ လွတ်လပ်စွာ ပြောဆိုမှုကို ပိတ်ပင်ရာမှာ တရုတ်နိုင်ငံက အဆိုးဆုံးဖြစ်ပြီး၊ ဒုတိယက ဆော်ဒီအာရေဗျနိုင်ငံ ဖြစ်ပါတယ်။
မြန်မာက တတိယလိုက်ပြီး ကမ္ဘာတစ်၀ှမ်း တတ်သိပညာရှင်တွေ ဖမ်းဆီးအကျဥ်းချမှု အားလုံးရဲ့ထက်၀က်ကျော်ဟာ ဒီ ၃ နိုင်ငံမှာ ဖြစ်ပွားတာပါ။
Ref: PEN
