Blog

ဖေဖော်ဝါရီ ၂၈၊ ၂၀၁၆
M-Media

– မြန်မာနိုင်ငံမှာ ပြီးခဲ့သည့် ၅ နှစ်တာအတွင်း လျှပ်စစ်ဓာတ်အား ဖြန့်ဖြူးရေးအတွက် ငွေကြေပမာဏ ၃ ဆ သုံးစွဲခဲ့သည်ဟု ယနေ့တွင်ထုတ်ပြန်သော တရားဝင်သတင်းအချက်အလက်အရ သိရသည်။

၂၀၁၅-၁၆ ဘဏ္ဍာရေးနှစ်အတွင်း အစိုးရမှာ လျှပ်စစ်ဓာတ်အားကဏ္ဍအတွက် အမေရိကန်ဒေါ်လာ ၄၈၁ သန်း သုံးစွဲခဲ့ပြီး ယခင် ၁၄၃ သန်းရှိရာမှ မြင့်တက်လာခဲ့ခြင်းဖြစ်သည်ဟု လျှပ်စစ်စွမ်းအားဝန်ကြီးဌာနမှ ဒုတိယ၀န်ကြီး ဦးမော်သာထွေးက ပြောကြားခဲ့သည်။

မြန်မာနိုင်ငံတွင် တစ်ဦးချင်း ဓာတ်အားသုံးစွဲမှုပမာဏမှာ ၂၂၂ ကီလိုဝပ်ရှိပြီး ၂၀၁၀ ခုနှစ်တွင် တစ်နိုင်ငံလုံး၌ ဓာတ်အား ၃၄၀၀ မဂ္ဂါဝပ် ဖြန့်ဖြူးနေရာမှ ၂၀၁၅ ခုနှစ်တွင် ၅၀၈၉ မဂ္ဂါဝပ်အထိ မြင့်တက်လာခဲ့သည်။ နိုင်ငံတစ်ဝှမ်းရှိ ကျေးရွာပေါင်း ၆၀၀၀၀ တွင် ၁၅၀၀၀ ကို ဓာတ်အားဖြန့်ဖြူးပေးထားနိုင်သည်။

ဒုတိယ၀န်ကြီးကမူ ဂျပန်နိုင်ငံတကာကော်ပိုရေးရှင်းအေဂျင်စီ (JICA) နှင့် ပူးပေါင်းဆောင်ရွက်နေသည့် မြန်မာအမျိုးသား ဓာတ်အားဖြန့်ဖြူးရေး စီမံကိန်းမှာ ၂၀၃၀ ခုနှစ်တွင် တစ်နိုင်ငံလုံး လျှပ်စစ်ဓာတ်အား အပြည့်ပေးနိုင်ရေးကို ရည်ရွယ်လုပ်ဆောင်ခြင်းဖြစ်သည်ဟု ပြောကြားခဲ့သည်။

မြန်မာနိုင်ငံ၏ လျှပ်စစ်ဓာတ်အားထုတ်လုပ်ရေး၏ ၆၆ ရာခိုင်နှုန်းမှာ ရေအားလျှပ်စစ်မှ ရရှိခြင်းဖြစ်ပြီး ၂၉ ရာခိုင်နှုန်းမှာ သဘာဝဓာတ်ငွေ့မှ ရရှိခြင်းဖြစ်သည်။ ကျောက်မီးသွေးသုံး ဓာတ်အားပေးစက်ရုံမှာ စုစုပေါင်း ဓာတ်အားပမာဏ၏ ၃ ရာခိုင်နှုန်းနှင့် လေစွမ်းအင်၊ နေစွမ်းအင်နှင့် ဇီဝစွမ်းအင်တို့က ၁ ရာခိုင်နှုန်းကို ထုတ်လုပ်ပေးလျက် ရှိနေသည်။

Ref: Business-standard

ဖေဖော်ဝါရီ ၂၈၊ ၂၀၁၆
M-Media

– အီမရိတ်လေကြောင်းလိုင်းမှာ ယူအေအီးနိုင်ငံမှ မြန်မာနှင့် ဗီယက်နမ်နိုင်ငံများသို့ သြဂုတ်လမှ စတင်ကာ တိုက်ရိုက်ပျံသန်းမှု ပြုလုပ်တော့မည်ဟု ယခုတစ်ပတ်အတွင်း ကြေငြာခဲ့သည်။

ဒူဘိုင်းမြို့မှ ရန်ကုန်နှင့် ဟနွိုင်းမြို့များသို့ ဘိုးအင်း 777-300ER လေယာဉ်များအသုံးပြုကာ သြဂုတ်လ ၃ ရက်နေ့မှ စတင်ကာ တိုက်ရိုက်ပျံသွားမည်ဖြစ်သည်။ မြန်မာနိုင်ငံနှင့် ပင်လယ်ကွေ့ဒေသမှ တိုက်ရိုက်လေကြာင်းခရီးစဉ်များတွင် လက်ရှိအချိန်၌ ကာတာလေကြောင်းလိုင်းက ပြေးဆွဲသည့် ဒိုဟာ-ရန်ကုန် ခရီးစဉ်သာ ရှိသေးသည်။

“နိုင်ငံအတွင်းမှာ ခရီးသွားလာရေးလုပ်ငန်းကို လမ်းဖွင့်ပေးခဲ့တာကြောင့် မြန်မာနိုင်ငံမှာ နိုင်ငံခြားခရီးသွားတွေ ပိုမိုတိုးမြင့် ရောက်ရှိလာတာကို တွေ့ရပါတယ်။ အထူးဖြင့် တိုင်းပြည်ရဲ့ ခရီးသွားစီးပွားရေးကို စိတ်ဝင်စားသူတွေနဲ့ သမိုင်းဝင်စေတီပုထိုးတွေကို စိတ်ဝင်စားသူတွေပါပဲ” ဟု အီမရိတ်လေကြောင်းလိုင်းမှ ထုတ်ပြန်သည့် ကြေငြာချက်တွင် ဖော်ပြထားသည်။

ထို့ပြင် ဘာသာရေးနှင့် ရှေဟောင်းအမွေအနှစ်နေရာများ၊ တောတောင်ရေမြေများနှင့် လှပသောကမ်းခြေများကြောင့် ၂၀၁၄ ခုနှစ်တွင် ရန်ကုန်၌ ကမ္ဘာလှည့်ခရီးသွားပေါင်း ၁.၁ သန်း ၀င်ရောက်လာခဲ့ပြီး ၂၀၁၃ ခုနှစ်ကထက်စာလျှင် ၂၅ ရာခိုင်နှုန်း မြင့်တက်လာခြင်းဖြစ်ကြောင်း ထိုကြေငြာချက်တွင် ထည့်သွင်းဖော်ပြခဲ့သည်။

အဆိုပါ လေယာဉ်မှာ ဒူဘိုင်းမှ ဒေသစံတော်ချိန် မနက် ၂ နာရီ ၅၀ မိနစ်တွင် ထွက်ခွာမည်ဖြစ်ပြီး ရန်ကုန်သို့ မနက် ၁၁ နာရီ ၅ မိနစ်၊ ဟနွိုင်းသို့ နေ့လည် ၂ နာရီ ၅၀ မိနစ်တွင် ရောက်ရှိမည်ဖြစ်သည်။ ရန်ကုန်မှ မနက် ၁ နာရီ မိနစ် ၅၀ တွင် ပြန်ထွက်မည်ဖြစ်သည်။

Ref: yangoncoconts