ဖေဖော်ဝါရီ ၂၅၊ ၂၀၁၆
M-Media
– မလေးရှားနိုင်ငံ ပဲရ်လစ်ပြည်နယ်တွင် တွေ့ရှိခဲ့ရပြီး လူကုန်ကူးခံရသူများဟု ယုံကြည်ရသော လူအစုလိုက်အပြုံလိုက် မြှုပ်နှံထားမှုနှင့် ပတ်သက်၍ စုံစမ်းစစ်ဆေးမှုများ ပြုလုပ်ရန်အတွက် မလေးရှားရဲတပ်ဖွဲ့က မြန်မာနိုင်ငံသား ၂ ဦးကို ဖမ်းဆီး ထိန်းသိမ်းလိုက်သည်ဟု သိရသည်။
အသက် ၃၀ ကျော်အရွယ်ရှိ အမျိုးသားများဖြစ်ပြီး ၀မ်ကီလီယမ် တောထဲရှိ လူအစုလိုက်အပြုံလိုက် မြှုပ်နှံထားသည့်နေရာတွင် အစောင့်အဖြစ် တာဝန်ယူခဲ့သည်ဟု ယုံကြည်ရကြောင်း စုံစမ်းစစ်ဆေးရေးအဖွဲ့ခေါင်းဆောင် ဂိုဟ် ကော့လီယန်က ယမန်နေ့တွင် ပြောကြားခဲ့သည်။
“သူတို့ ၂ ဦးကို လူကုန်ကူးခံရသူတွေက ရွေးထုတ်ပေးထားတာပါ။ အဲဒီ သံသယရှိသူ ၂ ဦးထံကနေ ကျွန်တော်တို့ စစ်ချက်တွေ ယူနေပါတယ်”
ထို့ပြင် မြန်မာနှင့် ထိုင်းနိုင်ငံသားများဟု ယူဆရသည့် သံသယရှိသူ နောက်ထပ် ၆ ဦးကိုလည်း ရဲတပ်ဖွဲ့က ရှာဖွေနေပြီး မကြာမီ ဖမ်းမိရန် မျှော်လင့်ထားသည်ဟု ဂိုဟ်က ထည့်သွင်းပြောကြားခဲ့သည်။
ဘင်္ဂလားဒေ့ရ်ှနှင့် မြန်မာနိုင်ငံတို့မှဟု ယုံကြည်ရသည့် လူ ၁၀၆ ဦး၏ ရုပ်ကြွင်းများကို မလေးရှား-ထိုင်း နယ်စပ်နီး ၀မ်ကီလီယမ်တောထဲတွင် ပြီးခဲ့သည့်နှစ်က တွေ့ရှိခဲ့ရခြင်းဖြစ်သည်။ ထိုင်းနိုင်ငံ လူကုန်ကူးသည့် အဖွဲ့များကို ပြီးခဲ့သည့် နှစ်အတွင်း နှိမ်နှင်းခဲ့ပြီးနောက် မလေးရှားနိုင်ငံတွင် လူကုန်ကူးသူများအား ထားရှိရာစခန်းများ၊ လူအစုလိုက်အပြုံလိုက် မြှုပ်နှံထားရာ နေရာများကို တွေ့ရှိခဲ့ရခြင်းဖြစ်သည်။
Ref: Channelnewsasia
