ဖေဖော်ဝါရီ ၂၁၊ ၂၀၁၆
M-Media
– မိမိ၏ အနာဂတ်တွင် အင်တာမီလန်အသင်းအား နည်းပြနိုင်ဖွယ်ရှိနေသည်ဟု အသင်းလက်မဲ့ဖြစ်နေသည့် မော်ရင်ဟိုက ၀န်ခံပြောကြားလိုက်သည်။
အသက် ၅၃ နှစ်အရွယ် မော်ရင်ဟိုမှာ ယမန်နေ့က အင်တာမီလန်အသင်းနှင့် ဆမ်ဒိုးရီးယားအသင်းတို့၏ ပွဲစဉ်ကို ဧည့်သည်တော်အဖြစ် တက်ရောက်ကြည့်ရှုခဲ့သည်။ ချယ်ဆီးမှ ထုတ်ပယ်ခဲ့ပြီးနောက် အသင်းလက်မဲ့ဖြစ်နေသည့် မော်ရင်ဟိုမှာ မန်ယူအား ရာသီကုန်တွင် ကိုင်တွယ်မည်ဟု သတင်းများ ကျယ်ကျယ်ပြန့်ပြန့် ထွက်ပေါ်ခဲ့သည်။ အင်တာမီလန်ကို မော်ရင်ဟိုက ၂ နှစ်ကြာ ကိုင်တွယ်ခဲ့ဖူးပြီး နောက်ဆုံးနှစ်ဖြစ်သော ၂၀၁၀ ခုနှစ်တွင် ဖလားသုံးလုံးရရှိအောင် စွမ်းဆောင်ပေးနိုင်ခဲ့သည်။
“မိမိရဲ့ မိသားစုကိုဆီကို ပြန်ရောက်လာသလိုပါပဲ။ ကျွန်တော်ထွက်ခွာသွားတာ ၆ နှစ်ကြာခဲ့ပေမယ့် ၆ ရက်လောက်ပဲရှိသေးတယ်လို့ ကျွန်တော်ခံစားရပါတယ်။ ရလဒ်တွေ၊ အောင်မြင်မှုတွထက်ပိုပြီး ဘောလုံးလောကမှာ အရေးအကြီးဆုံးကတော့ အမြဲတမ်းကျန်ရစ်နေမယ့် အပြန်အလှန်ခင်မင်နားလည်မှုနဲ့ ရင်းနှီးမှုပါပဲ။ တစ်နေ့ပြန်လာနိုင်မလားဆိုရင်တော့ – ဘာ့ကြောင့် ပြန်မလာနိုင်ရမှာလဲ။ ကျွန်တော် ချယ်ဆီးကို ပြန်သွားခဲ့တယ်။ ဒါဆို ဘာ့ကြောင့် အင်တာကို ပြန်မလာနိုင်ရမှာလဲ” ဟု မော်ရင်ဟိုက ပြောကြားခဲ့သည်။
Ref: Goal
