သြဂုတ် ၁၁၊ ၂၀၂၄
M-Media
-ဘင်္ဂလားဒေ့ရှ် ၀န်ကြီးချုပ်ဟောင်း ရှိခ်ဟာဆီနာက သူမ ရာထူးက ဆင်းပေးလိုက်ရမှုအတွက် အမေရိကန်ကို အပြစ်တင်ခဲ့ပြီး ပြည်တော်ပြန်မယ်လို့လည်း ကတိပြု ပြောကြားလိုက်ပါတယ်။
နိုင်ငံလွတ်လပ်ရေးအတွက် ဆောင်ရွက်ပေးခဲ့သူတွေရဲ့ မျိုးဆက်ကို အစိုးရအလုပ်အကိုင် ခွဲ၀ေပေးမယ့် ဟာဆီနာရဲ့ ကြိုးပမ်းမှုကို ပြည်သူတွေက မကျေနပ်ရာကနေ ဆန္ဒပြပွဲ အကြီးအကျယ် ဖြစ်ပွားခဲ့ပြီး နောက်ဆုံးမှာ ၀န်ကြီးချုပ်ဟာဆီနာ ရာထူးကဆင်းကာ အိန္ဒိယကို ထွက်ပြေးခဲ့ရပါတယ်။
အသက် ၇၆ နှစ်အရွယ် ရှိပြီဖြစ်တဲ့ ဟာဆီနာက စိန့်မာတင်ကျွန်းမှာ စစ်စခန်းလုပ်မယ့် အမေရိကန်ရဲ့ တောင်းဆိုမှုကို သူမက လက်မခံတဲ့အတွက် အမေရိကန်က သူမ ပြုတ်ကျအောင် ဆောင်ရွက်လိုက်တာလို့ ထွက်ပြေးရပြီးနောက်ပိုင်း ပထဆုံးထုတ်ပြန်တဲ့ ကြေငြာချက်မှာ ပြောကြားခဲ့ပါတယ်။
အမေရိကန်ရဲ့ တောင်းဆိုချက်ကိုသာ လိုက်လျောခဲ့ရင် အခုအချိန်အထိ အာဏာရှိနေအုံးမယ်လို့လည်း သူမက ဆိုပါတယ်။ အမေရိကန်ဖက်ကတော့ ဟာဆီနာရဲ့ အခုပြောကြားမှုအတွက် မှတ်ချက်မပေးသေးပါဘူး။
သူမရဲ့ ကြေငြာချက်မှာ တိုင်းပြည်ကို မကြာခင် ပြန်မယ်လို့ ကတိပြုခဲ့ပြီး သူမရဲ့ပါတီ Awami League က လည်း ပြန်လည်အောင်မြင်လာနိုင်မယ်လို့ ထည့်သွင်း ပြောဆိုခဲ့ပါတယ်။
Ref: Arab News
