ကျော်နေမင်း (မြို့ပြ) ရေးသည်။
လေးစားအပ်ပါသော စာဖတ်ပရိသတ်ကြီးခင်ဗျား
ယခုတင်ပြမည့်အကြောင်းအရာများဟာ သတင်းဆောင်းပါးတစ်ပုဒ်ထက် “လူထုအခြေပြုလူမှုမှတ်တမ်း” များဆိုရင် ပိုမှန်ပါလိမ့်မယ်(၂၀၀၀)ပြည့်နှစ်က အစပြုလို့ ယခု၂၀၁၆ခုနှစ်တိုင်အောင် မြန်မာနိုင်ငံတ၀ှမ်း မှာရှိတဲ့မြို့ရွာဒေသပေါင်း (၁၀၀)ကျော်ကို ခြေဆန့်ပြီးရလာခဲ့တဲ့ အခြေခံအချက်အလက်တွေအပေါ် မူတည် ပြီး ရေးသားခဲ့ခြင်းသာ ဖြစ်ပါတယ်။
အမှန်တကယ်တော့ ပြည်ထောင်စုမြန်မာနိုင်ငံမှာ မှီတင်းနေထိုင်ကြတဲ့ နိုင်ငံသားအစ္စလာမ်ဘာသာဝင် အများစုကြီးဟာ၊ အခြားနိုင်ငံသားအများစုနည်းတူ ဆင်းရဲသားလူတန်းစားများသာဖြစ်ပါတယ်။ အချို့သောအဖွဲ့အစည်းများ၊ အဆိုးမြင်မီဒီယာ တချို့နှင့် ရန်လိုနေသော ပုဂ္ဂိုလ် တချို့စွပ်စွဲသလို “ဘာသာခြားတွေချမ်းသာနေကြတယ်”ဆိုတဲ့ မဟုတ်မှန်စွပ်စွဲချက်တွေကို ယခုဆောင်းပါးအားဖြင့် အမှန် ပကတိအခြေအနေကို သိမြင်လာကြစေရန်နှင့် မြန်မာမွတ်စလင် လူ့အဖွဲ့အစည်းအပေါ် တင်ရှိနေသော ၀န်ထုတ်ဝန်ပိုးများ ခံစားနေကြရသော ဒုက္ခ၊ သုခများနှင့် တွေ့ကြုံနေရသော လက်တွေ့အခြေအနေများကို အနာဂတ်တိုင်းပြည်ကိုခေါင်းဆောင်မည့် ပုဂ္ဂိုလ်များနှင့် နိုင်ငံသားများထံသို့ အသိပေးလိုသော ရည်ရွယ်ချက်များ ဖြစ်ပါတယ်။ သတင်းဆောင်းပါး အတွက် ပါဝင်ကူညီပေးခဲ့သော လူပုဂ္ဂိုလ်များနှင့် အဖွဲ့အစည်းများအားလည်း အထူးကျေးဇူးတင်ရှိပါတယ်။
လူတန်းစားအဆင့်အတန်း
—————————
နိုင်ငံသားအစ္စလာမ်များရဲ့ ၄ရာခိုင်နှုန်းက ကြွယ်ဝ ချမ်းသာကြပါတယ်။ ဒါပေမယ့်ဒီနေ့ မြန်မာပြည်မှာခေတ်စားနေတဲ့ ဘီလီယံနာခရိုနီ စာရင်းဝင်တစ်ဦးမှ မရှိပါဘူး။ ချမ်းသာတယ် ဆိုပေမဲ့လည်း တရုတ်နွယ်ဖွား သူဌေးတွေရဲ့ ချမ်းသာမှုမျိုးတောင် မရှိနိုင်ပါဘူး။ အချမ်းသာဆုံး သူဌေးဟာ ကိုးကန့်သူဌေး အလယ်အလတ်တန်းစားတစ်ဦးရဲ့ အဆင့်နဲ့ပဲညီမျှနိုင်ပါတယ်။ ပင်မငွေပင်ငွေရင်းနည်းပါးတာကြောင့် လူမှုအကူအညီပေးရေးFoundation မျိုးတွေထူထောင်ထားခြင်းမရှိပါဘူး။ သိပ်ချမ်းသာတဲ့ တစ်ဦးတစ်လေရှိကောင်း ရှိနိုင်သော်လည်း၊ လူမှုအကူအညီပေးတဲ့လုပ်ငန်းတွေကို စိတ်မ၀င်စားတာလည်း ဖြစ်ကောင်းဖြစ်နိုင်ပါတယ်။ အသင့်အတင့်နေထိုင်နိုင်သော အလယ်လတ်တန်းစား လူတန်းစား(၁၂)ရာခိုင်နှုန်းရှိပါတယ်။ ဒါပေမယ့်ဝမ်းနည်း စရာကောင်းတဲ့ အချက်က သူတို့တတွေ အထဲက ၁ ရာခိုင်နှုန်းလောက်ကသာ လူမှုအကူအညီပေးရေးလုပ်ငန်းတွေကို စိတ်ဝင်စားကြပါတယ်။ များသောအားဖြင့် ကြုံကြိုက်လာတဲ့ အခြေအနေပေါ်မှာ ၀င်ရောက် ကူညီပေးလေ့ရှိကြပြီး၊ တစိုက်မတ်မတ်ပါဝင်ဆောင်ရွက်လေ့မရှိကြပါဘူး။
နိုင်ငံသားအစ္စလာမ်တွေရဲ့ (၇၅)ရာခိုင်နှုန်းက လက်လုပ်လက်စား ဆင်းရဲသားအများစုကြီးပါ။ ရရာအလုပ်တွေ နေ့တဓူဝ ကိစ္စတွေကိုဖြေရှင်းနေကြရတာပါ။ လယ်သမား၊ အလုပ်သမား၊ ဈေးသည်များနဲ့လက်လီ အရောင်းအ၀ယ်လေးတွေကို လုပ်ကိုင်နေကြရပါတယ်။ ထူးခြားမှု တစ်ခုကတော့ လုပ်ခစားအလုပ်ဝင်ရောက်လုပ်သူနည်းပါးလာပြီး၊ တနိုင်တပိုင်လမ်းဘေး အရောင်းအ၀ယ်၊ ပွဲစားလုပ်ငန်းများနှင့် ၀န်ဆောင်မှု လုပ်ငန်းတွေမှာ အများစုကို တွေ့မြင်ရပါတယ်။ အလုပ်လက်မဲ့အဖြစ် မနေကြဘဲ ရရာအလုပ်ကိုလုပ်ကိုင်ကြတဲ့ စိတ်ဓာတ်မျိုးတွေ ရှိနေကြတာဟာ ထူးခြားချက်တစ်ခုပါ။
ဥပမာအားဖြင့် ရန်ကုန်မြို့ရဲ့ယခင်မဂိုလမ်း ယခုရွှေဘုံသာလမ်းနေရာမှာ ပစ္စည်းအဟောင်းအရောင်းအ၀ယ် လုပ်နေသူအများစုကိုကြည့်ရင် အစ္စလာမ်အများစုကိုတွေ့ရမှာဖြစ်ပြီး၊ နံနက်ပိုင်းမှာရပ်ကွက်တကာ၊ လမ်းတကာမှာအော်ဟစ်ပြီးပစ္စည်းအဟောင်းလိုက်ဝယ်ပြီး၊ ညနေခင်းမှာအဟောင်းတန်းကိုလာပြီး ၀ယ်ယူသူတွေကိုရောင်းချပေးလေ့ရှိပါတယ်။ အလုပ်မဲ့အကိုင်မဲ့၊ အိုးမဲ့အိမ်မဲ့ အခြေတကျမရှိသူ(၅)ရာခိုင်နှုန်းလောက်ရှိပြီး၊ ယခုအခါနိုင်ငံရဲ့ တချို့ဒေသမှာရှိတဲ့ ဒုက္ခသည် စခန်းက အစ္စလာမ်ဘာသာဝင်လူဦးရေ စာရင်းကိုပါ ထည့်တွက်ရင် ၈ရာခိုင်နှုန်းအထိတိုးပွားသွားနိုင်ပါတယ်။ ဒါဟာ တကယ်တော့ရင်လေးစရာပါ။ အလုပ်လုပ်နိုင်တဲ့အရွယ်ကောင်းတွေဟာ ဒုက္ခသည်စခန်းမှာ ချောင်ပိတ်မိနေနိုင်ပြီး၊ တိုင်းပြည်ရဲ့လူသားအရင်းအမြစ်တွေဆုံးရှုံးနေရခြင်းပါ။ တဆက်တည်းမှာပဲ မြန်မာမွတ်စလင် လူ့အဖွဲ့အစည်းအတွက် ၀န်ထုပ်ဝန်ပိုးတစ်ခုသဖွယ် တည်ရှိလို့နေပါတယ်။ ၂၀၁၆ ခုနှစ်မှာ ဖြစ်ပေါ်လာမယ့် NLD ဦးဆောင်တဲ့အစိုးရလက်ထက်မှာတိုင်းပြည်နိုင်ငံတ၀ှမ်းက ဒုက္ခသည်တွေ အားလုံးရဲ့ ပြဿနာပြေလည် သွားနိုင်မယ်လို့မျှော်လင့်မိပါတယ်။ အိမ်နီးချင်းနိုင်ငံတွေက ဒုက္ခသည် စခန်းမှာလည်း နိုင်ငံသား အစ္စလာမ်ဘာသာဝင်တွေဒုနဲ့ဒေးပါ။
တောင်းရမ်းသူတို့စစ်တမ်း
—————————
သောကြာနေ့ ၀တ်ပြုပြီးချိန်ဆိုရင် တောင်းရမ်းသူတွေ တသီတတန်း ၀တ်ကျောင်းတော်ရှိတဲ့ နေရာ အတော်များများမှာ မြင်နိုင် ပါတယ်။ ထူးခြားချက် အများစုဟာရေသာခို အချောင်လိုက်ကြတဲ့ သူတွေဖြစ်နေတာပါ။ နာမကျန်းသူတွေ သက်ကြီးရွယ်အိုတွေ ကိုယ်လက် အင်္ဂါချို့တဲ့သူတွေကို ပေးကမ်းကြရင်းနဲ့ အတုတွေဟာများပြားလာပါတယ်။ မျက်မမြင်အတွက်၊ လမ်းမလျောက်နိုင်သူအတွက် အကြောင်းပြချက်နဲ့လူကောင်း တွေက အဖော်ပြုပြီးတောင်းရမ်းနေကြတာပါ။ မြန်မာ့ ယဉ်ကျေးမှုထုံးတမ်းအစဉ်အလာနဲ့ သဒ္ဓါတရား အားကောင်းတဲ့မြန်မာရဲ့အကျင့်စရိုက် အတိုင်း မြန်မာ မွတ်စလင်တွေက ပေးကမ်းနေကြတော့၊ သူတောင်းစားတွေ ဘ၀လည်း ပျက်သထက် ပျက်လာပါတော့တယ်။ တဖြည်းဖြည်းနဲ့ ရပ်ကွက်လမ်းတွေပေါ်မှာ၊ ကားတန်းကြီးတွေကြားထဲမှာပါ တောင်းရမ်းသူတွေ များပြားလာခြင်းပါ။ ချိုင်းထောက် အတုတွေနဲ့ လူတွေကို အလွယ်တကူမြင်တွေ့နိုင်ပါတယ်။ ဆိုးဝါးလှတဲ့ အချက်ကတော့ တောင်းရမ်းသူတွေဟာ ဘာသာရေး အဆောင်အယောင်တွေ ၀တ်စား ဆင်ယင်ထားခြင်းပါ။ အမျိုးသမီးတွေက ခေါင်းပုဝါတွေခြုံ၊ အကာအကွယ် ၀တ်ရုံ(ဗုရခါ)တွေဝတ်ပြီး တချို့တောင်းရမ်းနေသလို၊ အမျိုးသားတွေက ဦးထုပ်တွေဆောင်း၊ အဖြူရောင် ၀တ်ရုံရှည်ကြီးတွေဝတ်ပြီး၊ မြင်တွေ့ရသူအပေါင်းကို အထင်မှတ်မှားစေတာပါ။ တကယ်တော့တောင်းရမ်းသူတွေ
ဆီက ဒီလို အယောင်ဆောင်မှုတွေကို ခွာချလိုက်သင့်တာပါ။
ဒီကြားထဲအယောင်ဆောင်တချို့က အမည်ခံ မိဘမဲ့ကျောင်းတွေကိုအကြောင်းခံပြီး လုပ်စားကြသူတွေလည်းရှိပါတယ်။ စစ်တမ်းက အံ့ဩစရာ မွတ်စလင်တောင်းရမ်းသူ ၈၀ရာခိုင်နှုန်းဟာ အတုတွေ ရေသာခိုသမားတွေပါတဲ့၊ ဒီကြားထဲအစ္စလာမ် မဟုတ်ဘဲ အယောင်ဆောင်ဝတ်စား ဆင်ယင်သူက ထက်ဝက်နီးပါး(၃၅)ရာခိုင်နှုန်းရှိပါသတဲ့၊ (၁၈)ရာခိုင်နှုန်းကတော့ တကယ် မရှိတာရယ်၊ ကျန်းမာရေး အခက်အခဲတွေကြောင့် အမှန်တကယ် တောင်းစားနေကြသူတွေဖြစ်တယ်လို့ ဆိုပါတယ်။
ဒါပေမယ့် သူတောင်းစားတွေရဲ့ ၇၈ရာခိုင်နှုန်းက အိုးအိမ် အတည်အကျမရှိသူတွေနဲ့ လမ်းဘေးမှာဖြစ်သလိုနေတဲ့ သူတွေပါ။ အကယ်၍များ အလုပ်အကိုင်တစ်ခုခုရှိရင် ဒီအလုပ်စွန့်မလားဆိုတဲ့မေးခွန်းကို ၃၀ရာခိုင်နှုန်းလောက်သာ စွန့်မယ်လို့ဖြေပြီး၊ ကျန်တဲ့လူတွေက ဒီအလုပ်ကိုနှစ်သက်ပါသတဲ့။ လွယ်ကူတဲ့ ရပေါက်ရလမ်းတွေရှိနေတော့ အလုပ်လုပ်ဖို့ပျင်းရိကုန်ကြပါပြီ။ ၀မ်းနည်းစရာကောင်းတဲ့ အချက်က သူတို့နဲ့အတူ လူမမယ်ကလေးတွေ၊ ကျောင်းနေအရွယ်ကလေးတွေ ပညာမသင်ရခြင်းပါ။ ကလေးတွေကိုခုတုံးလုပ်ပြီးတောင်းစားနေတဲ့သူတွေက ၄၀ ရာခိုင်နှုန်း ရှိနေပါတယ်။ ကလေးတွေကို ကျောင်း တက်မလားဆိုတဲ့မေးခွန်းကို ၁၀ ယောက်မှာ ၉ယောက်ဖြစ်တဲ့ ၉၀ရာခိုင်နှုန်းက ကျောင်းဝတ်စုံ ၀တ်ထားတဲ့ ကလေးတွေကိုကြည့်ပြီး တက်ချင်တယ်လို့ဖြေခဲ့တာဟာဖြင့် ကျွန်တော့်ကို မျက်ရည်စို့စေခဲ့ပါတယ်။ သူတို့ရဲ့အနာဂတ်ကိုသိလို့ မဟုတ်ဘဲ ၊ကလေးတွေရဲ့ပင်ကိုယ်စိတ်နဲ့ဖြေခဲ့တာပါ။ ဒီလို မသမာတဲ့တောင်းရမ်းသူတွေကြောင့် ကလေးတွေ အနာဂတ်ပျောက်နေကြရပါပြီ။ အသက်အရွယ်ကြီးရင့်ပြီးတောင်းစားနေသူရဲ့ ၆၅ ရာခိုင်နှုန်းက ခိုလှုံဖို့တစ်နေရာ အလိုရှိပြီး၊၂၀ရာခိုင်နှုန်းက စည်းကမ်း ချုပ်ချယ်တဲ့ ရိပ်သာအစား လွတ်လွတ်လပ်လပ်ပဲနေချင်ပါသတဲ့။
ဒီလူတွေအားလုံး နီးပါးဖြေကြတာက အစ္စလာမ်ဘာသာဝင် အသက်အရွယ်ကြီးရင့်သူတွေ အတွက် ဘိုးဘွားရိပ်သာတွေက လုံလောက်မှု မရှိဘူးဆိုတာပါဘဲ အဖွဲ့တစ်ဖွဲ့က”သူတောင်းစား ပပျောက်ရေးနဲ့ အလုပ်အကိုင် နေရာချထားရေး” အတွက်ကြိုးစားခဲ့ပေမယ့် ထုထည် ပမာဏကြီးလွန်းတာရယ်၊တောင်းရမ်းသူတွေကကို၌က စိတ်မ၀င်စားတာရယ်ကြောင့် လက်လျှော့ခဲ့ရပါတယ်။ အရင်တုန်းက စီမံချက်နဲ့တောင်းရမ်းသူတွေကို ဖမ်းဆီးတဲ့အခါ မှာ စခန်းတရားရုံးကို အပေးအယူလုပ် လိုက်ဖြေရှင်းပေးတဲ့ ငွေကြေးရှင်(ငွေတိုးချေးစားသူ) တွေရှိပြီး၊အမှုပြီးရင် ကြီးမားတဲ့ အတိုးနှုန်းနဲ့ ပြန်ဆပ် ရပါတယ်။ဝမ်းနည်းစရာကောင်းတဲ့ အချက်က မြန်မာမွတ်စလင် အများစုဟာ ကောင်းရောင်း၊ ကောင်းဝယ် လုပ်စားနေသူတွေကို၊ ထိုက်တန်တဲ့အခကြေးငွေပေးဖို့ တွန့်တိုတတ်ကြပေမယ့် တောင်းရမ်းသူတွေကိုတော့ အကျိုးစ၀ပ် (ကုသိုလ်)ကိုမျှော်ကိုးပြီး တလွှဲဆံပင်ကောင်း လှူဒါန်းလေ့ရှိပါတယ်။
လူ့အခွင့်အရေးချိုးဖောက်ခံရမှုများ
———————————–
နိုင်ငံသားအစ္စလာမ်တို့ဟာ ခေတ်အဆက်ဆက်အခွင့်အရေးတွေ လျစ်လျူရှုခံရပြီး၊ အထူးသဖြင့်ဦးနေ၀င်းရဲ့ ဆိုရှယ်လစ်အစိုးရ လက်ထက်မှာ စခဲ့ပါတယ်။ မလွတ်လပ်ခင်နဲ့လွတ်လပ်ရေးရပြီးဦးနုရဲ့ ဒီမိုကရေစီအစိုးရအထိ တိုင်းရင်းသားအစ္စလာမ်တို့ဟာ ၀န်ကြီးရာထူးများ အထိတက်လှမ်း နိုင်ခဲ့ကြပါတယ်။ ထိုက်တန်သူများရှိသော်လည်းဦးနေ၀င်းရဲ့ အစိုးရလက်ထက် မှာ တဖြည်းဖြည်း ဖယ်ရှားခံခဲ့ရပါတယ်။ စစ်အစိုးရကနေ ယခုအစိုးရ လက်ထက်တိုင်အောင်၊ နိုင်ငံသားအစ္စလာမ်တွေ အနေနဲ့ဝန်ထမ်း အကြီးအကဲတွေ ဖြစ်လာဖို့ခဲယဉ်းသွားခဲ့ရတာပါ။ ဒါဟာစနစ်တကျနဲ့ဖယ်ရှားခဲ့တာပါ။ သာမန်နိုင်ငံသား အစ္စလာမ်တွေအဖို့ နိုင်ငံသားစီစစ်ရေး ကဒ်ပြားဟာ မလွယ်ကူတဲ့ကိစ္စပါ။ အမျိုးမျိုးသောကဒ်တွေကို ထုတ်ပေးခဲ့ပြီး၊နိုင်ငံသား အဖြစ်မရရှိအောင်ခွဲခြား ခံခဲ့ရတာဟာ စိတ်မကောင်းဖွယ်ရာပါ။ နိုင်ငံသားစီစစ်ရေးကဒ် မရှိတဲ့အတွက် ခရီးသွားလာခွင့် ပညာသင်ကြား ခွင့်နဲ့ သင်ကြားမှုဆိုင်ရာ အသိအမှတ်ပြုလက်မှတ်များရရှိဖို့ ငြင်းဆန်ခြင်းခံခဲ့ရပါတယ်။
၁၉၄၇၊၁၉၇၄၊၂၀၀၈ ဖွဲ့စည်းပုံအခြေခံဥပဒေတိုင်းမှာ လွတ်လပ်စွာ ကိုးကွယ်ခွင့်နဲ့စပ်လျဉ်းပြီး အတိအလင်းဖော်ပြထား ခဲ့ပေမယ့်၊ တကယ် ပကတိအခြေအနေမှာ မရရှိခဲ့ပါဘူး။ ၀တ်ကျောင်းတော်များ တားဆီး ပိတ်ပင်ခံရမှု၊ ပြန်လည်ပြုပြင် တည်ဆောက်ခွင့်ရရှိခဲ့တာဟာ လက်ချိုးရေတွက်လို့ရပါတယ်။ ထို့အတူ ဘာသာရေးစာသင်ကြားမှုတွေကိုလည်း မတူညီတဲ့ဒေသအလိုက် ဟန့်တားခြင်းခံခဲ့ရပါတယ်။ ဒါ့အပြင် တရားစီရင်ရေးနဲ့ပတ်သက်ပြီး ကိုးကွယ်ရာ ဘာသာတရားတွေ၊ ကွဲပြားတဲ့လူမျိုးတွေကို အကြောင်းပြုပြီးခွဲခြားဆက်ဆံခြင်း ခံခဲ့ရပါတယ်။ စွပ်စွဲမှု အမျိုးမျိုးနဲ့ခေါင်းစဉ်တွေအောက်မှာ မတရားတဲ့ တရားစီရင်မှုတွေ ရှိနေခဲ့ရပါတယ်။ တချို့ဆိုရင် ဒေသဖွံ့ဖြိုးရေးဆောင်ရွက်တာတွေအထိ ခွဲခြားခဲ့ပါတယ်လို့ ဆိုကြပါတယ်။
ဒါကြောင့် အစ္စလာမ်ဘာသာဝင်အများစုနေထိုင်ရာဒေသတွေမှာ လမ်းပန်းဆက်သွယ်ရေး၊ လျှပ်စစ်မီးနဲ့ဒေသဖွံ့ဖြိုးရေးတို့ဟာ တချို့သော ပြည်နယ်တွေလိုပဲ နိမ့်ကျနေခဲ့ပါတယ်။ နိုင်ငံနဲ့အ၀ှမ်းမှာပေါ်ပေါက်ခဲ့တဲ့အကြမ်းဖက်မှုပြဿနာတွေကို ကိုင်တွယ်ဖြေရှင်းရာမှာ အစိုးရအနေနဲ့ ထိရောက်စွာကိုင်တွယ်မှု မရှိဘဲ ပဋိပက္ခဖန်တီးနေတဲ့
အင်းအားစုတွေကို အရေးယူခြင်း မရှိခဲ့ဘူးလို့ ယုံကြည်နေခဲ့ကြပါတယ်။ ယခင်စစ်ခေါင်းဆောင်တွေ ကိုယ်တိုင်ပြောကြားခဲ့တဲ့၊ ခွဲခြားမှုများ၊ မိန့်ကြားချက်တွေဟာ ယခုအခါမှာပေါ်ထွက်လာခဲ့ပြီး၊ နိုင်ငံနှင့်အ၀ှမ်း အမုန်းတရားဟောပြောဖြန့်ချီတဲ့သူတွေကို အရေးမယူခြင်းဟာ၊ အစိုးရအပေါ်မှာ လုံးလုံးလျှားလျှားတာဝန် ရှိခဲ့ပါတယ်။
ဒါကြောင့်တိုင်းနှင့်ပြည်နယ်နေရာဒေသ၉ခုက လူပေါင်း တစ်ထောင်ခန့်ကို မေးမြန်းထားတဲ့ စစ်တမ်းတစ်ခုအရ ၂၀၁၀ပြည့်နှစ်က နိုင်ငံသား အစ္စလာမ်တွေကို ခွဲခြားမှုနဲ့ စပ်လျဉ်းလို့ လူဦးရေရဲ့ ၆၀ရာခိုင်နှုန်းက နိုင်ငံသားစိစစ်ရေးနဲ့ ဘာသာရေးကိစ္စမှအပ တန်းတူရည်တူ ဆက်ဆံခြင်းခံရပါတယ်လို့ ဖြေဆိုပြီး၊ ၃၀ရာခိုင်နှုန်းကလုံးဝခွဲခြားခံရပါတယ်လို့ ယူဆကြပါတယ်။ ကျန် ၁၀ ရာခိုင်နှုန်းက ဖြေဖို့စိုးရိမ်ကြပါတယ်။ ယခု ၂၀၁၅မှာ ဒီစစ်တမ်းလေးကို ပြန်လည်မေးမြန်းကြည့်တဲ့ အခါမှာ မေးမြန်းခံရသူရဲ့ ၉၃ရာခိုင်နှုန်းကလုံးဝခွဲခြားခြင်းခံရပါတယ်လို့ ဖြေဆိုကြ ပါတယ်။
ဒီလိုမယုံကြည်မှုတွေ လွှမ်းမိုးခံနေရတဲ့ လူ့အဖွဲ့အစည်း တစ်ရပ်ကို ယုံကြည်မှုတွေပြန်လည် တည်ဆောက်ဖို့အတွက် “ဒီမိုကရေစီ အစိုးရသစ်” မှာ တာဝန်ရှိသလို၊ တန်းတူရည်မျှတဲ့ဆက်ဆံရေးတွေ လျင်မြန်စွာ အသက်ဝင်လာမယ် လို့လဲမျှော်လင့်မိပါတယ်။ တစ်ဦး ချင်းအနေနဲ့ ခွဲခြားဆက်ဆံမှုခံရတာတွေဟာ အပုံအပင်ပါ၊ ထိုနည်းတူစွာနိုင်ငံသား အစ္စလာမ်တွေအနေနဲ့ လည်းဘာသာမတူ လူမျိုးမတူဆိုတဲ့ အခြေအနေတွေအောက်မှာ သူစိမ်းပြင်ပြင်လို သဘောထားပြီးဆက် ဆံမှုဟာ၊ မြန်မာမွတ်စလင် လူ့အဖွဲ့အစည်းဟာ ပိုပြီးဝေးသထက်ဝေးလာတာကိုတွေ့နေရပါတယ်။ ယခု နောက်ဆုံးပေါ် ခွဲခြားဆက်ဆံခံရမှုကတော့၊ မြန်မာတို့ရဲ့အစဉ်အလာ ဓလေ့ထုံးစံတွေအရကျင်းပပြုလုပ်တဲ့ ပွဲလမ်းသဘင်တွေမှာ လမ်းဘေးဈေးရောင်းကြတဲ့အစ္စလာမ်တွေကို အဟန့်အတားပြုလုပ်နေကြခြင်းဟာ အတော့်ကိုဆိုးဝါးလှပါတယ်။
ဆောင်ရွက်ရန်နည်းလမ်းများ
—————————-
ဒီပြဿနာရပ်တွေဖြေရှင်းရေးအတွက် အပိုင်း၂ ပိုင်းရှိပါတယ်။ အစိုးရရဲ့တာဝန်ရှိမှုနဲ့မြန်မာ-မွတ်စလင်လူ့အဖွဲ့အစည်းကိုယ်၌က တာဝန်ခံမှုဖြစ်ပါတယ်။ ဒါပေမယ့် နှစ်ရှည်လုပ်ယူရမယ့် Longtime Plan မျိုးဖြစ်ပါ တယ်။ အစိုးရအနေနဲ့ ဘာတွေလုပ်ပေးနိုင်ပါသလဲ၊ ကြည့်ရအောင်ပါ။ပြည်သူပြည်သားတွေ အားလုံးခွဲခြားရေးအမြင်တွေ၊စိတ်ဓာတ်တွေ၊ အမုန်းတရားတွေပြေပျောက်ဖို့အတွက် အမှန်တကယ်ဘာသာပေါင်းစုံ ချစ်ကြည်ရင်းနှီးမှု အစီအစဉ်တွေကိုအောက်ခြေက စတင်ရပါမယ်။အခုလက်ရှိအစိုးရလုပ်သလို ဟန်ပြလုပ်ငန်း မျိုးမဖြစ်စေရပါဘူး။ လုပ်နေတဲ့ လူတွေက ကြိုးစားနေပေမယ့် အစိုးရက ထင်သလောက်အားမပေးပါဘူး။
ကလေးသူငယ်တွေရဲ့ပညာသင်ရိုးညွှန်းတမ်းတွေမှာ Religious Study ဆိုတဲ့ ဘာသာတရားများ လေ့လာမှု အစီအစဉ်ထည့်သွင်းပြီး၊ငယ်စဉ်ကတည်းက အမြင်မသွေလွဲအောင်ကြိုးပမ်းရပါမယ်။ လွတ်လပ်စွာ ၀တ်ပြုကိုးကွယ်ခွင့်၊ ပညာသင်ကြားခွင့်၊ တရားဥပဒေရဲ့စောင့်ရှောက်မှုရယူခွင့်၊ အမှုထမ်းခွင့်၊ နိုင်ငံသားအဖြစ် အသိအမှတ်ပြုခြင်းခံရခွင့်၊ စီးပွားရေးတွင်တရားမျှတစွာပါဝင်ယှဉ်ပြိုင်နိုင်ခွင့် စသည့်ဆုံးရှုံးခဲ့မှုများကို ပြန်လည် ကုစားပေးသင့်ပါသည်။
မြန်မာ-မွတ်စလင်လူ့အဖွဲ့အစည်းအနေနဲ့လည်းဒီနိုင်ငံရဲ့ ယဉ်ကျေးမှုဓလေ့ထုံးတမ်း အစဉ်အလာများကို လေးစား တန်ဖိုးထားရပါမယ်။ ဘာသာရေးအရ အစွန်းရောက်မှုတွေကို ရှောင်ရှားပြီး၊ တရားမျှတဲ့လူ့အဖွဲ့အစည်းကို တည်ဆောက်ရပါမယ်။ရေသာခိုအချောင်သမားများကို အားမပေးဘဲ၊ချို့တဲ့သူများ၏ ဘ၀များကိုတောင်းရမ်းမှုမှသည် အလုပ်အကိုင် အခွင့်အလမ်းများကို ဖန်တီးပေးရပါမယ် အတတ်ပညာအသိပညာ များဖြင့် အနာဂတ်မျိုးဆက်ကို လက်ဆင့်ကမ်းရပါမယ်။
မိမိတို့၏ရင်သွေးများကိုနိုင်ငံကျေးဇူး သိတတ်သော၊ နိုင်ငံသစ္စာ ခံယူတတ်သော အလေ့အထများမွေးမြူစေ ရပါမယ်။ နိုင်ငံဝန်ထမ်းများတွင်ပါဝင်လုပ်ကိုင်စေ ရပါမယ်။ ရှေးမှုမပျက်ချစ်ကြည်ရင်းနှီးခဲ့သော အစဉ်အလာများအတိုင်း အနာဂတ်နိုင်ငံ၏ ဦးဆောင်မှုကဏ္ဍ၊ တိုင်းပြည်ပြန်လည်ထူထောင်ရေး လုပ်ငန်းစဉ်များတွင်၊ အုတ်တစ်ချပ် သဲတစ်ပွင့်ဆိုသလို ပါဝင်ကူညီရပါ မယ်။ တိုင်းနိုင်ငံတစ်ဝှမ်း မြန်မာ-မွတ်စလင်လူ့အဖွဲ့အစည်းကို ကိုယ်စားပြုသော “မီဒီယာများ”ပေါ်ထွန်းလာ ရေးကို ကူညီပေးသင့်ပါတယ်။သို့မှသာ မှန်ကန်သောသတင်းဖြစ်ရပ်များ အချိန်နှင့် တပြေးညီထုတ် ပြန်နိုင်မှာဖြစ်ပါတယ်။
နိဂုံးချုပ်အနေနဲ့ ဒီစစ်တမ်းလေးရဲ့တွေရှိချက်တွေကို သုံးသပ်အကြံပြုတင်ပြချက်တွေကို ပေါ်ပေါက်လာမယ့် “ဒီမိုကရေစီအစိုးရသစ်” တစ်ရပ်အနေနဲ့ ဆောင်ရွက်ပေးပါလို့မေတ္တာရပ်ခံရင်းနဲ့ တစ်ပြိုင်နက်တည်း၊ မြန်မာ-မွတ်စလင် လူ့အဖွဲ့အစည်း တစ်ရပ်လုံးအနေနဲ့လည်းဝန်ထုပ်ဝန်ပိုး တွေကိုစုပေါင်းဖြေရှင်းရင်း၊ တိုင်းပြည်ရဲ့ပြုပြင်ပြောင်းလဲရေး ခရီးလမ်းတစ်လျှောက်မှာ ပါဝင်ဆောင်ရွက်ကြပါစို့လို့ အလေးအနက်တိုက်တွန်းလိုက်ရပါတယ် ခင်ဗျား။
ဆောင်းပါးရှင်၏ ခွင့်ပြုချက်ဖြင့် Firday Times ဂျာနယ်မှ ကူးယူဖော်ပြပါသည်။
