ဇန်န၀ါရီ ၂၇၊ ၂၀၁၆
M-Media
– ဆော်ဒီအာရေဗျက သမိုင်းဝင် ဘဒရ်မြို့မှာ ဆော်ဒီရီယဲလ် ၂၁၉ သန်း လောက်ကုန်ကျမယ့် ဖွံ့ဖြိုးရေးစီမံကိန်းတွေနဲ့ ၀န်ဆောင်မှုတွေကို စတင်ဆောင်ရွက်နေပြီလို့ မဒီနာအုပ်ချုပ်ရေးမှူး မင်းသား ဖိုင်ဆယ် ဘင် ဆလ်မန်က ယမန်နေ့မှာ ပြောကြားလိုက်ပါတယ်။
မင်းသားဟာ ဘဒရ်မြို့နေပြည်သူတွေနဲ့ တွေ့ဆုံခဲ့ပြီး ခရီးသွားလာရေးလုပ်ငန်းအတွက် မြို့ရဲ့သမိုင်းဝင်ပြီး အရေးပါပုံကို အထူးအလေးပေး ပြောကြားခဲ့ပါတယ်။ နိုင်ငံထဲကို လာရောက်လည်ပတ်တဲ့ နိုင်ငံခြားသားနဲ့ ဧည့်သည်တော်တွေအတွက်လည်း ခရီးသွားလာရေးဆိုင်ရာ အစီအစဉ်တွေနဲ့ ၀န်ဆောင်မှုတွေကို အားကောင်းအောင် ပြုလုပ်နေမှုတွေနဲ့ ပတ်သက်လို့လည်း ထည့်သွင်းပြောကြားခဲ့ပါတယ်။
ပြည်သူလူထုအကျိုးစီးပွားအတွက် ဆော်ဒီအစိုးရရဲ့ စီမံကိန်းတွေအောင်မြင်ရေး ကဏ္ဍအားလုံးအကြား ပူးပေါင်းဆောင်ရွက်ဖို့၊ ညှိနှိုင်းဆောင်ရွက်သွားဖို့အတွက်လည်း ဆလ်မန်က အလေးထား ပြောကြားခဲ့ပါတယ်။ ခရီးသွားလာရေး ကော်မရှင်နဲ့ စည်ပင်သာယာရေးအဖွဲ့အကြား ပူးပေါင်းဆောင်ရွက်မှုတွေကိုလည်း မင်းသားက ချီးကျူးခဲ့ပါတယ်။
ဆော်ဒီအစိုးရရဲ့ ဘဒရ်ဒေသ ဖွံ့ဖြိုးတိုးတက်ရေး စီမံကိန်းတွေမှာ အထွေထွေဆေးရုံဆောက်လုပ်တာ အမျိုးသား၊ အမျိုးသမီးတွေအတွက် အဆင့်မြင့်ပညာရေးရရှိအောင် ဆောင်ရွက်တာ၊ လမ်း၊ တံတားနဲ့ အိမ်ယာတွေတည်ဆောက်တာတွေ ပါဝင်ပြီး ဥပဒေစိုမိုးရေးအဖွဲ့တွေ၊ စည်ပင်သာသာရေးအဖွဲ့တွေအတွက် အခြေခံအဆောက်အဦးတွေကိုလည်း တိုးချဲ့တည်ဆောက်ပေးသွားမှာဖြစ်ပါတယ်။
အဲဒီစီမံကိန်းတွေမှာ လူမှုဖူလုံရေးနဲ့ အာမခံလုပ်ငန်း၊ အလုပ်အကိုင်ရှာဖွေပေးရေး စတဲ့ ပြည်သူလူထု ၀န်ဆောင်မှုလုပ်ငန်းတွေလည်း ပါဝင်မှာဖြစ်ပါတယ်။
Ref : Arabnews
