Blog

ဇန်န၀ါရီ ၂၈၊ ၂၀၁၀၆
M-Media

– ၁၉၆၃ ခုနှစ် နှောင်းပိုင်းမှာ သမ္မတ ဂျွန်အက်ဖ်ကနေဒီ လုပ်ကြံခံရပြီးတဲ့နောက်ပိုင်းကစလို့ ၂၀၁၄ ခုနှစ် ဒီဇင်ဘာလအထိ နှစ်ပေါင်း ၅၀ အတွင်း အမေရိကန်နိုင်ငံတစ်ဝှမ်း ဖြစ်ပွားခဲ့တဲ့ သေနတ်ပစ်ခတ်မှုကြောင့် သေဆုံးခဲ့ရတဲ့ အမေရိကန်နိုင်ငံသားအရေအတွက်ဟာ အမေရိကန်ပါဝင်တဲ့ စစ်ပွဲတွေမှာ သေဆုံးခဲ့ရတဲ့ အမေရိကန်နိုင်ငံသား အရေအတွက်ထက် ပိုမို များပြားနေတယ်လို့ စစ်တမ်းတွေအရ သိရှိရပါတယ်။

သေနတ်ထိန်းချုပ်ရး အသိပညာပေးအဖွဲ့တစ်ခုဖြစ်တဲ့ Virginia Center for Public Safety အဖွဲ့က ဇန်န၀ါရီ ၁၈ ရက်နေ့မှာ ပြုလုပ်ခဲ့တဲ့ လက်ကမ်းစာစောင်မှာ ဖော်ပြထားတာဖြစ်ပြီး နိုင်ငံရေးအချက်အလက်တွေကို ဖော်ပြနေတဲ့ PolitiFact ၀ဘ်ဆိုက်မှာတော့ အသေးစိတ်အချက်အလက်နဲ့တကွ ဖော်ပြထားပါတယ်။

ကွန်ဂရက်သုတေသနဌာနရဲ့ မှတ်တမ်းတွေအရ တော်လှန်ရေးစစ်ပွဲကစတင်ပြီး ၂၀၁၄ ခုနှစ် ဒီဇင်ဘာလထိ စစ်ရေးပဋိပက္ခတွေမှာ သေဆုံးခဲ့သူ အမေရိကန်နိုင်ငံသား အရေအတွက်ဟာ ၁.၂ သန်း ရှိခဲ့တယ်လို့ ဆိုပါတယ်။ Binghamton တက္ကသိုလ် သမိုင်းဌာနကတော့ အမေရိကန်ပြည်တွင်းစစ်အတွင်း သေဆုံးသူဟာ ထုတ်ပြန်ထားတာထက် ၂၀ ရာခိုင်နှုန်း ပိုများမယ်လို့ ၂၀၁၂ ခုနှစ်က တွက်ချက်ခဲ့တာကြောင့် နှစ်ပေါင်း ၅၀ အတွင်းမှာ အမေရိကန်ပါဝင်တဲ့ စစ်ရေးပဋိပက္ခတွေအတွင်း သေဆုံးခဲ့သူ အမေရိကန်နိုင်ငံသားအရေအတွက်ဟာ ၁.၄ သန်းရှိမယ်လို့ မှတ်ယူနိုင်ပါတယ်။

တစ်ဖက်မှာ နိုင်ငံအတွင်း သေနတ်ပစ်ခတ်မှုတွေကြောင့် သေဆုံးခဲ့သူ အမေရိကန်နိုင်ငံသား အရေအတွက်ဟာ ၁၉၆၈ ခုနှစ်ကနေ ၂၀၁၄ ခုနှစ်အတွင်း ၁.၅ သန်းနီးပါးလောက် ရှိခဲ့ကာ စစ်ပွဲတွေအတွင်းမှာ သေဆုံးခဲ့သူတွေထက်ကို ပိုများနေတာ တွေ့ခဲ့ရပါတယ်။

အဲဒီသေနတ်ဖြစ်ခတ်မှုအတွေအတွင်းမှာ ၆၃ ရာခိုင်နှုန်းဟာ မိမိကိုယ်ကို သတ်သေတာဖြစ်ပြီး၊ ၃၃ ရာခိုင်နှုန်းကတော့ လူသတ်မှုတွေဖြစ်ပါတယ်။ ၁၉၆၈ ခုနှစ်အရင်က သေနတ်ပစ်ခတ်မှုအချက်အလက်တွေကိုတော့ ရှာဖွေလို့ မရခဲ့ဘူးလို့PolitiFact က ဆိုပါတယ်။

ဒီအချက်အလက်တွေကို ကြည့်ခြင်းအားဖြင့် အမေရိကန်ပါဝင်တိုက်ခိုက်ခဲ့တဲ့ စစ်ပွဲတွေမှာ သေဆုံးခဲ့တဲ့ အမေရိကန်နိုင်ငံသားအရေအတွက်ထက် နိုင်ငံအတွင်းမှာဖြစ်ပွားတဲ့ သေနတ်ပစ်ခတ်မှုတွေကြောင့် သေဆုံးရသူအရေအတွက်ဟာ ပိုမိုများပြားတာကို တွေ့ရမှာဖြစ်ပါတယ်။

နိုင်ငံအတွင်း မြင့်တက်လာတဲ့ သေနတ်ပစ်ခတ်မှုတွေကို တာဆီးဖို့အတွက် အမေရိကန်သမ္မတ ဘာရက်အိုဘားမားက အခုလအစောပိုင်းမှာ သေနတ်ထိန်းချုပ်ရေး အစီအစဉ်အသစ်တွေကို ထုတ်ပြန်ခဲ့ပါတယ်။

လူဖြူအစွန်းရောက်အန္တရာယ်

မီဒီယာတွေနဲ့ အမေရိကန်အစိုးရတာဝန်ရှိသူတွေက အမေရိကန်နိုင်ငံဟာ ဂျီဟတ်ဝါဒီ အကြမ်းဖက်သမားတွေရဲ့ အန္တ္တရာယ်ကို ရင်ဆိုင်နေရတယ်လို့ တွင်တွင်ပြောကြားခဲ့ပေမယ့် မှတ်တမ်းတွေအရ လူဖြူအစွန်းရောက်တွေနဲ့ အစိုးရ ဆန့်ကျင်သူတွေက အမေရိကန်ရဲ့ အမျိုးသားလုံခြုံရေးခြိမ်းခြောက်နေတယ်ဆိုတာကို တွေ့ခဲ့ရပါတယ်။

အိုစမာဘင်လာဒင်ဦးဆောင်တဲ့ အလ်ကိုင်းဒါးအဖွဲ့က ပြုလုပ်တဲ့ ၉/၁၁ အကြမ်းဖက်တိုက်ခိုက်မှုအပြီးနောက်ပိုင်းမှာ ဂျီဟတ်ဝါဒီအကြမ်းဖက်တိုက်ခိုက်မှုထက် လူဖြူအစွန်းရောက်တွေ၊ အစိုးရဆန့်ကျင်သူတွေရဲ့ အကြမ်းဖက်တိုက်ခိုက်မှုက အမေရိကန်နိုင်ငံတစ်ဝှမ်း ပိုမိုများပြားခဲ့တာပါ။

၂၀၁၅ ခုနှစ် ဇွန်လအတွင်းက ချာလ်စတန်မြို့က လူမည်းခရစ်ယာဘုရားကျောင်းမှာ ဖြစ်ပွားခဲ့တဲ့ အစုလိုက်အပြုံလိုက်ပစ်ခတ်မှုမှာ သေဆုံးသူတွေအပါအ၀င် လူဖြူအစွန်းရောက်တွေနဲ့ အစိုးရဆန့်ကျင်သူတွေကြောင့် သေဆုံးသူအရေအတွက်ဟာ ၅၀ နီးပါးရှိပြီး ဂျီဟတ်ဝါဒီတွေကြောင့် သေဆုံးသူတွေထက် ၂ ဆနီးပါး ပိုများနေတာကို တွေ့ရပါတယ်။

Ref: Huffingtonpost, NY Times

ဇန်န၀ါရီ ၂၈၊ ၂၀၁၆
M-Media

– တည်နေရာအတည်အကျကို ရွှက်လွင့်သွားလာနိုင်ပြီး ကျောက်ချရပ်တန့်၍ လိုအပ်သလို ဓာတ်အားပေးနိုင်မည့် နျူကလီးယားဓာတ်အားပေးစက်ရုံတစ်ခုကို တရုတ်နိုင်ငံက တည်ဆောက်ဖို့ စီစဉ်နေတယ်လို့ တာဝန်ရှိသူတွေက ပြောကြားလိုက်ပါတယ်။

“ရေပေါ်ဓာတ်အားပေးစက်ရုံတစ်ခုဆောက်ဖို့ တရုတ်က အစွမ်းကုန်ကြိုးပမ်းသွားမှာပါ။ နောက်ပြီး ကျွန်တော်တို့တွေ သမုဒ္ဒရာအရင်းအမြစ်တွေကို အပြည့်အ၀ အသုံးချနိုင်အောင်လည်း ဆောင်ရွက်သွားမှာပါ” လို့ တရုတ်အနုမြူစွမ်းအင် အာဏာပိုင်အဖွဲ့ ဥက္ကဌ ဇူဒါဇီက မနေ့ကပြုလုပ်ခဲ့တဲ့ သတင်းစာရှင်းလင်းပွဲတစ်ခုမှာ ပြောကြားခဲ့ပါတယ်။

ပင်လယ်ပြင်မှာ နျူကလီးယားဓာတ်အားကို လေယာဉ်တင်သင်္ဘောတွေ၊ ဒုံးကျည်တပ်ရေငုပ်သင်္ဘောတွေမှာသာလျှင် အများဆုံး အသုံးပြုလေ့ရှိကြပြီး အရပ်ဖက်အတွက် သုံးစွဲမှုမှာ မရှိသလောက်ရှားပါတယ်။

ယခုလအစောပိုင်းမှာ တရုတ်အထွေထွေနျူကလီးယားဓာတ်လုပ်ငန်းစု (CGN) နဲ့ တရုတ် အမျိုးသားနျူကလီးယားလုပ်ငန်းစု (CNNC) တို့က ၎င်းတို့အနေနဲ့ ရေပေါ် နျူဓာတ်အားပေးစက်ရုံနှစ်ခု တည်ဆောက်သွားမယ်လို့ ကြေညာခဲ့ပါတယ်။ CGN က ၂၀၁၉ နှစ်မှာ ဆောက်လုပ်ရန် လျာထားပြီး CNNC က ၂၀၂၀ မှာ ဆောက်လုပ်သွားဖို့ စီစဉ်ထားတာ ဖြစ်ပါတယ်။ ဒီလိုတည်ဆောက်မှုဟာ ကမ်းလွန် ရေနံနဲ့ ဓာတ်ငွေ့တူးဖော်မှုလုပ်ငန်းတွေကို ဓာတ်အားပေးဖို့အတွက်ဖြစ်တယ်လို့ အဲဒီကုမ္ပဏီ ၂ ခုစလုံးက ပြောကြားခဲ့ပါတယ်။

တရုတ်မှာ လက်ရှိ နျူကလီးယားဓာတ်ပေါင်းဖို အခု ၃၀ ရှိပြီး ဓာတ်အား ၂၈.၃ ဂီဂါဝပ်အထိ ထုတ်လွှတ်ပေးနိုင်တယ်လို့ ဇူက ပြောပါတယ်။ နောက်ထပ် ဓာတ်အား ၂၆.၇ ဂီဂါဝပ် ထုတ်လွှတ်ပေးနိုင်မယ့် ဓာတ်ပေါင်းဖို ၂၄ ခုကိုတော့ ဆောက်လုပ်နေဆဲ ဖြစ်တယ်လို့လည်း ဆိုပါတယ်။

မတ်လ ၂၀၁၁ မှာ ဆူနာမီနဲ့ ငလျင်ဒဏ်ကြောင့် ဂျပန်က ဖူကူရှီမားဒါအီချီ နျူကလီးယားဓာတ်အားပေးစက်ရုံ ပေါက်ကွဲပျက်စီးခဲ့ပြီးတဲ့နောက်မှာ တရုတ်အစိုးရက အသစ်ဆောက်လုပ်မယ့် နျူကလီးယားစီမံကိန်းတွေအနေနဲ့ လုံခြုံစိတ်ချရမှု ရှိ၊ မရှိ သုံးသပ်နိုင်ဖို့အတွက် ခွင့်ပြုမိန့်တွေကို ရပ်ဆိုင်းထားခဲ့ပါတယ်။

ပတ်ဝန်းကျင်ထိန်းသိမ်းကာကွယ်ရေးဝန်ကြီးဌာနက နိုင်ငံရဲ့ နျူကလီးယားလုံခြုံစိတ်ချရမှုအခြေအနေနဲ့ပက်သက်ပြီး စိုးရိမ်စရာ သတိပေးချက်ထုတ်ပြန်ခဲ့ပေမယ့်လည်း တရုတ်အစိုးရက ရပ်ဆိုင်းထားတဲ့လုပ်ငန်းတွေကို ၂၀၁၂ ခုနှစ်မှာ ပြန်လည်ခွင့်ပြုပေးခဲ့ပါတယ်။

Ref: Presstv