ဇန်န၀ါရီ ၂၂၊ ၂၀၁၆
M-Media
– ထိပ်ဆုံးမှ နာပိုလီအသင်းနှင့် ၁၂ မှတ်ကွာဟနေသော်လည်း မိမိအသင်းမှာ စီးရီးအေဖလားကို ရရှိရန် အခွင့်အရေး ရှိနေသေးသည်ဟု အေစီမီလန်အသင်းနည်း မီဟိုင်းလိုဗစ်ခ်ျက ပြောကြားလိုက်သည်။
ပြီးခဲ့သည့် ၂ ရာသီအတွင်း စီးရီးအေတွင် အခြေအနေဆိုးရွားခဲ့သည့်အတွက် မီဟိုင်းလိုဗစ်ခ်ျအား ခန့်အပ်ကာ ပြင်ဆင်မှုများစွာ ပြုလုပ်ခဲ့သည့် အေစီမီလန်အသင်းမှာ ရာသီအစတွင် ထင်သလောက် ခြေစွမ်းမပြနိုင်ခဲ့သော်လည်း ယခုနောက်ပိုင်းတွင် ခြေစွမ်းကောင်းကို ပြသလာနိုင်ခဲ့ပြီး စီးရီးအေ နောက်ဆုံး ၁၃ ပွဲတွင် ၂ ပွဲသာ ရှုံနိမ့်ထားသည်။ လက်ရှိအချိန်တွင် အဆင့် ၆ နေရာရောက်ရှိနေကာ တတိယနေရာမှ အင်တာနှင့် ၈ မှတ်ကွာဟနေပြီး မီဟိုင်းလိုဗစ်ခ်ျကမူ ချန်ပီယံဆုအထိ ဦးတည်နေသည်။
“ချန်ပီယံနေရာက မပိတ်သေးပါဘူး။ ဖီအိုရင်တီးနားပွဲ (ပြီးခဲ့သည့်တစ်ပတ်ကပွဲ) လို ကျွန်တော်တို့ကစားမယ်ဆိုရင် ကျွန်တော်တို့မှာ အခွင့်အလမ်းကောင်း ရှိနေပါသေးတယ်။ ကျွန်တော်တို့အသင်း ဒီလိုဆက်သွားတာကို ကျွန်တော်မြင်ချင်ပါတယ်။ ကျွန်တော်တို့မှာ မှန်ကန်တဲ့ ပုံစံမျိုး ရှိနေပါတယ်။ ပြီးတော့ ဖီအိုရင်တီးနားနဲ့ပွဲမှာ ဒါကို ကျွန်တော် တွေ့ခဲ့ရပါတယ်” ဟု မီဟိုင်းလိုဗစ်ခ်ျက ပြောကြားခဲ့သည်။
မီဟိုင်းလိုဗစ်ခ်ျ၏ အနာဂတ်နှင့်ပတ်သက်၍ ရာသီတစ်လျှောက်လုံး ကောလဟာလများ ကျယ်ကျယ်ပြန့်ပြန့် ကြားနေရပြီး ၎င်းကမူ မိမိ၏အနာဂတ်အတွက် သံသယမဖြစ်မိဟု ထည့်သွင်းပြောကြားခဲ့သည်။
Ref: Goal
