ဇန်န၀ါရီ ၁၁၊ ၂၀၁၆
M-Media
– သြစတေးလျနိုင်ငံ ပါ့သ်မြို့မှာ ဆောက်လုပ်ဖို့စီစဉ်နေတဲ့ အားကစားရုံတစ်ခုမှာ ၀တ်ပြုဆောင် ၃ ခု ထည့်သွင်းပေးမှာဖြစ်ပြီး သြစတေးလျမွတ်စလင်တွေကတော့ ဒီဆောင်ရွက်မှုကို ကြိုဆိုလိုက်ကာ သူတို့ဟာ လူ့အဖွဲ့အစည်းရဲ့ အစိတ်အပိုင်းဖြစ်တယ်ဆိုတာ မှတ်ယူခံစားနိုင်ဖို့ အကူအညီဖြစ်လိ့မ်မယ်လို့ ပြောကြားခဲ့ကြပါတယ်။
ကန်ဒေါ်လာ ၁.၄ ဘီလီယံလောက်ကုန်ကျမယ့် အဲဒီအားကစားရုံကို ပါ့သ်မြို့ရဲ့ ဘာ့စ်ဝုဒ်မြို့နယ်မှာ ဆောက်လုပ်မှာဖြစ်ပြီး ကိုယ်လက်သန့်စင်တဲ့နေရာ၊ စာအုပ်စင်နဲ့ ဖိနပ်စင်တွေပါဝင်တဲ့ ၀တ်ပြုခန်းတွေ ပါဝင်မှာဖြစ်ပါတယ်။
သြစေတးလျ သစ်လွင်မွတ်စလင်အသင်း ဥက္ကဌ စအီဒ် ကာနာဝါတီက အနောက်သြဈေးလျပြည်နယ် အစိုးရရဲ့ ဒီလုပ်ရပ်ကို ချီးကျူးခဲ့ပါတယ်။ သူက မွတ်စလင်များစုဟာ သူတို့ရဲ့ တစ်နေ့တာ လုပ်ငန်းဆောင်တာအတွင်းမှာ ၀တ်ပြုဖို့အတွက် ထည့်သွင်းထားပေမယ့်၊ အဲဒီလို စီစဉ်မှုဟာ အမြဲတမ်းတော့ အလုပ်မဖြစ်ဘူးလို့ ဆိုပါတယ်။
“ဥပမာအားဖြင့် ကျွန်တော်ဟာ မနေ့က Big Bash (ခရစ်ကတ်) ပွဲသွားကြည့်တယ်။ ပြီးတော့ နေ၀င်ချိန်ဝတ်ပြုမှုကို ဘယ်လို ၀တ်ပြုရမလဲဆိုတာ ကျွန်တော် စဉ်းစားခဲ့ရပါတယ်။ ဒါပေမယ့် ကွင်းထဲကနေထွက်သွားပြီး ပန်းခြံသေးသေးလေးတစ်ခုရှာ ၀တ်ပြုပြီး ပြန်လာခဲ့ပါတယ်” လို့ ကာနာဝါတီက ဆိုပါတယ်။
အားကစားရုံမှာ ၀တ်ပြုခန်းတွေ ဒီလိုထည့်သွင်းပေးမှုဟာ သြစတေးလျမွတ်စလင်တွေကို လူ့အဖွဲ့အစည်းရဲ့ အစိတ်ပိုင်းအဖြစ် ခံစားရစေတယ်လို့လည်း သူက ဆိုပါတယ်။
“ဒီလိုကိစ္စတွေက ခင်ဗျားအနေနဲ့ လူ့အဖွဲ့အစည်းရဲ့ အစိတ်အပိုင်းဖြစ် ခံစားရတယ်လို့ မှတ်ယူလို့ ရပါတယ်။ အရေးအကြီးဆုံးကိစ္စက ဒီနေ့ခေတ်ဟာ မွတ်စလင်ရော၊ မွတ်စလင်မဟုတ်သူတွေပါ လူ့အဖွဲ့အစည်းမှာ ပါဝင်တယ်လို့ ခံစားရဖို့ပါ။ အစွန်းရောက်မှုကို ရပ်တန့်ဖို့ တစ်ခုလောက်ဆောင်ရွက်ရုံနဲ့ မရပါဘူ။ အများကြီးလုပ်ရမှာပါ”
တိုင်းရင်းသားလူမျိုးများကောင်စီရဲ့ ဥက္ကဌဟောင်းဖြစ်သူ ဆူရက်ရှ် ရာဂျန်ကလည် အားကစားရုံမှာ ၀တ်ပြုဆောင်တွေ ထည့်သွင်းမယ့်အစီအစဉ်ကို သဘောတူခဲ့ပြီး၊ သြစတေးလျရဲ့ ရပ်ဘီရာသီဟာ များသောအားဖြင့် မွတ်စလင်တွေရဲ့ ရမ်ဇန်ဥပုသ်လနဲ့ တိုက်ဆိုင်တတ်တယ်လို့ ပြောခဲ့ပါတယ်။
ဒါ့အပြင် မွတ်စလင်လူငယ်တွေကို လူ့အဖွဲ့အစည်းက ပင်မရေစီးကြောင်းရဲ့ တန်ဖိုးရှိတဲ့အစိတ်အပိုင်းအဖြစ် ခံစားရလာအောင် လုပ်ဆောင်ရမယ်လို့လည်း ရာဂျန်က ဆိုပါတယ်။
အားကစားဝန်ကြီး ကိုလင်ဟော့လ်တ်ကတာ့ အားကစားရုံအသစ်မှာ ဘာသာပေါင်းစုံဝတ်ပြုခန်းတွေ ထည့်သွင်းတာဟာ အနောက်သြစတေးလျရဲ့ ယဉ်ကျေးမှုပေါင်းစုံ အသိုင်းအ၀ိုင်းဟာ ပြောင်းလဲနေတာဆိုတာကို ပြသဖို့ ဖြစ်တယ်လို့ ဆိုပါတယ်။
အားကစားရုံရဲ့ မြောက်ဘက် ပထမထပ်အခန်းမှာရှိတဲ့ ၀တ်ပြုခန်းဟာ ပရိတ်သတ်တွေအတွက်ဖြစ်ပြီး အသင်းအ၀တ်လဲခန်းနဲ့ကပ်နေတဲ့နေရာက ၀တ်ပြုခန်း ၂ ခန်းကတော့ ကစားသမားတွေအတွက်ဖြစ်တယ်လို့ ဟော့လ်တ်က ထပ်လောင်းပြောကြားခဲ့ပါတယ်။
အားကစားရုံတွေမှာ ၀တ်ပြုခန်းတွေထည့်သွင်းဖို့ကိစ္စဟာ ၂၀၁၂ ခုနှစ်မှာ သြစတေးလျ ရဘ်ဘီလိဂ် AFL က သူတို့ရဲ့ ပရိတ်သတ်တွေ၊ ကစားသမားတွေ ၀တ်ပြုနိုင်ဖို့အတွက် နေရာလေးတွေ ဖန်တီးပေးဖို့ မေတ္တာရပ်ခံပြီး နောက်ပိုင်းမှာ ထွက်ပေါ်လာတာဖြစ်ပါတယ်။
Ref: Dialymail
