ဇန်န၀ါရီ ၁၃၊ ၂၀၁၆
M-Media
– နာတာရှည်ဝေဒနာ ခံစားနေရသူများ နာကျင်မှုသက်သာစေရန် အသုံးပြုရသော အာရုံကြော လှုံ့ဆော်ပစ္စည်းများအတွက် ဘက်ထရီဖြုတ်လဲစရာမလိုသည့် ကိရိယာ အသစ်တစ်မျိုး မကြာမီတွေ့မြင်ရတော့မည်ဟု စင်ကာပူရှိ A*STAR သိပ္ပံနှင့်နည်းပညာ သုတေသနဌာနမှ ယမန်နေ့တွင် ကြေငြာလိုက်သည်။
A*STAR မှ ထုတ်လုပ်သည့် အဆိုပါ ခန္ဓာကိုယ်တွင်း ထည့်သွင်းနိုင်သည့် ကြိုးမဲ့ကိရိယာလေးသည် ဆန်စေ့လောက်သာသာပင် သေးငယ်လိမ့်မည်ဟု ခန့်မှန်းထားသည်။ ထို့ပြင် ဘက်ထရီအပိုဆောင်ထားစရာလည်း လိုအပ်မည်မဟုတ်ဟု ဆိုသည်။
အာရုံကြောလှုံ့ဆော်ပစ္စည်း (neurostimulators) ဟု ခေါ်သည့် နာကျင်မှုသက်သာစေသည့် ကိရိယာရာများမှာ နာတာရှည် နာကျင်မှုဝေဒနာသည်များအတွက် ရေရှည်အဖြေတစ်ခု ဖြစ်နေသည်။ ခန္ဓာကိုယ်အတွင်း ထည့်သွင်းထားရသည့် အဆိုပါကိရိယာမှာ နာကျင်စေသည့် အာရုံခံစားမှုကို ဦးနှောက်သို့မရောက်နိုင်အောင် တားဆီးပေးပြီး ဝေဒနာရှင်များအနေဖြင့် ထုံကျင်နေသည့် အခြေအနေမျိုး ခံစားနေရသည်ပုံစံဖြစ်သည်ဟု A*STAR က ဆိုသည်။
ယခုလက်ရှိအသုံး အသုံးပြုနေသည့် အဆိုပါ အာရုံကြောလှုံ့ဆောင်ပစ္စည်းများမှာ ဘတ္ထရီစနစ် အသုံးပြုရသောကြောင့် အားကုန်သွားပါက ခွဲထုတ်၍ ဖယ်ရှားရသည်။
A*STAR မှထုတ်လုပ်သည့် အဆိုပါ ကိရိယာသစ်မှာ မိုက်ခရိုချစ်ပ် တစ်ခုပေါ်တွင် လုပ်ဆောင်ပြီး ကြိုးမဲ့ဒေတာကူးပြောင်းနှုန်း အလွန်မြင့်မားကာ ပါဝါစားအလွန့်အလွန်နည်းသည်။ ထို့ပြင် အားကုန်သွားပါကလည်း ကြိုးမဲ့စနစ်ဖြင့် အားပြန်သွင်းနိုင်သည်ဟု အဆိုပါကုမ္ပဏီက ပြောကြားခဲ့သည်။
လက်ရှိအချိန်တွင် ထိုကိရိယကို လူနာများ အဘေးအန္တရာယ်ကင်းမှု ရှိ၊ မရှိ ကျယ်ကျယ်ပြန့်ပြန့် ဆန်းစစ်သွားမည်ဖြစ်ပြီး တစ်နှစ်အတွင်း ဈေးကွက်တင်နိုင်မ်ဟု ခန့်မှန်းထားကြောင်း A*STAR ကထည့်သွင်းပြောကြားခဲ့သည်။
Ref: Channelnewsasia
