Blog

ဇန်န၀ါရီ ၁၂၊ ၂၀၁၆
M-Media

– အာဖဂန်နစ္စတန် နောက်ဆုံးအဆင့် ငြိမ်းချမ်းရေး တရားဝင်သဘောတူညီချက် ရရှိရေးအတွက် ညှိနှိုင်းဆွေးနွေးမှုများကို ပါကစ္စတန်တွင် စတင်ခဲ့သည်ဟု သိရသည်။

ယမန်နေ့က စတင်ခဲ့ခြင်းဖြစ်ပြီး လွန်ခဲ့သည့် ၂ နှစ်က အာဖဂန် တာလီဘန်ခေါင်းဆောင် မွလ္လာအိုမာရ် ပါကစ္စတန်ဆေးရုံတစ်ခုတွင် သေဆုံးခဲ့သည်ဟု ပြီးခဲ့သည့်နွေရာသီက သတင်းထွက်လာပြီးနောက် ပျက်ပြယ်သွားခဲ့သည့် ငြိမ်းချမ်းရေးလုပ်ငန်းစဉ် ပြန်လည်အသက်ဝင်လာခြင်းလည်းဖြစ်သည်။ တွေ့ဆုံဆွေးနွေးပွဲတွင် တရုတ်နှင့် အမေရိကန်တို့မှ တာဝန်ရှိသူများလည်း ပါဝင်မည်ဖြစ်သည်။

အဆိုပါ ငြိမ်းချမ်းရေးဆွေးနွေးပွဲတွင် တာလီဘန်အဖွဲ့တွင်း သဘောထားကွဲလွဲနေခြင်း၊ အာဖဂန်အရှေ့ဘက်တွင် ISIL အဖွဲ့ ပေါ်ထွက်လာခြင်းနှင့် ပါကစ္စတန်နှင့် အာဖဂန်ကြား ယုံကြည်မှုမရှိခြင်း စသည့်ကိစ္စများ ပါဝင်မည်ဖြစ်သည်။ အမေရိကန်နှင့် တရုတ်တို့၏ ပါဝင်မှုက ဆွေးနွေးပွဲအား ထိန်းသိမ်းနိုင်လိမ့်မည်ဟု မျှော်လင့်ရသည်။

သဘောတူညီချက်တွင် “အကြမ်းဖက်မှုများနှိမ်နှင်းရာ၌ နှစ်ဖက်ပူးပေါင်းဆောင်ရွက်ရေး” လည်း ပါဝင်မည်ဟု အာဖဂန်၏ ပြောရေးဆိုခွင့်ရှိသူ ဖိုင်ဆယ်က ပြောကြားခဲ့သည်။

“ငြိမ်းချမ်းရေးကို လိုလားသူတွေက ဆွေးနွေးပွဲမှာ ပူးပေါင်းပါဝင်နိုင်ပြီး တိုက်ခိုက်ရေးကိုသာ စိတ်အားထက်သန်သူတွေကိုတော့ အကြမ်းဖက်နှိမ်နှင်းရေးရှုထောင့်ကနေ ဘုံရန်သူအဖြစ် ပစ်မှတ်ထားခံရမှာဖြစ်ပါတယ်” ဟု ဖိုင်ဆယ်က ဆိုသည်။

ပါကစ္စတန်ဝန်ကြီးချုပ်၏ နိုင်ငံခြားရေးရာအကြံပေး ဆာတက်ဂ်ျ အဇစ်က “ပြန်လည်ရင်ကြားစေ့ရေးရဲ့ အဓိကရည်ရွယ်ချက်က တာလီဘန်အုပ်စုကို ဆွေးနွေးပွဲ စားပွဲဝိုင်းပေါ်ရောက်အောင် တွန်းပို့နိုင်မယ့်အခြေအနေကို ဖန်တီးပေးဖို့နဲ့ နိုင်ငံရေးရည်မှန်းချက်တွေအတွက် အကြမ်းဖက်ခြင်းကို လက်နက်တစ်ခုသဖွယ် အသုံးပြုနေတာကနေ ကင်းကွာစေဖို့ မက်လုံးပေးတာပါပဲ” ဟု ပြောကြားခဲ့သည်။

ထို့ပြင် တာလီဘန်အုပ်စုအတွင်း ဂိုဏ်းကွဲမှုအပါအ၀င် အခြားစဉ်းစားရမည့် အအကြောင်းအချက် အများအပြား ရှိနေသေးသည်ဟုလည်း ထောက်ပြခဲ့သည်။

“တာလီဘန်ဟာ ခေါင်းဆောင်သစ် မွလ္လာအခ်တာ မန်ဆူးရ်ကို တင်မြှောက်ပြီးကတည်းက စုစည်းညီညွှတ်တဲ့အဖွဲ့တစ်ခုမဟုတ်တော့ပါဘူး” ဟု ၎င်းက ထည့်သွင်းပြောကြားခဲ့သည်။

Ref: Al-jazeera