ဇန်န၀ါရီ ၂၊ ၂၀၁၆
M-Media
– တရုတ်စစ်တပ်မှာ တပ်မဟာသစ် ၃ ခုကို ထပ်မံဖွဲ့စည်းလိုက်ပြီး အဆိုပါတပ်မဟာများတွင် လက်နက်ကိရိယာများကို အဆင့်မြှင့်တင်ပေးမည်ဖြစ်ကာ စစ်ဌာနချုပ်ကိုလည်း ခေတ်မီအောင် ဆောင်ရွက်သွားမည်ဟု သမ္မတဇီကျင်ပင်းက ကြေညာခဲ့ကြောင်း နိုင်ငံပိုင်မီဒီယာများက ဖော်ပြခဲ့သည်။
သမ္မတ၏ စစ်ဘက်ဆိုင်ရာ ပြုပြင်ပြောင်းလဲရေးလုပ်ငန်းစဉ်များမှာ အရှေ့နှင့် တောင်တရုတ်ပင်လယ်များ၌ နယ်မြေအငြင်းပွားမှု ကိစ္စများတွင် ပြင်းပြင်းထန်ထန် တောင်းဆိုလာမှုနှင့်အတူ တိုက်ဆိုင်စွာ ပေါ်ထွက်လာခြင်းလည်းဖြစ်သည်။ တရုတ်ရေတပ်မတော်တွင် ရေငုပ်သင်္ဘောများ၊ လေယာဉ်တင်သင်္ဘောများဖြင့် အားဖြည့်နေပြီး လေတပ်မှာလည်း ကိုယ်ပျောက်တိုက်လေယာဉ်များကို ဖန်တီးလျက်ရှိနေသည်။
ကြာသာပတေးနေ့တွင် ဇီဂျင်ပင်းမှာ ကြည်းတပ်အတွက် စစ်ဌာနချုပ်အသစ်၊ ဒုံးကျည်တပ်မဟာနှင့် တရုတ်ပြည်သူ့ လွတ်မြောက်ရေးတပ်မတော်အတွက် ဗဟာဗျူဟာ ထောက်ပံ့ရေး တပ်မဟာတို့ ဖွဲ့စည်းသည့်အခမ်းအနားသို့ တက်ရောက်ခဲ့သည်။ ဒုံးကျည်တပ်မဟာမှာ နိုင်ငံ၏ နျူကလီးယား လက်နက်များကို ကိုင်တွယ်ထိန်းချုပ်မည်ဖြစ်သည်။
တရုတ်နိုင်ငံမှာ စစ်တပ်သုံးယာဉ်၊ လက်နက်၊ ကိရိယာများကို အဆင့်မြှင့်တင်မှုများကို လျှင်မြန်စွာလုပ်ကိုင်ဆောင်ရွက်နေသည်။ သို့သော် နယ်မြေအလိုက်ဖွဲ့စည်းထားသည့် တပ်ခွဲများတွင် ရှုပ်ထွေးသောစနစ်များကို အဆင့်မြှင့်တင်ရေးသည် အလွန်ကြီးမားသော စိန်ခေါ်မှုတစ်ရပ် ဖြစ်နေသည်။
စစ်တပ်အတွင်း ပိုမိုကျယ်ပြန့်သော ပြုပြင်ပြောင်းလဲရေးအစီအစဉ်များမှာ အငြင်းပွားစရာများဖြစ်ပေါ်နေပြီး တပ်ပိုင်သတင်းစာကလည်း ပြုပြင်ပြောင်းလဲရေးကိစ္စများအပေါ် အတိုက်အခံများ၏ သတိပေးချက်၊ မှတ်ချက်များကို ရေးသားထုတ်ဝေခဲ့ကာ အလုပ်အကိုင် ဆုံးရှုံးမှုများအတွက်လည်း စိုးရိမ်မှုများရှိနေကြောင်း ဖော်ပြရေးသားခဲ့သည်။
သမ္မတဇီကျင်ပင်းကမူ စစ်တပ်အတွင်း အကျင့်ပျက်ခြစားမှုများကို ထိထိရောက်ရောက် အမြစ်မှလှန်၍ သုတ်သင်အရေးယူလျက်ရှိပြီး အရာရှိဒါဇင်ပေါင်းများစွာကို စုံစမ်းဖော်ထုတ်ကာ ထောင်သွင်းအကျဉ်းချခဲ့သည်။
Ref : Channelnewsasia
