ဒီဇင်ဘာ ၂၂၊ ၂၀၁၅
M-Media
– လက်ရှိ ပါလက်စတိုင်းမှထုတ်ပေးသော နိုင်ငံကူးလက်မှတ်တွင် “ပါလက်စတိုင်းအာဏာပိုင်အဖွဲ့” ဟု ရေးသားထားမှုအား “ပါလက်စတိုင်းနိုင်ငံတော်” ဟု ပြောင်းလဲရေးသားကာ ထုတ်ဝေသွားမည်ဟု သမ္မတ မဟ်မူးဒ် အဘတ်စ်က ပြောကြားလိုက်သည်။
ယမန်နေ့က ဂရိဝန်ကြီးချုပ် အလက်ဇစ် တီစီပရက်စ်နှင့် တွေ့ဆုံပြီးနောက်ပိုင်း ပါလက်စတိုင်းသမ္မတက ထိုကဲ့သို့ ပြောကြားလိုက်ခြင်းဖြစ်ပြီး ထိုလုပ်ငန်းစဉ်အား အကောင်အထည်ဖော်ရန်အတွက် အများဆုံး အချိန်တစ်နှစ်သာ ကြာမြင့်မည်ဟု ထည့်သွင်းပြောကြားခဲ့သည်။
“၀န်ကြီးဌာနတွေနဲ့ ပြည်သူ့ဝန်ဆောင်မှုဌာနတွေက ထုတ်ပြန်တဲ့ စာရွက်စာတမ်းတွေအားလုံးမှာ ကျွန်တော်တို့ အားလုံးပြောင်းပြီးပါပြီ။ သူတို့အားလုံး “ပါလက်စတိုင်းနိုင်ငံတော်” ဆိုတဲ့စကားလုံးကို အသုံးပြုနေကြပါပြီ။ “ပါလက်စတိုင်းအာဏာပိုင်အဖွဲ့” လို့ ဘယ်သူကပဲသုံးနှုန်းသုံးနှုန်း လက်မခံတော့ပါဘူး” ဟု အဘတ်စ်က ဆိုသည်။
ဂရိမှာ ယနေ့နှောင်းပိုင်းတွင်ပြုလုပ်မည့် လွှတ်တော်အစည်းအဝေး၌ ပါလက်စတိုင်းကို အချုပ်အခြာအာဏာပိုင် နိုင်ငံတစ်ခုအဖြစ် အသိအမှတ်ပြုသွားမည်ဖြစ်သည်။
ပြီးခဲ့သည့်လများအတွင်း ယူကေ၊ ပြင်သစ်၊ စပိန်၊ အိုင်ယာလန်၊ ဘယ်လ်ဂျီယံနှင့် ပေါ်တူဂီတို့အပါအ၀င် အခြားသော ဥရောပနိုင်ငံများမှ လွှတ်တော်များကလည်း ပါလက်စတိုင်းအား အသိအမှတ်ပြုခဲ့သည်။ ၂၀၁၄ ခုနှစ် ဒီဇင်ဘာလတွင် ဥရောပပါလီမန်၌ ပါလက်စတိုင်းအား အသိအမှတ်ပြုရန် နိုင်ငံအများစုက ထောက်ခံခဲ့ကြသည်။
Ref: PressTV
