ဒီဇင်ဘာ ၂၁၊ ၂၀၁၅
M-Media
– နိုင်ငံရေသမားများထံမှ မွတ်စလင်ဆန့်ကျင်ရေးမှတ်ချက်များ အမြောက်အများ ထွက်ပေါ်လာပြီးနောက် အမေရိကန်ပြည်ထောင်စု ဗာဂျီးနီးယားတက္ကသိုလ်မှ ရေးသားပြီး နိုင်ငံအတွင်းရှိ မွတ်စလင်လူ့အဖွဲ့အစည်းအား ထောက်ခံအားပေးအားသည့် သ၀ဏ်လွှာတစ်ခုကို လူရာပေါင်းများစွာက လက်မှတ်ရေးထိုးခဲ့ကြသည်ဟု သိရသည်။
အဆိုပါ သ၀ဏ်လွှာကို တက္ကသိုလ်မှ ဆရာနှစ်ဦးဖြစ်သည့် ဖရန့်ဒူကက်စ်နှင့် ဂျွန်အလက်ဇန်းဒါးတို့က ရေးသားခဲ့ခြင်းဖြစ်ပြီး ယခုလအစောပိုင်းက စတင်ပြန့်နှံ့ခဲ့ခြင်းဖြစ်ကာ ပြီးခဲ့သည့်သီတင်းပတ် အဆုံးပိုင်းတွင် လက်မှတ်ပေါင်း ၁၀၀၀ နီးပါး ရရှိခဲ့သည်။
“ဗာဂျီးနီးယားတက္ကသိုလ်က ၀န်ထမ်းတွေနဲ့ ဆရာ၊ ဆရာမတွေဟာ မိမိတို့ရဲ့ မွတ်စလင်ကျောင်းသူကျောင်သားတွေ၊ လုပ်ဖော်ကိုင်ဖက်တွေ၊ သူငယ်ချင်းတွေနဲ့ သူတို့ရဲ့ မိသားစု၊ လူ့အဖွဲ့အစည်းတွေကို ထောက်ခံအားပေးပြီး ချစ်မြတ်နိုးတယ်ဆိုတာကို ခိုင်ခိုင်မာမာ ပြောကြားလိုပါတယ်။ ရာစုနှစ်ပေါင်းများစွာ အရင်ကတည်းက မွတ်စလင် ပညာရှင်တွေဟာ သိပ္ပံ၊ ဆေးဘက်ဆိုင်ရာ၊ ဥပဒေ၊ နိုင်ငံရေး၊ ဗိသုကာ၊ ကုန်သွယ်မှု၊ အနုပညာနဲ့ လူသားချင်းစာနာမှုတွေမှာ ဦးဆောင်သူတွေ၊ လမ်းသစ်ဖောက်ခဲ့သူတွေ ဖြစ်ခဲ့ပါတယ်။ ခင်ဗျားတို့ မွတ်စလင်လူ့အဖွဲ့အစည်း ဒီမှာဆက်လက်ရှိနေမှာကို ကျွန်တော်တို့ လက်ခံအားပေးတယ်။ ကျွန်တော်တို့ရဲ့
လူ့အဖွဲ့အစည်းမှာ ပါဝင်ချင်ကြတဲ့ မည်သူ့ကိုမဆို လူမျိုး၊ ဘာသာ၊ ဇာတိ မခွဲခြားဘဲ ကျွန်တော်တို့က ကြိုဆိုပါတယ်”
ဟု အဆိုပါသ၀ဏ်လွှာတွင် ရေးသားဖော်ပြခဲ့သည်။
ဗာဂျီးနီးယားတက္ကသိုလ်မှ သဘာဝပတ်ဝန်းကျင် ဆွေးနွေးညှိနိုင်းမှုဆိုင်ရာဌာန၏ ဒါရိုက်တာဖြစ်သူ ဒူကက်စ်က ၎င်းမှာ ပြီးခဲ့သည့်လများတွင် နိုင်ငံရေးနှင့် မီဒီယာနယ်ပယ်များ၌ အစ္စလာမ်ဆန့်ကျင်ရေး သဘောထားများ မြင့်တက်လာသည့်အတွက် စိုးရိမ်မိခဲ့သည်ဟု ပြောကြားခဲ့သည်။
“ကျွန်တော့်ကိုကျွန်တော် မေးမိတယ်ဗျ။ ကျွန်တော်တို့ (မွတ်စလင်တွေကို) ဘယ်လို ထောက်ခံအားပေးရမလဲ၊ ဒီရန်ညှိုးတွေကို ဘယ်လို တိုက်ဖျက်ရမလဲ ဆိုတာပေါ့” ဟု ဒူကက်စ်က ပြောကြားခဲ့ပြီး အဆိုပါ သ၀ဏ်လွှာကို အခြားသူများနှင့် ပူးပေါင်းရေးသားရန် အကြံရခဲ့သည်ဟုဆိုသည်။
သ၀ဏ်လွှာအား အများပြည်သူများ သိရှိနိုင်အောင် ထုတ်ပြန်လိုက်သည့်အချိန်တွင် တက္ကသိုလ်မှ မွတ်စလင်ကျောင်းသားများအသင်း MSA ကလည်း ထိုသ၀ဏ်လွှာနှင့် လက်မှတ်ထိုးသူများအားလုံးကို ကျေးဇူးတင်သည့် ကြေငြာချက်တစ်စောင်ကို ထုတ်ပြန်ခဲ့သည်။
“မွတ်စလင်ကျောင်းသားများအသင်းက မိမိတို့ဟာ တက္ကသိုလ်နဲ့ တစ်သားတည်းဖြစ်တယ်လို့ အမြဲတမ်း ခံယူထားပါတယ်။ မိမိတို့အနေနဲ့ တင်ကူးမှန်းဆမှုတွေ၊ အသိဥာဏ်ကင်းမဲ့မှုတွေကို တိုက်ဖျက်နေရတဲ့ ဒီလိုခက်ခဲတဲ့အခြေအနေမျိုး ကြုံတွေ့နေရပေမယ့် အဆွေတော်တို့လို ပုဂ္ဂိုလ်တွေကြောင့် မိမိတို့ဟာ ဘယ်လိုအမုန်းတရားပုံစံမျိုးကိုမဆို အတူတကွ ဆန့်ကျင်နိုင်တဲ့ မိသားစုကြီးတစ်ခုရဲ့ တစ်ကယ့်အစိတ်အပိုင်း ဖြစ်တယ်ဆိုတာကို ထပ်မံအတည်ပြု ပြောကြားချင်ပါတယ်” ဟု ကြေငြာချက်တွင် ဖော်ပြထားသည်။
MSA ၏ ဒုတိယဥက္ကဌဖြစ်သူ ပါကစ္စတန်နွယ်ဖွား တတိနှစ်ကျောင်းသူ ဆန်ဒက်ဇ် ရက်ဇက်ကလည်း မိမိအနေဖြင့် မွတ်စလင်လူ့အဖွဲ့အစည်းအား အားပေးထောက်ပံ့ရန်အတွက် တက္ကသိုလ်ရှိ တာဝန်ရှိသူများက အဆိုပါသ၀ဏ်လွှာထုတ်ပြန်ခြင်းကို အံ့အားသင့်မိပြီး ထိုကဲ့သို့ဆောင်ရွက်ခြင်းက မိမိနှင့် မွတ်စလင်အသိုင်းအ၀ိုင်းအားလုံးကို သက်တောင့်သက်သာဖြစ်စေသည်ဟု ထည့်သွင်းပြောကြားခဲ့သည်။
နိုင်ငံရေးသမားများက ၎င်းတို့အာဏာရရန်အတွက် မွတ်စလင်ဆန့်ကျင်ရေး သဘောထားများကို ပြီးခဲ့သည့်သီတင်းပတ်များတွင် ပြောကြားခဲ့ပြီးနောက်ပိုင်း အမေရိကန်ပြည်သူများက ထိုမှတ်ချက်များအား ဆန့်ကျင်ရှုတ်ချခဲ့ကာ နိုင်ငံအတွင်းရှိ မွတ်စလင်လူ့အဖွဲ့အစည်းအား အားပေးထောက်ခံသည့် လှုပ်ရှားမှုများကို ဆောင်ရွက်ခဲ့ကြသည်။ လာမည့်ဗုဒ္ဓဟူးနေ့တွင်လည်း Thomas Jefferson Memorial Church-Unitarian Universalis မှ ကြီးမှူးကာ အမေရိကန်မွတ်စလင်လူ့အဖွဲ့အစည်းအား အားပေးထောက်ခံသည့် ချီတက်လမ်းလျှောက်မှုတစ်ခုကို ဆောင်ရွက်ရန် စီစဉ်ထားသည်။
Ref: IINA
