ဒီဇင်ဘာ ၂၀၊ ၂၀၁၅
M-Media
– နိုင်ငံတကာတွင် ပြောင်းရွှေ့နေထိုင်သူများ အရေအတွက်မှာ ယခုနှစ်တွင် ၂၄၄ သန်းထိ မြင့်တက်လာခဲ့ပြီး စီးပွားရေးလိုအပ်ချက်၊ ကမ္ဘာ့ဈေးကွက်နှင့် ပိုမိုကောင်းမွန်သောဘ၀တွင် နေထိုင်လိုသော ဆန္ဒများက လူများကို ပိုမို၍ ရွှေ့ပြောင်းစေသည်ဟု ကုလသမဂ္ဂက ပြောကြားလိုက်သည်။
ထိုပမာဏမှာ ၂၀၀၀ ပြည့်နှစ်မှစ၍ရေတွက်လျှင် ရာခိုင်နှုန်း ၄၀ ကျော် တိုးပွားလာခြင်းလည်းဖြစ်သည်။ ကမ္ဘာအနှံ့ ရွှေ့ပြောင်းနေထိုင်သူ တစ်ဝက်နီးပါးမှာ အာရှတိုက်တွင် မွေးဖွားသူများဖြစ်ပြီး လူပေါင်း တစ်နှစ်လျှင် ၁ ဒသမ ၇ သန်းခန့် နှစ်စဉ်ရွှေ့ပြောင်းတတ်ကြသည်ဟု ကုလ၏ စီးပွားရေးနှင့် လူမှုရေးရာဌာနက ထုတ်ပြန်သော အစီရင်ခံစာတွင် ပါရှိသည်။
ယခုနှစ်တွင် ဥရောပ၌ ဒုက္ခသည်များနှင့် ရွှေ့ပြောင်းနေထိုင်သူပေါင်း ၉ သိန်းနီးပါးရှိပြီး ၎င်းတို့အနက်မှ တစ်ဝက်ခန့်သည် ဆီးရီးယားတွင် စစ်ဘေးဒဏ်ခံရသောကြောင့် ပြောင်းရွှေ့လာခြင်းဖြစ်ကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ယခုလအစောပိုင်းတွင် ပြောကြားလိုက်သည်။
အဆိုပါရွှေ့ပြောင်းနေထိုင်ကြသူများမှာ ၎င်းတို့၏ အမိနိုင်ငံအား စွန့်ခွာကာ အန္တရာယ်များသည့် ခရီးစဉ်ဖြင့် လာရောက်ခြင်း ဖြစ်သောကြောင့် ၎င်းတို့အား ကာကွယ်ပေးရန်၊ လူမှောင်ခိုကူးမှုများကို တိုက်ဖျက်သွားရန် ကုလသမဂ္ဂ
လက်ထောက်အထွေထွေအတွင်းရေးမှူး ဂျန်အီလီယက်ဆင်က တောင်းဆိုခဲ့သည်။ ထို့ပြင် ရွှေ့ပြောင်းနေထိုင်သူများကို ခိုးဝင်များအဖြစ် ပစ်မှတ်ထား ရှုတ်ချမှုများ မပြုလုပ်၊ မဆက်ဆံသင့်ကြောင်းလည်း ထည့်သွင်းပြောကြားခဲ့သည်။
နိုင်ငံတာကာတွင် ရွှေ့ပြောင်းနေထိုင်သူကြများ၏ သုံးပုံနှစ်ပုံခန့်မှာ နိုင်ငံ ၂၀ ခန့်တွင်သာ နေထိုင်လေ့ရှိကြောင်း အစီရင်ခံစာတွင် ဖော်ပြသည်။
အများဆုံးအရေအတွက်ဖြစ်သော ၄၇ သန်းမှာ အမေရိကန်ပြည်ထောင်စုတွင် နေထိုင်ပြီး ဂျာမနီတွင် ၁၂ သန်း၊ ရုရှားတွင် ၁၂ သန်း၊ ဆော်ဒီအာရေးဗီးယားတွင် ၁၀ သန်းခန့် နေထိုင်ကြသည်။
နိုင်ငံစွန့်ခွာမှု အများဆုံးနိုင်ငံမှာ အိန္ဒိယဖြစ်ပြီး ၁၆ သန်းခန့်သော လူများသည် အခြားသို့ပြောင်းရွှေ့နေထိုင်ကြသည်။ ဒုတိအများဆုံးမှာ မက္ကဆီကိုဖြစ်ပြီး၊ ရုရှားနှင့် တရုတ်တို့တွင်လည်း အထိုက်အလျောက် စွန့်ခွာမှုများ ရှိနေသည်ဟု သိရသည်။
Ref: Al Arabiya
