ဒီဇင်ဘာ ၁၃၊ ၂၀၁၅
M-Media
– ထိပ်တိုက်တွေ့ဆုံမှုကို ရှောင်လွှဲရန်အတွက် အေဂျီယန်ပင်လယ်၌ ယနေ့တွင် တူရကီ ငါးဖမ်းသင်္ဘောတစ်စင်းကို မိမိတို့က သတိပေးခြောက်လှန့်ပစ်ခတ်မှုများ ပြုလုပ်ခဲ့သည်ဟု ရုရှားကာကွယ်ရေးဝန်ကြီးဌာနာ သတင်းထုတ်ပြန်လိုက်သည်။
ဂရိပိုင်ကျွန်းဖြစ်သော လမ်နော့စ်မှ ရေမိုင် ၁၂ မိုင်အကွာအဝေးတွင် ယနေ့မနက်ပိုင်းက ဖြစ်ပွားခဲ့ခြင်းဖြစ်ပြီး ၎င်းတို့၏ဖျက်သင်္ဘော Smetlivy မှာ အနားကပ်လာသည့် အဆိုပါ တူရကီငါးဖမ်းသင်္ဘောနှင့် ရေဒီယိုဆက်သွယ်မှု ပြုလုပ်ရာတွင် မရခဲ့ဘဲ မီးဖြင့်လည်းကောင်း၊ မီးကျည်ဖြင့်လည်းကောင်း အချက်ပြသော်လည်း ပြန်လည်တုန့်ပြန်ခဲ့ခြင်းမရှိဟု ၀န်ကြီးဌာနက ထုတ်ပြန်သော ကြေငြာချက်တွင် ဖော်ပြထားသည်။
ထိုငါးဖမ်းသင်္ဘောမှာ မီတာ ၆၀၀ အကွာအဝေးထိရောက်ရှိလာသည့်အချိန်တွင် မိမိတို့ ဖျက်သင်္ဘောက လက်နက်ငယ်များဖြင့် ခြောက်လှန့်ပစ်ခတ်ခဲ့သေကြောင့် ချက်ချင်းလမ်းကြောင်းပြောင်းသွားခဲ့သည်ဟု ဆိုသည်။ သို့သော်လည်း မိမိတို့သင်္ဘောနှင့် ဆက်သွယ်မှု မရှိခဲ့ဟု ရုရှားကာကွယ်ရေးဝန်ကြီးဌာနက ထည့်သွင်းပြောကြားခဲ့သည်။
ထိုအဖြစ်အပျက်နှင့်ပတ်သက်၍ မော်စကိုရှိ တူရကီစစ်သံမှူးကို ရုရှားကာကွယ်ရေးဝန်ကြီးမှ ဆင့်ခေါ်ခဲ့သည်ဟု သိရသည်။ ပြီးခဲ့သည့်လက ဆီးရီးယားနယ်စပ်အနီးတွင် ရုရှားတိုက်လေယာဉ်တစ်စဉ်းကို တူရကီက ပစ်ချခဲ့ပြီးနောက်ပိုင်း နှစ်နိုင်ငံတင်းမာမှုများ မြင့်တက်လာခဲ့သည်။
Ref: Aljazeera
