Blog

မန်ယူ အုပ်စုအဆင့်ကနေ ထွက်ခဲ့ရပြီး မန်စီးတီး၊ အက်သလက်တီကိုတို့ အုပ်စုဗိုလ်ဖြစ်ခဲ့တဲ့ ဗုဒ္ဓဟူးနေ့မနက် ချန်ပီယံလိဂ် ပွဲစဉ်များ

ဒီဇင်ဘာ ၉၊ ၂၀၁၅
M-Media

– ဒီနေ့မနက်မှာ ကစားခဲ့တဲ့ ချန်ပီယံလိဂ်ပွဲတွေမှာတော့ မန်ယူဟာ ၀ုလ်ဖ်ဘာ့ဂ်အသင်းကို ရှုံးနိမ့်ခဲ့တာကြောင့် အုပ်စုအဆင့်ကနေ လက်ပြနှုတ်ဆက်ခဲ့ရပြီး၊ ရီးယဲလ်၊ မန်စီးတီးတို့ ဂိုးမြူးခဲ့ကြပါတယ်။

အုပ်စု A

ရီးယဲလ် ၈-၀ မာလ်မို
ပီအက်စ်ဂျီ ၂-၀ ရှက်တာဒိုးနက်

နောက်တစ်ဆင့်တက်ရောက်ပြီး ဖြစ်ပေမယ့် ဘာနေဗျူးကဒီပွဲမှာ ရီးယဲလ်တို့ ကစားအားမလျော့ခဲ့ဘဲ ဂိုးရသေလောက် သွင်းခဲ့ပါတယ်။ ရော်နယ်ဒိုက ၄ ဂိုး၊ ဘန်ဇီမာက ဟက်ထရစ်နဲ့ ကိုဗာစစ်က ၁ ဂိုး သွင်းယူနိုင်ခဲ့တဲ့ ရီးယဲလ်ရဲ့ ဒီနိုင်ပွဲဟာ၂၀၀၇-၀၈ ချန်ပီယံလိဂ်မှာ လီဗားပူးလ်က ဘက်ခီတက်စ်ကို ၈ ဂိုးပြတ်နဲ့ အနိုင်ရခဲ့ပြီး ချန်ပီယံလိဂ်သမိုင်းတစ်လျှောက် ဂိုးအများဆုံး သွင်းယူနိုင်ခဲ့စံချိန်နဲ့ တူညီသွားခဲ့တာလည်း ဖြစ်ပါတယ်။ ရော်နယ်ဒိုက အုပ်စုပွဲအားလုံးမှာ စုစုပေါင်း ၁၁ ဂိုးသွင်းခဲ့ပြီး ချန်ပီယံလိဂ်အုပ်စုအဆင့်မှာ ဂိုးအများဆုံးသွင်းယူနိုင်ခဲ့တဲ့ မှတ်တမ်းသစ်ကိုလည်း ရေးထိုးနိုင်ခဲ့ပါတယ်။

ပီအက်စ်ဂျီကလည်း ရှုံးထွက်ရောက်နေပြီဖြစ်တဲ့အတွက် ဒီပွဲကို မရှုံးအောင်သာ ကစားသွားခဲ့ပြီး ဒုတိယပိုင်းကျမှ လူးကက်စ်နဲ့ အီဗရာဟီမိုဗစ်တို့က ဂိုးတွေ သွင်းယူခဲ့တာဖြစ်ပါတယ်။

အုပ်စု B

ဝုလ်ဖ်ဘာ့ဂ် ၃-၂ မန်ယူ
ပီအက်စ်ဗီ ၂-၁ စီအက်စ်ကေအေ

တိုက်စစ်ပိုင်းနဲ့ အဆုံးသတ်ပိုင်း အားနည်းမှုတွေနဲ့အတူ မန်ယူကတော့ ချန်ပီယံလိဂ်ကို အုပ်စုအဆင့်ကနေပဲ လက်ပြနှုတ်ဆက်ခဲ့ရပါတယ်။ ၁၀ မိနစ်မှာ မာရှယ်က မန်ယူအတွက် ဦးဆောင်ဂိုး သွင်းခဲ့ပေမယ့် ၃ မိနစ်အကြာမှာပဲ နာလ်ဒိုက ချေပဂိုး ပြန်သွင်းနိုင်ခဲ့ပါတယ်။ ကစားကွက်ပိုသာတဲ့ မန်ယူတို့ ဂိုးသွင်းခွင့်တွေ ထပ်ရခဲ့ပေမယ့် အဆုံးသတ်ပိုင်း မသေချာတာနဲ့ အိမ်ရှင်ဂိုးသမား လက်စွမ်းပြနိုင်တာကြောင့် ဂိုးထပ်မရခဲ့ဘဲ ၂၉ မိနစ်မှာ ဗီရင်ဟာက ဦးဆောင်ဂိုး အိမ်ရှင်အတွက် ထပ်သွင်းပေးခဲ့ပါတယ်။ ပွဲက အကြိတ်အနယ်ရှိလာခဲ့ပြီး ၈၂ မိနစ်မှာ ဖယ်လိုင်နီရဲ့ခေါင်းတိုက်မှုကို ၀ုလ်ဖ်ဘာ့ဂ်နောက်ခံလူ ဂီလာဗိုဂူ ရှင်းထုတ်ရာကနေ ဂိုးဝင်သွားတာကြောင့် မန်ယူတို့ မျှော်လင့်ချက် တောက်ပလာခဲ့ပေမယ့် ၃ မိနစ်အကြာမှာပဲ နာလ်ဒိုက ခေါင်းတိုက် အနိုင်ဂိုး သွင်းယူပေးပြီး ၀ုလ်ဖ်ဘာ့ဂ်အသင်းကို သမိုင်းတစ်လျှောက် ပထမဆုံး ချန်ပီယံလိဂ် ရှုံးထွက်အဆင့်ကို တက်ရောက်စေခဲ့ပါတယ်။
မန်ယူကတော့ ယူရိုပါ တစ်နေရာနဲ့ပဲ ကျေနပ်ခဲ့ရပါတယ်။

နောက်တစ်ဆင့်တက်ဖို့ အခွင့်အရေးအနည်းဆုံးဖြစ်ခဲ့တဲ့ ပီအက်စ်ဗီဟာ ရေကုန်ရေခမ်း ကြိုးစားအားထုတ်မှုရဲ့အကျိုးကို ခံစားခဲ့ရတာ ဖြစ်ပါတယ်။ ရှုံးထွက်ရောက်ဖို့ မျှော်လင့်ချက်မရှိတော့တဲ့ စီအက်စ်ကေအေဟာ ဒီပွဲမှာ အကောင်းဆုံး ကစားပြနိုင်ခဲ့ပြီး ၇၆ မိနစ်မှာ ပင်နယ်တီကတစ်ဆင့် ဦးဆောင်ဂိုးတောင် ရရှိခဲ့ပါတယ်။ ဒါပေမယ့် ဒီဂျုံနဲ့ ပရော့ပါးတို့ရဲ့ ၇၈၊ ၈၆ မိနစ်ဂိုးတွေက ပီအက်စ်ဗီအသင်းကို ၂၀၀၆-၀၇ နောက်ပိုင်း ပထမဆုံးအကြိမ် ချန်ပီယံလိဂ်ရှုံးထွက်အဆင့်ကို ပို့ဆောင်ပေးခဲ့ပါတယ်။

အုပ်စု C

ဘင်ဖီကာ ၁-၂ အက်သလက်တီကို
ဂါလာတာစာရေး ၁-၁ အက်စ်တာနာ

အုပ်စုဗိုလ်လုပွဲမှာ အက်သလက်တီကိုတို့ အမှားမရှိခဲ့ဘဲ့ ဆာအူလ် နီဂက်စ်နဲ့ ဗီယက်တိုတို့ရဲ့ ဂိုးတွေနဲ့ အနိုင်ရခဲ့ပါတယ်။ ဒါဟာ စက်တင်ဘာ ၃၀ ရက်နေ့က ဘင်ဖီကာကို ရှုံးပြီးတဲ့နောက်ပိုင်း အက်သလက်တီကိုရဲ့ ၁၃ ပွဲဆက်တိုက် ရှုံးပွဲမရှိတဲ့ပွဲလည်းဖြစ်ပါတယ်။

အုပ်စုအတွင်းမှာ အက်စ်တာနာရဲ့ ပထမဆုံး ချန်ပီယံလိဂ် အဝေးဂိုးကို ပြန်ချေပရင်းနဲ့ ဂါလာတာစာရေးဟာ ယူရိုပါလိဂ်ဝင်ခွင့် ရရှိခဲ့ပါတယ်။ အက်စ်တာနာကတော့ သူတို့ရဲ့ ပထမဆုံး ချန်ပီယံလိဂ်ပြိုင်ပွဲမှာ နိုင်ပွဲမရှိနဲ့ အဆုံးသတ်ခဲ့ရပါတယ်။

အုပ်စု D

မန်စီးတီး ၄-၂ မိုချန်ဂလာဘက်ခ်ျ
ဆီးဗီးလား ၁-၀ ဂျူဗင်တပ်စ်

စတာလင်ရဲ့ မွေးနေ့ဂိုး ၂ ဂိုးနဲ့အတူ မန်စီးတီးတို့ ဂိုးပြတ်အနိုင်ရခဲ့ပေမယ့် ပထမပိုင်းအပြီးမှာ ၂ ဂိုး ၁ ဂိုးနဲ့ ရှုံးနိမ့်နေခဲ့တာပါ။ မိနစ် ၈၀ ကနေ ၈၅ မိနစ်အကြား ၆ မိနစ်အတွင်းမှာ ၃ ဂိုးသွင်းနိုင်ခဲ့တာကြောင့် မန်စီးတီးတို့ အုပ်စုပထမနဲ့ နောက်တစ်ဆင့် တက်နိုင်ခဲ့တာ ဖြစ်ပါတယ်။ စတာလင်အပြင် ဆေးလ်ဗားနဲ့ ဘိုနီတို့ကလည်း ၁ ဂိုးစီ သွင်းယူပေးခဲ့ပါတယ်။

ဂျူဗင်တပ်စ်ကတော့ အဝေးကွင်းမှာ အခွင့်အရေးတွေ တော်တော်များများ ရခဲ့ပေမယ့် အသုံးမချနိုင်ခဲ့တာကြောင့် လော်ရန်တေးရဲ့ ၆၅ မိနစ်ဂိုးနဲ့ ဆီးဗီးလားကို အရှုံးပေးခဲ့ရပြီး အုပ်စုဗိုလ်နေရာရရှိရေး လက်လွှတ်ခဲ့ရပါတယ်။ ဒီပွဲအနိုင်ကြောင့် ဆီးဗီးလားဟာ ယူရိုပါတစ်နေရာကို ရခဲ့ပါတယ်။

December 9, 2015
တောင်တရုတ်ပင်လယ် စောင့်ကြည့်ရန်အတွက် ကန်ထောက်လှမ်းရေးလေယာဉ် စင်ကာပူတွင် ချထား

ဒီဇင်ဘာ ၉၊ ၂၀၁၅
M-Media

– တောင်တရုတ်ပင်လယ်တွင် ထောက်လှမ်းမှုများ ပြုလုပ်ရန်အတွက် ခေတ်မီထောက်လှမ်းရေးလေယာဉ် Poseidon ကို စင်ကာပူ၌ ချထားရန် အမေရိကန်က ဆုံးဖြတ်ခဲ့သည်ဟု အမေရိကန် ကာကွယ်ရေးဝန်ကြီး အရ်ှတန်ကာတာက ပြောကြားခဲ့သည်။

အမေရိကန်သို့ ရောက်ရှိနေသည့် စင်ကာပူကာကွယ်ရေးဝန်ကြီးနှင့် ပူးတွဲထုတ်ပြန်ခဲ့သော ကြေညာချက်တွင် စင်ကာပူ၌ အမေရိကန် P8 Poseidon ထောက်လှမ်းရေးလေယာဉ် ဖြန့်ကျက်ထားရှိရေး နှစ်ဖက် သဘောတူညီချက်များ ပါရှိကြောင်း ကာတာက ဆိုသည်။ အဆိုပါ တပ်ဖြန့်ချထားမှုမှာ ၀ါရှင်တန်ရှိ ပင်တဂွန်စစ်ဌာနချုပ်၌ နှစ်ဖက် လက်မှတ်ရေးထိုးခဲ့သည့် ကာကွယ်ရေး ပူးပေါင်းဆောင်ရွက်မှု သဘောတူညီချက် DCA ၏ အစိတ်အပိုင်းတစ်ခုလည်း ဖြစ်သည်။

ဝန်ကြီးနှစ်ဦးစလုံးကမူ ထိုကဲ့သို့ ထောက်လှမ်းရေးလေယာဉ်များ တပ်ဖြန့်ချထားမှုမှာ အကြမ်းဖက်တိုက်ဖျက်ရေး၊ ပင်လယ်ဓားပြချေမှုန်းရေးနှင့် သဘာဝဘေးအန္တရာယ် ကူညီကယ်ဆယ်ရေးတို့ ဆောင်ရွက်သွားရန်ဖြစ်သည်ဟု အခိုင်အမာ ပြောကြားခဲ့သည်။

ဘိုးအင်းကုမ္ပဏီမှ ထုတ်လုပ်သော အဆိုပါ Poseidon ထောက်လှမ်းရေးလေယာဉ်မှာ ဒီဇင်ဘာ ၇ ရက်မှ ၁၄ ရက်အတွင်း စင်ကာပူ၌ အခြေချမည်ဖြစ်သည်။ ထိုလေယာဉ်မှာ ဂျပန်နှင့် ဖိလစ်ပိုင်မှ လေယာဉ်များနှင့်အတူ ထောက်လှမ်းပျံသန်းမှုများကို ပြုလုပ်နေခဲ့သည့် လေယာဉ်လည်းဖြစ်ပြီး ထောက်လှမ်းရေးလုပ်ငန်းများအတွက် မလေးရှားအနီးရှိ လေယာဉ်ကွင်းများကိုလည်း အသုံးပြုမည်ဖြစ်သည်။

အထက်ပါသဘောတူညီချက်အရ ပိုင်နက်အငြင်းပွားမှုများ ရှိနေသည့် တောင်တရုတ်ပင်လယ်တွင် တရုတ်၏ စစ်ဖက်ဆိုင်ရာ လှုပ်ရှားမှုများကို ခြေရာခံရန် စင်ကာပူလေယာဉ်ကွင်းမှာ မဟာဗျူဟာမြောက် နေရာအဖြစ် အသုံးပြုခွင့်ရမည် ဖြစ်သည်။ တောင်တရုတ်ပင်လယ်မှာ ဒေါ်လာ ၅ ထရီလီယံ တန်ဖိုးရှိသော ကုန်သင်္ဘောများ နှစ်စဉ် ဖြတ်သန်းသွားလာရာ ရေလမ်းကြောင်းတစ်ခုလည်း ဖြစ်သည်။

မည်သို့သော အခြေအနေတွင်ဖြစ်စေ တောင်တရုတ်ပင်လယ်တွင် မိမိတို့၏ အချုပ်အခြာအာဏာသာ တည်ရမည်ဖြစ်ကြောင်း တရုတ်အစိုးရက အခိုင်အမာ ပြောဆိုထားသည်။ သို့သော်လည်း အမေရိကန်ကမူ တရုတ်အစိုးရမှာ တောင်တရုတ်ပင်လယ်တွင် ကျွန်းတုများတည်ဆောက်ကာ နယ်မြေသိမ်းယူမှုအစီအစဉ်များ ပြုလုပ်နေသည်ဟု စွပ်စွဲထားသည်။

အမေရိကန်သမ္မတ ဘားရက်အိုဘားမားကလည်း ကျွန်းတုများ တည်ဆောက်ခြင်းနှင့် ပိုင်ဆိုင်ကြောင်း ပြောဆိုထားသည့် နေရာများကို စစ်ဖက်ဆိုင်ရာ နေရာများအဖြစ် မပြုလုပ်ရန် တရုတ်အစိုးရအား သတိပေးထားသည်။ တရုတ်နိုင်ငံကမူ အဆိုပါသတိပေးချက်များကို လျစ်လျူရှု၍ ကျွန်းတုများ ဆက်လက်တည်ဆောက်သွားမည်ဟု ပြန်လည်တုန့်ပြန်ခဲ့သည်။

တောင်တရုတ်ပင်လယ်အတွင်း တရုတ်က ပိုင်ဆိုင်ကြောင်း ကြေငြာထားသည့် ကျွန်းများအနီးတွင် အမေရိကန်၏ B-52 ဗုံးကြဲလေယာဉ်များမှာ ပြီးခဲ့သည့်လက ပျံသန်းခဲ့ပြီး အောက်တိုဘာလနှောင်းပိုင်းကလည်း ပဲ့ထိန်းဒုံးကျည်တပ် အမေရိကန် စစ်သင်္ဘောတစ်စီးမှာ ကျွန်းမှ ရေမိုင် ၁၂ မိုင်အတွင် ၀င်ရောက်ခုတ်မောင်းခဲ့သည်။

ပြီးခဲ့သည့် မေလကလည်း ထိုကျွန်းများအနီးတွင် ပျံသန်းသော အမေရိကန် P-8 ထောက်လှမ်းရေးလေယာဉ်တစ်စီးကို တရုတ်ရေတပ်က ၈ ကြိမ်တိတိ သတိပေးမှုများ ပြုလုပ်ခဲ့သည်။

Ref : PressTV

December 9, 2015
အစ္စလာမ့်ရေးရာ ဘာသာပြန်ဆောင်းပါးတွင် မှားယွင်းမှုများအတွက် The Voice Daily မှ ပြင်ဆင်ချက်ထည့်ပေးခဲ့ပြီး၊ သက်ဆိုင်သူများကိုလည်း တောင်းပန်ခဲ့

ဒီဇင်ဘာ ၉၊ ၂၀၁၅
M-Media

– ဒီဇင်ဘာ ၆ ရက်နေ့ထုတ် The Voice Daily တွင် ဖော်ပြထားသည့် “မိုဟာမက်နှင့် ပထမဆုံးကာလီဖိတ်များ” ဘာသာပြန်ဆောင်းပါးပါ သမိုင်းဆိုင်ရာမှားများ၊ အသုံးအနှုန်းမှားယွင်းမှုများ၊ ဘာသာပြန်အမှားများနှင့် ဓာတ်ပုံ မှားယွင်းသုံးစွဲထားမှုများအတွက် ပြင်ဆင်ချက်နှင့် ထိခိုက်သူအားလုံးအား တောင်းပန်မှုကို ဒီဇင်ဘာ ၉ ရက်နေ့ (ယနေ့) ထုတ် The Voice Daily တွင် ထည့်သွင်းပေးခဲ့သည်ဟု သိရသည်။

အဆိုပါ ဘာသာပြန်ဆောင်းပါးမှာ National Geographic အဖွဲ့မှ ထုတ်ဝေသည့် Essential Visual History of The World စာအုပ်တွင် အင်္ဂလိပ်ဘာသာဖြင့် ဖော်ပြပါရှိခဲ့သည့် အကြောင်းအရာများကို မြန်မာဘာသာဖြင့် ပြန်ဆိုခဲ့ခြင်းဖြစ်သည်ဟု ဆိုသည်။

သို့သော်လည်း ထိုပြန်ဆိုမှုတွင် အသုံးအနှုန်းမှားယွင်းမှုများနှင့် ဘာသာပြန်အမှားများစွာ ပါရှိခဲ့ပြီး အစ္စလာမ်ဘာသာကို စတင်ဟောကြားခဲ့သည့် တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ၏ ပုံဟု ဆိုသော ဓာတ်ပုံတစ်ပုံကိုလည်း ထည့်သွင်းဖော်ပြခဲ့သည်။

ထိုကဲ့သို့ အစ္စလာမ်ဘာသာဝင်များ၏ စိတ်နှလုံးတွင် ထိခိုက်စေသော အမှားများကြောင့် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထိုဘာသာပြန်ဆောင်းပါးအတွက် ပြင်ဆင်ချက်ထည့်ပေးရန် ဒီဇင်ဘာ ၈ ရက်နေ့ ရက်စွဲဖြင့် မေတ္တာရပ်ခံစာတစ်စောင် ထုတ်ပြန်ခဲ့ပြီး အသုံးအနှုန်းနှင့် အချက်အလက် မှားယွင်းမှု ၁၄ ခုအတွက်လည်း အသုံးအနှုန်းအမှန်များကို ထုတ်ပြန်ပေးခဲ့သည်။ ထို့ပြင် အစ္စလာမ်သာသနာသမိုင်း၊ တမန်တော် မုဟမ္မဒ်သခင်၏ ထေရုပ္ပတ္တိနှင့် အခြားသော အထောက်အကူပြု စာအုပ်များကို The Voice အယ်ဒီတာအဖွဲ့သို့ ပေးပို့ခဲ့သည်။

ယနေ့တွင် The Voice မှ ထုတ်ပြန်သော “အမှားပြင်ဆင်ချက်” ၌ ထိုကဲ့သို့ မှားယွင်းမှုများမှာ ဘာသာပြန်သူနှင့် ဘာသာပြန်မှုကို စီစစ်တည်းဖြတ်သော The Voice Daily သတင်းစာ Foreign Desk အဖွဲ့တို့၏ အာရဗီဘာသာစကားနှင့် ရင်းနှီးကျွမ်းဝင်မှုမရှိခြင်း၊ အစ္စလာမ်ဘာသာရေး နားလည်တတ်ကျွမ်းသူများနှင့် တိုင်ပင်ကာ စနစ်တကျ စီစစ်တည်းဖြတ်မှု မရှိခဲ့ခြင်း၊ သမိုင်းရှုထောင့်မှ ရေးသားထားသော စာအုပ်ဖြစ်၍ သမိုင်းအမြင်ဖြင့် ဘာသာပြန်ရေးသားခဲ့ခြင်း တို့ကြောင့် ထိုကဲ့သို့ အမှားများ ပါဝင်ခဲ့ခြင်းဖြစ်သည်ဟု ဖော်ပြထားသည်။

ထို့ပြင် ထိုအမှားများမှာ နိုင်ငံတကာရေးရာ၊ ဘာသာပြန်ရေးရာ အစရှိသည်တို့ကို အဓိကတာဝန်ယူရရသည့် Foreign Desk တစ်ခုတည်း၏ ပေါ့ဆချွတ်ချော်မှုကြောင့်ဖြစ်သော အမှားများသာဖြစ်သည်ဟု ရိုးသားစွာ ၀န်ခံလိုပြီး “အခြား မည်သည့်ရည်ရွယ်ချက် တစ်စုံတစ်ရာ လုံးဝ(လုံးဝ) မရှိကြောင်း အထူးဖော်ပြလိုပါသည်” ဟုလည်း ထည့်သွင်း ဖော်ပြထားသည်။

အသုံးအနှုန်းမှားယွင်းမှုများနှင့် ဘာသာပြန်လွဲချော်မှုများအတွက် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထုတ်ပြန်ပေးခဲ့သည့် ပြင်ဆင်ချက်ကို ထည့်သွင်းပေးခဲ့ပြီး မုဟမ္မဒ်သခင်၏ ဓာတ်ပုံဖော်ပြထားမှုအတွက်လည်း “ယင်းဆောင်းပါးတွင် ပါရှိသော မိုဟာမက် ဟု ဖော်ပြထားသည့် ရုပ်ပုံမှာ မုဟမ္မဒ်၏ ရုပ်ပုံ လုံးဝ(လုံးဝ) မဟုတ်ကြောင်း၊ မုဟမ္မဒ်၏ ပုံတူပန်းချီ လုံးဝမရှိကြောင်း” ပြန်လည်ပြင်ဆင်ပေးခဲ့သည်။

ထို့ပြင် အဆိုပါ ဘာသာပြန်ဆောင်းပါး၏ ရိုးသားစွာ လွဲချော်မှားယွင်းမှုများအတွက် “သက်ဆိုင်သူအားလုံးကို လေးလေးစားစား တောင်းပန်အပ်ပါကြောင်း မေတ္တာရှေ့ထား ဖော်ပြလိုပါသည်” ဟု ထည့်သွင်းတောင်းပန်ခဲ့သည်။

ထိုကဲ့သို့ ရိုးသားစွာမှားယွင်းသည်ဟု ၀န်ခံကာ ပြင်ဆင်ချက်ထည့်ပေးခဲ့သည့် The Voice Daily သတင်းစာ၏ တာဝန်ယူခဲ့သော လုပ်ရပ်အတွက် အစ္စလာမ်ဘာသာဝင်များကလည်း ဆိုရှယ်မီဒီယာများမှတစ်ဆင့် ၀မ်းမြောက်ဝမ်းသာစွာ ကြိုဆိုလက်ခံခဲ့သည်။

မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထုတ်ပြန်ခဲ့သည့် အမှားပြင်ဆင်ချက်များ

မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထုတ်ပြန်ခဲ့သည့် အမှားပြင်ဆင်ချက်များ

December 9, 2015
အစ္စလာမ်အကြောင်း လွဲမှားစွာ ရေးသားမှု The Voice အယ်ဒီတာချူပ် တာဝန်ယူ၊ တောင်းပန်စာနှင့် အမှားပြင်ဆင်ချက် ထည့်ပေးမည်ဟုပြော

ဒီဇင်ဘာ ၈၊ ၂၀၁၅
M-Media
မိုးစက်

ဘာသာပြန် အမှားများကို ပြင်ဆင်ပေးရန် အစ္စလာမ်ဘာသာရေး အဖွဲ့ကြီး၏ ပေးစာကို အယ်တီတာချူပ် ဦးကျော်မင်းဆွေ ထံသို့ ပေးအပ်ခဲ့ပုံ ဓါတ်ပုံ- Zaw Min Tun FB

ရန်ကုန်။ ။ ဒီဇင်ဘာလ ၆ ရက်နေ့ထုတ် The Voice Daily တွင် အစ္စလာမ်ဘာသာနှင့် ပတ်သက်ပြီး လွဲမှားစွာဖော်ပြထားသည့် ဘာသာပြန် ဆောင်းပါးတွင် ပါရှိသည့် အချက်များကို ပြန်လည်ပြင်ဆင်ဖော်ပြပေးရန် အတွက် အစ္စလာမ်ဘာသာဝင်များက The Voice Daily မှ တာဝန်ရှိသူများအား တောင်းဆိုခဲ့ကြပါတယ်။

The Voice Daily သည် အမေရိကန်နိုင်ငံထုတ် National Geographic မဂ္ဂဇင်းတွင် ပါရှိသည့် ဆောင်းပါးကို ဘာသာပြန်ဆိုရာတွင် အစ္စလာမ်ဘာသာရေး၏ ဝေါဟာရအသုံးအနှုန်းများကို လွဲမှားစွာ ဖော်ပြထားသည့့် အပြင် တမန်တော်မိုဟမ္မဒ်(Peace be upon him) ၏ ပုံကိုဖော်ပြထားခြင်းမှာလည်း မြန်မာနိုင်ငံသား အစ္စလာမ်ဘာသာဝင် အကြား ဝေဖန်ရှုံချမှုတွေ ဖြစ်ပွားခဲ့တယ်။

ထိုဖြစ်ရပ်နှင့် ပတ်သက်ပြီး ယင်းသတင်းစာတွင် ပါရှိသည့် အမှားများကို ထောက်ပြသည့် အိတ်ဖွင့်ပေးစာ [Link ] တစောင် ရေးသားခဲ့သည့် ဆောင်းပါးရှင် ဂျူလိုင်ရဲရင့်မှ The Voice Daily သတင်းစာ အယ်ဒီတာချုပ်ဖြစ်သူ ဦးကျော်မင်းဆွေထံသို့ လူမှုကွန်ယက်မှ တစ်ဆင့်ပေးပို့ခဲ့ရာ ထိုဖြစ်ရပ်နှင့် ပတ်သက်ပြီး ဦးကျော်မင်းဆွေက “ပုံမှန်အားဖြင့်တော့ ဘယ်ဘာသာရေး ဘယ်ဝါဒမှိုင်းမှ မပါအောင် အလယ်အလတ်လမ်းကသွားတဲ့ မီဒီယာဖြစ်အောင် ကျွန်တော် ကြိုးစားတည်ဆောက်နေပါတယ်။ အခုဟာက မမျှော်လင့်ပဲဖြစ်သွားတာပါ။ National Geographic ကထုတ်ဝေတဲ့ Essential Visual History of The World ထဲမှာပါတဲ့ အစိတ်အပိုင်းတစ်ခုသာ ဖြစ်ပါတယ်။ ဘာသာပြန်အလွဲအချော်နဲ့ စာမျက်နှာ အပြင်အဆင်အရ နားလည်မှုလွဲသွားစေတဲ့ အထိ ဖြစ်သွားတာပါ။ အဲဒီ အတွက် မူရင်း အင်္ဂလိပ်လိုနဲ့ပါတွဲပြီး ပြင်ဆင်တောင်းပန်ချက် ထည့်ပေးသွားမှာပါဗျ။” ဆိုပြီး ပြန်လည်ဖြေကြားခဲ့သလို ယခုဖြစ်ရပ်နှင့် ပတ်သက်ပြီး အယ်ဒီတာချူပ်ဖြစ်သူ ၄င်းထံတွင်သာ တာဝန်အရှိဆုံးဖြစ်ကြောင်း၊ အဆိုပါ ကိစ္စ အတွက် လေးလေးစားစား တောင်းပန်ကြောင်း Facebook မှ တဆင့်ပြောကြားမှုကို ကိုဂျူလိုင်ရဲရင့်ရဲ့ လူမှုကွန်ယက် စာမျက်နှာပေါ်မှာ ဖော်ပြထားတာကို တွေ့ရှိရပါတယ်။

ထိုသို့ အမှားများ၊ အလွဲများနှင့် ပတ်သတ်ပြီး ပြည်ထောင်စုမြန်မာနိုင်ငံတော် မြန်မာနိုင်ငံလုံးဆိုင်ရာ အစ္စလာမ်သာသာရေးအဖွဲ့ကြီးမှ The Voice Daily သတင်းစာ အယ်ဒီတာချုပ်ဖြစ်သူ ဦးကျော်မင်းဆွေထံသို့ ဒီဇင်ဘာလ ၆ ရက်နေ့ထုတ် The Voice Daily တွင် သာသနာရေးနှင့် သမိုင်းဆိုင်ရာအမှားများ၊ ဘာသာရပ်ဆိုင်ရာ ဝေါဟာရအမှားများကို ပြန်လည်ပြင်ဆင်ဖော်ပြပေးရန်အတွက် စာ တစောင် ပေးပို့ထားကြောင်း သိရပါတယ်။

“ကျွန်တော်တို့ပြောတော့ သူတို့အမှားကို သူတို့ဝန်ခံပါတယ်။ သူတို့ရဲ့ အမှားအတွက် သူတို့အပြည့်အဝ တာဝန်ယူပေးမယ်ဆိုတော့ ကျွန်တော်တို့က ကျေနပ်ပါတယ်။ အခြားမီဒီယာတွေလည်း ဒီဖြစ်ရပ်ကို အတုယူပြီးတော့ ဘာသာရေးနဲ့ပတ်သက်ပြီး မှားယွင်းဖော်ပြခဲ့မိရင် အမှားကိုသိပြီး အမှန်ပြင်ဖို့ အတုယူစေချင်ပါတယ်” အစ္စလာမ်သာသနာရေးရာ ကောင်စီဌာနချုပ်မှ ဦးတင်မောင်သန်းက M-Media ကို ပြောခဲ့ပါတယ်။

ယင်းကိစ္စရပ်နှင့် ပတ်သက်ပြီး The Voice Daily သတင်းစာ အယ်ဒီတာချုပ်ဖြစ်သူ ဦးကျော်မင်းဆွေထံသို့ သွားရောက် ဆွေးနွေးခဲ့သူ ကိုဇော်မင်းထွန်းက “ကျွန်တော်တို့ ဒီလိုဖြစ်ရပ်တွေဆိုတာ အွန်လိုင်းမှာပဲ ရှင်းနေလို့မပြီးဘူး။ အဲတော့ မျက်နှာချင်းဆိုင်ရှင်းရအောင်လို့ ကျွန်တော်နဲ့ သုံးလေးယောက် ကိုကျော်မင်းဆွေနဲ့ သွားတွေ့ခဲ့တယ်။ သူတို့ဘက်ကလည်း သူတို့အမှားကို သူတို့ ဝန်ခံတယ်။ ဘာသာပြန်တဲ့ ကောင်လေးကိုလည်း တွေ့ပေးတယ်။ တမန်တော်မိုဟမ္မဒ်(Peace be upon him) ရဲ့ပုံကို သုံးတာနဲ့ပတ်သက်ပြီး မူရင်းစာအုပ်မှာက အခြားစာကိုဖော်ပြတဲ့ ပုံတစ်ပုံပါတယ်။ အဲဒါကို ဘာသာပြန်တဲ့လူက နားလည်မှုလွဲပြီး ဒီနေရာမှာ တမန်တော်ပုံထည့်ရမယ်ဆိုပြီး သူ Googling လုပ်လိုက်တယ်။ တွေ့တဲ့ပုံကိုကောက်ထည့်လိုက်တာ။ သူတို့ပြောတာကိုကြည့်ရတာတော့ တမင်ရည်ရွယ်ချက်ရှိရှိ လုပ်တာတော့ မတွေ့ရဘူး။ လွဲချော်မှုတွေကြောင့်ဆိုတာ သိသာပါတယ်” လို့ M-Media ကို ဆွေးနွေးခဲ့သည့် အကြောင်းအရာများကို ပြန်လည်ရှင်းပြခဲ့ပါတယ်။

The Voice Daily သတင်းစာဘက်မှ တောင်းပန်စာနှင့် အမှားပြင်ဆင်ချက်ကို ဒီဇင်ဘာလ (၉) ရက် (သို့မဟုတ်) ဒီဇင်ဘာလ (၁၀) ရက်ထက်နောက်မကျဘဲ ထည့်သွင်းပေးမည်ဖြစ်ကြောင်း သိရပါတယ်။

ဆက်စပ် ဆောင်းပါးဖတ်ရန်
——————————-
The Voice, The Hate Voice, or Non-Ethic Voice ? (The Voice မီဒီယာသို့ ပေးစာတစ်စောင်)
http://www.m-mediagroup.com/news/49598

December 8, 2015
IS ကို လက်နက်တွေ ဘယ်သူထောက်ပံ့နေလဲ

ဒီဇင်ဘာ ၈၊ ၂၀၁၅
M-Media

– အီရတ်နဲ့ ဆီးရီးယားမှာ IS အဖွဲ့ရဲ့ အကြမ်းဖက်လှုပ်ရှားမှုကို အဲဒီအဖွဲ့ကို တိုက်ခိုက်မယ်လို့ ဆိုထားတဲ့ နိုင်ငံတွေက လက်နက်တွေ သွယ်ဝိုက်ထောက်ပံ့ပေးခြင်းအားဖြင့် ကူညီနေတယ်လို့ နိုင်ငံတကာ လူ့အခွင့်အရေးအဖွဲ့တစ်ခုဖြစ်တဲ့ Amnesty International က အင်္ဂါနေ့မှာထုတ်ပြန်တဲ့ အစီရင်ခံစာမှာ ဖော်ပြထားပါတယ်။

Taking Stock: The arming of Islamic State ဆိုတဲ့ခေါင်းစဉ်နဲ့ ထုတ်ပြန်ခဲ့တဲ့ အဲဒီအစီရင်ခံစာမှာ ဒီလို ဖော်ပြလိုက်တာဖြစ်ပြီး ၂၀၀၃ ခုနှစ်က အမေရိကန်ဦးဆောင်တဲ့ အီရတ်ကျူးကျော်စစ်ကလည်း ဒီအကြမ်းဖက်အဖွဲ့ကို လက်နက်တွေ တစ်ပုံတစ်ပင် ရရှိစေခဲ့တယ်လို့ ထည့်သွင်းဖော်ပြထားပါတယ်။

IS အဖွဲ့ဟာ သူတို့ရဲ့ လက်နက်ခဲယမ်းတွေကို အီရတ်စစ်တပ်ရဲ့ လက်နက်တိုက်တွေကို ၀င်စီးရာကနေ ရရှိထားတာ ဖြစ်ပါတယ်။ ဒါပေမယ့် တိုက်ပွဲတွေ၊ အီရတ်စစ်တပ်ရဲ့ အညံ့ခံမှုနဲ့ တရားမ၀င်ကုန်သွယ်မှုတွေကနေ တစ်ဆင့်လည်း သူတို့ဟာ လက်နက်တွေ ရရှိခဲ့ပြီး သူတို့အတွက် လက်နက်ခဲယမ်းဟာ ဖူဖူလုံလုံ ဖြစ်ခဲ့ပါတယ်။

အစီရင်ခံစာမှာတော့ ၂၀၁၄ ခုနှစ်မှာ အီရတ်ရဲ့ ဒုတိယအကြီးဆုံး မူဆိုးလ်မြို့ကို IS က သိမ်းပိုက်ပြီးတဲ့နောက်ပိုင်း အီရတ်စစ်တပ်ရဲ့ လက်နက်တိုက်တွေကနေ အမေရိကန်က ထုတ်လုပ်တဲ့လက်နက်တွေ စစ်ဘက်ဆိုင်ရာယာဉ်တွေ အပါအ၀င် နိုင်ငံတကာထုတ် လက်နက်တွေကို IS က အုံနဲ့ကျင်းနဲ့ ရရှိခဲ့တယ်လို့ ဖော်ပြထားပါတယ်။ ဒီအကြမ်းဖက်အဖွဲ့ကတော့ သူတို့ လုယက်ရရှိထားတဲ့ အဲဒီလက်နက်တွေကို ကိုင်ပြီး စစ်ရေးပြတာကို ဆိုရှယ်မီဒီယာတွေမှာတောင်မှ လွှင့်တင်လိုက်ပါသေးတယ်။

“အီရတ်ကို ဆယ်စုနှစ်များစွာ လက်နက်တွေ အဆီးအတားမရှိ စီးဝင်ခဲ့တာဟာ IS အဖွဲ့က အဲဒီဒေသတွေကို ထိန်းချုပ်နိုင်တဲ့အခါ သဘောပါလာခဲ့ပြီး သူတို့တွေဟာ အရုပ်ဆိုင်ထဲက ကလေးတွေလို မြူးထူးကြပါတော့တယ်။ ယူကေအပါအ၀င် အခြားနိုင်ငံတွေက အမှုမှတ်အမှတ်မဲ့ တင်ပို့ပေးလိုက်တဲ့ လက်နက်တွေက IS လက်ထဲမှာ အဆုံးသတ်သွားတယ်ဆိုတဲ့ အချက်အလက်ဟာ လက်ရှိ လက်နက်ရောင်းဝယ်မှု သဘောတူညီချက်တွေကို ရပ်တန့်ဖို့ အကြောင်းပြချက်ကောင်း ဖြစ်သင့်ပါတယ်” လို့ ယူကေ Amnesty အဖွဲ့ရဲ့ လက်နက်အစီအစဉ်ဆိုင်ရာ ဒါရိုက်တာဖြစ်သူ အိုလီဗာ စပရာဂူးက ဆိုပါတယ်။

“အန္တရာယ်တွေကို ပိုပြီး ဂရုတစ်စိုက် တွက်ဆသင့်တယ်။ ပြီးတော့ ရက်စက်ကြမ်းကြုတ်မှုတွေကို မီးလောင်ရာ လေပင့်ပေးမယ့် လက်နက်ရောင်းချမှုတွေကို တားဆီးဖို့ မဆောင်ရွက်ခင် အဆိုးဆုံးအခြေအနေကြီးကို ကျွန်တော်တို့ စောင့်မနေသင့်ပါဘူး”

IS ရဲ့ လက်နက်တိုက်ထဲက လက်နက်တွေထဲမှာ လူက အလွယ်ထိန်းချုပ်လို့ရတဲ့ လေကြောင်းရန်ကာကွယ်ရေးစနစ် MANPADSတွေ၊ ပဲ့ထိန်း တင့်ဖျက်ဒုံးကျည်တွေ၊ လက်နက်တပ် တိုက်ပွဲဝင်ယာဉ်တွေ၊ ရုရှားနဲ့ တရုတ်နိုင်ငံက ထုတ်လုပ်တဲ့ ကာလာရှင်ကော့ဗ် ရိုင်ဖယ်မျိုးစုံ၊ အမေရိကန်ထုတ် M16 ရိုင်ဖယ်တွေနဲ့ Bushmaster လက်နက်တွေ ရှိနေပါတယ်။

“IS လို့ခေါ်တဲ့ လက်နက်ကိုင်အုပ်စုဟာ အမျိုးအမျိုးအဖုံဖုံသော လက်နက်တွေကို အသုံးပြုနိုင်နေတာက ပစ်စလတ်ခတ် လက်နက်ရောင်းဝယ်မှုဟာ ဒီလို ကြီးမားတဲ့ ရက်စက်ကြမ်းကြုတ်မှုတွေကို ဖြစ်စေတတ်ပါလားဆိုတဲ့ အကောင်းဆုံးသော ဥပမာ တစ်ရပ်ပါပဲ” လို့ Amnesty International က လက်နက်ထိန်းချုပ်မှု၊ လုံခြုံရေးနဲ့ လူ့အခွင့်အရေးဆိုင်ရာ သုတေသနပညာရှင် ပက်ထရစ် ၀ီလ်ကန်က ဆိုပါတယ်။

“ညံ့ဖျင်းတဲ့စည်းမျဉ်းဥပဒေတွေ၊ လွန်ခဲ့တဲ့ ၁၀ စုနှစ်တွေအတွင်းမှာ အီရတ်နိုင်ငံကို လက်နက်အဆီးအတားမရှိ စီးဆင်းမှုတွေကို စောင့်ကြည့်အကဲဖြတ်မှု လစ်ဟာတာတွေက IS နဲ့ အခြားလက်နက်ကိုင်အုပ်စုတွေ မကြုံစဖူး လက်နက်အင်အားကို ရရှိစေခဲ့ပါတယ်” လို့ သူက ထပ်လောင်းပြောကြားခဲ့ပါတယ်။

ဒါပေမယ့် အမေရိကန်တော့ ယခင်ကအမှားတွေကနေ ရရှိခဲ့တဲ့ သင်ခန်းစာတွေကို နာယူမယ့်ပုံ မပေါ်သေးပါဘူး။ ၂၀၁၁ ခုနှစ်နဲ့ ၂၀၁၃ ခုနှစ်အကြားမှာ အမေရိကန်ဟာ အီရတ်အစိုးရနဲ့ ဒေါ်လာဘီလီယံနဲ့ချီ လက်နက်ရောင်းချမှု စာချုပ်တွေ ချုပ်ဆိုခဲ့ပါတယ်။ ၂၀၁၄ ခုနှစ်မှာတော့ ဒေါ်လာ သန်း ၅၀၀ တန်ဖိုးရှိတဲ့ လက်နက်ငယ်တွေနဲ့ ခဲယမ်းတွေကို အီရတ်ကို ပေးပို့ခဲ့ပါတယ်။

၂၀၁၄ ခုနှစ် ဒီဇင်ဘာမှာ အမေရိကန်ကွန်ဂရက်ဟာ အာဖဂန်၊ အီရတ်နဲ့ ဆီးရီးယားနိုင်ငံတွေလို နိုင်ငံခြားတိုင်းပြည်တွေက စစ်ပွဲတွေအတွက် ဒေါ်လာ ဘီလီယံ ၆၀ ထောက်ပံ့ပေးဖို့အဆိုကို အတည်ပြုခဲ့ပါတယ်။ အလယ်အလတ်သူပုန်တွေကို လေ့ကျင့်ပေးဖို့ ဒေါ်လာ သန်း ၅၀၀ လောက်ကုန်ကြမယ့် အစီအစဉ်တစ်ခုမှာ လက်တစ်ဆုပ်စာလောက်သာ လူလူသူသူ ဖြစ်လာတာကလွဲလို့ အစီအစဉ် အလုပ်မဖြစ်တဲ့အခါမှာတော့ အိမ်ဖြူတော်ဟာ ခြေမကိုင်မိ လက်မကိုင်မိ ဖြစ်သွားခဲ့ပါတယ်။

ဒီထက်ပိုဆိုးတာက အလတ်လတ်သူပုန်တွေဟာ သူတို့ရဲ့လက်နက်တွေကို အလ်-နူဆရာတပ်ဦးလို အဖွဲ့တွေကို လက်လွှဲခဲ့ပြီး ဆီးရီးယားကို ဖြတ်ကျော်သွားခဲ့တဲ့ အခါမှာတော့ အမေရိကန်က လေ့ကျင့်ပေးထားတဲ့ အဲဒီသူပုန်တွေရဲ့ လက်နက်တွေဟာလည်း အကြမ်းဖက်အုပ်စုတွေလက်ထဲကို ရောက်ရှိသွားခဲ့ပြန်ပါတယ်။

“ကျွန်တော်တို့ဟာ အလ်-ကိုင်းဒါးလို အကြမ်းဖက်အဖွဲ့ကို အမှုမဲ့အမှတ်မဲ့ ကူညီနေသလိုများ၊ အားပေးနေသလိုများ ဖြစ်နေမလားဆိုပြီး စောစောပိုင်းကတည်းက စိုးရိမ်မှုတွေရှိခဲ့ပါတယ်။ ကျွန်တော့်ရဲ့ စိုးရိမ်မှုက တကယ်ဖြစ်လာတာကို တွေ့ရတော့ စိတ်မကောင်းဖြစ်မိပါတယ်” လို့ ကွန်နက်တီကတ်ပြည်နယ်က ဒီမိုကရက်ပါတီဝင်တစ်ဦးဖြစ်သူ ခရစ် မာဖီက ပြောပါတယ်။

အမေရိကန် Amnesty International အဖွဲ့က အရှေ့အလယ်ပိုင်းနဲ့ မြောက်အာဖရိကဆိုင်ရာ အသိပညာပေးအဖွဲ့ ဒါရိုက်တာဖြစ်သူ ဆန်ဂျီးဗ် ဘာရီကလည်း ဒီလိုပဲ ဝေဖန်ခဲ့ပါတယ်။

“IS လက်နက်ကိုင်တပ်ဖွဲ့ကို အားနည်းစေဖို့ ချေမှုန်းပစ်ဖို့ ဒရောသောပါး ဆောင်ရွက်မှုမှာ အိုဘားမားအစိုးရဟာ နိုင်ငံတကာ လူ့အခွင့်အရေး ၀တ္တရားတွေကို နင်းခြေမပစ်ဖို့ လိုပါတယ်” လို့ ဘာရီက ဆိုပြီး ဒီလို မဆင်မခြင် လုပ်ဆောင်မှုဟာ အီရတ်နဲ့ ဆီးရီးယားတို့မှာ လူ့အခွင့်အရေးချိုးဖောက်မှုတွေကို အကြီးအကျယ်ကျူးလွန်နေတဲ့ လက်နက်ကိုင်အုပ်ိစုတွေရဲ့လက်ထဲကို လက်နက်တွေပိုပြီး ရောက်သွားစေဖို့ လမ်းဖွင့်ပေးလိုက်တာလို့ မှတ်ချက်ပေးခဲ့ပါတယ်။

Ref: RT

December 8, 2015