Blog

ချီလီတွင် ဝေလငါးအသေ ရာပေါင်းများစွာ တွေ့ရှိ

ဒီဇင်ဘာ ၃၊ ၁၂
M-Media

– ချီလီတောင်ပိုင်း ပါတာဂိုးနီးယားပြည်နယ်ရှိ ဝေးလံခေါင်ဖျားသော ရေလက်ကြားတွင် ဝေလငါး ၃၀၀ ကျော်ကို အသေတွေ့ရှိရခဲ့ရပြီး ဝေလငါး စံချိန်တင် သေဆုံးမှုဖြစ်ကြောင်း သုတေသီများက အင်္ဂါနေ့တွင် ပြောကြားခဲ့သည်။

‘ကမ္ဘာပျက်လောက်စရာ မြင်ကွင်းပါပဲ၊ ဒါမျိုး တစ်ခါမှ မမြင်ဖူးဘူး’ ဟု သိပ္ပံပညာရှင်တစ်ဦးက ဆိုသည်။ ဧပြီလအတွင်းက မြို့တော် ဆန်တီယာဂိုတောင်ပိုင်း မိုင်ပေါင်း ၁၂၀၀ ခန့်ဝေးသည့် ဝေးလံခေါင်ဖျား ဒေသတစ်ခုတွင် ဝေလငါးအသေ အကောင် ၂၀ တွေ့ရှိခဲ့ရဖူးသည်။

ယခုတွေ့ရှိမှုမှာ အလွန်များပြားသည့် ပမာဏဖြစ်ပြီး ကိုယ်ထည်ရော အရိုးစုပါ အပါအ၀င် အနည်းဆုံး ၃၃၇ ကောင် ရှိသည်ဟု ခန့်မှန်းထားသည်။

‘ကျွန်မတို့ မရောက်ပေါက်တဲ့ နေရာအများအပြား ရှိပါသေးတယ်၊ ဝေလငါးအသေတွေ ဒီထက် ပိုရှိနိုင်မယ်လို့ ထင်ပါတယ်’ ဟု သိပ္ပံပညာရှင်တစ်ဦးဖြစ်သူ ဟော်ဆာမန်က အေအဖ်ပီ သတင်းဌာနသို့ပြောကြားသည်။

သိပ္ပံသမိုင်းတွင် တွေ့ရှိခဲ့ရသမျှ ဝေလငါးသေဆုံးမှုများအတွင်း အကြီးဆုံးဖြစ်သည့် အဆိုပါကိစ္စအတွက် အရေးကြီး စုံစမ်းစစ်ဆေးမှုတစ်ခုကိုလည်း ပြုလုပ်သွားရန် ရှိနေသည်။

သိပ္ပံပညာရှင်များကမူ ဝေလငါးများမှာ မည်သည့်အနာတရမျှမရှိဘဲ ဗိုင်းရပ်စ် သို့မဟုတ် ‘ရပ်ဒ်တိုက်’ ဟုခေါ်သည့် အန္တရာယ်ရှိ ရေညှိပွင့်တွေကြောင့် သေဆုံးခြင်းဖြစ်နိုင်သည်ဟု စောစောပိုင်းက ခန့်မှန်းခဲ့သည်။ ဤ ကြောက်မက်ဖွယ်ကောင်းသည့် တွေ့ရှိမှုမှာ ပဲရစ်တွင်ကျင်းပမည့် ရာသီဥတုဆိုင်ရာဆွေးနွေးပွဲတွင် နိုင်ငံတကာ၏ အရေးတကြီး ပြောဆိုစရာ ဖြစ်လာဖွယ်ရှိသည်။

အဏ္ဏ၀ါဗေဒပညာရှင်များက ကမ္ဘာ့သမုဒ္ဒရာပူနွေးလာမှုသည် ဝေလငါးများ အစာရေစာပြတ်တောက်စေပြီး ဝေလငါးတိုးပွားမှုကို အန္တရာယ်ကြီးစွာ ဖိအားပေးလျက်ရှိနေသည့်အပြင် ၎င်းတို့ရဲ့ကျက်စားရာ လမ်းကြောင်းကိုလည်း ပြောင်းလဲပစ်စေသည်။

December 3, 2015
မြန်မာနိုင်ငံဆိုင်ရာ ကန်သံအမတ်လောင်း ပိတ်ဆို့မှုလျော့ချရေး မမျှော်လင့်

ဒီဇင်ဘာ ၂၊ ၂၀၁၅
M-Media

– မြန်မာနိုင်ငံဆိုင်ရာ အမေရိကန်သံအမတ်အဖြစ် အိုဘားမားက အမည်စာရင်း တင်သွင်းထားသည့် စကော့ မာစီယဲလ်က မြန်မာနိုင်ငံအပေါ် ချမှတ်ထားသည့် ပိတ်ဆို့မှုများနှင့်ပတ်သက်၍ အဓိက ပြောင်းလဲမှုမျိုး မမျှော်လင့်ထားဟု ယမန်နေ့က ပြောကြားလိုက်သည်။

“သိသာတဲ့ ဘယ်လိုပြောင်းလဲမှုကိုမှ ကျွန်တော် မျှော်လင့်မထားသလို အကြံလည်း ပြုမှာမဟုတ်ပါဘူး” ဟု မာစီယဲလ်က ဆီးနိတ်လွှတ်တော်ရှိ နိုင်ငံခြားဆက်ဆံရေးဆိုင်ရာ ကော်မတီ၏ ရှေ့မှောက်တွင် ပြောကြားခဲ့သည်။ မာစီယဲလ်မှာ လက်ရှိတွင် အမေရိကန် နိုင်ငံခြားရေးဝန်ကြီး၏ ဒုတိယလက်ထောက်အဖြစ် တာဝန်ထမ်းဆောင်နေပြီး ယခင်က အင်ဒိုနီးရှားနိုင်ငံတွင် သံအမတ်အဖြစ် တာဝန်ထမ်းဆောင်ခဲ့ဖူးသည်။

သို့သော်လည်း ပိတ်ဆို့မှုစနစ်မှာ အပြောင်းအလဲရှိနေသည့် အရာဖြစ်ပြီး သိသာသည့်ပြောင်းလဲမှုမျိုး ဖြစ်လာရန် ပစ်မှတ်ထားသည့် ကိစ္စများကို တွေ့ရပါက ထိုပိတ်ဆို့မှုအား ဖြေလျော့ရန် ခွင့်ပြု၍ ရသည်ဟု ၎င်းက ထည့်သွင်းပြောကြားခဲ့သည်။

နိုဝင်ဘာရွေးကောက်ပွဲတွင် နိုဘယ်ဆုရှင် ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်က အနိုင်ရခဲ့သော်လည်း အမေရိကန်က မိမိတို့မှာ ကျန်ရှိနေသည့် ပိတ်ဆို့မှုများကို ဖယ်ရှားရေးအတွက် ဒီမိုကရက်တစ်လုပ်ငန်းစဉ်များကို စောင့်ကြည့်နေသည်ဟု ပြောကြားခဲ့သည်။

အိုဘားမားမှာ မာစီယဲလ်အား မြန်မာနိုင်ငံသို့စေလွှတ်မည့် သံအမတ်သစ်အဖြစ် ပြီးခဲ့သည့်အောက်တိုဘာလက သတ်မှတ်ခဲ့ပြီး ဆီးနိတ်၏ နိုင်ငံခြားရေးရာ ကော်မတီက အတည်ပြုပါက တာဝန်ထမ်းဆောင်ရမည်ဖြစ်သည်။ အဆိုပါကော်မတီကမူ မာစီယဲလ်အား ကန့်ကွက်မည့်အလားအလာ မရှိပေ။

Ref: Reuters

December 2, 2015
မန်ယူကစားသမားဟောင်း ဂယ်ရီနဗီးလ် ဗလင်စီယာနည်းပြသစ် ဖြစ်လာ

ဒီဇင်ဘာ ၂၊ ၂၀၁၅
M-Media

– မန်ယူအသင်း၏ ၀ါရင့်နောက်ခံလူဟောင်းဖြစ်သူ ဂယ်ရီးနဗီးလ်မှာ မိမိတို့အသင်းအား ကိုင်တွယ်သွားမည်ဟု စပိန်လာလီဂါကလပ် ဗလင်စီယာအသင်းက ယနေ့တွင် အံ့အားသင့်ဖွယ် ကြေငြာလိုက်သည်။

ရာသီကုန်အထိ ကိုင်တွယ်သွားမည်ဖြစ်ပြီး ဂယ်ရီနဗီးလ်၏ ပထမဆုံးပွဲမှာ ဒီဇင်ဘာ ၉ ရက်နေ့တွင် လိုင်ယွန်အသင်းနှင့်ကစားမည့် ချန်ပီယံလိဂ်ပွဲ ဖြစ်မည်ဖြစ်သည်။ ထိုသို့ဆောင်ရွက်ခြင်းမှာ ကစားသမားဘ၀မှ အနားယူပြီးနောက် နဗီးလ်၏ နည်းပြလောကထဲသို့ ပထမဆုံး ခြေချမှုဖြစ်သည်။

“ဗလင်စီယာမှာ ကျွန်တော့်ကို ဒီလိုအခွင့်ရေးပေးတဲ့အတွက် ကျွန်တော် တော်တေ်ာလေး မယုံနိုင်လောက်အောင် ဖြစ်ရပါတယ်။ ဗလင်စီယာအသင်းဟာ သမိုင်းအစဉ်အလာကြီးမားတဲ့ အသင်းပါ။ ပြီးတော့ ဗလင်စီယာပရိတ်သတ်တွေရဲ့ အားပေးမှုနဲ့ ချစ်ခင်မြတ်နိုးမှုကိုလည်း ကစားသမားဘ၀မှာ ကျွန်တော် သိရှိခဲ့ရပါတယ်” ဟု နဗီးလ်၏ ပြောကြားမှုကို ဗလင်စီယာအသင်း၏ ၀ဘ်ဆိုက်တွင် ဖော်ပြထားသည်။

ဗလင်စီယာဥက္ကဌ လေဟွန် ချန် ကလည်း မိမိတို့အနေဖြင့် ဂယ်ရီနဗီးလ်အား ထိုကဲ့သို့ လျင်လျင်မြန်မြန် ခန့်အပ်နိုင်ခဲ့သည့်အတွက် ပျော်ရွှင်မိကြောင်း၊ နဗီးလ်မှာ အင်္ဂလန်လက်ရွေးစင်အသင်းတွင် အကြီးတန်းနည်းပြအဖြစ် ပါဝင်ခဲ့ခြင်းမှ နည်းပြအတွေ့အကြုံကို ရရှိပြီဖြစ်ကြောင်း၊ အင်္ဂလန်နှငင့် မန်ယူအသင်းတို့တွင် ကမ္ဘာ့အဆင့် ကစားသမားတစ်ဦးလည်း ဖြစ်ခဲ့ကြောင်း ပြောကြားခဲ့သည်။

ဗလင်စီယာမှာ စနေနေ့က ဆီးဗီးလားအသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့ပြီးနောက် နည်းပြ နူနို အက်စ်ပီရီတို ဆန်တိုအား ရာထူးမှ ထုတ်ပယ်ခဲ့သည်။

Ref: Goal

December 2, 2015
ပက်ရ်ှဝါရ် စာသင်ကျောင်း အကြမ်းဖက်မှုတွင် ပါဝင်သူ တာလီဘန်လေးဦးကို ပါကစ္စတန်က ကြိုးပေးကွပ်မျက်

ဒီဇင်ဘာ ၂၊ ၂၀၁၅
M-Mediaူ

– ပြီးခဲ့သည့်နှစ်အတွင်း ပက်ရ်ှဝါရ်မြို့၌ စစ်တပ်က ဖွင့်လှစ်ထားသော စာသင်ကျောင်းအတွင်းသို့ ၀င်ရောက်ပစ်ခတ်၍ ကလေးငယ် ၁၄၃ ဦးကို သတ်ဖြတ်မှုတွင် ပါဝင်သူ တာလီဘန် ၄ ဦးကို ပါကစ္စတန်က ယနေ့တွင် ကွပ်မျက်လိုက်သည်ဟု သိရသည်။

ကြိုးပေးကွပ်မျက်ခဲ့ခြင်းဖြစ်ပြီး ပါကစ္စတန် စစ်ဖက်ဆိုင်ရာတရားရုံးမှ အရပ်သားများအား ပထမဆုံးကွပ်မျက်မှုလည်း ဖြစ်သည်။ တိုက်ခိုက်မှုဖြစ်ပွားခဲ့ပြီးနောက် ပါကစ္စတန်မှာ ထိုကဲ့သို့ စစ်ဖက်က တရားစီရင်ခွင့်ရရန် ဖွဲ့စည်းပုံကို ပြင်ဆင်ခဲ့သည်။

ထိုကွပ်မျက်မှုကို ပါကစ္စတန်လုံခြုံရေး ရင်းမြစ်များကလည်း အတည်ပြုခဲ့ပြီး ၎င်းတို့လေးဦးစလုံးကို ယနေ့မနက်ပိုင်းတွင် ကိုဟတ်မြို့ရှိ အရပ်ဖက်က ကိုင်တွယ်သော ဗဟိုအကျဉ်းထောင်တွင် ကွပ်မျက်ခဲ့ခြင်းဖြစ်သည်။

၎င်းတို့ကို သြဂုတ်လ ၁၃ ရက်နေ့က စီရင်ချက် ချမှတ်ခဲ့ခြင်း ဖြစ်သည်ဟု ယခုသီတင်းပတ်အစောပိုင်းက ပါကစ္စတန်စစ်တပ်မှ ထုတ်ပြန်သော ကြေငြာချက်တွင် ဖော်ပြထားသည်။ အားလုံးက ၎င်းတို့မှာ ပါကစ္စတန်တာလီဘန်လက်အောက်ရှိ တိုဟီဒ်ဝါလ် ဂျီဟတ် ဂရုပ် TWG မှ အဖွဲ့ဝင်များဟု ပြောကြားခဲ့သည်။ ထိုအဖွဲ့ကို ယခင်က ကြားဖူးခြင်းမရှိချေ။

Ref: Alarabiya

December 2, 2015
နိုင်ငံလုံခြုံရေး ခြိမ်းခြောက်သည်ဟုဆိုကာ အမေရိကန်ဘီလျံနာ၏ ဖောင်ဒေးရှင်းကို ရုရှား ပိတ်ပင်

ဒီဇင်ဘာ ၂၊ ၂၀၁၅
M-Media

– အမေရိကန်မှ လစ်ဘရယ်ဘီလီယံနာ ဂျော့ဂ်ျဆိုးရော့စ် တည်ထောင်ထားသည့် ဒီမိုကရေစီလိုလားသော ဖောင်းဒေးရှင်းနှစ်ခုကို ရုရှားအစိုးရက ပိတ်ပင်လိုက်ပြီး အဆိုပါ ဖောင်ဒေးရှင်းများမှာ ရုရှား၏ အမျိုးသားလုံခြုံရေးနှင့် တရားဥပဒေစိုးမိုးရေးကို ခြိမ်းခြောက်သည်ဟု ပြောကြားခဲ့သည်။

ပိတ်ပင်ခံရသည့် အဖွဲ့နှစ်ခုမှာ ဆိုးရော့စ်၏ Open Society Foundations နှင့် ထိုဖောင်ဒေးရှင်း၏ မဟာမိတ်အဖွဲ့ Open Society Institute Assistance Foundation တို့ ဖြစ်သည်။ ရုရှားမှာ ယခုနှစ်နွေရာသီကတည်းက စ၍ နိုင်ငံအတွင်း ဆောင်ရွက်နေသည့် နိုင်ငံခြား NGO များကို နှိမ်နှင်းခဲ့ခြင်းဖြစ်သည်။

“Open Society Foundations နဲ့ Open Society Institute Assistance Foundation တို့ဟာ ရုရှား ဖွဲ့စည်းပုံအခြေခံဥဒေနဲ့ နိုင်ငံရဲ့ လုံခြုံရေးကို ခြိမ်းခြောက်မှုရှိနေတယ်လို့ တွေ့ခဲ့ရပါတယ်” ဟု ရုရှား တရားသူကြီးချုပ်ရုံးမှ ပြောရေးဆိုခွင့်ရှိသူ မာရီနာ ဂရစ်နီဗာက ပြောကြားခဲ့သည်။

အတိုက်အခံအဖွဲ့များကို ဖိနှိပ်သော သမ္မတပူတင်၏ မှတ်တမ်းနှင့် ပတ်သက်၍ လူ့အခွင့်အရေးအဖွဲ့များက ဝေဖန်မှုများပြင်းထန်နေစဉ် ထိုဆောင်ရွက်မှုက အမေရိကန်နှင့် ရုရှားတို့အကြား တင်းမာမှုကို မြင့်တက်စေမည့် အလားအလာရှိနေသည်။

ကမ္ဘာတစ်ဝှမ်းတွင် ဖွံ့ဖြိုးရေးလုပ်ငန်းများနှင့် ပရဟိတလုပ်ငန်းများကို လုပ်ဆောင်နေသည့် ဆိုးရော့စ်၏ Open Society Foundations ကို ၁၉၉၃ ခုနှစ်က ဖွဲ့စည်းခဲ့ခြင်းဖြစ်ပြီး အရှေ့ဥရောပနှင့် ယခင် ဆိုဗီယက်နိုင်ငံဟောင်းများတွင် ဒီမိုကရက်တစ်ဖွံ့ဖြိုးတိုးတက်ရေး လုပ်ငန်းများနှင့်ပတ်သက်၍ ၁.၆ ဘီလီယံ ကုန်ကျမှုပါအ၀င် စုစုပေါင်း ကန်ဒေါ်လာ ၁၂ ဘီလီယံ နီးပါး သုံးစွဲထားပြီးဖြစ်သည်။

နိုင်ငံပေါင်း ၃၀ ခန့်တွင် ဆောင်ရွက်နေသည့် ဆိုးရော့စ်၏ Soros Foundations မှာ ၂၀၀၃ ခုနှစ်ကတည်းက ရုရှားတွင် အပိတ်ခံခဲ့ရသော်လည်း လူမှုအဖွဲ့အစည်းများအား ကူညီထောက်ပံ့ခွင့်ကိုမူ ခွင့်ပြုထားသည်။

“Open Society Foundations ကို မနှစ်မြို့စရာကောင်းတဲ့ အဖွဲ့အစည်းအဖြစ် ရုရှားတရားရုံးချုပ်က ဒီနေ့ ဆုံးဖြတ်ချက်အတွက် ကျွန်တော်တို့ စိတ်ပျက်မိပါတယ်” ဟု အဆိုပါဖောင်ဒေးရှင်းမှ ထုတ်ပြန်သော ကြေငြာချက်တွင် ဖော်ပြထားသည်။ ထို့ပြင် မိမိတို့ အဖွဲ့အစည်းမှာ ရုရှားတွင် ၁၉၈၇ ခုနှစ်ကတည်းက စတင်လုပ်ဆောင်ခဲ့ခြင်းဖြစ်ပြီး ပညာရေးအတွက် ထောက်ပံ့ခြင်းနှင့် တက္ကသိုလ် ၃၃ ခုတွင် အင်တာနက်စင်တာများ ဖွင့်လှစ်ပေးခြင်းတို့ကို ဆောင်ရွက်ခဲ့သည်ဟု ထည့်သွင်းပြောကြားခဲ့သည်။

မစ္စတာဆိုးရော့စ် ကိုယ်တိုင်ကလည်း “ဒီဆောင်ရွက်မှုဟာ ယာယီ မှားယွင်းဆောင်ရွက်မှုလို့ ကျွန်တော်တို့ ယုံကြည်ပါတယ်။ ပိုမိုကောင်းမွန်တဲ့အနာဂတ်အတွက် ရုရှားပြည်သူတွေရဲ့ တက်မက်မှုကို ဖိနှိပ်လို့ရမှာမဟုတ်ပါဘူး။ လုံးဝ အောင်မြင်မှာပါပဲ” ဟု ပြောကြားခဲ့သည်။

ရုရှားတွင် လုပ်ငန်းများဆောင်ရွက်နေသည့် NGO တစ်ဒါဇင်ခန့်မှာ ရုရှားအစိုးရ၏ နှိပ်ကွပ်မှုကို ခံခဲ့ရပြီး ထိုအထဲတွင်
National Endowment for Democracy နှင့် Freedom House အဖွဲ့များလည်း ပါဝင်ခဲ့သည်။

Ref: washingtontimes

December 2, 2015