နိုဝင်ဘာ ၂၂၊ ၂၀၁၅
M-Media
နိုဝင်ဘာ ၈ ရက်ရွေးကောက်ပွဲတွင် မန္တလေး၌ မဲပေးရန် စောင့်ဆိုင်းနေကြသည့် မွတ်စလင်များ အထွေထွေရွေးကောက်ပွဲမတိုင်ခင် လအနည်းငယ်အလိုမှာ စစ်တပ်ကျားကန်အစိုးရအဖွဲ့က ထောင်ပေါင်းများစွာသော မွတ်စ်လင်မ်တို့ကို မဲပေးခွင့်စာရင်းထဲ မသွင်းခဲ့ပါဘူး။ မဲပေးခွင့်စာရင်းဝင်ဖို့ သူတို့ဟာ နိုင်ငံသားဖြစ်ကြောင်း သက်သေအထောက်အထား တင်ပြခဲ့ကြရတယ်။ ဒီလိုတင်ပြတဲ့နေရာမှာ တစ်ချိန်က အစိုးရအသိအမှတ်ပြုထားခဲ့တဲ့ နိုင်ငံသားဆိုင်ရာလက်မှတ်များကိုလည်း ငြင်းပယ်ခဲ့ကြတယ်။
ဒါဟာ တစ်ယူသန်ဗုဒ္ဓဘာသာဝင်များရဲ့ “သေတွင်းပို့ကမ်ပိန်းများ” နဲ့အတူ ခွဲခြားချိုးနှိမ်မှုကို ရင်ဆိုင်နေရတဲ့ သန်းချီမွတ်စ်လင်မ်တို့အပေါ် ရမ်းကားခြင်း တစ်စိတ်တစ်ဒေသမျှသာ ရှိပါသေးတယ်။ မွတ်စ်လင်မ် လွှတ်တော်အမတ် အချို့ဟာလည်း ပြန်လည်ရွေးကောက်ခံရေးမှာ တားမြစ်ပိတ်ပင်ခံလိုက်ရပါတယ်။
မြန်မာနိုင်ငံအနောက်မြောက်ပိုင်းက လူဦးရေပမာဏကြီးမားတဲ့ သိန်းချီသော ရိုဟင်ဂျာလူမျိုးစုလည်း နိုင်ငံသားအခွင့်အရေးမှ ငြင်းပယ်ခံရယုံမက၊ သုဿန်တစပြင်လိုဖြစ်နေတဲ့ ရွာတွေ ဒုက္ခသည်စခန်းတွေထဲ လှောင်ပိတ်ခံနေရပါတယ်။
ပြီးခဲ့တဲ့ရက်သတ္တပတ်က မြန်မာ့ရွေးကောက်ပွဲအပြီး အပြတ်အသတ်အနိုင်ရလိုက်တဲ့ ဒီမိုကရေစီအင်အားစုက အာဏာလွဲပြောင်းရယူဖို့ ပြင်ဆင်နေပြီဖြစ်သလို၊ NLD ဦးဆောင်တဲ့ အစိုးရသစ်လက်အောက်မှာ မိမိတို့ရဲ့ဘ၀ တကယ်ရော လွတ်မြောက်တိုးတက်နိုင်မလားဆိုပြီး မွတ်စ်လင်မ်များက စူးစမ်းနေကြပါပြီ။ NLD ရဲ့သဘောထားအရတော့ ဒီလိုဖြစ်ဖို့ လမ်းမမြင်နိုင်သေးပါဘူး။
NLD ပါတီရဲ့ထိပ်တန်းခေါင်းဆောင်တစ်ဦးဖြစ်သူ ဦးဝင်းထိန်က “ကျွန်တော်တို့ဆီမှာ ငြိမ်းချမ်းရေးလုပ်ငန်းစဉ်၊ ငြိမ်းချမ်းစွာ အာဏာလွှဲပြောင်းနိုင်ရေး၊ စီးပွားရေးဖွံ့ဖြိုးမှု၊ အခြေခံဥပဒေပြင်ဆင်ရေးဆိုတဲ့ အခြားဦးစားပေးအရာတွေ ရှိနေပါတယ်” လို့ ပြောကြားခဲ့ပါတယ်။
ရိုဟင်ဂျာများနဲ့ပတ်သက်ပြီး သူက လက်ရှိ စစ်တပ်ကျားကန်အစိုးရရဲ့အသုံးအနှုန်းနဲ့လေသံအတိုင်း “သူတို့ဟာ တအုံတကျင်း တရားမ၀င် ၀င်ရောက်လာသူများဖြစ်လို့ ဘင်္ဂလားဒေ့ရ်ှကို ပြန်ပို့ရမယ်။ တရားဥပဒေ၊ လုပ်ထုံးလုပ်နည်းနဲ့ လူ့အခွင့်အရေးများအပေါ် အခြေတည်ပြီး ဒီကိစ္စကို ကိုင်တွယ်သွားမှာဖြစ်ပါတယ်။ ဒါပေမယ့် ကျွန်တော်တို့ဟာ ဘင်္ဂလားဒေ့ရ်ှအစိုးရနဲ့လည်း ညှိနှိုင်းဆွေးနွေးသွားဖို့ရှိပါတယ်။ ဘာလို့လဲဆိုတော့ အဲ့ဒီလူတွေ အားလုံးနီးပါးဟာ အဲ့ဒီနိုင်ငံက လာရောက်ခဲ့ကြလို့ပါပဲ” ဆိုပြီး ပြောဆိုနေဆဲဖြစ်ပါတယ်။
နိုဝင်ဘာ ၈ ရက် ရွေးကောက်ပွဲကို ဖူးသစ်စ ဒီမိုကရေစီစနစ်အတွက် ပြတ်ပြတ်သားသားအောင်မြင်တဲ့ပွဲအဖြစ် ချီးကျူးဂုဏ်ပြုကြတယ်။ သို့တစေ ဒေါ်အောင်ဆန်းစုကြည်အပေါ် ယုံကြည်ထားကြပြီး (နှစ်ဖက်အတိုက်အခံကြား) ညှပ်မိနေတဲ့ မွတ်စ်လင်မ်အများစုအဖို့ အချိုတစ်ဝက် အခါးတစ်ဝက် အချိန်ကာလလို့ ဆိုနိုင်ပါတယ်။
မွတ်စ်လင်မ်တွေနဲ့ပတ်သက်တဲ့ အစိုးရမူဝါဒများ လုံးဝ အသွင်ပြောင်းလဲသွားဖို့ မရှိသေးဘူး၊ ဒါပေမယ့် အဆိုးဝါးဆုံး ဖြစ်မလာဖို့တော့ မွတ်စ်လင်မ်ထုက မျှော်လင့်နေကြတယ်လို့ ကျွမ်းကျင်သူများက ဆိုပါတယ်။ လေ့လာသူများအဆိုအရ မွတ်စ်လင်မ်တွေအပေါ် ခွဲခြားချိုနှိမ်တာကို ရပ်တန့်ဖို့ NLD ခေါင်းဆောင်များက မည်သည့်လှုပ်ရှားဆောင်ရွက်မှုနဲ့ကတိက၀တ်တွေ မပြုခဲ့ကြပေမယ့် တိုက်ခိုက်တဲ့အသွင်ဆောင်မှုတွေကိုလည်း မပြုခဲ့ကြပေဘူး။
“NLD နဲ့ ဒေါ်စုကြည်က ကျွန်တော်တို့ကို ကူညီသွားမယ်လို့ လူသိရှင်ကြား အသံမထုတ်ခဲ့ပေမယ့် အခြားသူတွေထက်စာရင် ကျွန်တော်တို့အပေါ် သဘောထားမှန်ကန်တယ်ဆိုပြီး မွတ်စ်လင်မ်အများစုရဲ့ အတွေးအမြင်မှာရှိနေကြမယ်လို့ ကျွန်တော်ထင်ပါတယ်။ မွတ်စ်လင်မ်တွေရဲ့အပြည့်အ၀ ပူးပေါင်းပါဝင်ခြင်းကို ထောက်ခံအားပေးမှု ရှိကောင်းမှရှိခဲ့ပါမယ်။ ဒါပေမယ့် အသင်တို့ဟာ နိုင်ငံသားအဖြစ် (တန်းတူ)ဆက်ဆံခံရမယ်လို့တော့ ကျွန်မတို့ အာမခံပါတယ် ဆိုတဲ့စကား ပြောကြားဖို့ ဒေါ်စုကြည်ပေါ် အကြွေးတင်နေတဲ့ အုပ်ချုပ်ရေးဝန်ထုပ်တစ်ခု ဖြစ်ပါလိမ့်မယ်။ သူမရဲ့အစိုးရလက်ထက်မှာ နောက်ထပ် ခွဲခြားဆက်ဆံမှုမျိုး ဖြစ်လာမှာ မဟုတ်တဲ့အကြောင်း အခွင့်အာဏာအပြည့်အ၀ ရထားပြီးဖြစ်ပါတယ်” လို့ လူ့အခွင့်အရေးစောင့်ကြည့်အဖွဲ့က မြန်မာ့အရေးကျွမ်းကျင်သူ David Scott Mathieson က ဆိုပါတယ်။
ရိုဟင်ဂျာတွေအတွက် ထုတ်ဖော်ပြောဆိုမှု မရှိတာကြောင့် ဒေါ်အောင်ဆန်းစုကြည်ဟာ ပြည်ပမှာ အကြီးအကျယ် ဝေဖန်ခံထားရပါတယ်။ ပြီးခဲ့တဲ့ နွေဦးကာလများအတွင်း ထောင်ပေါင်းများစွာသော ရိုဟင်ဂျာတွေက သမုဒ္ဒရာဖြတ်ပြေး လှေစီးဒုက္ခသည်တွေဖြစ်ကုန်ပြီး – သေသူကသေ ပင်လယ်ထဲအစာငတ်သူငတ်၊ အချို့သူများကို နိုင်ငံအချို့က ပြန်ပို့ရတဲ့အထိ သူတို့ရဲ့ဘ၀ ခါးသည်းလွန်းလို့ပါပဲ။ အဲ့ဒီကိစ္စဟာလည်း ဒေသတွင်း တော်တော်လေး ဂယက်ရိုက်စေခဲ့တဲ့ ပြဿနာပါ။ မွတ်စ်လင်မ်ဆန့်ကျင်ရေးအမုန်းတရား အရှိန်မြင့်တက်နေပြီး မည်သည့်စေ့စပ်ဖျန်ဖြန်ရေးလမ်းစ မရနိုင်တဲ့နိုင်ငံတစ်ခုမှာ ဒီလိုအသံထုတ်လိုက်ရင် မိမိရဲ့နိုင်ငံရေးကို မိမိကိုယ်တိုင် သတ်သလိုဖြစ်မယ်ဆိုတဲ့အမြင်ရှိလို့ သူမက နှုတ်ဆိတ်မျိုသိပ်ထားပုံရပါတယ်။
သူမရဲ့ပါတီသော်လည်းကောင်း၊ စစ်တပ်ယိမ်း အာဏာရပါတီသော်လည်းကောင်း မွတ်စ်လင်မ်ကိုယ်စားလှယ်လောင်း တစ်ဦးကိုမျှ တာဝန်ယူပွဲထုတ်တာမျိုး မရှိခဲ့ကြပါဘူး။ ဇန်န၀ါရီ လနှောင်းပိုင်း ထွက်ပေါ်လာတော့မယ့် ပါလီမန်သစ်က မွတ်စ်လင်မ်ကင်းမဲ့ဇုန်တစ်ခု ဖြစ်သွားခဲ့ပါပြီ။ ဒါဟာ ၁၉၄၈ ခုနှစ် မြန်မာနိုင်ငံလွတ်လပ်ရေးရပြီးကတည်းက ပထမဆုံးအကြိမ် ဖြစ်သွားပါတယ်။
၁၉၈၈ ခုနှစ် NLD ပါတီတည်ထောင်စဉ်ကတည်းက အဖွဲ့ဝင်ဖြစ်ခဲ့သူတစ်ဦးဟာ ပါတီကနှုတ်ထွက်တယ်၊ ရွေးကောက်ပွဲကော်မရှင်ကို နှစ်ကြိမ်တိုင်တိုင် အယူခံဝင်ပြီးတဲ့နောက်မှာမှ မွတ်စ်လင်မ်ကိုယ်စားလှယ်လောင်းတစ်ဦး ဖြစ်လာတဲ့ ဦးရန်နိုင်က ပြောပြပါတယ်။ သူတာဝန်ယူထားတဲ့ မြောင်းမြမြို့ ရွေးကောက်ပွဲအောင်နိုင်ရေးကော်မတီမှာ ပါတီဝင်တွေက သူ့ကို ဘာသာရေးအခြေပြု ကန့်ကွက်မှုတွေပြုလာကြောင်း ဒေါ်အောင်ဆန်းစုကြည်ထံ အကြိမ်ကြိမ် စာရေးပေးပို့ခဲ့ပေမယ့် အကြောင်းပြန်ကြားချက် တစ်စုံတစ်ရာ မရရှိခဲ့ပါဘူး။ “ဒါဟာ ခွဲခြားချိုးနှိမ်ဆက်ဆံမှုဖြစ်တယ်။ အမည်ခံဒီမိုကရက်ပါတီဖြစ်နေလို့ ကျွန်တော် အလွန်အမင်း စိတ်ပျက်သွားခဲ့ပါတယ်”။
ဒါကြောင့်မို့ လွှတ်တော်မှာ မွတ်စ်လင်မ်တွေရဲ့အသံထုတ်ပေးနိုင်ရေးဆိုတဲ့ ရည်ရွယ်ချက်ပန်းတိုင် ထားရှိပြီး မွတ်စ်လင်မ်အများစုရှိတဲ့ပါတီထဲ ၀င်ရောက်လို့ ယှဉ်ပြိုင်အရွေးခံခဲ့ခြင်းဖြစ်ပါတယ်။ သူဟာ မွတ်စ်လင်မ်ဦးရေ ၄၀ ရာခိုင်နှုန်းရှိတဲ့ မြို့နယ်မှာ မဲ ၁ ရာခိုင်နှုန်းသာရရှိပြီး NLD ကတော့ ၈၀ ရာခိုင်နှုန်းအထိ ရရှိသွားခဲ့ပါတယ်။ “မွတ်စ်လင်မ်တွေက ကျွန်တော်တို့ကိုပင်လျှင် မဲမပေးခဲ့ကြပါဘူး။ ဒေါ်စုရဲ့သြဇာလွှမ်းမိုးမှုက မွတ်စ်လင်မ်တွေအပေါ် အလွန့်အလွန် ကြီးမားလွန်းပါတယ်” ဟု သူက မုဒိတာစကား ဆိုခဲ့ပါတယ်။
သုတေသီများရဲ့အဆိုအရလည်းကောင်း၊ မွတ်စ်လင်မ်မဲဆန္ဒရှင်တို့နဲ့ အင်တာဗျူးအရလည်းကောင်း မွတ်စ်လင်မ်တွေအားလုံးလိုလို NLD ကိုပဲ တခဲနက် မဲထည့်ခဲ့ကြောင်း သိရပါတယ်။
“ကျွန်မတို့ရဲ့ ထောက်ခံအားပေးမှုရရှိဖို့ သူတို့(မွတ်စ်လင်မ်ကိုယ်စားလှယ်လောင်းများ)က ဘာဆိုဘာမျှ မပြောခဲ့ကြဘူး။ ဒါပေမယ့် (ပြောခဲ့ရင်လည်း) ကျွန်မတို့အားလုံးနီးပါးက အပြောင်းအလဲကို မျှော်လင့်တမ်းတနေကြတဲ့အတွက် ဘယ်လိုပဲဖြစ်ဖြစ် NLD ကို မဲထည့်ကြမှာဖြစ်ပါတယ်” လို့ မွတ်စ်လင်မ်အများစုရပ်ဝန်းအနီး လမ်းဘေးမှာ ဖရဲသီးစိတ် ရောင်းချနေတဲ့ ဒေါ်ခင်မာချို (၄၈ နှစ်)က ပြောကြားပါတယ်။
မိမိတို့ပါတီက ရွေးကောက်ပွဲဝင်ဖို့ မွတ်စ်လင်မ်ကိုယ်စားလှယ်လောင်း တစ်ဦးမျှ မရွေးချယ်ခဲ့ကြောင်း၊ ရွေးချယ်ခဲ့ရင် နိုင်ငံရေးထဲသြဇာကြီးမားနေတဲ့ တစ်ယူသန်ဗုဒ္ဓဘာသာဝင်အုပ်စုကို သွားဆွသလိုဖြစ်မယ့်အကြောင်း NLD ခေါင်းဆောင်တစ်ဦးဖြစ်သူ ဦးဝင်းထိန်က ၀န်ခံပြောကြားခဲ့ပါတယ်။ ဗုဒ္ဓဘာသာဝင်ဘုန်းတော်ကြီးတွေ ဦးဆောင်လှုပ်ရှားနေတဲ့ အဆိုပါ မျိုးချစ်အဖွဲ့က ဒေါ်အောင်ဆန်းစုကြည်ကိုလည်း မွတ်စ်လင်မ်တွေအပေါ် သဘောထားပျော့ပြောင်းလွန်းတယ်လို့ ဝေဖန်စွပ်စွဲမှု ရှိနေပါတယ်။
“တကယ်လို့ ဒေါ်အောင်ဆန်းစုကြည်သာ အနိုင်ရမယ်ဆိုရင် မွတ်စ်လင်မ်တွေက နိုင်ငံကို လွှမ်းမိုးကြီးစိုးလိမ့်မယ်လို့ သူတို့က ပြောခဲ့ကြတယ်လေ” လို့ ဦးဝင်းထိန်က ပြောသော်လည်း မိမိပါတီဟာ ဘာသာတရားအားလုံးအပေါ် တန်းတူညီမျှ ဆက်ဆံသွားမယ်လို့ အခိုင်အမာ ဆိုပါတယ်။
ဒီရွေးကောက်ပွဲမှာ မွတ်စ်လင်မ်တွေအတွက် အလင်းရောင်တစ်ရပ်ရရှိခဲ့မယ်ဆိုရင် အဲ့ဒါဟာ အာဏာရပါတီအကြိုက် ရွေးကောက်ပွဲလမ်းကြောင်းချော်အောင် ကြံဆောင်နေကြတဲ့ – အာဏာရပါတီခေါင်းဆောင်များက ကျောထောက်နောက်ခံပြုထားတဲ့ တစ်ယူသန်ဗုဒ္ဓဘာသာဝင်တွေ ရှုံးနိမ့်သွားခြင်းသာ ဖြစ်ပါလိမ့်မယ်။
ဒါပေမယ့် ဒီလှုပ်ရှားမှုဟာ နိုင်ငံရေးအင်အားစုလိုမျိုး ပျောက်ကွယ်သွားမယ့်ပုံနဲ့ မတူညီနိုင်ကြောင်း ကျွမ်းကျင်သူများက သုံးသပ်ကြပါတယ်။ “စိတ်မကောင်းခြင်းကြီးစွာနဲ့ပြောရရင်တော့ အဲ့ဒီလှုပ်ရှားမှု ခေါင်းပြန်ထောင်လာနိုင်တယ်လို့ ထင်ပါတယ်” ဆိုပြီး လူ့အခွင့်အရေးစောင့်ကြည့်လေ့လာမှုအဖွဲ့က မစ္စတာ Mathieson ကဆိုပါတယ်။
အဆိုပါအုပ်စုရဲ့ အဓိကခေါင်းဆောင်တစ်ဦးဖြစ်သူ ဘုန်းတော်ကြီး အရှင်ဝီရသူက ဒီလှုပ်ရှားမှုကို ရှေ့ဆက်မယ်၊ မိမိတို့တင်သွင်းထားတဲ့ ဥပဒေများကို အစိုးရသစ်မှ ပြန်လည်မရုပ်သိမ်းရေးအတွက် မိမိတို့အုပ်စုမှ အနီးကပ် စောင့်ကြည့်သွားမယ်၊ မျိုးစောင့်ဥပဒေများကို မိမိတို့မှ အကောင်းဆုံးကာကွယ်သွားမယ်၊ ဘယ်သူ့ကိုမှ ဖျက်ဆီးခွင့်မပေးနိုင်ဘူးလို့ ကြွေးကြော်ထားပါတယ်။ အခြေခံလူ့အခွင့်အရေးကို အလျဉ်းအရေးမစိုက်ဘဲ မကြာသေးမီကပြဋ္ဌာန်းလိုက်တဲ့ မျိုးစောင့်ဥပဒေလေးရပ်ကို ဆိုလိုခြင်းဖြစ်ပါတယ်။ အဲ့ဒီဥပဒေများထဲမှာ မွတ်စ်လင်မ်တွေလို့ အထူးပြုဖော်ပြထားမှုမရှိပေမယ့် မွတ်စ်လင်မ်တွေအပေါ် ရည်ရွယ်ဦးတည်ထားကြောင်း လူအများက နားလည်သဘောပေါက်ကြပါတယ်။
တရားဥပဒေစိုးမိုးရေးကို ပြန်လည်ဆောင်ကြဉ်းပေးဖို့ ကတိက၀တ်ပြုထားတဲ့ပါတီ ဦးဆောင်ထားတဲ့အစိုးရအဖွဲ့ကိုသာ အယုံအကြည်ရှိကြောင်း မြန်မာ့ဒီမိုကရေစီခရီးရှည်ကြီးနဲ့ပတ်သက်ပြီး မွတ်စ်လင်မ်များစွာတို့က ဆိုကြပါတယ်။
“လူမျိုးရေး ဘာသာရေး ပုတ်ခတ်စော်ကားမှုတွေကတော့ ရှိနေဆဲပါပဲ။ တကယ်လို့ တရားဥပဒေစိုးမိုးမှုသာရှိမယ်ဆိုရင် တင်းမာမှုတွေကို လျှော့ချပေးနိုင်ပါလိမ့်မယ်” လို့ ရန်ကုန်မြို့က ဂရပ်ဖစ်ဒီဇိုင်နာဖြစ်ပြီး NLD ကိုလည်း မဲပေးခဲ့တဲ့ မွတ်စ်လင်မ်ဖြစ်သူ ဦးအောင်ကျော်ထွန်းက ပြောပါတယ်။ NLD ကို မဲပေးခဲ့ကြတဲ့ အခြားမွတ်စ်လင်မ်များအတိုင်း သူက “မျှော်လင့်ချက်” ဆိုတဲ့ စကားလုံး သုံးနှုန်းသွားခဲ့ပါတယ်။ ဒီမျှော်လင့်ချက်ကိုကိုလည်း အတိုင်းသား တွေ့မြင်နေရတဲ့အတွက် အဲ့ဒါဘာကြောင့်လဲလို့ မေးမြန်းရာမှာ မြန်မာ့လူ့အခွင့်အရေးလေ့လာစောင့်ကြည့်မှုအဖွဲ့ Fortify Rights ရဲ့ အမှုဆောင်ဒါရိုက်တာ Methew Smith က အောက်ပါအတိုင်း ဖြေကြားသွားပါတယ်။
“အကြောင်းကတော့ မွတ်စ်လင်မ်တွေနဲ့ပတ်သက်တဲ့အရေးအရာမှာ NLD က နှုတ်ဆိတ်နေခဲ့လို့ စိတ်ပျက်ခဲ့လင့်ကစား မွတ်စ်လင်မ်လူ့အဖွဲ့အစည်းဝင်တွေက NLD အပေါ်ထားရှိတဲ့ မျှော်လင့်မှုကို ဆုပ်ကိုင်ထားကြဆဲပါပဲ။ (တစ်ကဏ္ဍစီသာ ဖြစ်ပါတယ်)။ ဒါဟာ လက်ဆင့်ကမ်းမျှော်လင့်ချက်ဖြစ်ပြီး ကျွန်တော်တို့ထားရှိတဲ့ မျှော်လင့်ချက်နဲ့လည်း တူညီနေတာကြောင့်ပါ”။
(အိမ့်သီရိသူနှင့် စောနိုင်တို့၏ သတင်းပေးပို့ချက်အပေါ် Austin Ramzy က New York Times တွင် ရေးသားသော After Myanmar Election, Few Signs of a Better Life for Muslims ဆောင်းပါးကို မြင့်မိုရ်မောင်မောင် မှ ဆီလျော်အောင်ပြန်ဆိုသည်။)
