နိုဝင်ဘာ ၂၅၊ ၂၀၁၅
M-Media
အီရတ်နိုင်ငံအတွင်း အစိတ်စိတ်အမွှာအမွှာ ဖြစ်နေမှုနှင့်ပတ်သက်၍ အမေရိကန်ကို ၀င်ရောက်စွက်ဖက်ခွင့် မပြုရဟု အီရန် အစ္စလာမ်မစ်တော်လှန်ရေးခေါင်းဆောင် အယာတိုလာ ဆိုက်ယဒ် အလီ ခိုမေနီက ပြောကြားလိုက်သည်။
အယာတိုလာခိုမေနီသည် အီရတ်သမ္မတ ဖူဝဒ်မာဆူမ်နှင့် အီရန်နိုင်ငံမြို့တော် တီဟီရန်တွင် အင်္ဂါနေ့က တွေ့ဆုံခဲ့ရာတွင် ထိုကဲ့သို့ မှတ်ချက်ပြု ပြောဆိုခဲ့ခြင်းဖြစ်သည်။
“အီရတ်ပြည်သူများသည် ရှီအာများအပါအ၀င်၊ ဆွန်နီများ၊ ကာ့ဒ်လူမျိုးများ၊ အာရဗ်လူမျိုးများနှင့်အတူ ရာစုနှစ်များစွာ ပြဿနာဖြစ်ပွားခြင်းမရှိဘဲ နေထိုင်ခဲ့ကြသူများဖြစ်သည်။ သို့သော် ကံဆိုးစွာပဲ ဒေသတွင်းနိုင်ငံများရော ပြည်ပနိုင်ငံများပါ ပဋိပက္ခများဖြစ်ပေါ်စေရန် လမ်းစရှာလာကြသည်” ဟု အီရန်ခေါင်းဆောင်က ပြောကြားခဲ့ပါသည်။
ခိုမေနီက အမေရိကန် ဤကဲ့သို့ကြိုးပမ်းလာမှုများကို တန်ပြန်ချေပမှုများ ပြုလုပ်သင့်ပြီး နိုင်ငံအချင်းချင်း စိတ်ဝမ်းမကွဲပြားရန် ရှောင်ကြဉ်ရမည်ဟု ဆိုသည်။
ကြီးမား၊ ကြွယ်ဝသောနိုင်ငံဖြစ်ပြီး နှစ်ထောင်ချီသမိုင်းရှိသော အီရတ်နိုင်ငံကို အစိတ်စိတ်အမွှာမွှာဖြစ်အောင် ချေမွဖျက်ဆီးလိုက်သည့်အတွက် နိုင်ငံတွင်းသဘောကွဲလွဲမှုများ၊ ထိတ်တိုက်ရင်ဆိုမှုများ ဖြစ်လာရသည်ဟု အယာတိုလာ ခိုမေနီက ထည့်သွင်းပြော့ားခဲ့သည်။
ခိုမေနီက ထပ်မံ၍ အီရတ်အစိုးရသည် အမေရိကန်အပါအ၀င် အခြားနိုင်ငံများနှင့် ကူးလူးဆက်ဆံရေးအား အီရတ်ပြည်သူများ၏ အကျိုးစီးပွားကို မျှော်ကိုး၍ ထိန်းညှိဆောင်ရွက်နိုင်မည်ဟု ယုံကြည်ကြောင်း ပြောကြားခဲ့သည်။ သို့သော် အမေရိကန်အနေဖြင့် အီရတ်နိုင်ငံအား သူ့ပိုင်ပစ္စည်းကဲ့သို့ ပြုမူဆောင်ရွက်မှုများကို ခွင့်မပြုသင့်ကြောင်း အလေးထား ပြောဆိုခဲ့သည်။
အီရန်ခေါင်းဆောင်၏ စည်းလုံးညီညွှတ်စေရန်နှင့် အီရတ်ပြည်သူများ စိတ်ဝမ်းကွဲမှုမရှိစေရန် ပြောဆိုအကြံပေးမှုများသည် “ထိရောက်မှုရှိလှသည်” ဟု အီရတ်သမ္မတ မာဆူမ်က မှတ်ချက်ပြုခဲ့သည်။
သမ္မတမာဆူမ်သည် အီရန်က ထောက်ပံ့သော အကူအညီများကိုလည်း ကျေးဇူးဥပကာရတင်ရှိကြောင်း ပြောခဲ့သည်။ အထူးသဖြင့် အီရတ်နိုင်ငံသည် IS အကြမ်းဖက်သမားများ၏ အကြမ်းဖက်တိုက်ခိုက်မှုများနှင့် ရင်ဆိုင်နေရချိန်တွင် ဖြစ်သည်။ ဘဂ္ဂဒက်နှင့် တီဟီရန်တို့အကြား ဆက်ဆံရေး တိုးမြှင့်ဆောင်ရွက်သွားရန်လည်း ဖိတ်ခေါ်ခဲ့သည်။
အီရန်ခေါင်းဆောင်သည် အလ်ဂျီးရီးယား ၀န်ကြီးချုပ် အဗ္ဗဒူလ်မာလစ်က် ဆယ်လာနှင့်လည်း သီးခြား တွေ့ဆုံခဲ့သေးသည်။ ဒုတိယအကြိမ် တွေ့ဆုံခဲ့ရာတွင် ခိုမေနီသည် IS နှင့် အခြားသော အကြမ်းဖက်အဖွဲ့အစည်းများသည် အစ္စလာမ်ကို နာမည်ဖျက်ရန် ဖန်တီးထားသော အဖွဲ့များသာဖြစ်ပြီး အချို့သော မြင်သာသည့် အထောက်အပံ့များကို လက်ခံနေကြောင်း ပြောဆိုခဲ့သည်။
အပြန်အလှန်နားလည်မှုကို ဂရုတစိုက် ဝေမျှနိုင်သော အစ္စလာမ့်နိုင်ငံများသာ စားပွဲတွင်ဆွေးနွေးမှုနှင့် အပြန်အလှန် ပူးပေါင်းဆောင်ရွက်မှုများမှ တဆင့် အကြမ်းဖက်သမားများကို လက်တွေ့ကျကျ ရင်ဆိုင်နိုင်မည်ဖြစ်ကြောင်း ခိုမေနီက ထပ်လောင်းပြောကြားခဲ့သည်။
ခိုမေနီက တီဟီရန်နှင့် အလ်ဂျီးရီးယားအကြား အပြန်အလှန် ပူးပေါင်းဆောင်ရွက်မှုအဆင့်သည် အလွန်နည်းပါးသည့် အဆင့်သို့ ရောက်ရှိနေပြီး မကြာမီ ကျယ်ကျယ်ပြန့်ပြန့် လုပ်ဆောင်နိုင်မည်ဟု မျှော်လင့်ကြောင်း ထုတ်ဖော်ပြောကြားခဲ့သည်။
ခေါင်းဆောင်ကြီးသည် အလ်ဂျီးရီးယန်းသမ္မတ အဗ္ဗဒူလ်အဇစ်ဇ် ဘိုတီဖလီကာကိုလည်း အမြန်ပြန်လည်နေကောင်းစေရန် ဆုတောင်းပေးခဲ့သည်။
ဆယ်လာက အလ်ဂျီးရီးယားနှင့် အီရန်တို့၏ နိုင်ငံရေးအမြင်များသည် အလွန်တူညီလေ့ရှိပြီး အထူးသဖြင့် IS နှင့် အခြားအကြမ်းဖက်သမားများအပေါ်တွင် ဖြစ်သည်ဟု ဆိုသည်။ ၎င်းအပြင် နိုင်ငံနှစ်ခုအကြား စီးပွားရေး ဆက်ဆံမှုများလည်း လက်ခံနိုင်လာသည့် အနေအထားသို့လည်း ရောက်ရှိရန် မျှော်လင့်မိကြောင်း ပြောကြားခဲ့သည်။
အီရတ်သမ္မတမာဆူမ်နှင့် အလ်ဂျီးရီးယန်းဝန်ကြီးချုပ်ဆယ်လာတို့ နှစ်ဦးမှာ ဓာတ်ငွေ့တင်ပို့သောနိုင်ငံများဖိုရမ် (GECF) တတိယအကြိမ်မြောက် ထိပ်သီးညီလာခံသို့ တက်ရောက်ရန် ထွက်ခွာခဲ့ကြသည်။
Ref: PressTV
