နိုဝင်ဘာ ၂၂၊ ၂၀၁၅
M-Media
– IS အကြမ်းဖက်အဖွဲ့အား ဗုံးကြဲခြင်းဖြင့် ချေမှုန်း၍မရဘဲ အတွေးအခေါ်စစ်ပွဲ ဆင်နွှဲရမည်ဟု ဗြိတိန် ထောက်လှမ်းရေး MI6 မှ အကြီးတန်း အရာရှိဟောင်းဖြစ်သူ ရစ်ချက် ဘာရတ်က ပြောကြားလိုက်သည်။
ဘာရက်မှာ ကုလ၏ အလ်-ကိုင်းဒါးနှင့် တာလီဘန်တို့အား စောင့်ကြည့်ရေးအစီအစဉ် အကြီးအကဲအဖြစ် ၂၀၀၄ ခုနှစ်မှ ၂၀၁၃ ခုနှစ်အထိ ဆောင်ရွက်ခဲ့သူဖြစ်သည်။
“သူတို့ကို ချေမှုန်းဖို့ နည်းလမ်းမရှိပါဘူး။ အဲဒီကိုသွားပြီး သူတို့ကိုမျှားထုတ်ကာ သူတို့ အားနည်းသွားအောင်လုပ်မယ်။ သူတို့ ပေါ်ပေါ်တင်တင် လှုပ်ရှားလို့မရအောင် လုပ်မယ်လို့ တွေးရင်တော့ ဒါဟာ ဖြစ်နိုင်ပါတယ်။ ဒါပေမယ့် IS က ဖန်းတီးတဲ့ အယူအဆ၊ IS နောက်မှာရှိနေတဲ့ အတွေးအခေါ်တွေကိုတော့ ဘယ်တော့မှ ချေမှုန်းလို့ရမှာ မဟုတ်ပါဘူး။ တော်တော်အားထုတ်ဖို့လိုသလို၊ အချိန်လည်း ကြာပါလိမ့်မယ်။ မျိုးဆက်နဲ့ချီပြီး ရင်ဆိုင်ရမယ့် ပြဿနာပါပဲ” ဟု ဘာရတ်က ပြောကြားခဲ့ပြီး ဆီးရီးယားအရေးကိုလည်း
နိုင်ငံရေးနည်းလမ်းဖြင့် ဖြေရှင်းရန် ၎င်းက တိုက်တွန်းခဲ့သည်။
လက်ရှိတွင် ပြင်သစ်နှင့် အခြားဥရောပနိုင်ငံများ၊ အာရပ်နိုင်ငံများ ပါဝင်သည့် အမေရိကန်ဦးဆောင်သော မဟာမိတ်အဖွဲ့မှာ ဆီးရီးယားရှိ IS ၏ ပစ်မှတ်များကို ဗုံးကြဲတိုက်ခိုက်မှုများ ပြုလုပ်နေသည်။ ဘာရတ်ကမူ ထိုမဟာမိတ်အဖွဲ့များ ရုရှား၊ ဆီးရီးယားအစိုးရတို့နှင့် ပူးပေါင်းမည့် အလားအလာမှာလည်း ခြောက်ပစ်ကင်းမည့် မဟာဗျူဟာ ဖြစ်လာမည်မဟုတ်ဟု သတိပေးခဲ့သည်။
“ပြဿနာက ဒီထက်ပိုပြီး ရှုပ်ထွေးပါတယ်။ IS ရဲ့ ရန်သူအားလုံးကို ခေါ်ပြီး ဒါကတော့ စိတ်ချရတဲ့ မဟာမိတ်အဖွဲ့ပဲလို့ ပြောလို့မရပါဘူး”
ပဲရစ်တိုက်ခိုက်မှုအပြီး နောက်ပိုင်းတွင် ပြင်သစ်အစိုးရမှာ IS အဖွဲ့ ခြေကုပ်ယူထားသည့် ဆီးရီးယားမှ ရက်ကာမြို့ကို လေကြောင်းမှ တိုက်ခိုက်မှုများ တိုးမြှင့်ပြုလုပ်မည်ဟု ကြေငြာခဲ့သည်။
ဘာရတ်ကမူ ပြင်သစ်၏ ထိုလုပ်ရပ်မှာ နိုင်ငံရေးအရ နားလည်၍ရသော်လည်း ပြင်သစ်နိုင်ငံကို ပို၍ ပစ်မှတ်ထားလာလိမ့်မည်ဟု ပြောကြားခဲ့သည်။
“လေကြောင်းတိုက်ခိုက်မှုတွေက IS ရဲ့ ပြင်သစ်မှာ တိုက်ခိုက်ဖို့ကြိုးစားမှုကို ရပ်တန့်လို့ရမယ့် အရာမျိုး မဟုတ်ပါဘူး။ ပြီးတော့ IS ရဲ့ ဒီလိုလုပ်နိုင်စွမ်းကိုလည်း လျော့ကျစေမှာ မဟုတ်ပါဘူး” ဟု ပြောကြားခဲ့သည်။
ထို့ပြင် IS မှ တိုက်ခိုက်မှုများ၏ အဓိက ရည်ရွယ်ချက်မှာ လူအဖွဲ့အစည်းအကြားတွင် အုပ်စုများကွဲရန် ဖြစ်သည်ဟု ဆိုသည်။
“အထူးသဖြင့် ဆီရီးယားမှာ ကျွန်တော်တို့မြင်တဲ့ အခြေအနေကို ပြောရရင် အကြမ်းဖက်ဝါဒရဲ့ အဓိကအချက်က လူတွေကို သင်းကွဲစေဖို့ပါ။ ခင်ဗျားဟာ ဘက်တစ်ဖက်မှာ နေရမယ်။ အဲဒီအုပ်စုနဲ့ နေရင်နေ၊ ဒါမှမဟုတ် ငါတို့ဘက်လာချင်လာ – ဒါမျိုးပုံစံပါ။ လူ့အဖွဲ့အစည်းတွေကို ဒီလို သင်းကွဲစေတာက IS ဗျူဟာရဲ့ အရေးပါတဲ့ အစိတ်အပိုင်းပါပဲ”
အီရတ်အား မေရိကန်နှင့် မဟာမိတ်များ၏ ကျူးကျော်တိုက်ခိုက်မှုက IS အဖွဲ့ ပေါ်ထွက်လာမှုနှင့် ဆက်စပ်နေလားဟု မေးမြန်းရာတွင်လည်း ဘာရတ်က “သိပ်ကိုရှင်းလင်းတဲ့ ဆက်စပ်မှုပေါ့ဗျာ” ဟု ပြန်လည်ဖြေကြားခဲ့သည်။
Ref: Aljazeera
