Blog

နိုဝင်ဘာ ၁၈၊ ၂၀၁၅
M-Media

– နိုက်ဂျီးရီးယားအရှေ့မြောက်ပိုင်း ယိုလာမြို့ရှိ ဈေးတစ်ခုတွင် လူ ၃၀ ကျော် သေဆုံးခဲ့ပြီး ဒါဇင်နှင့်ချီ ဒဏ်ရာရရှိခဲ့သော ပေါက်ကွဲမှု ယမန်နေ့က ဖြစ်ပွားခဲ့ပြီးနောက် နိုက်ဂျီးရီးယားရှိ Facebook အသုံးပြုသူများအတွက် Safety Check လုပ်ဆောင်ချက်ကို Facebook က ထည့်သွင်းပေးခဲ့သည်ဟု သိရသည်။

မိမိမှာ လုံခြုံသော နေရာတွင် ရှိနေကြောင်း မိသားစုများနှင့် မိတ်ဆွေများအား သိရှိစေနိုင်မည့် အဆိုပါ လုပ်ဆောင်ချက်ကို နိုက်ဂျီးရီးယားတွင် အသုံးပြု၍ရအောင် ပြုလုပ်ပေးခဲ့ကြောင်း ယနေ့မနက်ပိုင်းတွင် Facbook တည်ထောင်သူ မာ့ခ် ဇူကာဘာ့ဂ်က ၎င်း၏ အကောင့်တွင် ပို့စ်တင်၍ ကြေငြာခဲ့သည်။

“(မနေ့) ညနေပိုင်းက နိုက်ဂျီးရီးယားမှာ ဗုံးပေါက်ကွဲမှု ဖြစ်ပြီးတဲ့နောက်ပိုင်းမှာ ကျွန်တေ်ာတို့ဟာ Safety Check လုပ်ဆောင်ချက်ကို သုံးစွဲလို့ရအောင် လုပ်ပေးခဲ့ပါတယ်”

Facebook မှာ ထိုလုပ်ဆောင်ချက်ကို နိုဝင်ဘာ ၁၃ ရက်နေ့က ဖြစ်ပွားခဲ့သည့် ပဲရစ်အကြမ်းဖက်တိုက်ခိုက်မှု နောက်ပိုင်းတွင် ထည့်သွင်းပေးခဲ့ခြင်းဖြစ်သည်။ နိုဝင်ဘာ ၁၂ ရက်နေ့က လက်ဘနွန်တွင် ဖြစ်ပွားခဲ့သော အကြမ်းဖက် ဗုံးခွဲတိုက်ခိုက်မှုတွင် မည်သည့်တုန့်ပြန်မှုမှ မလုပ်ခဲ့ဘဲ ပဲရစ်တိုက်ခိုက်မှုတွင်မှ ထိုကဲ့သို့ လုပ်ဆောင်ပေးမှုအတွက် ဇူကာဘာ့ဂ်မှာ ဝေဖန်မှုများနှင့် ရင်ဆိုင်ခဲ့ရသည်။

အချို့ကမူ Facebook ၏ ထိုသို့ဆောင်ရွက်မှုက ကမ္ဘာ့အခြားသော ဒေသများမှ ပြည်သူများ၏ အသက်ထက် အနောက်တိုင်းသားများ၏ အသက်က ပို၍ တန်ဖိုးရှိသည်ဟု ဆိုလိုခြင်းဖြစ်နေကြောင်း ထောက်ပြခဲ့သည်။

“ပဲရစ်တိုက်ခိုက်မှုပြီးတဲ့နောက်ပိုင်း ရှေ့ဆက် ဒီလိုအဖြစ်အပျက်တွေ ဖြစ်လာရင် အသုံးပြုဖို့အတွက် Safety Check လုပ်ဆောင်ချက်ကို ထည့်သွင်းဖို့ ကျွန်တော်တို့ ဆုံးဖြတ်ချက် ချခဲ့ပါတယ်။ အဲဒီ ပေါ်လစီအသစ်အတွက် စံချိန်စံညွှန်းတွေ ဖြစ်လာဖို့နဲ့ ဒီလုပ်ဆောင်ချက်ကို ဘယ်လို အကောင်းဆုံး အသုံးချနိုင်မလဲဆိုတာကို ဆုံးဖြတ်ဖို့အတွက် ကျွန်တော်တို့ အလျင်အမြန် လုပ်ဆောင်နေပါတယ်” ဟု ဇူကာဘာ့ဂ်က ပြောကြားခဲ့သည်။

ယမန်နေ့ နိုက်ဂျီးယား ဗုံးခွဲမှုနောက်ပိုင်း ဆိုရှယ်မီဒီယာ အသုံးပြုသူများက Facebook တွင် Safety Check လုပ်ဆောင်ချက်ကို ထည့်သွင်းပေးရန် တောင်းဆိုခဲ့ကြပြီး ၎င်းတို့၏ ဆန္ဒ ပြည့်ဝမှုအတွက်လည်း ကျေးးဇူးတင်ကြောင်း ပြောကြားခဲ့ကြသည်။

Ref: Aljazeera