နိုဝင်ဘာ ၉၊ ၂၀၁၁
M-Media
– ပြီးခဲ့သည့် ဇွန်လက မလေရှားနိုင်ငံ ကင်နာဘာလူတောင် ငလျင်လှုပ်မှုတွင် ထိခိုက်ခံစားခဲ့ရသည့် Tanjong Katong မူလတန်းကျောင်း လေ့လာရေးအဖွဲ့မှ ခေါင်းဆောင် ၁၆ ဦးကို စင်ကာပူအစိုးရက Commendation Medal ဂုဏ်ပြုဆုတံဆိပ်များ ချီးမြှင့်ခဲ့သည်ဟု သိရသည်။
ယမန်နေ့က ချီးမြှင့်ခဲ့ခြင်းဖြစ်ပြီး ထို ၁၆ ဦးထဲတွင် ကျောင်းသားများအား ကာကွယ်ရင်း အသက်စွန့်သွားခဲ့ရသည့် ၅ ဦးလည်း ပါဝင်သည်။
“သူတို့ရဲ့တာဝန်ကို ကျေပွန်ဖို့အတွက် ဒီ ပုဂ္ဂိုလ် ၅ ဦးဟာ နောက်ဆုံးမှာ အသက်ကိုပါ ပေးလိုက်ပါတယ်။ နောက်ပြီး ဒီဆိုးရွားတဲ့ အခြေအနေမှာ အသက်ရှင်ကျန်ခဲ့တဲ့ ၁၁ ဦးဟာလည်း သူတို့ တာဝန်ယူထားတဲ့ ကလေးတွေကို ကာကွယ်ဖို့၊ စောင့်ရှောက်ဖို့ အားထုတ်ခဲ့ကြပါတယ်” ဟု ဆုပေးပွဲအခမ်းအနားတွင် ကြေငြာခဲ့သည်။
ဇွန်လ ၅ ရက်နေ့က အဆိုပါတောင်တွင် လှုပ်ခတ်သွားသည့် ငလျင်ကြောင့် စင်ကာပူ Tanjong Katong မူလတန်းကျောင်း၏ လေ့လာရေးအဖွဲ့မှ ကျောင်းသား ၇ ဦး၊ ဆရာ ၂ ဦးနှင့် စင်ကာပူနိုင်ငံသား လမ်းပြတစ်ဦးတို့ အသက်ဆုံးရှုံးခဲ့ရသည်။
ဂုဏ်ပြုဆုတံဆိပ် ချီးမြှင့်ခံခဲ့ရသူများထဲမှ တစ်ဦးဖြစ်သူ မိုဟာမက် ဖိုင်ဇယ် အဘ်ဒူလ် စလာမ်က မိမိတို့အား အစိုးရက ထိုကဲ့သို့ ဂုဏ်ပြုခြင်းမှာ ကောင်းမွန်သော ဆောင်ရွက်ချက်တစ်ခု ဖြစ်သည်ဟု ပြောကြားခဲ့သည်။ အဘ်ဒူလ် စလာမ်မှာ ငလျင်လှုပ်စဉ် ၎င်း၏ဘေးနားရှိ ကျောင်းသားများကို သိုင်းဖက်ကာ မထိခိုက်အောင် ကာကွယ်ပေးခဲ့ပြီး တောင်ပေါ်မှ ကျလာသည့် ကျောက်တုံးကျောက်ခဲများကြောင့် ၎င်း၏ ဦးခေါင်းခွံမှာ ကွဲအက်ခဲ့ရသည်။
“ဒါပေမယ့် ကျွန်တော်တို့တင်မဟုတ်ဘဲ ကွယ်လွန်သွားတဲ့ ကျွန်တော်တို့ရဲ့ လုပ်ဖော်ကိုင်ဖက်တွေ၊ တောင်တက်လမ်းပြတွေကို ဒီလိုဂုဏ်ပြုတာဟာလည်း သိပ်ကောင်းပါတယ်။ ဘာ့ကြောင့်လည်းဆိုတော့ ဒီအဖြစ်အပျက်မှာ ကျွန်တော်တို့အားလုံးဟာ တူညီတဲ့အခန်းကဏ္ဍကနေ ပါဝင်ခဲ့ကြသူတွေ မို့လို့ပါပဲ” ဟု အဘ်ဒူလ် စလာမ်က ပြောကြားခဲ့သည်။
အဆိုပါ Commendation Medal ဂုဏ်ပြုဆုတံဆိပ် ချီးမြှင့်ခံခဲ့ရသည့် သေဆုံးသွားသူများမှာ မူလတန်းကျောင်းမှ ဆရာများဖြစ်ကြသော မိုဟာမက် ဂါဇီ မိုဟာမက်နှင့် တာရန့် စီဘက်စတီယန် လူ၊ ခရီးသွားနည်းပြ မိုဟာမက် ဒန်းနစ်ရှ် အင်မ်ရန်းနှင့် တောင်တက်လမ်းပြများဖြစ်သော ရစ်ကီ၊ မက်စ်ဆီရင်နှင့် ဗဲလာရင် ဂျိုအန်နက်စ်တို့ ဖြစ်ကြသည်။
စင်ကာပူအမျိုးသားတက္ကသိုလ်၌ ပြုလုပ်ခဲ့သည့် အဆိုပါ ဆုပေးပွဲ အခမ်းအနားသို့ ဂုဏ်ပြုဆုရရှိသူ စုစုပါင်း ၄၈၄ ဦးနှင့် ဧည်သည့်တော် ၈၅၀ ခန့် တက်ရောက်ခဲ့ကြသည်။
Ref: Channelnewsasia
