အောက်တိုဘာ ၂၉၊ ၂၀၁၅
M-Media
– အစ္စရေးက သိမ်းပိုက်ပိတ်ဆို့ထားသော ပါလက်စတိုင်းပိုင်နက်များတွင် သေဆုံးသူအရေအတွက်များ မြင့်တက်လာခြင်းကြောင့် ပါလက်စတိုင်းများအား နိုင်ငံတကာမှ ကာကွယ်ပေးရန် သမ္မတ မဟ်မူးဒ်အဘတ်စ်က တောင်းဆိုလိုက်သည်။
ဂျီနီဗာတွင် ယမန်နေ့က ပြုလုပ်ခဲ့သည့် ကုလသမဂ္ဂ လူ့အခွင့်အရေးကောင်စီ အထူးအစည်းအဝေးတွင် အဘတ်စ်က ထိုကဲ့သို့ ပြောကြာခဲ့ခြင်းဖြစ်ပြီး ပါလက်စတိုင်းပြည်သူများအတွက် နိုင်ငံတကာမှ ကာကွယ်ရေး အထူးအဖွဲ့ ဖွဲ့ပေးရန်လည်း တိုက်တွန်းခဲ့သည်။
ပြီးခဲ့သည့်လက အနောက်ဖက်ကမ်းရှိ အလ်-အက်ဆွာ ဗလီဝတ်ကျောင်းတော်အတွင်းသို့ အစ္စရေးစစ်သားများနှင့် ဂျူးအစွန်းရောက်များ ၀င်ရောက်စီးနင်းကာ ပါလက်စတိုင်းဝတ်ပြုသူများကို တိုက်ခိုက်ခဲ့ပြီးနောက် ပါလက်စတိုင်းပြည်သူများနှင့် အစ္စရေးလုံခြုံရေးတပ်ဖွဲ့များအကြား တင်းမာမှုများ မြင့်တက်လာခဲ့သည်။
အဘတ်စ်ကမူ ပါလက်စတိုင်းပိုင်နက်များတွင် အစ္စရေးက တရားမ၀င်အခြေချအိမ်ယာများ တိုးချဲ့ဆောက်လုပ်မှုနှင့် သိန်းနှင့်ချီသော ပါလက်စတိုင်းပြည်သူများ အိုးအိမ်စွန့်ခွာ ထွက်ပြေးရမှုကို ထောက်ပြကာ လက်ရှိ ပါလက်စတိုင်း၏ အခြေအနေမှာ ၁၉၄၈ ခုနှစ်နောက်ပိုင်း အဆိုးဝါးဆုံးနှင့် အန္တရာယ်အရှိဆုံး အခြေအနေကို ရောက်ရှိနေသည်ဟု ပြောကြားခဲ့သည်။
ပြီးခဲ့သည့် သီတင်းပတ်များအတွင်း ဖြစ်ပွားခဲ့သည့် မတည်ငြိမ်မှုများကို အစ္စရေးတပ်ဖွဲ့များက ကျည်အစစ်များ၊ ရာဘာကွပ်ထားသည့် စတီးကျည်ဆံများ၊ မျက်ရည်ယိုဗုံးများနှင့် အသံကျယ်လောင်သည့် ဗုံးများဖြင့် ပြင်းပြင်းထန်ထန် တုန့်ပြန်ခဲ့သည်။
အောက်တိုဘာ ၁ ရက်နေ့မှစ၍ အစ္စရေး တပ်ဖွဲ့ဝင်များနှင့် ပါလက်စတိုင်းပိုင်နက်ရှိ အစ္စရေး၏ တရားမ၀င်အိမ်ယာများတွင် နေထိုင်သူများ၏ ပစ်ခတ်သတ်ဖြတ်မှုကြောင့် ပါလက်စတိုင်း ၆၄ ဦး သေဆုံးခဲ့ပြီး ထိုအထဲတွင် လက်နက်မဲ့ဆန္ဒပြသူများ၊ ဘေးတွင်ရပ်ကြည့်နေသူများ၊ တိုက်ခိုက်သူဟု စွပ်စွဲခံရသူများ ပါဝင်သည်။
ပါလက်စတိုင်းများ၏ ဓားဖြင့်တိုက်ခိုက်မှုကြောင့် အစ္စရေး ၉ ဦး သေဆုံးခဲ့သည်။
“ဆွေနွေးညှိနှိုင်းမှုတွေလုပ်ဖို့ အချိန်ဖြုန်းနေတာတွေဟာ ရှေ့လျှောက် အသုံးမ၀င်တော့ပါဘူး။ လိုအပ်နေတာက နိုင်ငံတကာ တရားဥပဒေနဲ့အညီ အစ္စရေးရဲ့ ကျူးကျော်သိမ်းပိုက်မှုတွေကို အဆုံးသတ်ဖို့ပဲ ဖြစ်ပါတယ်” ဟု အဘတ်စ်က ထည့်သွင်းပြောကြားခဲ့သည်။
ထို့ပြင် အစ္စရေးမှာ ပါလက်စတိုင်းများအား တရားလက်လွတ်သတ်ဖြတ်သည်ဟု အဘတ်စ်က ပြောကြားခဲ့ပြီး အစ္စရေးက လုပ်ဆောင်နေသော သိမ်းပိုက်မှုများကိုလည်း အဆုံးသတ်ရန် တိုက်တွန်းခဲ့သည်။
“ကျွန်တော်တို့ကို ကာကွယ်ပေးပါ။ ကျွန်တော်တို့ကို ကာကွယ်ပေးပါ။ ကျွန်တော်တို့ ခင်ဗျားတို့ကို လိုအပ်ပါတယ်”
Ref: Aljazeera
