အောက်တိုဘာ ၁၃၊ ၂၀၁၅
M-Media
– စင်ကာပူနိုင်ငံတွင် မောင်းသူမဲ့ Auto Rider ဘတ်စ်ကားများကို စမ်းသပ်မောင်းနှင်လျက် ရှိနေပြီး အစောဆုံး ဒီဇင်ဘာလတွင် Gardens by the Bay သို့ လာရောက်လည်ပတ်သူများ ပန်းခြံများကို လှည့်လည်ကြည့်ရှုနိုင်ရန် ၀န်ဆောင်မှု ပေးသွားမည်ဖြစ်သည်။
အဆိုပါ Auto Rider တစ်စီးတွင် လူ ၁၀ ဦး တင်ဆောင်နိုင်မည်ဖြစ်ပြီး လက်တွန်းလှည်း အသုံးပြုသူများအတွက် အဆင်ပြေစေရန် အဆင်းအတက်တွင် ဆင်ခြေလျှောတစ်ခုကို ထည့်သွင်းပေးထားကာ Touch ခလုပ်နှိပ်၍ အသုံးပြုနိုင်မည် ဖြစ်သည်။
ဘတ်စ်ကားများကို ဆွစ်ဇာလန်တွင် စမ်းသပ်ခဲ့ပြီး အေဂျင်စီအများအပြား ပါဝင်သော မောင်းသူမဲ့ကားများ စမ်းသပ်မှု ပွဲဦးထွက်အဖြစ် အာရှတွင် စမ်းသပ်ခြင်းဖြစ်သည်။
စင်ကာပူ သယ်ယူပို့ဆောင်ရေး ၀န်ကြီးဌာနမှာ ယမန်နေ့က နားလည်မှုစာချွန်လွှာနှစ်ခုကို လက်မှတ်ရေးထိုးခဲ့ပြီး တစ်ခုမှာ ဆိပ်ကမ်းအာဏာပိုင်အဖွဲ့ PSA နှင့်ဖြစ်ကာ ဆိပ်ကမ်းများအကြား ကုန်များ သယ်ယူပို့ဆောင်ရာတွင် ဗဟိုထိန်းချုပ်မှု နည်းပညာသုံး မောင်းသူမဲ့ ထရပ်ကားများ ထုတ်လုပ်ရန်အတွက် ဖြစ်သည်။ အဆိုပါ ထရပ်ကားများမှာ ရထားများကဲ့သို့ အတွဲလိုက်သွားမည်ဖြစ်ပြီး ထိပ်ဆုံးတစ်စီးကိုသာ ထိန်းချုပ်ရန် လိုအပ်မည်ဖြစ်သည်။
အခြား စာချွန်လွှာတစ်ခုမှာ Sentosa ဖွံ့ဖြိုးတိုးတက်ရေး ကော်ပိုရေးရှင်း၊ ST အင်ဂျင်နီယာကုမ္ပဏီတို့နှင့် ဖြစ်ပြီး Sentosa တစ်ဝိုက်တွင် မောင်းသူမဲ့ ဘတ်စ်ကားများ စမ်းသပ်မောင်းနှင်ရေးအတွက်ဖြစ်သည်။
လက်ရှိအချိန်တွင် A*Star ကုမ္ပဏီမှ Institute for Infocomm Research အသင်း၊ သုတေသနနှင့် နည်းပညာဆိုင်ရာ Singapore-MIT Alliance အဖွဲ့တို့မှာ one-north စီးပွားရေးဇုန်ကြီးတွင် မောင်းသူမဲ့ကားများကို စမ်းသပ်မောင်းနှင်နေပြီး၊ Nanyang နည်းပညာတက္ကသိုလ်ကလည်း ၎င်းတို့၏ ကျောင်းဝန်းထဲတွင် မောင်းသူမဲ့ကားများကို စမ်းသပ်လျက် ရှိနေသည်။
Ref: News.asiaone
