စက်တင်ဘာ ၂၆၊ ၂၀၁၅
M-Media
– နိုက်ဂျီးရီးယားနိုင်ငံအား ပိုလီယိုဖြစ်လေ့ရှိသော နိုင်ငံများစာရင်းမှ ကမ္ဘာ့ကျန်းမာရေးအဖွဲ့ WHO က ယမန်နေ့တွင် ဖယ်ရှားလိုက်ပြီး ထိုသမိုင်းဝင်အောင်မြင်မှုအတွက်လည်း ချီးကျူးပြောဆိုခဲ့သည်။
အာဖရိက၏ လူဦးရေအများဆုံး နိုက်ဂျီးရီးယားတွင် လွန်ခဲ့သည့်တစ်နှစ်ကျော်က ပိုလီယိုရောဂါဖြစ်ပွားမှုတစ်ကြိမ် ရှိခဲ့ပြီး နောက်ပိုင်း နောက်ထပ် ဖြစ်ပွားခြင်း မရှိတော့ပေ။
နယူးယောက်မြို့၌ ကျင်းပသော ကမ္ဘာလုံးဆိုင်ရာ ပိုလီယိုရောဂါ အမြတ်ဖြတ်ရေး ဆောင်ရွက်မှုနှင့် ပတ်သက်သည့် အစည်းအဝေးတွင် WHO က ထိုကဲ့သို့ ကြေငြာခဲ့ခြင်းဖြစ်ပြီး ပိုလီယိုဖြစ်ပွားသော နိုင်ငံများစာရင်းတွင် ပါကစ္စတန်နှင့် အာဖဂန်နစ္စတန်နိုင်ငံတို့သာ ကျန်ရှိတော့သည်။
“ပိုလီယိုဗိုင်းရပ်စ် ပြန့်နှံ့ခြင်းကို နိုက်ဂျီးရီးယားက ရပ်တန့်နိုင်တာ ဒါဟာ ပထမဆုံး အကြိမ်ပါပဲ။ ဒါက နိုက်ဂျီးရီးယားနဲ့ အာဖရိကဒေသကို ပိုလီယိုကင်းစင်နိုင်ငံအဖြစ် အသိအမှတ်ပြုဖို့ ပိုပြီး နီးကပ်လာတာ ဖြစ်ပါတယ်” ဟု WHO မှ ထုတ်ပြန်သည့် ကြေငြာချက်တွင် ဖော်ပြထားသည်။
နိုက်ဂျီးရီးယား၌ နောက်ဆုံးဖြစ်ပွားခဲ့သည့် ပိုလီယိုရောဂါမှာ နိုင်ငံမြောက်ပိုင်း ကာနိုပြည်နယ်ရှိ ဆူမိုင်လာခရိုင်တွင် ဖြစ်ပြီး ၂၀၁၄ ခုနှစ် ဇူလိုင်လ ၂၄ ရက်နေ့က ဖြစ်ပွားခဲ့ခြင်းဖြစ်သည်။
ပိုလီယိုဖြစ်လေ့ဖြစ်ထရှိသော နိုင်ငံများစာရင်းမှ ပယ်ဖျက်ရန်အတွက် နိုင်ငံတစ်နိုင်ငံမှာ ရောဂါဖြစ်ပွားမှုမှ ၁၂ လကြာ ကင်းစင်ရမည်ဖြစ်ပြီး၊ ၃ နှစ်တာ ပိုလီယိုရောဂါ ဖြစ်ပွားခြင်း မရှိပါက ရောဂါကင်းစင်နယ်မြေအဖြစ် သတ်မှတ်ခံရမည် ဖြစ်သည်။
WHO က နိုက်ဂျီးရီးယားနိုင်ငံအတွင်းရှိ ဓာတ်ခွဲခန်းအားလုံး၏ အချက်အလက်များအရ နိုင်ငံအတွင်း လွန်ခဲ့သည့် ၁၂ လတာကာလ၌ ပိုလီယိုရောဂါဖြစ်ပွားမှု မရှိသည်မှာ သေချာသည်ဟု ဆိုသည်။
ယခုကဲ့သို့ ကြေငြာမှုမှာ ကမ္ဘာ့တစ်ဝှမ်း ပိုလီယိုရောဂါတိုက်ဖျက်ရေး ဆောင်ရွက်မှုအတွက် နောက်ဆုံး ထွက်ပေါ်လာသည့် သတင်းကောင်းဖြစ်သည်။ ပိုလီယိုရောဂါမှာ ညံ့ဖျင်းသည့် မိလ္လာစနစ်နှင့် ရေဆိုးများကြောင့် ပြန့်နှံ့ခြင်းဖြစ်ပြီး ကုသ၍မရသည့် မသန်စွမ်းအခြေအနေမျိုး ဖြစ်ပွားနိုင်သည်။ ၅ နှစ်အောက် ကလေးငယ်များတွင် ပိုလီယိုရောဂါ ဖြစ်ပွားနိုင်ခြေ ပိုများသည်။
ဆိုမာလီယာတွင် ပိုလီယိုရောဂါဖြစ်ပွားမှု မရှိခြင်းမှာ သြဂုတ်လ ၁၂ ရက်နေ့က တစ်နှစ်ပြည့်သွားခဲ့ပြီး အာဖရိကတိုက်အတွင်း ပိုလီယိုရောဂါ အဆုံးသတ်ရေး မျှော်လင့်ချက်မှာ မြင့်တက်လာခဲ့ပြီဖြစ်သည်။ သို့သော်လည်း ကာကွယ်ဆေးထိုးနှံမှုနှင့် ပတ်သက်၍ ကွာဟချက်များလည်း ရှိနေပြီး အထူးသဖြင့် သွားရောက်ရန်ခက်ခဲသည့် နေရာများတွင် ဖြစ်သည်။ ထို့ကြောင့် အာဖရိကတိုက်အတွင်း ပိုလီယိုရောဂါ လုံးဝ ကင်းစင်ရေးမှာ နှောင့်နှေးနိုင်ဖွယ် ရှိနေသည်။
၂၀၁၅ ခုနှစ်အတွင်း ပိုလီယိုရောဂါကူးစက်မှု ၄၁ မှု ဖြစ်ပွားခဲ့ပြီး ၃၂ ခုမှာ ပါကစ္စတန်နှင့် အာဖဂန်နစ္စတန်တို့တွင် ဖြစ်သည်။
Ref: Channelnewsasia
