စက်တင်ဘာ ၂၇၊ ၂၀၁၅
M-Media
– အစ္စလာမ်ဘာသာဝင်တို့၏ အီဒွလ်အသွဟာ စွန့်လှူဒါနပြုမှု ပွဲတော်အတွင်း မာလာဝီနိုင်ငံရှိ ဘာသာပေါင်းစုံ အသိုင်းအ၀ိုင်းများမှာလည်း အကျိုးကျေးဇူးများ ခံစားခဲ့ရပြီး နိုင်ငံအတွင်း စည်းလုံးညီညွတ်မှု ပိုလာခဲ့သည်။
“ရိုးရိုးသားသားပြောရရ် ဒီ စွန့်လှူဒါနပြုမှုရဲ့ စိတ်ဓာတ်က ကျွန်တော့်အပေါ် လွှမ်းမိုးခဲ့ပါတယ်။ သားကောင်တွေကို စွန့်လှူပြီး ဘာသာလူမျိုးမခွဲခြားဘဲ လူထောင်ပေါင်းများစွာကို လှူဒါန်းတာကိုမြင်ရတာ မွတ်စလင်တွေနဲ့ အစ္စလာမ်ပေါ်မှာရှိတဲ့ ကျွန်တော့်ရဲ့ ထင်မြင်ယူဆချက်တွေကို ပြောင်းလဲသွားစေခဲ့ပါတယ်” ဟု မာလာဝီ၏ ရှေးဟောင်းမြို့ဖြစ်သော ဇွမ်ဘာမှ ခရစ်ယာန်တရားဟောဆရာ လီယိုနာ့ဒ် ဘိုနာက ပြောကြားခဲ့သည်။
“နောက်ပြီးတော့ ဒီပွဲတော်ကို ဆင်နွှဲရတာဟာ မတူကွဲပြားမှုတွေကြားထဲမှာ စည်းလုံးညီညွတ်မှုကို ဖြစ်ထွန်းစေတာလည်း ဖြစ်ပါတယ်။ ဆင်းရဲပြီး၊ စားရမဲ့သောက်ရမဲ့ဖြစ်နေတဲ့ မွတ်စလင်တွေ၊ ခရစ်ယာန်တွေဟာ ဒီပုံစံမျိုးကနေတစ်ဆင့် တစ်ယောက်နဲ့တစ်ယောက် မျှဝေ ဖေးမနိုင်ကြပါတယ်။ ဒီလို စွန့်လှူဒါနပြုမှုအတွက် မွတ်စလင်တွေကို ကျွန်တော် တကယ်ပဲ ချီးကျူးမိပါတယ်”
ထို့ပြင် မွတ်စလင်နှင့် ခရစ်ယာန်များမှာ အချို့သော ပွဲတော်များကို အတူတကွ မျှဝေကျင်းပနိုင်ပါက နိုင်ငံအတွင်းရှိ အဓိက ဘာသာတရားနှစ်ခု၏ နောက်လိုက်များအကြား အပြန်အလှန်နားလည်မှုကို အားပေးခြင်းဖြစ်မည်ဟုလည်း ဘိုနာက ထည့်သွင်းပြောကြားခဲ့သည်။
မွတ်စလင်တို့၏ အီဒွလ်အသွဟာ စွန့်လှူဒါနပြုမှုအတွင်း အူစိုရသည့်အတွက် အခြားသော ဘာသာဝင်များကလည်း ကျေနပ်နေကြသည်။
“ဒါဟာ အိပ်မက်တစ်ခု အမှန်ဖြစ်တာလား? အသားဟင်းကို မစားရတာ တော်တော်ကြာပါပြီ။ အသားဆိုတာ ဘယ်လိုအရသာလဲဆိုတာတောင် ကျွန်မ မေ့နေပြီ။ ဒီလိုဆောင်ရွက်မှုမျိုးဟာ အင်မတန် ချီးကျူးအံ့သြဖွယ်ရာကောင်းတဲ့ အရာပါပဲ။ ကူညီဖေးမမှုကို လေလုံးထွားတာထက်စာရင် ဒီလိုမျိုး အလုပ်တွေနဲ့ ဖော်ပြသင့်ပါတယ်။ သမ္မာကျမ်းမှာတာ့ အလှူခံခြင်းထက်၊ ပေးလှူခြင်းမှာ ကောင်းချီးမင်္ဂလာ ရှိတယ်လို့ ကျွန်မတို့ကို သွန်သင်ပါတယ်။ ခရစ်ယာန်တစ်ယောက်အနေနဲ့ ကျွန်မတို့ဟာ သမ္မကျမ်းစာရဲ့
သွန်သင်မှုအတိုင်း ဘ၀ကို နေထိုင်ဖို့ သင်ယူသင့်ပါတယ်။ ဒီလိုနေထိုင်ဖို့ကို အစ္စလာမ်ဘာသာဝင်ထွေထံကနေ အတုယူသင့်ပါတယ်။ ဒီစွန့်လှူဒါနပြုမှုပွဲတော်ဟာ အသက်အရွယ်ကြီးရင့်ပြီး ဆင်းရဲနွမ်းပါးတဲ့ ကျွန်မတို့လို လူတွေရဲ့ ဘ၀အမောတွေကို ပြေလျော့စေပါတယ်ရှင်” ဟု ခရစ်ယာန်ဘာသာဝင် မုဆိုးမ အဘွားအိုတစ်ဦးဖြစ်သူ ဘီယာထရိုက် နမ်ဘီက ပြာကြားခဲ့သည်။
ယခုနှစ် အီဒွလ်အသွဟာပွဲတော်တွင် မာလာဝီနိုင်ငံအတွင်းနှင့် ကမ္ဘာတစ်ဝှမ်းမှ မွတ်စလင် ပရဟိတအသင်းများမှာ နိုင်ငံတစ်ဝှမ်းရှိ ခရစ်ယာန်နှင့် မွတ်စလင်များထံသို့ အသားဝတ္ထုအလှူများ ရောက်ရှိရန် ကြိုးစား ဆောင်ရွက်ခဲ့ကြသည်။
ဥရောပအခြေစိုက် ပရဟိတအသင်းတစ်ခုဖြစ်သော Hasene ကမူ ယခုနှစ်အတွင်း ရေကြီးမှုဒဏ်ကို အကြီးအကျယ် ခံစားခဲ့ရပြီး လူပေါင်းရာချီသေဆုံးကာ သန်းနှင့်ချီ၍ အိုးအိမ်ဆုံးရှုံးခဲ့ရသည့် ဒေသများတွင် အသားဝတ္ထုများ သွားရောက် လှူဒါန်းခဲ့ကြသည်။
မာလာဝီရှိ ရေဘေးသင့် ဒေသတစ်ခုမှ အကြီးအကဲဖြစ်သူ အမျိုးသမီး ချီကမ်ဘူက အီဒွလ်အသွဟာ စွန့်လှူဒါနပြုမှုပွဲတော်မှာ ဒေသအတွင်းရှိ ပြည်သူများ၏ မျက်နှာတွင် အပြုံးပန်းများ ယူဆောင်လာခဲ့သည်ဟု ဆိုသည်။
“ဒီလို အမြောက်အများ စွန့်လှူဒါနပြုတာမျိုး ကျွန်မ ဘယ်တုန်းကမှ မမြင်ဖူးပါဘူး။ ဒီပွဲတော်က ကျွန်မတို့ရဲ့ မျက်နှာတွေမှာ အပြုံးပန်းတွေ ပွင့်စေခဲ့ပါတယ်။ ရေလွှမ်းမိုးမှု ပြီးတဲ့နောက်ပိုင်းမှာ ကျွန်မတို့ဟာ နာကျင်စရာကောင်းတဲ့ အတွေ့အကြုံတွေကို ဖြတ်သန်းခဲ့ရပါတယ်။ ကျွန်မတို့ ရှိသမျှအားလုံး ဆုံးရှုံးသွားတယ်။ ဒီအသားဝတ္ထုတွေက ကျွန်မတို့ရဲ့ ဆာလောင်မှုအတွက် အဓိပ္ပါယ်ရှိခဲ့ပါတယ်။ အစ္စလာမ်က
ကျွန်မကို သင်ခန်းစာတွေ အများကြီး သင်ပေးခဲ့ပါတယ်” ဟု ချီကမ်ဘူက ထည့်သွင်းပြောကြားခဲ့သည်။
Albarakah Charity Trust ပရဟိတအဖွဲ့ကလည်း အငတ်ဘေးနှင့် ရင်ဆိုင်နေရသည့် နိုင်ငံတောင်ပိုင်းတွင် ဆိတ်အကောင်ပါင်း ၅၀၀၀ ခန့်ကို စွန့်လှူကာ ခရစ်ယာန်နှင့် မွတ်စလင်များအား လှူဒါန်းခဲ့သည်။
နိုင်ငံအတွင်း ဟာလာအသားလုပ်ငန်းကို ကျယ်ပြန့်စွာလုပ်ကိုင်နေသည့် လုပ်ငန်းရှင်ဖြစ်သူ အီဆာ အာရဘ်က ရေလွှမ်းမိုးမှုဒဏ် ခံစားခဲ့ရသည့် လိုးဝါး ရှီရီဒေသရှိ မာလာဝီပြည်သူများကို အသားဝတ္ထုများ သွားရာက် လှူဒါန်းခဲ့သည်။
တမန်တော်ကြီး အီဗရာဟင်မ်သခင် (ငြိမ်းချမ်းသာယာမှု သက်ရောက်ပါစေ) ၏ အလ္လာဟ်အရှင်မြတ် အမိန့်တော် နာခံကာ စွန့်လှူမှုကို အထိမ်းအမှတ်ပြု၍ ဆင်နွှဲရသော အစ္စလာမ်ဘာသာဝင်တို့၏ အီဒွလ်အသွဟာပွဲတော်တွင် စွန့်လှူဒါနပြုသော သားကောင်များကို သုံးပုံပုံ၍ တစ်ပုံကို မိမိ မိသားစုအတွက်ထားကာ၊ တစ်ပုံကို ဆွေမျိုးများနှင့် အခြားတစ်ပုံကို ပတ်ဝန်းကျင်အား ဒါနပြုရသည်။
ထိုပွဲတော်မှာ သားကောင်များကို လှီးဖြတ်ကာ အသားများ၊ သွေးများကို နတ်ဘုရားများ၊ သို့မဟုတ် ကွယ်လွန်သေဆုံးသွားသူ ဘိုးဘေးများအား ရည်စူးကာ ပူဇော်ပသရသည့် ယစ်ပူဇော်သောပွဲမျိုး မဟုတ်ချေ။
ဆဟာရဒေသအတွင်း အဆင်းရဲဆုံးနိုင်ငံဖြစ်သည့် မာလာဝီနိုင်ငံတွင် အစ္စလာမ်သာသနာမှာ ခရစ်ယာန်ပြီးလျှင် ဒုတိယအကြီးဆုံး အယူဝါဒဖြစ်ပြီး နိုင်ငံ၏ လူဦးရေ ၁၅ သန်းတွင် ၃၆ ရာခိုင်နှုန်းမှာ အစ္စလာမ်ကို သက်ဝင်ယုံကြည်ကြသူများဖြစ်သည်။
Ref: Onislam
