စက်တင်ဘာ ၂၅၊ ၂၀၁၅
M-Media
– မြန်မာနိုင်ငံအတွင်းရှိ လေဆိပ်များသို့ လေယာဉ်စက်သုံးဆီ ဖြန့်ဖြူးရောင်းချရန်အတွက် နိုင်ငံပိုင် မြန်မာ့ရေနံထွက်ပစ္စည်းလုပ်ငန်း MPPE နှင့် Puma Energy Group Pte လိမိတက်တို့ ပူးပေါင်းဆောင်ရွက်ရန် သဘောတူညီခဲ့ကြသည်ဟု နိုင်ငံပိုင် မြန်မာ့အလင်း သတင်းစာက ယနေ့တွင် ဖော်ပြခဲ့သည်။
ခရီးသွားများ ရောက်ရှိမှု တစ်ဟုန်ထိုး မြင့်တက်လာပြီး လေဆိပ်အသစ်များက ၀ယ်လိုအား တက်လာသည့်အချိန်တွင် လေယာဉ်စက်သုံးဆီများ ပိုမိုဖြန့်ဖြူးနိုင်ရေး ပူးပေါင်းဆောင်ရွက်ရန် MPPE မှာ ဇကာတင် ကုမ္ပဏီ ၄ ခုမှ Puma Energy ကို ပြီးခဲ့သည့်နှစ်တွင် ရွေးချယ်ခဲ့ခြင်းဖြစ်သည်။
စင်ကာပူအခြေစိုက်ဖြစ်သော အဆိုပါကုမ္ပဏီနှင့် MPPE တို့မှာ ယမန်နေ့က နေပြည်တော်တွင် လက်မှတ်ရေးထိုးခဲ့ခြင်းဖြစ်သည်ဟု မြန်မာ့အလင်းသတင်းစာတွင် ဖော်ပြထားသည်။
သဘောတူညီချက်အရ လုပ်ငန်းနှစ်ခုမှာ National Energy Puma Aviation Services အမည်ဖြင့် ကုမ္ပဏီ အသစ်တစ်ခုကို ထူထောင်ကာ လုပ်ငန်းများကို ဆောင်ရွက်သွားမည်ဖြစ်ပြီး MPPE က လက်မှတ်ထိုးကြေးအဖြစ် ကန်ဒေါ်လာ သန်း ၂၀ ရရှိခဲ့သည်။
ကုမ္ပဏီအသစ်တွင် အသုံးပြုမည့် စက်ကိရိယာများအတွက် MPPE က ကန်ဒေါ်လာ ၂၆ သန်း ရင်းနှီးမြှုပ်နှံမည်ဖြစ်ပြီး Puma Energy က ကန်ဒေါ်လာ ၅၁ သန်း ရင်းနှီးမြှုပ်နှံမည်ဖြစ်သည်။
လက်ရှိတွင် MPPE မှာ နိုင်ငံအတွင်း လေယာဉ်စက်သုံးဆီကို တစ်ဦးတည်း ဖြန့်ဖြူးသူဖြစ်ပြီး နှစ်စဉ် လေဆိပ် ၁၁ ခုသို့ စက်သုံးဆီ ဂါလံ ၂၉ သန်း ဖြန့်ဖြူးပေးပို့လျက် ရှိနေသည်။
Puma Energy မှာ နိုင်ငံပေါင်း ၄၀ တွင် စွမ်းအင်ပိုင်းဆိုင်ရာ ပူးပေါင်းဆောင်ရွက်မှုများ လုပ်ကိုင်နေပြီး ၎င်းတို့၏ တန်ဖိုးမှာ ၂၀၁၄ ခုနှစ်တွင် ကန်ဒေါ်လာ ၁၃.၄ ဘီလီယံအထိ ရှိနေသည်ဟု ကုမ္ပဏီ၏ ၀ဘ်ဆိုက်တွင် ဖော်ပြထားသည်။ ထိုကုမ္ပဏီမှာ နိုင်ငံတစ်ဝှမ်းရှိ လေဆိပ်ပေါင်း ၄၇ ခုသို့ စက်သုံးဆီ ဖြန့်ဖြူးပေးလျက် ရှိသည်။
မြန်မာနိုင်ငံ၏ လေဆိပ်သုံးခုဖြစ်သော ရန်ကုန်၊ မန္တလေးနှင့် နေပြည်တော်လေဆိပ်များတွင် လေယာဉ်စက်သုံးဆီ ၀ယ်လိုအားမှာ အလျင်အမြန် မြင့်တက်လာမည်ဟု မျှော်လင့်ရသည်။ အရပ်သားတစ်ပိုင်းအစိုးရ ၂၀၁၁ ခုနှစ်တွင် အာဏာရပြီးနောက် နိုင်ငံခြားခရီးသွားများ ရောက်ရှိလာမှုမှာ တစ်ဖြည်းဖြည်းဖြင့် တိုးတက်လာခဲ့သည်။
လေယာဉ်စက်သုံးဆီ တင်သွင်းမှုမှာလည်း မြင့်တက်လာခဲ့ပြီး ၂၀၁၀-၁၁ ခုနှစ်တွင် ကန်ဒေါ်လာ ၁.၉၂ ဘီလီယံဖိုး၊ ၂၀၁၃-၁၄ တွင် ကန်ဒေါ်လာ ၂.၃ သန်းဖိုး အသီးသီး ရှိခဲ့ရာမှ ၂၀၁၄-၁၅ ခုနှစ်တွင် ကန်ဒေါ်လာ ၂.၄၄ ဘီလီယံဖိုး ရှိလာခဲ့သည်ဟု အစိုးရ၏ ထုတ်ပြန်မှုများအရ သိရသည်။
Ref: Reuterss
