စက်တင်ဘာ ၁၄ ၊ ၂၀၁၅
M-Media
ဆောင်းပါးရှင်- မောင်သမာဓိ
ရေတဝက်ရှိတဲ့ ဖန်ခွက်ကို ကြည့်ပြီး တယောက်က ရေ တဝက်ဘဲကျန်တော့တယ်လို့ ပြောချိန်မှာ ကျန် တယောက်က နောက် တဝက် ထပ်ထည့်လို့ ရသေးတယ်လို့ မြင်ကြည့်လို့ရပါတယ်။ တနည်းအားဖြင့် ပုဆိုးဝတ် သည် ဆိုသည်မှာ ပုဆိုးအတွင်းသို့ လူဝင်လိုက်ခြင်းပင် ဖြစ်သည်ဟု မြင်ကြည့်ပါ။
လူတစ်ဦးကို လေ့လာမည်ဆိုလျှင် သူဘာလုပ်သည်ဆိုတာကိုသာ ဂရုပြုစောင့်ကြည့်လေ့ ရှိပြီး သူဘာ မလုပ်ပါ ဆိုတာကို ထည့် စဉ်းစားလေ့ မရှိကြပါ။ ထိုသို့သော လုံးဝ မလုပ်သည့် အလုပ်တစ်ခု၏ အကျိုးဆက်ကို ပိုလို့ ပင် ရှေ့ဆက် စဉ်းစားလေ့ မရှိတော့ပါ။
ဝက်သားမစားခြင်းသည် ဝက်ကို ဘေးမဲ့ ပေးခြင်းဖြစ်သည်။
အစ္စလာမ် ဘာသာဝင်များသည် ဘာသာရေး ပညတ်ချက်အရ ဝက်သားမစားခြင်းကို အစ္စလာမ် ဘာသာ သည် ဝက်သတ္တဝါကို အသက်ဘေးမှ ထာဝရ ဘေးမဲ့ ပေးလိုက်သည်ဟု မည်သူမျှ မစဉ်းစားသလို အသိ အမှတ်လည်း မပြု၊ ချီးမွန်းထောပနာလည်း မပြုကြပါ။
ဘေးမဲ့ ပေးရုံမျှမက အသက်ကိုပါ ကယ်ခိုင်းပါသေးသည်။
ဝက်သတ္တဝါ၏ အသက်အန္တရာယ်ကို ထာဝရ ဘေးမဲ့ပေးထားကြောင်း သေချာတဲ့ အစ္စလာမ် ဘာသာ၏ ပြဌာန်းချက်များကို ဆက်လက်လေ့လာကြည့် စေချင်ပါသေးသည်။
ဘုရားဝတ်ပြုနေစဉ် တိရိစ္ဆာန် တစ်ကောင် ရေတွင်းထဲသို့ ကျရောက်နေသည်ကို သိလျှင် ဝတ်ပြုမှုကို ခေတ္တ ရပ်တန့်၍ ထိုတိရိစ္ဆာန်သည် ဝက်တစ်ကောင်ပင်ဖြစ်လင့်ကစား ကယ်တင်ရမည်ဟု သင်ကြား ထားသည်။
အစ္စလာမ့်နည်းကျ ဘဏ်လုပ်ငန်းများနှင့် ဘဏ္ဍာရေးလုပ်ငန်းများမှာ အရက်၊ လောင်းကစား၊ အပြာ လုပ်ငန်း၊ ဆေးရွက်ကြီး၊ လက်နက်၊ ၀က်သားနှင့် ပတ်သက်သည့် လုပ်ငန်းများအတွက် ရန်ပုံငွေ ထောက်ပံ့ခြင်း၊ ရယူခြင်းမျိုး ဆောင်ရွက်၍ မရဟု သတ်မှတ် ထားခြင်းဖြင့် မွတ်ဆလင် Society တွင် အကုသိုလ် နည်းအောင် အားထုတ်ထားသည်ကို သတိပြုလျှင်တွေ့နိုင်ပါသေးသည်။
ထိုအခါ အစ္စလာမ်ဘာသာသည် ဝက်သတ္တဝါ၏ အသက်ကို ထာဝရ (လုံးဝ) ဘေးမဲ့ ပေးထားသကဲ့သို့ အခြား ဘာသာ အသီးသီးကလည်း တိရိစ္ဆာန် တစ်ကောင်ကောင်ကို မစားသုံးကြရန် (ဟာရမ်) အဖြစ် တားမြစ် ပေးခြင်းဖြင့် ထိုသတ္တဝါကို ထာဝရ ဘေးမဲ့ ပေးပြီး အသက်ကယ်မည်ဆိုလျှင် ကောင်းလေစွဟု မတွေးကြဘဲ လူမျိုးစုံ ဘာသာစုံက အာဟာရ အဖြစ် စားသုံးရန် အမဲသားထုတ်လုပ်သော အမဲလိုင်စင်စီကို ပိတ်ခြင်းဖြင့် နွားများ၏ အသက်ကို ကယ်ကြ မည်ဆို သော အတွေးကိုယ်စီနှင့် လုပ်ဆောင်ချက်များသည် များမကြာမီ အချိန်က မြန်မာ ပြည်တွင် အသီး သီး ခေတ်စား လာကြလေ၏။ တစ်စုံတစ်ဦး၏ လုပ်ရပ်များကို ကြည့်လေ့ ရှိသလို မလုပ်သည့် အရာများ ကိုလည်း ကြည့်သင့် သည်ဆိုသော သီအိုရီအရ ဝက် လိုင်စင်စီ၊ ကြက်သား ထုတ် လုပ်ရေး လိုင်စင်စီနှင့် မွေးမြူ ရေးနှင့် ရေလုပ်ငန်း များကို အဘယ်ကြောင့် မပိတ်ကြ သနည်း ဆိုသည့် မေးခွန်းများလည်း အစီ အရီ ထွက်ပေါ်လာကြပါသည်။
ထို့အတူ အလ္လာအရှင်မြတ်သည် အစ္စလာမ် ဘာသာဝင်များ အတွက် မစားရ (ဟာရမ်) ဟု သတ်မှတ် ပြဌာန်း ထားသော ဝက် သတ္တဝါ ကို ဖန်ဆင်းခြင်းအား အဘယ်ကြောင့် လုပ်ရတာလဲ၊ ဝက်သတ္တဝါ၏ အသက် ကို အဘယ်ကြောင့် ကယ်တင်စေရ တာလဲ ဆိုတဲ့ မေးခွန်း တွေကိုလည်း အမြဲ အမေးခံရလေ့ ရှိကြသည်။
ဝက်ကို ဖန်ဆင်းခြင်းသည် စော၍ မွတ်ဆလင်များ မစားရဟု တားမြစ်မှုသည် နောက်ဆုံး တမန်တော် မုဟမ္မဒ် (ဆွ) ခေတ်ရောက်မှ အမိန့်တော် ကျရောက် ခဲ့ခြင်းဖြစ်လေသည်။
မြန်မာနိုင်ငံတွင် အစ္စလာမ် ဘာသာဝင်များ အပါအဝင် လေငန်း ဝေဒနာရှင်များကို ကုသရာတွင် သုံး သော အကြောတွင်း ထိုးဆေး Cerebrolysin (porcine brain-derived peptide) သည် ဝက်၏ ဦးနှောက်မှ ထုတ်လုပ် ထားခြင်း ဖြစ်သည်။
ဆေးပညာ သင်ကြားရာတွင် မှန်ပြောင်းဖြင့် ခွဲစိတ်ခြင်း (Laproscopic surgery) နှင့် ဒဏ်ရာများကို ပြန်ချုပ်ခြင်း (Suture) တို့ကို ဝက်၏ ခန္ဓာကိုယ် (Pig Carcass) တွင် လေ့ကျင့်ကြရပါသည်။
အကယ်၍ လိုအပ်ပါက အစ္စလာမ် ဘာသာဝင် တစ်ဦးသည် အသက်အန္တရာ ယ် ကြုံလာလို့ ရွေးချယ်စရာ မရှိရင် ဝက်၏ အသည်းဖြင့် အစားထိုး ကုသခြင်း (Liver Transplant) ကုို ခံယူခွင့်ရှိပါသည်။ ဤ အကြောင်းအရာများမှာ ကျွန်ုပ်တို့ ဥာဏ် မှီသော အလ္လာ အရှင်မြတ်မှ ဝက် သတ္တဝါ ကို ဖန်ဆင်းထားသည့် အကြောင်းရင်းများ ဖြစ်ပါသည်။
အစ္စလာမ်သည် အခြား သတ္တဝါ များစွာကိုလည်း ဘေးမဲ့ ပေးထားပါသေးသည်။
အစ္စလာမ်ဘာသာသည် ဝက်တစ်ကောင်တည်း၏ အသက်ကိုသာ ဘေးမဲ့ပေးထားခြင်း မဟုတ်ပါ၊ ရေသတ္တဝါများတွင် ငါး တစ်မျိုးတည်းကို စားသုံးကြရန် ခွင့်ပြုထားပြီး ဖါး၊ လိပ်၊ မိကျောင်း၊ ငါးမန်းနှင့် ငါးရှဥ့် စသည် တို့ကို မစားသုံးကြရန် တားမြစ်ခြင်းဖြင့် မြစ်ချောင်း အင်းအိုင်းနှင့် ပင်လယ်ပြင် တို့၏ သဘာဝကို ထိန်းသိမ်း ထားပါသေးသည်။
ထို့အပြင် အင်း ဆက် ပိုးကောင် မျိုးမျိုး၊ မြည်း၊ လား၊ ခွေး၊ ဝံပလွေ၊ ကျား၊ ခြင်္သေ့၊ မြွေနှင့် ကြွက်တို့ အပြင် အစားအစာကို ခြေ ထောက်ဖြင့် နင်း၍၊ ကုပ်ယူ၍ စားသောက်သော စွန်၊ လင်းယုန်၊ သိမ်းငှက်နှင့် ဠင်းတ တို့၏ အသားကို မစား သုံးရန် (ဟရမ်) အဖြစ် တားမြစ် ထားခြင်းဖြင့် သဘာဝ ပတ်ဝန်းကျင် (Natural Enviroment) နှင့် ဂေဟစနစ် (Ecosystem) ကို ထိန်းသိမ်း ထားသလို ထိုသတ္တဝါများ၏ အသက် များကို ထာဝရ ဘေးမဲ့ ပေးထားပါသေး ကြောင်း တင်ပြလိုက်ရပါသည်။
မောင်သမာဓိ
