စက်တင်ဘာ ၊ ၁၃ ၊ ၂၀၁၅
M-Media
ဆောင်းပါးရှင်- သူရမင်းမင်း
ကုလားမနိုင် ရခိုင်မဲဆိုတဲ့ ဆိုရိုးကို အပြီးပြောင်းရတော့မယ်။ NLD မနိုင် ကုလားမဲ၊ NLD လည်း ကုလားမဲဆိုပြီး။
NLD က မွတ်စလင်မ် အမတ်လောင်းအားလုံးကို ပယ်ချလိုက်တဲ့ ကိစ္စကို အဓိပ္ဗါယ်ကောက်ကြည့်ရအောင်။ မွတ်စ လင်မ်တွေ ကိုးလို့ ကန့် လန့် ဖြစ်နေလို့ ၊ မွတ်စလင်တွေကြောင့် ရွေးကောက်ပွဲ ရှုံးမှာစိုးလို့  မွတ်စလင်မ် အမတ်လောင်းတွေကို လက်မခံဘူးဆိုရင် မွတ်စလင်မ်တွေကြောင့် NLD က နစ်နာသလိုဖြစ်နေတယ်။ တကယ်တော့ မွတ်စလင်တွေကြောင့် NLD ထိခိုက်တာမဟုတ်ပါဘူး။ NLD ကြောင့် မွတ်စလင်မ်တွေ နစ်နာနေတာပါ။ အဓိပ္ဗါယ်ကောက် မလွဲမှားစေလိုပါ။ NLD လုပ်လို့  မွတ်စလင်တွေ နစ်နာတယ်လို့  ဆိုလိုတာ မဟုတ်၊ NLD ကို တိုက်ခိုက်တဲ့ ကိစ္စမှာ မွတ်စလင်တွေ အသုံးချခံရလို့  နစ်နာတယ်လို့ ပြောတာပါ။
၂၀၁၂ ခုနှစ်ကစတဲ့ ရိုဟင်ဂျာတွေကို ဆန်ကျင်သတ်ဖြတ်မှုနဲ့ မွတ်စလင်မ် ဆန့် ကျင်ရေးတွေက တကယ်တော့ မွတ်စလင်မ်တွေကို ပြစ်မှတ်ထားတာ မဟုတ်ပါဘူး။ ဒေါ်အောင်ဆန်းစုကြည်ကို အဓိက ပြစ်မှတ်ထားတာပါ။ ဒေါ်စုကို သမ္မတ မဖြစ်စေချင်တဲ့အတွက် ဒေါ်စု နိုင်ငံခြားသားနဲ့  လက်ထပ်တဲ့ကိစ္စ၊ သူ့ သားနှစ်ယောက် နိုင်ငံခြားသားဖြစ်နေတဲ့ ကိစ္စကို ဒေါ်စုရဲ့  အဓိက အားနည်းချက်အနေနဲ့ ထိထိမိမိ အသုံးချတဲ့နေရာမှာ နိုင်ငံခြားသားနဲ့ ပတ်သက်မှုကို အမျိုး၊ ဘာသာ၊ သာသနာ နဲ့  ဆွဲချိတ်ပြီး ဒေါ်စုဟာ အမျိုး၊ ဘာသာ၊ သာသနာ အတွက် အန္ထရယ်ဖြစ်တယ်ဆိုပြီး တိုက်ခိုက်ဖို့ လုပ်တာပါ။ ဒါပေမဲ့ ဒေါ်စုကိုယ်တိုင်က ဗုဒ္ဓဘာသာကို ကိုင်းရှိုင်းသူဖြစ်တော့ သူ့ ကို ဗုဒ္ဓဘာသာရဲ့  ရန်သူဆိုပြီး တိုက်ရိုက်ချိတ်လို့ မရနိုင်တဲ့အတွက် မွတ်စလင်မ် မုန်းတီးရေးကိစ္စ ပြည်သူတွေကြားထဲပြန့် အောင်လုပ်ပြီး အဲ့ဒီကနေ တဆင့်ကမှ မွတ်စလင်မ်တွေကို ထောက်ခံတဲ့ ဒေါ်စုနဲ့  NLD ဆိုပြီး ပြည်သူတွေကြား ထောက်ခံမှုကျအောင် ညစ်ပတ်တဲ့ နည်းတဲ့ လုပ်ကြံတဲ့ကိစ္စပါ။
ဒါကြောင့်မလို့  မွတ်စလင်မ်တွေဟာ NLD အတွက် အသုံးချခံရတဲ့ အုပ်စုဖြစ်ပါတယ်။
အစိုးရက မွတ်စလင်မ်တွေကို ပြစ်မှတ်ထားစရာအကြောင်းမရှိပါဘူး။ ဘာကြောင့်လဲဆိုရင် အစိုးရနဲ့  စစ်တပ်ရဲ့ အာဏာကို အဓိက စိန်ခေါ်တိုက်ခိုက်နေတာ မွတ်စလင်မ်တွေ မဟုတ်ပါဘူး။ အစိုးရနဲ့  စစ်တပ်အတွက် သူကြောက်ရတဲ့ ရန်သူက ရခိုင်ပြည်ကနေ ရန်ကုန်တောင်မပြောနဲ့ ကိုယ်နေတဲ့ရွာကနေ တခြားရွာကိုတောင် လွတ်လွတ်လပ်လပ် ခရီးမသွားနိုင်တဲ့ ရိုဟင်ဂျာတွေ မဟုတ်ပါဘူး။ တိုင်းရင်းသားတွေလို လက်နက်ကိုင်အဖွဲ့ အစည်းမရှိတဲ့ မွတ်စလင်တွေကို အစိုးရက စိုးရိမ်စရာ မရှိလို့  နှိပ်ကွပ်ဖို့ လည်း မလိုပါဘူး။
ခေါင်းရှိတဲ့လူတိုင်း စဉ်းစားလို့ ရတဲ့ကိစ္စပါ။ အာဏာရှင် အစိုးရက သူ့ အာဏာထိုင်ခုံကို ခြိမ်းခြောက်နိုင်တဲ့ NLD လို ၊ တိုင်းရင်းသား စစ်တပ်တွေလို အဖွဲ့ အစည်းထက် မွတ်စလင်မ်တွေကို ဘာကြောင့် ဖိနှိပ်ထားချင်ရမှာလဲ။ တပြည်လုံး ငြိမ်ဝပ်ပိပြားပါတယ်ဆိုတဲ့ ကာလမှာ မြန်မာ မွတ်စလင်မ် လူအဖွဲ့အစည်းက တွေက ငြိမ်ဝပ်ပိပြားထက်ပိုပြီး ပိပြားခြောက်ကပ်နေတဲ့ အနေအထားမှာရှိတယ်။ နိုင်ငံရေးပါတီ လည်းမရှိ၊ စစ်တပ်လည်းမရှိ၊ မီဒီယာလည်းမရှိ၊ နိုင်ငံတကာ အသိအမှတ်ပြု နိုင်ငံရေးခေါင်းဆောင် ဆိုတာလည်း မရှိ။ သူ့ အာဏာ သူ့ ထိုင်ခုံကို မထိခိုက်နိုင်တဲ့ အုပ်စုကို အဓိက ပြစ်မှတ်ထားစရာ မလိုပါဘူး။ သူ့ ထက်စိုးရိမ်စရာကောင်းတဲ့ NLD ကသာလျှင် သူ့ အတွက် ရန်သူ နံပတ် ၁ ပါ။
သူ့ ရန်သူ နံပတ် ၁ ကို ဗုဒ္ဓဘာသာ အမျိုးသားရေးနဲ့  လှည့်တိုက်ရင် ခေါင်းထောင်နိုင်မှာ မဟုတ်ဘူးဆိုတဲ့ တွက် ချက်မှုနဲ့ NLD ကို တိုက်ဖို့  မွတ်စလင်မ်တွေကို ခုတုံးလုပ်တာပါပဲ။ မွတ်စလင်မ်တွေကို နိုင်ငံခြားသားတွေ၊ ဗုဒ္ဓဘာသာနိုင်ငံရဲ့ ရန်သူတွေလို့ လူမမုန်း မုန်းအောင်လုပ်၊ ပြီးတော့ ဒေါ်စုနဲ့  NLD ဟာ ကုလားရှေ့ နေပါတီ ဆိုပြီး စွပ်စွဲပြီး NLD မဲရှုံးအောင် ရည်ရွယ်တဲ့အကွက်ပါ။
ဒါကြောင့် NLD မနိုင် ကုလားမဲလို့ ဆိုသင့်တာ။
NLD ကလည်း ကုလား ကိုလိုက်မဲပါတယ်။ မွတ်စလင်အများစု နေထိုင်ရာ မဲဆန္ဒနယ်မြေတွေရဲ့ အမတ်လောင်း စာရင်းထဲမှာ မွတ်စလင်မ် အမတ် တယောက်မှ မထည့်ထားပါဘူး။ အကုန်လုံးဖြုတ်ချခဲ့ပါတယ်။ ဒါဟာ မွတ်စလင်မ် လူထု တရပ်လုံးကို လျစ်လျူရှူတာပါပဲ။ မဘသ အစွန်းရောက်အဖွဲ့ ရဲ့ မတရားတဲ့ လုပ်ရပ်ကို ဒီမိုကရေစီစံနှုန်းနဲ့ အညီ အံတုဖို့ နေနေသာသာ ပါတီဦးဆောင်တည်ထောင်သူမှာပါဝင်ခဲ့တဲ့ မြန်မာမွတ်စလင်တွေ၊ သမိုင်းတလျောက်လုံး ပါတီကို ဝန်းရံခဲ့တဲ့ မွတ်စလင်တွေမျက်နှာကိုထောက်ပြီး အားနာပါးနာနဲ့  မွတ်စလင်မ် အမတ် တယောက်တလေ တောင် ထည့်မထားပါဘူး။
တချို့ ကတော့ ပြောတယ်၊ မွတ်စလင် အမတ်မပါပေမဲ့ ရွေးကောက်ပွဲ အနိုင်ရရင်တော့ လူနည်းစု အခွင့်အရေးအတွက် ဒီမိုကရေစီနဲ့ အညီဖြစ်နိုင် ပါတယ်တဲ့။ ရွေးကောက်ပွဲ မနိုင်ခင်ကတည်းက ခွပ်ဒေါင်းအရောင်ပြပြီးနေပါပြီ။ မွတ်စလင်မ် အမတ် တယောက်တလေ ပါရင်တောင် ဖြေသိမ့်နိုင်ပါသေးတယ်။ မျှော်လင့်ချက်ထားနိုင်ပါသေးတယ်။ ဘယ်လိုပဲဖြစ်ဖြစ် ရွေးကောက်ပွဲ မတိုင်ခင်တောင် လူနည်းစု အခွင့်အရေးကို ကာကွယ်ပေးဖို့ ကတိမပေး၊ တန်းတူညီမျှရေး အတွက် မျှော်လင့်ချင် မပေးနိုင်တဲ့ ပါတီကို ရွေးကောက်ပွဲပြီးရင် မျှော်လင့်နိုင်ပါ့အုံးမလား။ ဒါကြောင့် NLD ကို မဲ ပေးသင့် မပေးသင့်ဆိုတာ မြန်မာမွတ်စလင်မ် ပြည်သူတွေ အနေနဲ့  အလေးအနက် စဉ်းစားသင့်ပါတယ်။
မှတ်ချက် – ဆောင်းပါးရှင်၏ အမြင်နှင့် အာဘော်သာဖြစ်သည်။
က ကစားရခက်တဲ့ ခရစ္စတယ်ပဲလေ့စ်ကို အဝေးကွင်းမှာ နောက်ဆုံးမိနစ်ဂိုးနဲ့ အနိုင်ရခဲ့ပြီး ရာနှုန်းပြည့် နိုင်ပွဲစံချိန်ကိုဆက်ထိန်းကာ ဇယားကို ဦးဆောင်နေပါတယ်။ ရှုံးပွဲမရှိသေးတဲ့ လက်စတာကလည်း အက်စတွန်ဗီလာကို အိမ်ကွင်းမှာ ၂ ဂိုးပြတ်ရှုံးနိမ့်နေရာကနေ နောက်ဆုံး မိနစ် ၂၀ အတွင်းမှာ ၃ ဂိုးပြန်သွင်းပြီး သူတို့ရဲ့ ပုံစံကောင်းကို ဆက်ထိန်းထားနိုင်ခဲ့ပါတယ်။
