စက်တင်ဘာ ၉၊ ၂၀၁၅
M-Media
– ပြီးခဲ့သည့်လက ဘန်ကောက်မြို့ရှိ ဧရာဝဏ်နတ်ကွန်း ဗုံးပေါက်ကွဲမှုတွင် အဓိကကြိုးကိုင်သူမှာ ပေါက်ကွဲမှုမဖြစ်ခင်တွင် နိုင်ငံမှ ထွက်ပြေးသွားပြီး ရဲတပ်ဖွဲ့က အလိုရှိနေသည့် အခြားသူများမှာလည်း နိုင်ငံရပ်ခြားတွင်ပင် ဖြစ်နိုင်သည်ဟု စုံစမ်းစစ်ဆေးသူများ၏ ရင်းမြစ်များမှ သိရသည်။
အဆိုပါဖောက်ခွဲမှု သံသယဖြင့် ဖမ်းဆီးခံထားရသည့် နိုင်ငံခြားသား ၂ ဦးထဲမှ တစ်ဦးမှာ ရဲတပ်ဖွဲ့၏ စစ်ကြောမေးမြန်းမှုအတွင်း ဘန်ကောက်ရှိ ဘူတာရုံတစ်ခု၌ အခင်းဖြစ်သည့် သြဂုတ်လ ၁၇ ရက်နေ့ ညနေပိုင်းတွင် အဓိကတရားခံကို ဗုံးပါသည့် ကျောပိုးအိတ် ပေးခဲ့သည်ဟု ၀န်ခံခဲ့သည်။
ရဲတပ်ဖွဲ့မူ အဓိကတရားခံမှာ လုံခြုံရေးကင်မရာ၌ ဗုံးပါသည့်ကျောပိုးအိတ် ချထားသည်ကို မြင်ရသည့် အင်္ကျီအ၀ါရောင်နှင့် အမျိုးသား ဖြစ်ရမည်ဟု ယုံကြည်နေသည်။ အဆိုပါ ဗုံးကွဲမှုကြောင့် လူ ၂၀ သေဆုံးခဲ့ပြီး ၁၃၀ ဒဏ်ရာရရှိခဲ့သည်။
“သံသယူရှိသူကတော့ အိတ်ထဲမှာ ဘာပါလဲဆိုတာ မသိဘူးလို့ အခိုင်အမာပြောပါတယ်” ဟု စုံစမ်းစစ်ဆေးမှုတွင် ပါဝင်သူတစ်ဦးက ပြောကြားခဲ့သည်။
အခြားရဲတပ်ဖွဲ့ ရင်းမြစ်တစ်ခုကမူ စစ်ကြောမှုတွင် အဆိုပါအမျိုးသားမှာ ပေါက်ကွဲမှုအား ခေါင်းဆောင်သူမှာ အီဇန်ဆိုသူဖြစ်ပြီး အခင်းမဖြစ်ပွားခင် တစ်ရက်က ဘန်ကောက်လေဆိပ်မှ ထွက်ခွာသွားသည်ဟု ပြောကြားခဲ့သည်။ ထို အီဇန်ဆိုသူမှာ ဖောက်ခွဲမှုတွင် ပါဝင်သူများအား တွေ့ဆုံခဲ့ပြီး တာဝန်အသီးသီး သတ်မှတ်ပေးခဲ့သည်ဟု ဆိုသည်။
“သူ့ရဲ့ထွက်ဆိုချက်ကနေ အီဇန်ဟာ အဓိကကြိုးကိုင်သူလို့ ကျွန်တော်တို့ သိခဲ့ရပါတယ်။ ဒါပေမယ့် သူကတော့ နိုင်ငံအတွင်းမှာ မရှိတော့ပါဘူး။ နောက်ပြီး ကျွန်တော်တို့ ဖမ်းဝရမ်းထုတ်ထားတဲ့ အခြားသူတွေကလည်း နိုင်ငံခြားရပ်ခြားကို ထွက်သွားခဲ့တဲ့ ပုံစံပါပဲ” ဟု အဆိုပါ ရဲရင်းမြစ်က ပြောကြားခဲ့ပြီး မည်သည့်နိုင်ငံသားဖြစ်သည်ဆိုသည်နှင့် မည်သည့်နေရာကို သွားသည်ဆိုသည်ကို ပြောကြားခဲ့ခြင်း မရှိပေ။
ရဲတပ်ဖွဲ့မှ ရင်းမြစ် ၃ ခုကမူ ၎င်းတို့မှာ မီဒီယာသို့ စကားပြောခွင့်မရှိဟုဆိုကာ ထိုသတင်းအား အတည်ပြုရန် ငြင်းဆိုခဲ့သည်။ နိုင်ငံ၏သမိုင်းတွင် လူအသေအပျောက်အများဆုံး တိုက်ခိုက်မှုဖြစ်သော ထိုကိစ္စကို ကိုင်တွယ်ပုံနှင့်ပတ်သက်၍ ထိုင်းရဲတပ်ဖွဲ့အား ဝေဖန်မှုများ ရှိနေသည်။
Ref: channelnewsasia
