စက်တင်ဘာ ၁၀၊ ၂၀၁၅
M-Media
– အမေရိကန်ပြည်ထောင်စုတွင် ကျင်းပပြုလုပ်လျက်ရှိသည့် ယူအက်စ်အိုးပင်း တင်းနစ်ပြိုင်ပွဲ အမျိုးသား ကွာတားဖိုင်နယ်ပွဲစဉ်များတွင် ထိပ်တန်း ကစားသမားများဖြစ်သော ဂျိုကိုဗစ်၊ ဖက်ဒါရာနှင့် ၀ါဝရင်ကာတို့ အနိုင်ရရှိခဲ့သည်ဟု သိရသည်။
ကမ္ဘာ့နံပါတ် ၁ ဂျိုကိုဗစ်မှာ နိုင်ခြေအဆင့် ၁၈ ရ စပိန်တင်းနစ်သမား ဖီလီစီယာနို လိုပက်ဇ်နှင့် တွေ့ဆုံခဲ့ပြီး လိုပက်ဇ်၏ စပေးဘောများနှင့် ဗောလီရိုက်ချက်များက ဂျိုကိုဗစ်အား အကောင်းဆုံး ဒုက္ခပေးနိုင်ခဲ့သည်။
ပထမပွဲငယ်တွင် ၆-၁ ဖြင့် ဂျိုကိုဗစ်က အပြတ်အသတ် အနိုင်ရခဲ့သော်လည်း ဒုတိယပွဲငယ်တွင် လက်ရည်တက်လာသော လိုပက်ဇ်ကို ၆-၃ ဖြင့် ပြန်လည်ရှုံးနိမ့်ခဲ့သည်။ သို့သော်လည်း တတိယပွဲငယ်တွင် ၆ -၃ ဖြင့် အနိုင်ကစားခဲ့ပြီး စတုတ္ထပွဲငယ်တွင်လည်း တိုင်းဘရိတ်အထိရိုက်ကာ ၇-၆ ဖြင့် အနိုင်ရခဲ့သောကြောင့် ဂျိုကိုဗစ်မှာ ဆီမီးဖိုင်နယ်သို့ တက်ရောက်နိုင်ခဲ့သည်။
သြစတေးလျအိုးပင်းနှင့် ၀င်ဘယ်လ်ဒန်တို့တွင် အနိုင်ရဗိုလ်စွဲခဲ့သည့် ဂျိုကိုဗစ်မှာ ယခုနှစ်အတွင်း တတိယမြောက် ဂရန်စလမ်ဆုဖလားအား ဆွတ်ခူနိုင်ရန် နီးစပ်လာပြီဖြစ်သည်။
အခြား ကွာတားဖိုင်နယ်ပွဲဖြစ်သည့် ဆွစ်ဇာလန်မှ ရော်ဂျာဖက်ဒါရာနှင့် ပြင်သစ်မှ ဂက်စ်ကတ်တို့၏ ပွဲတွင် ဖက်ဒါရာက ၆-၃၊ ၆-၃၊ ၆-၁ ဖြင့် အနိုင်ရရှိခဲ့ပြီး ဆီမီးဖိုင်နယ်သို့ တက်နိုင်ခဲ့သည်။ ထိုသို့ တက်ရောက်နိုင်ခြင်းမှာ ဖက်ဒါရာ၏ ဂရန်းစလမ်ပြိုင်ပွဲ ဆီမီးဖိုင်နယ်သို့ ၃၈ ကြိမ်မြောက် တက်ရောက်နိုင်ခြင်းလည်း ဖြစ်သည်။
အခြား ဆွစ်ဇာလန် တင်းနစ်အကျော်အမော် စတန်ဝါ၀ရင်ကလည်း စတုတ္ထအဆင့်တွင် နာမည်ကြီး အန်ဒီမာရေးအား ဖြုတ်ချနိုင်ခဲ့သည့် စတီဗင်အန်ဒါဆန်ကို ၆-၄၊ ၆-၄၊ ၆-၀ ဖြင့် အနိုင်ရရှိခဲ့သည်။
ဂျိုကိုဗစ်မှာ လက်ရှိချန်ပီယံ စီလစ်နှင့် ဆီမီးဖိုင်နယ်တွင် တွေ့ဆုံရမည်ဖြစ်ပြီး၊ ဖက်ဒါရာက တစ်နိုင်ငံတည်းသား ၀ါဝရင်ကာနှင့် ရင်ဆိုင်ရမည်ဖြစ်သည်။
Ref: Dialymail
