သြဂုတ် ၂၆၊ ၂၀၁၅
M-Media
– မလေးရှားမှ အမျိုးသမီး ပေါ့အဆိုတော်တစ်ဦးမှာ အစ္စလာမ်သို့ ပြောင်းလဲသက်ဝင်ခဲ့ပြီး ကွာလာလမ်ပူရှိ ASTRO All Asia Broadcast Centre တွင် သြဂုတ်လ ၂၅ ရက် အင်္ဂါနေ့က သတင်းစာရှင်းလင်းပွဲ ပြုလုပ်ကာ တရားဝင်ကြေညာခဲ့သည်။
“ဟုတ်ပါတယ်။ ကျွန်မ အစ္စလာမ်ကို မနေ့က တရားဝင် ပြောင်းလဲသက်ဝင်ခဲ့ပါတယ်။ အဲဒီနေ့ဟာ ကျွန်မဘ၀ရဲ့ အပျော်ဆုံးနေ့ပါပဲ” ဟု စတေစီ အေအက်ဖ်ဟု အမည်တွင်သည့် ပေါ့အဆိုတော် စထရာစီ အန်ဂီ အေနမ်က ပြောကြားခဲ့သည်။
ဟိဂျဘ်ဝတ်ဆင်ထားသည့် စထရာစီ ရှာဟာဒါ (အစ္စလာမ်သို့ သက်ဝင်ကြောင်း သက်သေခံချက်) ထွက်ဆိုနေသော ဗီဒီယိုမှာ ဆိုရှယ်မီဒီယာတွင် ပြန့်နှံ့ခဲ့ပြီးနောက် ၎င်း၏သတင်းနှင့်ပတ်သက်၍ ကောလဟာလများ ထွက်ပေါ်လာခဲ့သည်။
စထရာစီမှာ နိုင်ငံတောင်ပိုင်း ဂျိုဟိုးမြို့ရှိ ဂျိုဟိုးဘာရူးပြည်နယ် အစ္စလာမ့်ရေးရာ ရုံးခန်းတွင် အစ္စလာမ်သို့ တရားဝင် ပြောင်းလဲသက်ဝင်ခဲ့ခြင်းဖြစ်ကာ ၎င်း၏ သာသနာ့ဘွဲ့အမည်ကို အွမ်မူ ဆိုင်ယေခါ ဘင်တီ အေနမ်ဟု မှည့်ခေါ်ခဲ့သည်။
သတင်းစာရှင်းလင်းပွဲတွင် ၎င်း၏ မိဘနှစ်ပါးစလုံးမှာ ဘေးနားတွင် ရှိနေခဲ့သည်။ အသက် ၂၅ နှစ်အရွယ် ရှိပြီဖြစ်သည့် ထရာစီမှာ သီချင်းအလ်ဘမ် ၄ ခု ထွက်ရှိထားပြီး ၎င်း၏ အယူဝါဒ ပြောင်းလဲသက်ဝင်မှုနှင့်ပတ်သက်၍ ပရိတ်သတ်များက မေးခွန်းမထုတ်ရန် မျှော်လင့်နေသည်။
“အရင်က ကျွန်မဟာ ခရစ်ယာန်တစ်ဦးပါ။ အဲဒီအတွက်လည်း ကျွန်မ ဂုဏ်ယူခဲ့ပါတယ်။ ဒါပေမယ့် ဒါက စိတ်နှလုံးသား ကိစ္စပါ။ ပြီးတော့ ကျွန်မဟာ အစ္စလာမ်ကို မြတ်နိုးတွယ်တာမိခဲ့ပါပြီ။ အစ္စလာမ်ကိုလက်ခံဖို့ ကျွန်မရဲ့ နှလုံးသည်းပွတ်ကိုက အဆင်သင့်ဖြစ်နေပါပြီ။ လူတိုင်းက ဒါကို လေးစားမယ်လို့လည်း ကျွန်မ မျှော်လင့်ပါတယ်”
ကောလဟာလ
ထရာစီမှာ ကျော်ကြားသည့် အစ္စလာမ်ဘာသာဝင် မင်းသား အကင်မ် အဟ်မဒ်နှင့် ချစ်ကျွမ်းဝင်နေပြီး အဟ်မဒ်နှင့်လက်ထပ်ရန်အတွက် ထိုကဲ့သို့ ဘာသာပြောင်းခြင်းဖြစ်သည်ဟု ကောလဟာလများ ထွက်ပေါ်နေခြင်းအပေါ် ၎င်းက ငြင်းဆိုခဲ့သည်။
“ရိုးရိုးသားသားပြောရရင် ဒါဟာ မမှန်ပါဘူး။ ကျွန်မ အကင်မ်နဲ့ လက်ထပ်ဖို့ အစီအစဉ်မရှိသေးပါဘူး။ လက်ထပ်ချင်လို့ ဘာသာပြောင်းတယ်ဆိုရင် မင်္ဂလာဆောင်ရက် သတ်မှတ်ပြီးမှ လုပ်မှာပေါ့။ မွတ်စလင်တစ်ယောက်ဖြစ်ရတာ တော်တော်တာဝန်ကြီးပါတယ်။ သင်ဖို့လိုတာတွေ အများကြီးရှိတယ်။ ဒါ့ကြောင့် အခု ကျွန်မရဲ့အာရုံစိုက်မှုက မွတ်စလင်အမျိုးသမီးကောင်းတစ်ယောက်ဖြစ်ဖို့အတွက် လေ့လာသင်ယူဖို့ပါပဲ” ဟု စထရာစီက ထည့်သွင်းပြောကြားခဲ့သည်။
သို့သော်လည်း သူမ ရှဟာဒါထွက်ဆိုနေသည်ကို ခွင့်ပြုချက်မရှိဘဲ ဗီဒီယိုရိုက်ကူးခဲ့ပြီး ဆိုရှယ်မီဒီယာတွင် ဖြန့်ဝေခဲ့မှုအတွက် စိတ်ကသိကအောက်ဖြစ်ရသည်ဟု စထရာစီက ဆိုသည်။
“သတင်းကောင်းကို ဖုံးကွယ်ချင်လို့ မဟုတ်ပါဘူး။ ဒါပေမယ့် ဒါက ကျွန်မရဲ့ ကိုယ်ရေးကိုယ်တာကိစ္စဖြစ်ပြီး ကျွန်မ အစ္စလာမ်ကိုပြောင်းလဲသက်ဝင်တာကို ကျွန်မရဲ့မိသားစုဝင်အချို့က မသိသေးပါဘူး။ ဒီဓာတ်ပုံနဲ့၊ ဗီဒီယိုတွေကို မြင်တဲ့အခါ သူတို့ ဘယ်လိုခံစားရမလဲဆိုတာ စဉ်းစားကြည့်ပါ။ ဒီခဏတာဟာ မြင့်မြတ်တဲ့ အချိန်အခါဖြစ်ပြီး ကျွန်မနဲ့ ဘုရားသခင်ကြားက အထူးကာလလေးပါ။ ဒါ့ကြောင့် တစ်ယောက်ယောက်က ဒါကို ရိုက်ကူးပြီး ကျွန်မရဲ့ သဘောတူညီချက်မရဘဲ ဖြန့်ဝေတာဟာ စိတ်ပျက်စရာပါပဲ။ သစ်လွင်မွတ်စလင်ဖြစ်တဲ့ ကျွန်မ သူ့ကို ခွင့်လွှတ်လိုက်ပါတယ်”
Ref: Onislam
