သြဂုတ် ၂၂၊ ၂၀၁၅
M-Media
– ဗလီဝတ်ကျောင်းတော်များမှာ ဖွံ့ဖြိုးတိုးတက်ရေးနှင့် ပရဟိတလုပ်ငန်းများ ဆောင်ရွက်ရာနေရာ ဖြစ်သင့်ပြီး နိုင်ငံရေးပါတီများ ကြီးစိုးသည့် နေရာမဖြစ်သင့်ဟု အီရန်သမ္မတ ဟာဆန်ရူဟာနီက ပြောကြားလိုက်သည်။
ယမန်နေ့က အီရန်နိုင်ငံ မြို့တော်တီဟီရန်တွင် ပြုလုပ်ခဲ့သည့် “ကမ္ဘာ့ဗလီဝတ်ကျောင်းတော်များနေ့” အဖွင့်မိန့်ခွန်းတွင် ရူဟာနီက ထိုကဲ့သို့ ပြောကြားခဲ့ခြင်းဖြစ်သည်။ ထို့ပြင် ဗလီဝတ်ကျောင်းတော်များမှာ တိုင်းပြည်၏ အဓိက လူမှုရေးနှင့် နိုင်ငံရေးပြဿနာများ၊ ဒေသတွင်းနှင့် နိုင်ငံတကာဖွံ့ဖြိုးရေးလုပ်ငန်းများ၊ အစ္စလာမ်ကမ္ဘာတွင်ရင်ဆိုင်နေရသော ပြဿနာများနှင့် မွတ်စလင်များပေါ် ခြိမ်းခြောက်နေသည့် အသိဥာဏ်ကင်းမဲ့မှု အန္တရာယ်များကို ဆွေးနွေးရာနေရာများလည်း ဖြစ်သင့်သည်ဟု ၎င်းက
ထည့်သွင်းပြောကြားခဲ့သည်။
အဆိုပါ ဗလီဝတ်ကျောင်းတော်များနေ့ကို ပါလက်စတိုင်းရှိ အလ်အက်ဆွာ ဗလီဝတ်ကျောင်းတော် မီးရှို့ခံရသည့် ၁၉၆၉ ခုနှစ် သြဂုတ် ၂၁ ရက်နေ့ကို အစွဲပြု၍ ကျင်းပခဲ့ခြင်းဖြစ်သည်။ ရူဟာနီကလည်း ၎င်း၏ မိန့်ခွန်းတွင် အလ်အက်ဆွာ ဗလီဝတ်ကျောင်းတော် မီးရှို့ခံရမှုကို မေ့ပစ်၍မရဟု ပြောကြားခဲ့သည်။
ထို့ပြင် ထိုကဲ့သို့မီးရှို့မှုမှာ ဇီယွန်အာဏာရှင်များ၏ အတင်းအဓမ္မ သိမ်းပိုက်သည့် သရုပ်မှန်ကို ဖော်ပြခြင်းဖြစ်ပြီး မွတ်စလင်များအနေဖြင့် မိမိတို့၏ အမှတ်သညာကို ထိန်းသိမ်းရေး အသိ၊ သတိရှိကြရန်လည်း တိုက်တွန်းခဲ့သည်။
“ဒီအဖြစ်အပျက်က ဇီယွန်အာဏာရှင်တွေဟာ အပြစ်မဲ့အမျိုးသမီးတွေနဲ့ ကလေးတွေကို သတ်ဖြတ် မုဒိမ်းကျင့်ရုံတင်မက၊ မွတ်စလင်တွေရဲ့ ပထမဆုံးမျက်နှာမူရာနဲ့ အခြားသော ဘာသာတရားတွေက အကြွင်းမဲ့အလေးထားရာ ဒီ ဗလီဝတ်ကျောင်းတော်ကို မလေးစားဘူးဆိုတာကိုလည်း ဖော်ပြနေပါတယ်” ဟု ရူဟာနီက ပြောကြားခဲ့သည်။
အဆိုပါ “ကမ္ဘာ့ဗလီဝတ်ကျောင်းတော်များနေ့” ကို နိုင်ငံရပ်ခြားမှ သံတမန်များ၊ အီရန်လွှတ်တော်အမတ်များနှင့် ရှေ့ဆောင်အီမာမ်များ တက်ရောက်ခဲ့ကြသည်။
Ref: Mehrnews
