သြဂုတ် ၁၈ ၊ ၂၀၁၅
M-Media
လေးမောင် ဘာသာပြန်သည်။
– သားနှစ်ဦးထဲတွက် မည်သူက အသက်ရှင်ရမည်၊ မည်သူက သေရမည်ဟု ရွေးချယ်ရမည်ဆိုခြင်းမှာ မည်သည့်မိခင်ကမှ စဉ်းစား၍ပင် မရသော ဆုံးဖြတ်ချက်မျိုး ဖြစ်သည်။
ထိုရွေးချယ်မှုကို အသက် ၅၁ နှစ်အရွယ် လီယန် ရွန်ဟွာတစ်ယောက် ယခုနှစ်အစောပိုင်းတွင် ကြုံတွေခဲ့ရသည်။
သူမ၏ သားနှစ်ဦးစလုံးက ယူရေးမီးယား ရောဂါကို ခံစားနေရသည်။ ကျောက်ကပ်ပျက်ဆီးစေသည့် ရောဂါမျိုးဖြစ်သည်။ သို့သော်လည်း ၎င်းတို့ထဲမှ တစ်ဦးကသာ မိခင်၏ ကျောက်ကပ်တစ်ခြမ်းကို ရရှိနိုင်မည်ဖြစ်သည်။ ဖခင်က သွေးတိုးရောဂါရှိသည့်အတွက် ကျောက်ကပ်ကို မလှူနိုင်။
၎င်းတို့ မိသားစုနေထိုင်သည့် တိုက်ခန်းငယ်လေးတွင် မစ္စစ် လီယန်တစ်ယောက် ထိုအချိန်နှင့်ပတ်သက်၍ ပြောပြရန် အားတင်းနေရသည်။
“ဘာ့ကြောင့် ကျွန်မသား နှစ်ယောက်စလုံးက နေမကောင်းဖြစ်နေလဲဆိုတာ ကျွန်မ မသိပါဘူး” ဟု သူမက ပြောကြားခဲ့ပြီး မျက်နှာပေါ်တွင်တော့ မျက်ရည်များ စီးတွေကြလာသည်။
အဆုံးမှာတော့ သူမအတွက် ဆုံးဖြတ်ချက်က ရောက်လာသည်။ အသက် ၂၆ နှစ်အရွယ် သားကြီး လီဟိုင်ကွင်းက အသက် ၂၄ နှစ်အရွယ် သားငယ် ဟိုင်စွန်းကသာ မိခင်၏ ကျောက်ကပ်ကို ရသင့်သည်ဟု ဆုံးဖြတ်ခဲ့သည်။
“သူက ပိုငယ်တယ်၊ ပြီးတော့ ပြန်ကောင်းလာဖို့ အခွင့်အလမ်း ပိုရှိတာကြောင့် ညီလေးကို ကျွန်တော် ကျောက်ကပ်ပေးချင်တာပါ။ တကယ်တော့ သိပ်နောက်မကျခင် ကျွန်တော် ကျောက်ကပ်ရဖို့ မျှော်လင့်ပါတယ်။ ဒါပေမယ့် ကျွန်တော်မရခဲ့ရင် ကျောက်ကပ် ဆက်ဆေးနေဖို့ လိုအပ်ပါလိမ့်မယ်” ဟု ဟိုင်ကွင်းက ပြောကြားခဲ့သည်။ ဟိုင်းကွင်းမှာ ထိုရောဂါကြောင့် ဆေးကျောင်းတက်နေမှုကိုလည်း စွန့်လွှတ်ခဲ့ရသည်။
သို့သော်လည်း တရုတ်နိုင်ငံတွင် ခန္ဓာကိုယ် အစိတ်ပိုင်းလှူဒါန်းမှု ပြတ်တောက်မှုကြောင့် ဟိုင်ကွင်းအတွက် အစားထိုးကုမှု အခွင့်အရေးများမှာလည်း မှေးမှိန်နေသည်။
တရုတ်နိုင်ငံမှာ ခန္ဓာကိုယ်အစိတ်အပိုင်း လိုအပ်ချက်ကို ပြည့်မီစေရန်အတွက် သေဒဏ်ကျခံနေရသော အကျဉ်းသားများ၏ အစိတ်အပိုင်းများကို နှစ်များစွာကြာ ထုတ်ယူသုံးစွဲခဲ့သည်။
ထိုလုပ်ရပ်အတွက် နိုင်ငံတကာအသိုင်းအ၀ိုင်းက ရှုတ်ချခဲ့ပြီးနောက် တရုတ်နိုင်ငံက ထိုလုပ်ရပ်ကို ယခုနှစ်အစပိုင်းမှစ၍ အဆုံးသတ်တော့မည်ဟု ကြေညာခဲ့သည်။ သို့သော်လည်း ထိုကြေညာမှုကိုလိုက်နာရန်မှာ ခက်ခဲလိမ့်မည်ဟု တာဝန်ရှိသူများက ၀န်ခံခဲ့သည်။
ယခုအချိန်တွင်တော့ ပြည်သူများ၏ လှူဒါန်းမှုကိုသာ မှီခိုနေရသည်ဟု အစိုးရက ပြောကြားခဲ့သည်။ ထို့ပြင် ခန္ဓာကိုယ်အစိတ်အပိုင်း ဘဏ်တစ်ခုကို တည်ထောင်ခဲ့ပြီး သီအိုရီအရ လိုက်ဖက်မှုအရှိဆုံးလူနှင့် အလိုအပ်ဆုံးလူကို ခန္ဓာကိုယ်အစိတ်အပိုင်းများ ဖြန့်ဖြူးရန်အတွက် ဖြစ်သည်။
သို့သော်လည်း ဝေဖန်သူများကမူ ထိုစနစ်မှာ အမြတ်ထုတ်ရန် လမ်းဖွင့်ပေးခြင်းသာဖြစ်ပြီး အဆက်သွယ်ရှိသူများက တန်းစီထားမှုကို ကျော်လွှားရယူနိုင်ကြသည်ဟု ဆိုသည်။
အစိုးရ ရင်ဆိုင်နေရသည့် အကြီးမားဆုံးပြဿနာက ပြည်သူများအား ခန္ဓာကိုယ်အစိတ်အပိုင်းများလှူဒါန်းရန် ဆွဲဆောင်၍မရခြင်း ဖြစ်သည်။
တရုတ်လူမျိုးအများစုက ခန္ဓာကိုယ်မှာ မြင့်မြတ်ပြီး ဘိုးဘေးဘီဘင်များအား လေးစားမှုကို ပြသသည့်အနေဖြင့် ပကတိအတိုင်းမြှုပ်ရမည်ဟု ဆိုသည်။
ထိုအကြောင်းအရင်းကြောင့်ပင် တရုတ်နိုင်ငံမှာ ခန္ဓာကိုယ်အစိတ်အပိုင်းလှူဒါန်းမှုတွင် ကမ္ဘာ့အနိမ့်ဆုံးနိုင်ငံဖြစ်ပြီး လူတစ်သန်းတွင် ၀.၆ ဦးသာ ရှိနေသည်။ စပိန်နိုင်ငံမှာ လူတစ်သန်းလျှင် ၃၇ ဦး လှူဒါန်းကြသည်။
ကျောက်ကပ်ကြီး ပျောက်သွားပြီ
ယခုနှစ်အတွင်း အစားထိုးကုသမှု ၁၂၀၀၀ ကျော်ရှိသည်ဟု တရုတ်အစိုးရက ဆိုသည်။ အကျဉ်းသားများ၏ ခန္ဓာကိုယ်အစိတ်အပိုင်းများကို ထုတ်ယူ၍ အစားထိုးကုသသည့် အချိန်ကထက် အရေအတွက် မြင့်တက်လာခြင်းလည်း ဖြစ်သည်။
ုသို့သော်လည်း ခန္ဓာကိုယ်အစိတ်အပိုင်း လိုအပ်နေသူမှာ ၃ သိန်းနီးပါးရှိသည်ဟု ခန့်မှန်းရသည်။ ထို ၀ယ်လိုအား များပြားမှုက မှောင်ခိုးဈေးကွက်ကြီးတစ်ခုကို ဖြစ်စေခဲ့လေသည်။
သီတင်းပတ်ပေါင်းများစွာ စုံစမ်းမှုများ ပြုလုပ်ခဲ့ပြီးနောက် မိမိ၏ ကျောက်ကပ်ကို ရောင်းစားခဲ့သည့် လူငယ်တစ်ဦးက ၎င်းမှာ မည်သူမည်ဝါဖြစ်ကြောင်း မဖေါ်ပြလျှင် ထိုကိစ္စနှင့်ပတ်သက်၍ ပြောပြမည်ဟု သဘောတူညီခဲ့သည်။
တီရှပ်ကိုမ၍ လျှို့ဝှက်ချက်ဖြစ်သော ချုပ်ရိုးအရာကို သူကပြသည်။ သူ၏ ကျောက်ကပ် ထုတ်ခဲ့သော ချုပ်ရိုးဖြစ်သည်။
အသက် ၂၁ နှစ်အရွယ်ရှိပြီဖြစ်သည့် ၎င်းမှာ လောင်းကစားအကြွေးဆပ်ရန်အတွက် သူ၏ ကျောက်ကပ်ကို ကန်ဒေါ်လာ ၇ ထောင်ဖြင့် ရောင်းခဲ့ခြင်းဖြစ်သည်။
ကျောက်ကပ်ရောင်းချရန် အွန်လိုင်းမှ စီစဉ်ခဲ့ပြီးနောက် မှောင်ခိုသမားများ ကျင်လည်နေသည့် လျှို့ဝှက်ကမ္ဘာကို သူက ပြောပြသည်။
“ပထမဆုံး ကျွန်တော့်ကို့ ဆေးရုံခေါ်သွားပြီး သွေးနမူနာယူတယ်။ ဆေးစစ်ပါတယ်။ အဲဒီနောက် ကျွန်တော့်ကျောက်ကပ်နဲ့ ကိုက်ညီတဲ့သူကို တွေ့တဲ့အထိ ဟိုတယ်တစ်လုံးမှာ ကျွန်တော် သီတင်းပတ်အတော်ကြာ စောင့်ခဲ့ရပါတယ်။ တစ်နေ့မှာ ကျွန်တော့်ကို ကားတစ်စီးက လာခေါ်တယ်။ မျက်လုံးကို အ၀တ်စည်းထားဖို့ ဒရိုင်ဘာက ပြောပါတယ်။ ကြမ်းတမ်းတဲ့ လမ်းတစ်လျှောက်မှာ နာရီဝက်လောက် မောင်းခဲ့ပါတယ်”
“အ၀တ်စည်းထားတာကို ချွတ်လိုက်တဲ့အခါ လယ်တောအိမ်တစ်လုံးမှာ ကျွန်တော်ရောက်နေတာကို သတိပြုမိခဲ့ပါတယ်။ အဲဒီအထဲမှာ ပစ္စည်းကိရိယာအပြည့်အစုံနဲ့ ခွဲစိတ်ခန်းရှိနေပြီး ယူနီဖောင်းဝတ် ဆရာဝန်တွေနဲ့ သူနာပြုတွေလည်း ရှိနေပါတယ်။ ကျွန်တော့် ကျောက်ကပ်ကိုယူမယ့် အမျိုးသမီးကလည်း မိသားစုနဲ့အတူ အဲဒီမှာ ရှိနေပါတယ်။ ကျွန်တော်တို့ စကားတော့ မပြောခဲ့ပါဘူး”
“ကျွန်တော်ကြောက်နေပေမယ့် ဆရာဝန်တွေက ကျွန်တော့်ကို မေ့ဆေးထိုးပေးလိုက်တယ်။ ကျွန်တော်နိုးလာတော့ အခြား လယ်တောအိမ်တစ်ခုကို ရောက်နေပြီး ကျောက်ကပ်ကတော့ ပါသွားပါပြီ။ ၀ယ်တဲ့သူက အသက်လိုချင်တယ်။ ကျွန်တော်က ပိုက်ဆံလိုချင်တယ်လေ”
ထိုကိစ္စမှာ တစ်မူထူးခြားပြီး လွတ်လွတ်လပ်လပ် အတည်မပြုနိုင်သည့် ကိစ္စမျိုးဖြစ်သည်။
သို့သော်လည်း ယခုပြောကြားမှုက လျှို့ဝှက်စွာဖြင့် စစ်ဘက်ပုံစံ ဗျူဟာများကို အသုံးပြုသော မှောင်ခိုကုန်ကူးသူများ၏ ငွေရလွယ်သည့် တရားမ၀င်ကုန်သွယ်မှုအား လှစ်ဟလိုက်ခြင်းပင် ဖြစ်လေသည်။
တရားမ၀င် ကိုယ်ခန္ဓာအစိတ်အပိုင်းများကို ၀ယ်ယူမည့်သူမဟုတ်သူများတွင် လီဟိုင်ကွင်းလည်း တစ်ဦးအပါအ၀င်ဖြစ်သည်။ ညီဖြစ်သူကတော့ မိခင်၏ ကျောက်ကပ်ကို ရရှိခဲ့သည်။
ကျောက်ကပ်အစားထိုးကုသရန်အတွက်မူ လီဟိုင်းကွင်းတစ်ယောက် မျှော်လင့်ချက်မဲ့နေသည်။ သို့သော်လည်း တရားဝင် ရရှိသည့် ကျောက်ကပ်ကိုမှ လက်ခံမည်ဟု သူက ဆိုသည်။
ဘ၀ ဆက်လက်ရှင်သန်ခွင့်ရရေး ခွဲစိတ်မှုအတွက် စောင့်ဆိုင်းနေစဉ် ကျောက်ကပ်ဆေးရန် ဆေးရုံသို့ ၎င်းမှာ တစ်ပတ်လျှင် ၃ ကြိမ် သွားရောက်နေရသည်။
သူ၏ဘ၀က စောင့်စားနေရသည့် ဘ၀မျိုးဖြစ်သည်။ အောင်မြင်သော စီးပွားရေးလုပ်ငန်းတစ်ခုကို တစ်နေ့တွင် တည်ထောင်ရန် သူက မျှော်လင့်ထားသော်လည်း ဘယ်တော့မှ ဖြစ်လာတော့မည်မဟုတ်။ အခြားသူများကဲ့သို့ပင် လီဟိုင်ကွင်းမှာလည်း အစားထိုးကုသခြင်း မပြုရသေးခင် သေဆုံးသွားမည်ကို ကြောက်ရွံ့နေလေသည်။
Ref: BBC
