Blog

သြဂုတ် ၇၊ ၂၀၁၅
M-Media

– ပိုင်နက်အငြင်းပွားမှုများ ရှိနေသည့် တောင်တရုတ်ပင်လယ်အတွင်း ကျွန်းတုများ ဖန်တီးနေမှုအတွက် အမေရိကန်နိုင်ငံခြားရေးဝန်ကြီး ဂျွန်ကယ်ရီက တရုတ်နိုင်ငံအား သတိပေးလိုက်ပြီး ထိုပင်လယ်အတွင်း မည်သည့်ကန့်သတ်မှုကိုမှ အမေရိကန်က လက်ခံမည်မဟုတ်ဟု ထည့်သွင်းပြောကြားခဲ့သည်။

မလေးရှားနိုင်ငံ ကွာလာလမ်ပူမြို့တွင် ယမန်နေ့က ပြုလုပ်ခဲ့သော အရှေ့တောင်အာရှနိုင်ငံများ ဒေသတွင်း ဖိုရမ်တွင် ထိုကဲ့သို့ ပြောကြားခဲ့ခြင်းဖြစ်ပြီး၊ ကျွန်းတုများဆောက်လုပ်ခြင်းဖြင့် ဒေသတွင်း လွတ်လပ်စွာ ရေကြောင်းသွားလာမှုနှင့် လေယာဉ်ပျံသန်းမှုတို့အား တရုတ်နိုင်ငံက နှောက်ယှက်လိမ့်မည်ဟု ဆိုသည်။

“လွတ်လပ်စွာ ရေကြောင်းသွားလာခွင့်နဲ့ လေကြောင်းပျံသန်းခွင့်တို့ဟာ နိုင်ငံတကာ ရေကြောင်းဥပဒေရဲ့ အရေးပါတဲ့ မဏ္ဍိုင်တွေထဲက တစ်ခုပဲ ဖြစ်ပါတယ်။ ဒီလွတ်လပ်ခွင့်ကို လေးစားတယ်ဆိုတဲ့ အာမခံချက်တွေ ရှိနေပေမယ့် ပြီးခဲ့တဲ့လတွေအတွင်းမှာ သတိပေးခံရတာတွေ၊ ကန့်သတ်ဖို့ကြိုးစားတာတွေကို တွေ့ခဲ့ရပါတယ်။ ရှင်းရှင်းပြောရရင် ရေကြောင်းသွားလာမှုနဲ့ လေကြောင်းပျံသန်းခွင့်ကို ကန့်သတ်တာ၊ ပင်လယ်ပြင်ကို အခြားသော ဘောင်ဝင်တဲ့ပုံစံနဲ့ အသုံးပြုတာတွေကို ကန့်သတ်တာမျိုးတွေကို
အမေရိကန်က လက်ခံမှာ မဟုတ်ပါဘူး” ဟု ကယ်ရီက ၎င်း၏ မိန့်ခွန်းတွင် ပြောကြားခဲ့သည်။

တောင်တရုတ်ပင်လယ်အတွင်းရှိ ပိုင်နက်များအား ပိုင်ဆိုင်မှုနှင့်ပတ်သက်၍ တရုတ်၊ ဖိလစ်ပိုင်နှင့် အခြား လေးနိုင်ငံက ဆယ်စုနှစ်များစွာကြာ အငြင်းပွားနေကြပြီး၊ စပရက်တလေကျွန်းစုတွင် တရုတ်က ကျွန်းတုများ ဖန်တီးနေကာ စိုးမိုးရေးလုပ်ငန်းများကို လုပ်ဆောင်နေသည်။

အမေရိကန်ကမူ တရုတ်၏ ထိုလုပ်ရပ်မှာ နိုင်ငံတကာ ဥပဒေနှင့် စံနှုန်းများကို ချိုးဖောက်ခြင်းဖြစ်သည်ဟု စောစောပိုင်းက ပြောကြားခဲ့သည်။

ကယ်ရီမှာ ဗုဒ္ဓဟူးနေ့ကလည်း အဆိုပါဖိုရမ်သို့ တက်ရောက်လာသည့် တရုတ်နိုင်ငံခြားရေးဝန်ကြီး ၀မ်ယီနှင့် တွေ့ဆုံဆွေးနွေးခဲ့ပြီး တရုတ်၏ စိုးမိုးရေးနှင့် ဆောက်လုပ်ရေးလုပ်ငန်းများ၊ စစ်ရိပ်စစ်ငွေ့ပါသည့် လုပ်ဆောင်မှုများကြောင့် တင်းမာမှုများ မြင့်တက်လာသည်ကို အမေရိကန်က စိုးရိမ်ကြောင်း ပြောကြားခဲ့ပြီး ပြဿနာဖြစ်စေမည့် ကိစ္စရပ်များကို ရပ်တန့်ရန် တိုက်တွန်းခဲ့သည်။

ဝမ်ယီကမူ အငြင်းပွားမှုများအတွက် ငြိမ်းချမ်းစွာ ဆွေးနွေးခဲ့ကြသည်ဟု အိုဘားမားနှင့် တွေ့ဆုံအပြီးတွင် သတင်းထောက်များအား ပြောကြားခဲ့သည်။

Ref: PressTV