ဇူလိုင် ၂၅၊ ၂၀၁၅
M-Media
– အင်အားပြင်းထန်သည့် ငလျင်နှစ်ခု၏ဒဏ်ကို ခံစားခဲ့ရသည့် နီပေါနိုင်ငံရှိ ပြည်သူများတွင် အခြေခံလိုအပ်ချက်များ အားနည်းနေခြင်းမှာ အကြီးဆုံး စိုးရိမ်စရာများ ဖြစ်နေပြီး ကလေးငယ်များမှာလည်း ခေါင်းပုံဖြတ် အမြတ်ထုတ်ခြင်း ခံနေရသည်ဟု အကူအညီပေးရေး အဖွဲ့များမှ ယနေ့တွင် ထုတ်ပြန်ခဲ့သည့် အစီရင်ခံစာတွင် ဖော်ပြထားသည်။
ငလျင်လှုပ်ခတ်ပြီးနောက် အကူအညီပေးရေးအေဂျင်စီများမှာ ကလေးများအား တွေ့ဆုံမေးမြန်းမှု ပြုလုပ်ခဲ့ရာတွင် တစ်ကိုရေလုံခြုံမှုမရှိခြင်းနှင့် နေရာ အခက်အခဲများနှင့်ပတ်သက်၍ စိုးရိမ်နေရကြောင်းနှင့် ကလေးငယ်များမှာ သားရိုင်းတိရစ္ဆာန်များ၏ တိုက်ခိုက်ခံရမှုကို ကြောက်ရွံ့နေကြကြောင်း တွေ့ရှိခဲ့ရသည်။ ထို့ပြင် မိန်းကလေးငယ်များအနေဖြင့်လည်း လိင်ပိုင်းဆိုင်ရာ အရှက်ရမှုများ တွေ့ကြုံခံစားရသည့် အန္တရာယ်များလည်း ရှိနေသည်။
“ဟင်းလင်းပြင်မှာ နေရတာက အမြတ်ထုတ်ခံရဖို့ အန္တရာယ်ကို ပိုစေပါတယ်” ဟု ငလျင်ဒဏ်ခံခဲ့ရသည့် ရှင်ဒူပါလ်ချော့ ခရိုင်မှ ဆယ်ကျော်သက် မိန်းကလေးက အကူအညီပေးရေး လုပ်သားတစ်ဦးအား ပြောကြားခဲ့သည်။
နီပေါနိုင်ငံလူဦးရေ၏ ၁၀ ရာခိုင်နှုန်းဖြစ်သည့် ၂.၈ သန်းသော ပြည်သူများမှာ အကူညီများ ချက်ခြင်းလိုအပ်နေသည်ဟု ယခုလအစောပိုင်းက ကုလမှထုတ်ပြန်သော အစီရင်ခံစာတွင် ဖော်ပြထားသည်။ ဧပြီ ၂၅ ရက်နှင့် မေလ ၁၂ ရက်နေ့တွင် လှုပ်ခတ်ခဲ့သော အဆိုပါ ငလျင်များကြောင့် လူပေါင်း ၉၀၀၀ နီးပါး သေဆုံးခဲ့သည်။
အကူအညီပေးရေးအဖွဲ့ ၄ ခုမှ ကလေးငယ်ပေါင်း ၂၀၀၀ နီးပါးကို တွေ့ဆုံမေးမြန်းမှုများ ပြုလုပ်ရာတွင် ငလျင်လှုပ်ခတ်ရာ ဒေသများ၌ ကလေးငယ်များအတွက် အကြံအဥာဏ်ပေးရေး လုပ်ငန်းများ ကျယ်ကျယ်ပြန့်ပြန့် လုပ်ဆောင်နေကြောင်းကိုလည်း တွေ့ခဲ့ရသည်။
“ကလေးငယ် ထောင်ပေါင်းများစွာအတွက် နေရာထိုင်ခင်း မလုံလောက်ပါဘူး။ နေရာထိုင်ခင်း၊ ကျန်းမာရေးနဲ့ ကာကွယ်မှုစတဲ့ အခြေခံလိုအပ်ချက်တွေကလည်း အချိန်နဲ့အမျှ လိုအပ်နေပါတယ်” ဟု Save the Children မှ လူသားချင်းစာနာထောက်ထားမှုဆိုင်ရာ အကြံပေးဖြစ်ပြီး အဆိုပါ အစီရင်ခံစာကို ရေးသားသူဖြစ်သော လူစီယာ ၀ှိုက်တာက ပြောကြားခဲ့သည်။
လေ့လာမှုများကို Save the Children၊ Plan International၊ ယူနီဆက်ဖ်နှင့် World Vision တို့က ပူးပေါင်းဆောင်ရွက်ခဲ့ခြင်း ဖြစ်သည်။
Oxfam အဖွဲ့က ခတ္တာမန်ဒူအနောက်ပိုင်း ဒါဒင်းခရိုင်တွင် သီးခြားပြုလုပ်သည့် လေ့လာမှုတွင် အမျိုးသမီးများနှင့် ဆယ်ကျော်သက်မိန်းကလေးများမှာ လူများစုပြုံနေသော ယာယီနေရာထိုင်ခင်းများတွင် ရုပ်ပိုင်းဆိုင်ရာနှင့် လိင်ပိုင်းဆိုင် အမြတ်ထုတ်မှုအန္တရာယ်များ ခံစားနေရသည်ကို တွေ့ခဲ့ရသည်။
“အထူးသဖြင့် အခြေအနေက ခိုကိုးရာမဲ့တဲ့ တစ်ဦးတည်းသော အမျိုးသမီးတွေအတွက်၊ တစ်ခါတစ်ရံ သီးခြားနေပြီး၊ လူ့အသိုင်းအ၀ိုင်းရဲ့ ဂရုစိုက်မှုကို မရကြတဲ့ မုဆိုးမတွေ၊ တစ်ခုလပ်တွေအတွက် ဆိုးဝါးပါတယ်” ဟု Oxfam မှ ယနေ့တွင်ထုတ်ပြန်သော အစီရင်ခံစာ၌ ဖော်ပြထားသည်။
“ငလျင်ကြီးနှစ်ခုပြီးတဲ့နောက် နေရထိုင်ရတဲ့အခြေအနေမျိုးဟာ သူတို့ရဲ့ စိတ်ဒဏ်ရာကို ပိုပြီး ဆိုးရွားစေပါတယ်” ဟု Oxfam ၏ နီပေါဆိုင်ရာ ဒါရိုက်တာဖြစ်သူ စစ္စလီယာ ကိုင်ဇာက ထည့်သွင်းပြောကြားခဲ့သည်။
Ref: Channelnewsasia
