ဇူလိုင် ၂၂၊ ၂၀၁၅
M-Media
– မြန်မာနိုင်ငံအတွင်းသို့ ၀င်ရောက်ကာ တရားမ၀င် သစ်ခုတ်မှုအတွက် တရုတ်နိုင်ငံသား ၁၅၃ ဦးကို မြန်မာတရားရုံးက ယနေ့တွင် ထောင်ဒဏ် တစ်သက်တစ်ကျွန်းစီ ချမှတ်လိုက်သည်ဟု တရားရုံးတာဝန်ရှိသူတစ်ဦးက ပြောကြားခဲ့သည်။
တရားမ၀င်သစ်ခုတ်မှုအတွက် ဖမ်းဆီးထားသည့် တရုတ်နိုင်ငံသား ၁၅၅ ဦးမှ ၁၅၃ ဦးကို နိုင်ငံမြောက်ပိုင်း ကချင်ပြည်နယ်မြို့တော် မြစ်ကြီးနားရှိ တရားရုံး၌ ယခုကဲ့သို့ အမိန့်ချမှတ်လိုက်ခြင်းဖြစ်ပြီး ၂ ဦးမှာ ထောင်ဒဏ် ၁၀ နှစ်စီ ချမှတ်ခြင်း ခံခဲ့ရသည်။
ပြစ်ဒဏ်ချမှတ်ခံရသူအားလုံးမှာ အယူခံလျှောက်ထားခွင့်ရှိသည်ဟု မီဒီယာများကို ပြောဆိုရန် အခွင့်အာဏာမရှိသဖြင့် အမည်ဖော်ပြခြင်း မပြုခဲ့သည့် တရားရုံးတာဝန်ရှိသူတစ်ဦးက ပြောကြားခဲ့သည်။
ရန်ကုန်မြို့ရှိ တရုတ်သံရုံး တာဝန်ရှိသူများထံမှ ထိုကိစ္စနှင့်ပတ်သက်၍ မှတ်ချက်ရယူနိုင်ခြင်း မရှိသေးဘဲ တရုတ်နိုင်ငံခြားရေး ၀န်ကြီးဌာကလည်း မှတ်ချက်ပေးရန် ပန်ကြားမှုကို ပြန်လည်တုံ့ပြန်ခဲ့ခြင်း မရှိချေ။
အဆိုပါ တရုတ်နိုင်ငံသားများကို အကျိုးအမြတ်များသော တရားမ၀င်သစ်ခုတ်မှု၊ သစ်ရောင်းဝယ်မှုအပေါ် စစ်တပ်၊ ရဲတပ်ဖွဲ့နှင့် သစ်တောရေးရာ ဌာနတို့ ပူးပေါင်းကာ ဆောင်ရွက်သော စစ်ဆင်ရေးအတွင်း ဇန်န၀ါရီလက ဖမ်းဆီးရမိခဲ့ခြင်းဖြစ်သည်။
အဆိုပါစစ်ဆင်ရေးအတွင်း ကားအစီးအရေ ၄၀၀ ကျော်နှင့် သစ်လုံး ၁၆၀၀ တို့ကို ဖမ်းဆီးနိုင်ခဲ့သည်ဟု ထိုစဉ်က နိုင်ငံပိုင်သတင်းဌာနမှ ဖော်ပြခဲ့သည်။
မြစ်ကြီးနားရှိ အကျဥ်းဌာန တာဝန်ရှိသူတစ်ဦးကလည်း အဆိုပါ ပြစ်ဒဏ်ချမှတ်မှုကို အတည်ပြုခဲ့သည်။
တရုတ်နိုင်ငံနှင့် ကပ်လျက်ရှိသော မြန်မာနယ်စပ်တစ်လျှောက်ရှိ ဒေသများမှာ တရုတ်နိုင်ငံ၏ သစ်လိုအပ်ချက်ကို ဖြည့်ဆည်းပေးရန် တရားမ၀င်သစ်ရောင်းဝယ်မှု ဒုစရိုက်နယ်မြေများ အချိန်အတော်ကတည်းက ဖြစ်နေခဲ့သည်။ ထို့ပြင် မြန်မာနိုင်ငံမှ ကျောက်စိမ်းအများအပြားမှာလည်း တရုတ်နိုင်ငံအတွင်းသို့ တရားမ၀င် ကုန်ကူးခြင်း ခံနေရသည်ဟု ယုံကြည်ရသည်။
ယခုနှစ် ဇန်န၀ါရီလမှစ၍ တရားမ၀င်ခုတ်လှဲထားသော သစ်တန်ချိန် တန်ပေါင်း ၁၀၀၀၀ ကို ဖမ်းဆီးရမိထားပြီး အများစုမှာ ကချင်ပြည်နယ်မှဖြစ်သည်ဟု သဘာဝပတ်ဝန်းကျင်နှင့် သစ်တောထိန်းသိမ်းရေး ၀န်ကြီးဌာနမှ လက်ထောက်ဝန်ကြီး အေးမြင့်မောင်က ပြီးခဲ့သည့် ဇွန်လတွင် လွှတ်တော်၌ တင်ပြခဲ့သည်။
Ref: Straitstimes
